Daily Murli for Friday 23 October 2026

23-10-2026 praatahmurli om shanti "baapdaada"' madhuban

“meethe bachche - blood connection mein hi duhkh hai, tumhein uska tyaag kar aapas mein aatmik lav rakhna hai, yahi sukh aur aanand ka aadhaar hai''

prashn:- vijay maala mein aane ke liye vishesh kaun sa purushaartha chaahiye?

uttar:- vijay maala mein aana hai to vishesh holi (pavitra) banne ka purushaartha karo। jab pakke sannyaasi arthaat nirvikaari banenge tab vijay maala ka daana banenge। koi bhi karmabandhan ka hisaab-kitaab hai to vaaris nahin ban sakte, praja mein chale jaayenge।

geet:- mahphil mein jal uthi shama parvaanon ke liye…

om shanti। dekho ham mahima hi karte hain apne baap ki। aham aatma zaroor apne father ka show karenge na। san shows father। to aham aatma, tum bhi kahenge ham aatmaayen, ham sabka father ek paramatma hai jo sabka pita hai। yeh to sab maanenge। aise nahin kahenge ki ham aatmaon ka father koi alag-alag hai। father sabka ek hai। ab ham unke bachche hone kaaran unke occupation ko jaante hain। ham aise nahin kah sakte ki paramatma sarvavyaapi hai। phir to sabmen paramatma ho jaae। father ko yaad kar bachche khush hote hain kyonki jo kuchh father ke paas hota hai unka varsa bachche ko milta hai। ab ham hain paramatma ke vaaris, unke paas kya hai? woh aanand ka saagar hai, gyaan ka saagar hai, prem ka saagar hai। hamko maaloom hai tab ham unki mahima karte hain। doosre yeh nahin kahenge। karke koi kehte bhi hain lekin woh kaise hai, yeh to pata hi nahin। baaki to sab kah dete paramatma sarvavyaapi hai। lekin ham unke bachche hain to apne niraakaar immortal baap ki mahima varnan karte hain ki woh aanand ka saagar, gyaan ka saagar, prem ka bhandaar hai। lekin koi prashn uthaayega ki aap kehte ho ki vahaan incorporeal world mein to duhkh sukh se nyaari avastha rehti hai। vahaan sukh athva aanand athva prem kahaan se aaya? ab yeh samajhne ki baaten hain। yeh jo aanand, sukh athva prem kehte hain, yeh to hui sukh ki avastha lekin vahaan shanti desh mein aanand, prem athva gyaan kahaan se aaya? woh sukh ka saagar jab is saakaar srishti mein aate hain tab aakar sukh dete hain। vahaan to duhkh sukh se nyaari avastha mein rehte hain kyonki tumko samjhaaya hai ki ek hai duhkh sukh se nyaari duniya, jisko incorporeal world kehte hain। doosri phir hai sukh ki duniya, jahaan sada sukh, aanand rehta hai, jisko svarga kehte hain aur yeh hai duhkh ki duniya jisko narka athva iron aged world kehte hain। ab is iron aged world ko parampita paramatma jo sukh ka saagar hai, woh aakar ise badlaakar aanand, sukh ka, prem ka bhandaar banaate hain। jahaan sukh hi sukh hai। prem hi prem hai। vahaan jaanavron mein bhi bahut prem rehta hai। sher gaay bhi ikatthe jal peete hain, itna unhon mein prem rehta hai। to paramatma aakar jo apni raajdhaani sthaapan karte hain, usmein sukh aur aanand hai। baaki incorporeal duniya mein to sukh aanand ki baat hi nahin, prem ki baat hi nahin hai। woh to hai incorporeal aatmaon ka nivaas sthaan। woh hai sabki retired life athva nirvaan avastha। jahaan duhkh sukh ki koi feeling nahin rehti। woh duhkh sukh ka part to is corporeal world mein chalta hai। is hi srishti par jab svarga hai to eternal aatmik lav rehta hai kyonki duhkh hai blood connection mein। sannyaasiyon mein bhi blood connection nahin rehta isliye unmein bhi duhkh ki koi baat nahin rehti hai। woh to kehte main sat chit aanand swaroop hoon kyonki blood connection ko tyaag dete hain। vaise yahaan bhi tumhaara koi blood connection nahin hai। yahaan ham sabka aatmik lav hai, jo paramatma sikhlaate hain।

