Daily Murli for Sunday 3 May 2026

03-05-26 praatahmurli om shanti ''avyakt-baapdaada'' revise 18-01-10 madhuban

brahma baap samaan nashtomoha smriti swaroop banne ke liye, man ka time-table banaakar karma karte karmayogi ashareeri banne ka abhyaas karo

aaj chaaron or ke bachchon mein vishesh sneh samaaya hua hai। aaj ke din ko kehte hi hain smriti divas। baapdaada ne amritvele se chaaron or dekha, chaahe desh mein, chaahe videsh mein sabhi bachchon ke dil mein baap ke sneh ki tasveer dikhaai di। aur baap ke dil mein bhi har ek bachche ke sneh ki tasveer samaai hui thi। aaj ke din ko vishesh sneh ka, smriti ka divas kehte ho। baapdaada ne amritvele se bhi pahle bachchon ke taraph se anek sneh ke motiyon ki maalaayen dekhi। har ek bachche ke dil mein automatic yeh geet baj raha hai - “mera baba, brahma baba, meetha baba'' aur baapdaada ke dil mein yeh geet baj raha hai - “meethe bachche, pyaare bachche।'' aaj har ek ke andar aur shaktiyon ke sivaae sneh ki shakti jyaada samaai hui hai। yeh parmaatma sneh, eeshvareey sneh sirf sangamayug par hi anubhav hota hai। yeh parmaatma sneh anubhvi hi jaane, jo har ek bachche ko sahajyogi bana deta hai। baapdaada ne dekha sarva bachchon mein sneh ka anubhav bahut-bahut samaaya hua hai। aap sabke janma ka aadhaar sneh hai। aisa koi bhi bachcha nahin dikhaai deta, aur shaktiyaan kam bhi hon lekin baap ka sneh ya nimitta bani hui vishesh aatmaon ke sneh ka anubhav majority sabhi ke dil mein, chehre mein dikhaai deta hai। abhi aap sabko aaj vishesh yahaan tak kisne pahunchaaya? kis vimaan mein aaye? train mein aaye ya vimaan mein aaye? sabki soorat mein sneh samaaya hua hai to sneh ke plen se pahunch gaye na। kuchh bhi karna pada lekin sneh ke plen mein sabhi pahunch gaye ho।

