Daily Murli for Sunday 26 July 2026

26-07-26 praatahmurli om shanti ''avyakt-baapdaada'' revise 02-02-11 madhuban

apne bhaagya aur praaptiyon ko smriti mein rakh sada harshit va santushta raho, drishti vritti aur pravritti dvaara santushtata ka anubhav karaao

aaj baapdaada sabhi bachchon ko dekh khush ho rahe hain। har ek bachcha parmaatma pyaar dvaara pahunch gaye hain। to aaj baapdaada har ek bachche ke mastak mein bhaagya ki rekhaayen dekh rahe hain। aisa bhaagya aur itna bada bhaagya saare kalpa mein kisi ko praapta nahin hai kyonki aapko bhaagya dene vaala svayan bhaagya daata hai। har ek ke mastak mein pahle to chamakta hua sitaara ka bhaagya chamak raha hai। mukh mein madhur vaani ki rekha chamak rahi hai। hothon par madhur muskaan ki rekha chamak rahi hai। dil mein dilaaraam baap ke lavleen ki rekha chamak rahi hai। haathon mein sarva khajaanon ke shreshthata ki rekha chamak rahi hai। paanv mein har kadam mein padam ki rekha chamak rahi hai। abhi socho aisa bhaagya aur kiska hua hai! isliye aapke yaadgaar chitron ka bhi bhaagya varnan hota rehta hai। aur yeh bhaagya svayan bhaagyavidhaata ne har ek bachche ka banaaya hai।

baapdaada har bachche ka bhaagya dekh har bachche ko mubaarak de rahe hain - vaah bachche vaah! aur yeh bhaagya is sangam par hi milta hai aur chalta hai। sangamayug ka sukh sab yugon se shreshtha hai। satayug ka bhaagya bhi sangam ke purushaartha ki praalabdha hai isliye sangamayug ki praapti satayug ki praalabdha se bhi jyaada hai। apne bhaagya mein kho jaao। kuchh bhi hota rahe, apna bhaagya smriti mein laao to kya nikalta hai? vaah mera bhaagya! kyonki svayan bhaagya daata aapka baap hai। to bhaagya daata dvaara har ek ko apna bhaagya mila hai। jaante ho ki ham itne bhaagyavaan hain ki kabhi-kabhi jaante ho, sada nasha rehta hai? duniya vaale to dekhkar poochhte hain aapko kya mila hai? aur aap log uttar kya dete ho? jo paana tha woh pa liya। pa liya hai, haath uthaao। pa liya hai, achha। pa liya hai? phalak se kehte ho, koi apraapta vastu hi nahin, hai na phakhur? aur mila kaise? sirf baap ko jaana, maana, apna banaaya to bhaagya mil gaya। is bhaagya ko jitna smriti mein laate rahenge utna harshit hote rahenge। bhaagyavaan aatma ka chehra sada harshit rahega। rahega nahin rehta hai। unki drishti, unki vritti aur unki pravritti sada santushta aatma ban svayan bhi santushta rahegi aur doosron ko bhi santushta banaayegi। to aap sabko santushtata ka nasha rehta hai? kyonki santushtata ka aadhaar hai sarva praapti। apraapti asantushtata ka aadhaar hai। to aap kya anubhav karte ho? apraapta koi vastu hai ki sarva praapti hain? praapti ka nasha hai? hai, sada hai ya kabhi-kabhi hai? vaise to yahi kehte ho pa liya jo paana tha। to jahaan sarva praapti hai vahaan asantushtata ka naam nahin hai।