baap kehte hain yu aar maai beloved sons। hamaara aanand, prem, sukh tumhaara hai kyonki tumne woh duniya chhodkar hamaari aakar god li hai। yeh bhi tum practical life mein aakar god mein baithe ho। aise nahin jaise baaki jo sannyaas kar unki god lete hain vahi beloved san bante hain kyonki vahi guru ke peechhe gaddi par baithte hain। bachche aur praja mein raat din ka farka rehta hai। woh vaaris ban varsa lete hain। jaise tumne unse blood connection tod is niraakaar va saakaar ki god li hai to vaaris ban gaye ho। ismen bhi phir jitna gyaan lenge woh hai bliss। education ko bliss kaha jaata hai। to jitna woh uthaayenge, utna us raajdhaani mein praja mein sukh lenge। yeh godly education bliss hai na, jisse supreme pees and happiness milti hai। yeh atal akhanda sukh shaantimay svaraajya hai god ki property, jo bachchon ko milti hai। phir jitna-jitna jo gyaan uthaayenge, utna baap ka varsa mil jaayega। jaise tumhaare paas itne jigyaasu aate hain woh hai, tumhaari beloved praja। bachche nahin kyonki aate jaate rehte hain, bachche bhi ho sakte hain kyonki praja se koi vaaris bhi to ban jaate hain। jab gyaan lete lete dekhte hain yahaan to athaah sukh aur shanti hai, us duniya mein to duhkh hai to aakar god le lete hain। phauran to koi bachcha nahin ban jaata। tum bhi pahle aate jaate the phir sunte-sunte baith gaye, to vaaris ban gaye। sannyaasiyon ke paas bhi aise hota hai। sunte-sunte jab samajhte hain sannyaas mein to shanti sukh hai to sannyaas kar lete hain। yahaan bhi jab taste aa jaati hai to beloved san ban jaate hain to janma janmaantar ke liye varsa mil jaata hai। woh phir daivi sijre mein aate rehte hain। praja to saath nahin rehti woh kahaan-kahaan karmabandhan mein chale jaate।

jaise geet mein kehte hain mahphil mein jal uthi shama parvaanon ke liye। to parvaane bhi shama par dance karte karte mar jaate hain। koi chakkar lagaae chale jaate hain। yeh tan bhi ek shama hai jismen almighty baba ka pravesh hai। tum parvaane ban aaye, aate jaate aakhir jab raaz samajh liya to baith gaye। aate to hajaaron laakhon hain, tumhaare dvaara bhi sunte rehte hain। woh to jitna sunenge utna pees aur bliss ka vardaan lete jaayenge kyonki yeh immortal father ki shiksha to vinaash nahin hoti। isko kehte hain avinaashi gyaan dhan। uska vinaash nahin hota। to jo thoda bahut bhi sunte hain woh praja mein aayenge zaroor। vahaan to praja bhi bahut-bahut sukhi hai। eternal bliss hai kyonki vahaan sab soul conscious rehte hain। yahaan body-conscious ho gaye hain isliye duhkhi hain। vahaan to hai hi svarga, vahaan duhkh ka naam nishaan nahin। jaanvar hi kitna sukh shanti mein rehte hain to praja mein kitna prem aur sukh hoga। yeh to zaroor hai sab to vaaris nahin bante। yahaan to 108 pakke sannyaasi vijay maala ke daane banne vaale hain। woh bhi abhi bane nahin hain, ban rahe hain। saath-saath praja bhi ban rahi hai। woh bhi baahar rahkar sunte rehte hain। ghar baithe yog laga rahe hain। yog lagaate-lagaate koi phir andar aa jaate to praja se vaaris ban jaate। woh jab tak karmabandhan ka hisaab hai kuchh tab tak baahar rah yog lagaate, nirvikaari rehte aate hain। to ghar mein rah jo nirvikaari rehte to ghar mein jhagda zaroor hoga kyonki kaamesh krodheshu... kaam mahaashatru par jab tum jeet paate ho, vish dena banda karte ho to jhagda hota hai।