aaj ke din ko smriti divas kaha jaata hai lekin smriti divas ke saath-saath samarthi divas bhi kaha jaata hai। aaj ke din ko taajposhi ka din bhi kaha jaata hai kyonki aaj ke din baapdaada ne vishesh brahma baap ne nimitta bane hue mahaaveer bachchon ko vishwa seva ka taaj pahnaaya। brahma baap khud unknown hue aur bachchon ko vishwa seva ke smriti ka tilak diya। bachchon ko karanhaar banaaya aur svayan karaavanhaar banen। apne samaan pharishte roop ka vardaan dekar light ka taaj pahnaaya aur baapdaada ne jo taaj, tilak ka vardaan diya, usi pramaan bachchon ka kartavya dekh khush hai। bachchon ne seva ka vardaan kaarya mein laaya, yeh dekh baapdaada khush hai। abhi tak jo part bajaaya hai aur aage bhi bajaana hai, uski padamguna brahma baap vishesh mubaarak de rahe hain। vaah bachche vaah! videsh mein bhi chakkar lagaaya to kya dekha? har bachcha sneh mein samaaya hua hai, to baap dvaara samarthiyaan mili hain kyonki yeh din vishesh sneh se samarthiyon ka vardaan praapta karne ka din hai। baapdaada ne dekha koi-koi bachche bahut achhe yaad ki lagan mein, seva mein lage hue hain। amritvela bahut achhi reeti se anubhav karte hain। ashreereepan ka bhi anubhav karte hain lekin jab karmayogi banne ka samay aata hai to donon kaam yogi ka bhi aur karma ka bhi, do kaam ikattha karne mein pharka pad jaata hai। purushaartha karte hain ki karma aur yog ka balance ho lekin jaise amritvele shaktishaali avastha ka anubhav karte hain, vaise karma mein pharka pad jaata hai, mehnat karni padti hai aur baapdaada ne sabhi bachchon ko kah diya hai ki vishwa ka vinaash achaanak hona hai, agar saara din attention ke bajaae, kisi bhi dhaarna ki kami hone ke kaaran karmayogi ki stage mein pharka aata hai। to vishwa ke vinaash ki date to baapdaada announce nahin karenge lekin apna jeevan kaal samaapta kab hona hai, yeh maaloom hai? koi ko maaloom hai ki mera mrityu phalaani date par hona hai, hai maaloom? woh haath uthaao। achaanak kuchh bhi ho sakta hai, koi prakriti ka kaaran banta hai to kitne ka mrityu saath mein ho jaata hai। to vishwa ke date ke sankalp se albela nahin banna। aapki jagdamba ka slogan tha - to kabhi bhi kab nahin kaho, ab। kal kuchh bhi ho jaae lekin mujhe ever-ready rehna hi hai। to itni taiyaari sabke attention mein hai? apna karmon ka hisaab chuktu kiya hai? chaar hi subject gyaan, yog, seva aur dhaarna, chaar hi taraph, chaaron mein aisi taiyaari hai? poora behad ke vairaagya ka anubhav check kiya hai? apni dil mein yeh check kiya hai ki ever ready hain? nashtomoha smriti swaroop kyonki brahma baap ne bhi svayan ko purushaartha karke aisa banaaya jo anubhvi bachchon ne dekha, koi bhi taraph yeh vaataavran nahin tha, koi hisaab kitaab ka, achaanak ashareeri banne ka abhyaas ashareeri banaakar ud gaye। koi ne samjha ki brahma baap jaane vaale hain? lekin nashto-moha, bachchon ke haath mein haath hote kahaan aakarshan rahi? pharishta ban gaye। bachchon ko pharishte banaane ka tilak de gaye। iska kaaran bahut samay ashreereepan ka abhyaas raha। kai anubhvi bachche jo saath rahe hain unhonne anubhav kiya, karma karte karte aise ashareeri ban jaate। to yeh jo karmayog mein antar pad jaata hai, iska kaaran karma karte yeh smriti mein emerge nahin hota, main aatma hoon, yeh to sab jaante hi hain lekin main aatma, kaun si aatma hoon? main karaavanhaar aatma hoon aur yeh karmendriyaan karanhaar hain, yeh karaavanhaar ka svamaan karma karte smriti swaroop mein rahe, chaahe karmendriyon se karma karaana hai lekin main karaavanhaar hoon, maalik hoon, is seat par agar set hai to koi bhi karmendriy order mein rahegi। bina seat par set hote koi kiska nahin maanta। to karaavanhaar aatma hoon, yeh karmendriyaan karanhaar hain, karaavanhaar nahin hain।

jaise brahma baap ka anubhav suna ki brahma baap ne shuru mein yeh abhyaas kiya jo roz din ki samaapti ke samay in karmendriyon ki raaj darbaar lagaate the। puraane bachchon ne woh diary dekhi hogi to roz darbaar lagaate the aur karaavanhaar maalik ban har karmendriyon ka samaachaar lete the, dete the। itna attention shuru mein hi brahma baap ne bhi diya to aapko bhi karaavanhaar maalik samajh karmendriyon se karma karvaana hai kyonki aatma raaja hai yeh karmendriyaan saathi hain। to yeh check karna chaahiye ki aaj ke din vishesh man-buddhi sanskaar, svabhaav kaho sanskaar kaho inhon ka kya haal raha? aur phauran check karne se karmendriyon ko attention rehta hai ki hamaara raaja hamaara haalchaal lega, to aatma raaja karanhaar karmendriyon se karaavanhaar ban check karo। nahin to dekha gaya hai kai bachche kehte hain ki ham karmendriyon ko order karte hain lekin phir ho jaata hai। purushaartha karte hain lekin koi-koi sanskaar ya svabhaav order mein nahin rehte। uska kaaran is apne svamaan ki seat par set nahin rehte। bina seat par baithne ke order kitna bhi karo to order maanne vaale maante nahin hain। to karma karte apne karaavanhaar maalikpan ki seat par set raho। kai bachche yeh bhi baapdaada se rooh-rihaan karte ki baba aapne humein sarva shaktivaan banaaya, shaktivaan bhi nahin sarvashaktivaan ka vardaan har ek bachche ko brahman janma lete hue diya hai, yaad hai apne janma ka vardaan! har ek bachche ko baap ne master sarvashaktivaan bhav ka vardaan diya hai। kisne vardaan diya? almighty authority ne। lekin complain karte hain ki jis samay jo shakti chaahiye woh aati nahin hai। order nahin maanti hai। woh kyon? jab almighty authority ka vardaan hai, usse bada koi nahin। to vardaan ke sthiti mein sthit rahkarke agar order karo to ho nahin sakta ki aap order karo aur shakti nahin maanen। ek to aatma maalik hai, sarvashaktivaan ka vardaan mila hua hai, us swaroop mein sthit hoke maalik hoon, vardaan hai, donon swaroop ki smriti ke sthiti mein rahke order karo। shakti aapka nahin maanen asambhav kyonki vardaan aur baap ke property ka adhikaar hai। sangamayug par aap sabko sarvashaktivaan ka title mila hai sirf us sthiti mein sthit nahin rehte, sada nahin rehte। kabhi-kabhi aa jaata hai। yeh kabhi shabd apne brahman dictionary se nikaal do। abhi abhi haazir। aap kehte ho na ki baba aapko ham yaad karte hain to aap haazir ho jaate hain। hai anubhav? haath uthaao। anubhav hai? abhi dekho, haath to utha rahe ho। baap haazir ho jaata, hazoor haazir ho jaata, to yeh shakti kya hai? yeh shaktiyaan bhi aapko baap ke property mein mili hain। to maalik banke order karo। maalik banke order nahin karte ho, shakti kho jaati hai na to usi sthiti mein rehte hue order karte ho, to maalik hi nahin hai order kyon maanen!