to baapdaada aaj desh videsh, kitne deshon se sabhi bachche aake ikatthe hue hain lekin sabse door se aane vaala kaun? kya America vaale door se aaye hain? America vaale door se aaye hain na! aur baap kahaan se aaya hai? America to isi lok mein hai lekin baapdaada kahaan se aaye hain? paramdham se, brahma baap bhi sookshm vatan se aaye hain। to kaun door se aaya? sabse door kaun? yeh hai baap aur bachchon ke pyaar ka nazaara। aapne kaha mera baba aur baap ne kaha mera bachcha। sirf ek ko jaanne se kitna varsa mil gaya। duniya vaale sukh ke liye, shanti ke liye dhoondh rahe hain - kahaan shanti milegi, kahaan sukh milega aur aapki jeevan hi sukh shanti sampanna ho gai। baapdaada se poochhte ho na ki baapdaada kya chaahte hain? to baapdaada har bachche se yahi chaahte hain ki har ek bachcha sada svaraajya adhikaari banke rahe। kabhi-kabhi nahin kyonki abhi ke svaraajya adhikaar ka vardaan baap ne is sangamayug ke liye poora diya hai, thoda nahin, kabhi-kabhi vaala nahin, sada। to socho sada ke liye svaraajya adhikaari ban rehte ho? kyonki baapdaada ne sunaaya ki in sabhi karmendriyon ke, man buddhi sanskaar ke bhi maalik ho। sabke liye mera shabd bolte ho, main nahin bolte ho, mera bolte ho। to man buddhi sanskaar mera hai to mere ke oopar sada adhikaar rehta hai। aise man buddhi sanskaar ke oopar poora hi adhikaari ho, isko kaha jaata hai svaraajyadhaari। jo order karo usi pramaan yeh kaarya karne ke liye nimitta hain। lekin iske liye chalte phirte kaarya karte maalikpan ka nasha hona chaahiye। nishchay aur nasha।

ab to aatmaon ko mansa dvaara bhi seva dene ka samay hai। chillaate rehte, he poorvaj humein thoda sa sukh shanti ki kirnen de do। to he poorvaj duhkhiyon ki pukaar sunaai deti hai na! baapdaada ne ishaara de diya hai ki kuchh bhi aapda achaanak aani hai, iske liye second mein fullstop। woh practice bhi kar rahe ho kyonki us samay purushaartha ka samay nahin hoga, abhyaas karen, lagaao fullstop aur ho jaae aashcharya ki maatra, isliye purushaartha ka samay abhi mila hua hai। us samay practical karne ka samay hai, to abhi se is abhyaas ko kar bhi rahe hain, baapdaada result dekhte hain, attention mein hai, kar bhi rahe hain lekin aur bhi attention ko underline karo। dekho purushaartha kitna sahaj hai, main bhi bindi, lagaana bhi bindi hai sirf attention dena hai।

baapdaada vishesh bachchon ko saugaat dete hain bachche main aapke sada saath hoon। baba kaha aur bachchon ke liye baap sada haazir hai। jo kaha gaya hai hajoor haazir hai, sarvavyaapi nahin hai lekin bachchon ke aage hajoor haazir hai। to sada vijayi banna, jahaan bhagwan saath hai vahaan vijayi banna kya mushkil hai। vijay aapka janma siddha adhikaar hai। sirf mera baba kaha to vijayi hai hi isliye sada vijayi banna, jo yaad mein rehta uske liye ati sahaj hai। mushkil nahin। jahaan bhagwan hai vahaan vijay hai hi। to aaj baapdaada sabhi bachchon ko dekh khush ho rahe hain ki kitne sneh se, kaun se saadhan se aaye hain? train mein ya plen mein, woh to shareer ke dvaara pahunch gaye hain lekin dil se to pyaar aapko yahaan laaya hai। himmat aapki hai to madad baap ki hai hi। abhi baapdaada yahi chaahte hain ki har bachcha har karma mein apne svaraajya ki seat par sthit rahe। achha।

aaj pahle baari kaun aaye hain, woh haath uthaao। khade ho jaao। bahut hain। achha, jaise pahle baari aaye ho vaise pahla number jaana hai na। jaana hai? baba ka vardaan hai ki jo himmat rakhega usko baap ki madad bhi milegi aur himmat se jitna bhi aage badhne chaaho woh chance hai kyonki toolate ka board nahin laga hai। yaad mein raho aur jo praapta hua hai usse auron ki seva karo। jitni seva karenge utni duaayen milengi aur woh duaayen aapko aage badhaati rahengi। sandesh dete jaao baaki har ek ki takdeer। lekin aap sandesh de do। punya apna jama karte raho। to punya aapko aage badhaata rahega। achha।