baap kehte hain bachche, maut saamne khada hai। saari duniya vinaash honi hai। jaise budhon ko kehte maut saamne hai, paramatma ko yaad karo। baap bhi kehte bachche nirvikaari ban jaao। paramatma ko yaad karo। jaise teertha par jaate hain to kaam krodh sab banda kar dete hain। raaste mein kaam cheshtha thode hi karenge। woh to saara raasta amarnaath ki jay, jay karte jaate lekin laut aate to phir vahi vikaaron mein gota khaate rehte, tumko to lautna nahin hai। kaam, krodh mein aana nahin hai। vikaaron mein jaayenge to pad bhrashta ho jaayenge। holiness nahin banenge। jo holi banenge woh vijay maala mein aayenge। jo fail honge woh chandravanshi gharaane mein chale jaayenge।

yeh tum sabko parampita paramatma baith padhaate hain। vahi gyaan ka saagar hai na। vahaan incorporeal duniya mein to aatmaon ko baith gyaan nahin sunaayenge। yahaan aakar tumhein gyaan sunaate hain। kehte hain tum hamaare bachche ho। jaise ham pure hain vaise tum bhi pure bano। to tum satayug mein sukhmay, premmay raajya karenge, jisko vaikuntha kehte hain। ab yeh duniya badal rahi hai kyonki iron ej se golden ej ban rahi hai। phir golden ej se silver ez mein badlenge। silver ej se copper ej, phir copper ej se iron ej mein badalte jaayenge। aise duniya badalti rehti hai। to ab yeh duniya badal rahi hai। kaun badla raha hai? god himself, jinke tum beloved bachche bane ho। praja bhi ban rahi hai lekin bachche, bachche hain, praja praja hai। jo sannyaas karte woh vaaris ban jaate। unko royal gharaane mein avashya le jaana hai। lekin agar gyaan itna nahin uthaaya hai to pad nahin paayenge। jo padhega woh navaab banega। jo aate jaate hain woh phir praja mein aayenge। phir jitna holi banenge utna sukh milega। beloved to woh bhi bante lekin full beloved tab bante hain jab bachcha bante hain। samjha।

sannyaasi bhi bahut prakaar ke hote hain। ek hote hain jo gharbaar chhod jaate hain, doosre phir aise bhi hote hai jo grihastha mein rehte vikaar mein nahin jaate hain। woh followers ko baith shaastra aadi sunaate hain। aatma ka gyaan dete hain, unke bhi shishya hote hain। lekin unke shishya unke beloved san nahin ban sakte kyonki woh to gharbaar, bachche vaala hota hai। to woh apne paas to bitha nahin sakte। na khud sannyaas kiya hua hai, na auron ko sannyaas kara sakta hai। unke shishya bhi grihastha mein rehte hain। unke paas aate jaate rehte hain। woh sirf unko gyaan dete rehte athva mantra de dete hain। bas। ab unke vaaris to bane nahin to unki vriddhi kaise hogi। bas gyaan dete dete shareer chhod chale jaate।

dekho, ek maala hai 108 ki, doosri phir usse badi 16108 ki maala hoti hai। woh hai chandravanshi gharaane ke royal prince princess ki maala। to yahaan jo itna gyaan nahin utha sakte, purify nahin bante to sajaayen khaakar chandravanshi gharaane ki maala mein aa jaayenge। prince princess to bahut hote hain।