baapdaada abhi kya chaahte hain? pata hai na! baap abhi yahi chaahte hain ki mera ek-ek bachcha karma karte hue bhi raaja bachcha ban, svaraajya adhikaari ban svaraajya ki seat ko nahin chhode। to raaja saara din raaja hi hota hai na! ki kabhi raaja hota hai, kabhi nahin। takhta par baithna ya nahin baithna woh alag baat hai lekin ghar mein bhi rehte main raaja hoon, yeh to nahin bhoolta। to karmayogi aur amritvele ke yathaartha yog shaktishaali sthiti usmein pharka nahin padna chaahiye। double kaam hai lekin aap kaun ho? aap to vishwa ke parivartak ho, vishwa kalyaankaari ho isliye baap yahi chaahte ki chalte-phirte raajaapan nahin bhoolo, seat ko nahin chhodo। bina seat ke koi order nahin maanta। aajkal dekho seat ke peechhe kitna kuchh karte hain? apna hak lene ke liye kitna prayatna karte। apna hak koi chhodne nahin chaahta। to aap apna parmaatma hak main kaun! har samay jo kaam karte ho to kaam karte bhi apne man ka timetable banaake rakho। yeh kaam karte hue man ka svamaan kya rahega? aaj ke din kaun sa lakshya rakhoonga? har kaam ke time jo bhi apne svamaan ki list hai, bhale bhinna-bhinna timetable banaao jaise sthool karma ka timetable fix karte ho vaise man ka timetable fix karo। maaloom to hai is samay yeh kaam karna hai, uske saath svamaan kaun sa rakhna hai? maalikpan ka adhikaar kis svamaan ke roop mein rakhna hai, yeh man ka timetable banaao। timetable banaane aata hai na! maataaon ko aata hai? maataayen apna aapehi programme banaao। achha khaana banaana hai, us samay kaun sa svamaan apni buddhi mein emerge rakhna hai। bahut maala hai svamaan ki। itni badi maala hai jo svamaan ginti karte jaao aur maala mein sama jaao। to abhi bahutkaal ka abhyaas chaahiye। koi-koi bachche kehte hain, abhi tak to vinaash ka kuchh dikhaai nahin deta hai। abhi to date fix nahin hai, kar lenge, ho jaayega, yeh albelaapan hai। sandesh dene mein bhi vishwa kalyaankaari hain, to kai bachche samajhte hain abhi samay pada hai, aage chalke sandesh de denge, lekin nahin। jinko peechhe sandesh denge woh bhi aapko ulhana denge, kya ulhana denge? aapne pahle kyon nahin bataaya to ham bhi kuchh kar lete the, abhi aapne last mein bataaya। to ham to sirf pahchaan kar aho prabhu teri leela apaar hai, yahi kah sakenge। pad to pa nahin sakenge। kyon? bahut samay ka bhi sahayog chaahiye। aap sabhi vaaris baithe ho na! jo apne ko samajhte hain ham vaaris hain, woh haath uthaao, vaaris hain? achha, vaaris hain to aapko full varsa paana hai ya thoda? sabhi kahenge full varsa paana hai। to full varsa hai 21 janma poore, aadi se ant tak royal praja nahin, royal family mein aana। raajya family mein aana। takhta par to ek hi baithenge na, yugal baithenge। lekin vahaan ki sabha jab bhi lagti hai to royal family ke vishesh nimitta aatmaayen woh taajdhaari banke baithte hain। bina taaj nahin baithte hain। aur har kaarya mein salaah, raay dene vaale, aise nahin ki sirf woh raajya karega, saath mein raay se hi karte hain isliye agar sampoorn varsa lena hai to pahle janma se leke ant tak 21 janma poore, aadhe bhi nahin, beech mein to jaana nahin hai, akaale mrityu to hona nahin hai। to poora varsa lena hai ki thode mein khush hona hai? aapki maateshvari jagat amba sada yeh lakshya rakhti thi baapdaada ne jo shreemat di chaahe mansa, chaahe vaacha, chaahe karmana, jo bhi shreemat di woh humein karna hi hai। aise poora varsa lene vaale yahi lakshya buddhi mein rakho ki achaanak, ever ready aur bahut samay, teenon hi shabd saath mein yaad rakho isliye baapdaada ka sabhi aashaaon ke deepak bachchon prati yahi vardaan hai ki sada yeh teenon hi shabd yaad rakhkar sabhi aashaaon ke deepak banne ka pratyaksha saboot dikhaao। achha।