baapdaada amritvele sabhi taraph chakra lagaate hain, unke liye chakra lagaana kya badi baat hai। aur baapdaada ne yeh bhi kah diya hai ki chaar baje ke milan ki visheshta yeh bhi hai ki 4 baje baapdaada sabhi bachchon ko sahaj hi vardaan dete hain। vardaan daata ka vishesh part amritvele hota hai। jo bhi vardaan chaahiye woh baapdaada de dete hain। trial karke dekhna। lekin aap sabhi bhi vardaan lene ke liye alert rehna। agar alert nahin rahe to baapdaada chakra lagaake chala jaayega aur aap sochte rahenge isliye amritvele ka mahatva dete to hain lekin aur attention dena। baapdaada ne dekha hai ki samay anusaar seva bhi badh rahi hai aur seva ke kaaran baap se vardaan lena usse door rah nahin sakte। baaki double foreigners majority purushaartha karte bhi hain phir bhi attention ko underline karna। baaki madhuban mein kaise bhi pahunch jaate ho baapdaada uski vishesh sabhi bachchon ko mubaarak de rahe hain। baapdaada ne suna ki jo baapdaada ne sanskaar ke oopar ishaara diya hai, uske oopar samajhte hain ki humein karna hi hai aur karne ke liye roz amritvele jaise svamaan rakhte hain uske saath-saath bhinna-bhinna prakaar se koi ek sanskaar ke oopar attention do, aaj ke din is sanskaar ke oopar vishesh attention dena hai aur phir raatri ko jab baapdaada ko apna saare din ka chart dete ho us samay us sanskaar ki result bhi vishesh sunaao to vishesh attention ho jaayega। kisi na kisi sanskaar ke oopar attention rakhna hai। to jaise yaad ke oopar attention dete ho uske saath-saath usi samay yeh bhi result baapdaada ko do। agar maano aap chaahte ho lekin us din aapke saamne koi sanskaar mitaane ka kaarya nahin hua, to apne aapko baap ki mubaarak dena aur roz aise baap ki mubaarak vishesh is sanskaar prati lete jaana to sanskaar kaarya mein aane mein kami padti jaayegi। to jaise yog ke baare mein check karte ho vaise sanskaar ke liye bhi check karo। sanskaar roz nahin aata hai, kabhi-kabhi aata hai, jo purushaarthi hain unka bychance paper aata hai, baaki roz nahin aata hai। lekin checking roz hogi to yeh bhi attention tension ko khatma karta jaayega kyonki baapdaada ne dekha hai foreign vaalon mein se koi-koi bachche koi kaarya shuru karte hain to attention dete hain। to attention dene vaale hi mukti praapta kar sakte hain। baba ka bhi vardaan hai। samjha। abhi iske peechhe lag jaayenge na, roz result ki checking karenge na to sanskaar svayan hi dheela ho jaayega। aur jo baapdaada chaahta hai ki sanskaar ki subject mein number one jaao, jo sanskaar chaahte ho vahi kaarya mein lage। ho jaayega। attention mein aaya hai na to ho jaayega। lekin aise nahin ho jaayega, attention dena padega। sangathan mein hi yeh sanskaar nikalte hain, kyon? aapke chitron mein jo pooja karte hain woh aapke sanskaar kitne achhe gaate hain। to bane hain tabhi to varnan karte hain। apna devtaai chitra emerge karo kya gaate hain? aise devta to banna hi hai na। achha।