yeh raaz bhi tum abhi sunte ho, jaante ho। vahaan yeh gyaan ki baaten nahin rehti। yeh gyaan to sirf ab sangam par milta hai jab daivi dharma ki sthaapna ho rahi hai। to sunaaya jo poora karmendriyon ko nahin jeetenge woh chandravanshi gharaane ki maala mein chale jaayenge, jo jeetenge woh sooryavanshi gharaane mein aayenge। unhon mein bhi to nambarvaar bante hain zaroor। shareer bhi avastha anusaar milta hai। dekho, sabse mama teekhi gai hai to usko scholarship mil gai hai। monitor ban gai। unko saara gyaan ka kalash de diya, usko ham bhi maata kehte kyonki mainne bhi saara tan man dhan unke charnon mein svaaha kar diya, laukik bachchon ko nahi diya kyonki woh to blood connection ho gaya। yeh to eternal bachche bante hain, sab sannyaas kar aate hain to un par lav jaasti jaata hai। eternal lav sabse teekha hota hai। sannyaasi to akele gharbaar chhod bhaag jaate hain। yahaan to sab le aakar svaaha kiya hai। paramatma khud practical mein act kar dikhlaate hain।

tumko koi bhi prashn ka javaab yahaan mil sakta hai। woh paramatma khud bhi aakar bata sakte hain। woh to jaadoogar hai, uska yeh jaadoogri ka part abhi chal raha hai। tum to bahut pyaare bachche ho, tumko baap kabhi khapha (naaraaz) nahin kar sakte। khapha karen to bachche bhi gussa karna seekh jaayen। yahaan to sabka aantarik lav hai। svarga mein bhi kitna prem rehta hai। vahaan to satopradhaan rehte hain।

yahaan jo visitors aate hain unhon ki bhi bahut seva hoti hai kyonki unhon par bhi pees aur happiness ki varsha hoti hai। woh beloved praja banne vaale hain। maa baap bachche sab unki service mein lag jaate hain। bhal devi devta ban rahe hain lekin yahaan woh pad ka anhakaar nahin rehta। sab obedient servant ban service mein haazir ho jaate hain। god bhi obedient servant ban apne beloved sons aur praja ki service karte hain। unki bachchon ke oopar hi bliss rehti hai। achha!

meethe-meethe sikeeldhe noore ratna, kalpa-kalpa ke bichhude hue bachche jo phir se aakar mile hain, aise bachchon prati maat pita baapdaada ka dil va jaan, sik va prem se yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baapdaada bachchon ko kabhi khapha (naaraaz) nahin karte, aise tum bachchon ko bhi kisi ko naaraaz nahin karna hai, aapas mein aantarik lav se rehna hai। kabhi gussa nahin karna hai।

2) pees aur bliss ka vardaan lene ke liye shama par poora phida hona hai। padhaai se supreme pees aur happiness ka godly adhikaar lena hai।

vardaan:- apne pratyaksha pramaan dvaara baap ko pratyaksha karne vaale shreshtha takdeervaan bhav

koi bhi baat ko spashta karne ke liye anek prakaar ke pramaan diye jaate hain। lekin sabse shreshtha pramaan pratyaksha pramaan hai। pratyaksha pramaan arthaat jo ho, jiske ho uski smriti mein rehna। jo bachche apne yathaartha va anaadi swaroop mein sthit rehte hain vahi baap ko pratyaksha karne ke nimitta hain। unke bhaagya ko dekhkar bhaagya banaane vaale ki yaad svatah aati hai।

slogan:- apne raham ki drishti se har aatma ko parivartan karne vaale hi punya aatma hain।

ye avyakt ishaare - paropkaar ki bhaavna se sampanna ban apkaari par bhi upkaar karo

koi apne sanskaar va svabhaav ke kaaran aapke saamne pareeksha ke rup mein aaye lekin aap second mein apne shreshtha sanskaar se, ek ki smriti se aisi aatma ke prati bhi merciful ka sanskaar va svabhaav dhaaran kar lo - yahi hai upkaar karna।