foreign vaale bhi mansa seva se sahayogi hain na! baapdaada ne dekha ki vriddhi sab dharmon mein ho rahi hai, ek dharma nahin sirf hindu nahin lekin muslim, Buddhist, Christian sab dharma dheere-dheere aadhyaatmikta mein roochi le rahe hain। pahle dekho brahmaakumaariyon ka naam sunke darte the, vinaash-vinaash kya kehti hain। aur abhi kya kehte hain? abhi kehte hain bataao vinaash kab hoga, kaise hoga aur kya karen? isliye hona to hai hi, yeh to guarantee hai। aap sabko guarantee hai na chaahe videsh vaale chaahe bhaarat vaale guarantee hai na! baapdaada ne sirf jo ishaara diya hai ki purushaartha ko teevra karo। purushaartha nahin, purushaartha ka samay gaya, abhi teevra purushaartha ka samay hai। aur kabhi-kabhi par nahin thahro, abhi। abhi karna hai, abhi banna hai। to hona hi hai। achha।

chaaron or ke teevra purushaarthi, sada umang-utsaah se kadam aage badhaane vaale bachchon ko baapdaada smriti divas ki yaadapyaar de rahe hain। baapdaada ke dil mein har bachcha samaaya hua hai aur har bachche ki dil mein baap samaaya hai, baap ki dil mein bachcha samaaya hai, to mubaarak ho, mubaarak ho aur mubaarak ke saath namaste bhi।

vardaan:- powerful sthiti dvaara rachna ki sarva aakarshanon se door rahne vaale master rachayita bhav

jab master rachayita, master knowledgeful ki powerful sthiti va nashe mein sthit rahenge tab rachna ki sarva aakarshanon se pare rah sakenge kyonki abhi rachna aur bhi bhinna-bhinna rang-dhang, roop rachegi isliye abhi bachpan ki bhoolen, albelepan ki bhoolen, aalasya ki bhoolen, beparvaahi ki bhoolen jo rahi hui hain - unhein bhool kar apne powerful, shakti-swaroop, shastradhaari swaroop, sada jaagti jyoti swaroop ko pratyaksha karo tab kahenge master rachayita।

slogan:- man ki sthiti mein aisa hard bano jo koi bhi paristhiti use pighla na de।

ye avyakt ishaare - sada achal, adol, ekras sthiti ka anubhav karo

kisi bhi vaataavran mein, vaayumandal mein raho lekin sthiti sada achal-adol ekras ho। kabhi nimitta bane hue koi raay dete hain, unmein kanaphyooz nahin hona, kyonki jo nimitta bane hain woh anubhvi ho chuke hain। agar unka koi direction spashta nahin bhi hai to bhi halchal mein nahin aana। dhairya se kaho isko samajhne ki koshish karenge tab sthiti ekras achal, adol rahegi।