baaki sab double videshi purushaartha mein saphalta ka anubhav karte rehte hain na! karte hain? haath uthaao jo saphalta anubhav karte hain। vaah! haath to achhe utha rahe hain। to lakshya rakhenge abhi iske peechhe attention dena hi hai। ismen bhi number lena hi hai। to aapko dekh auron ko bhi umang aayega kyonki aap nimitta ho na। aur nimitta vaalon ko baapdaada ki vishesh madad bhi milti hai। baaki baba khush hai ki centres vriddhi ko praapta hote rehte hain। purushaartha ki taraph attention hai lekin abhi parivartan ke nimitta banne vaale bano to aapko dekh auron ko bhi parivartan shakti ka umang aayega। baaki baapdaada khush hai ki purushaartha mein nambarvaar to hote hi hain, woh to understood hai lekin purushaartha ki taraph attention hai, aur badhaana hai। baaki baapdaada ki roz yaadapyaar to milti rehti hai। dekho, ghar baithe bhi baapdaada ki yaadapyaar ek din bhi miss nahin hoti, agar roz vidhipoorvak murli padhte hain to। ek din bhi yaadapyaar miss nahin karte। milti hai na! milti hai? roz yaadapyaar milti hai। sabhi ko milti hai na? yeh hai baapdaada ke pyaar ki nishaani। murli miss to yaadapyaar bhi miss। sirf murli nahin miss ki lekin baapdaada ka yaadapyaar, vardaan sab miss kiya। murli to padh bhi lenge lekin jo samay fix hai baapdaada ki yaad-pyaar lene ka, woh to miss hua na। to umang hai is par baapdaada khush bhi hai। achha, murli miss karne vaale hain? double foreigners mein hain, koi hai jo murli miss karta ho? kaaran se? nahin hai। nahin miss karte। ek ne haath uthaaya hai। abhi miss nahin karna, murli miss nahin karna। chaahe phone dvaara suno। padh nahin sakte hain to kaise bhi suno zaroor। haaziri zaroor lagaao। achha। baaki jo bhi sabha mein aaye hain, naye bhi hain puraane bhi hain to yeh pakka pakka pakka note karo murli nahin miss karni hai kyonki baap roz paramdham se aate hain, kitna door se aate hain, bachchon ke liye aata hai na! jaise baap murli miss nahin karte, aise bachchon ko bhi murli miss nahin karna hai। achha।

abhi jo madhuban mein aata hai na, to jaise form bharte hain, usmein yeh bhi likho ki murli roz suni ya kitne din miss kiya? manjoor hai? jisko manjoor hai woh haath uthaao। madhuban vaale bhi haath uthaao। kisi bhi kaaran se murli miss nahin karni hai। jaise khaana nahin miss karte ho to yeh bhi bhojan hai na। woh shareer ka bhojan, yeh aatma ka bhojan। achha laga। jo naye bhi aaye hain, aane ko to mila hai na। unhon ko bhi yeh niyam paalan karna hai। jaise aur niyam hain vaise yeh bhi niyam hai। brahman maana murli sunne vaala, seva karne vaala। achha।

abhi sabhi taraph ke bachchon ko baapdaada yaadapyaar ke saath mubaarak bhi de rahe hain। sada umang utsaah mein aage badh bhi rahe ho aur badhte rehna। kabhi apna umang-utsaah kisi bhi kaaran se, kisi bhi baat se kam nahin karna। baat, baat ho jaati hai lekin purushaartha aur baap ka pyaar woh apna hai iseelie kabhi bhi apne buddhi ko baap ke bina aur koi baaton mein busy nahin karna। baap aur baap ki murli aur baap dvaara service jo mili hai woh service karte rehna। achha। abhi kya kahen, saath to rehna hai na। to chhutti lete hain, yeh bhi nahin kah sakte। saath rahenge, saath chalenge aur saath aayenge। achha। abhi samaapti।

vardaan:- shakti roop ki smriti dvaara patit sanskaaron ka naash karne vaale kaali roop bhav

sada apna yeh swaroop smriti mein rahe ki main sarva shastradhaari shakti hoon, mujh patit-paavni par koi patit aatma ke nazar ki parchhaai bhi nahin pad sakti। patit aatma ke patit sankalp bhi na chal saken - aisi apni brake powerful chaahiye। yadi kisi patit aatma ka prabhaav padta hai - to iska arth hai ki prabhaavshaali nahin ho। jo svayan sanghaari hain woh kabhi kiska shikaar nahin ban sakte। to aisa kaali roop bano jo koi bhi aapke saamne aisa sankalp bhi kare to unka sankalp moorchhit ho jaae।

slogan:- royal roop ki ichchha ka swaroop naam, maan aur shaan hai।

ye avyakt ishaare - jvaalaasvaroop sthiti mein rah shaktishaali yaad ka anubhav karo

saarthi arthaat aatma-abhimaani kyonki aatma hi saarthi hai। brahma baap ne is vidhi se number one ki siddhi praapta ki। to follow father karo। jaise baap deh ko adheen kar pravesh hote arthaat saarthi bante hain deh ke adheen nahin hote, isliye nyaare aur pyaare hain। aise hi aap sabhi brahman aatmaaen bhi baap samaan saarthi ki sthiti mein raho। saarthi svatah hi saakshi ho kuchh bhi karenge, dekhenge, sunenge aur sab-kuchh karte bhi maaya ki lep-chhep se nirlep rahenge।