Mamma's Murli - 217

> >

mama murli madhuban

. 017. Maya Jeet Kaise Bane

om shanti। haan, bachche thukraae dete hain, hota hai na । laukik mein bhi bachche naalaayak kahin nikal padte hain। kupoot, bachchon ke liye kaha hua hai baap ke liye to kabhi kupita ya kuchh aisi baaten nahin aati alaukik mein bhi । baap to phir bhi bachchon ke oopar kaisa bhi bachcha hai phir bhi baap merciful hi rehte hain laukik mein bhi। yeh to hai hi behad ka baap, uski to mashhoor hi hai, merciful gaaya hi jaata hai to iseelie uski rahamdili to mashhoor hai aur khud bhi kehta hai ki jab jab aise hote hain tab tab main aata hoon aur kya raham kare। aise bachchon ke paas baap aate hain jab patit bante hain dukhi hote hain to baap hi aakar ke bachchon ki sahaayta karte hain iseelie unko sahaara,। sahaayta dene vaala yeh sab naam die hue hain na isi kaaran। to abhi woh baap mila hai usi baap ko phir thukraana to yeh to usko kahenge kambakhta। bakhtaavar baap mila aur us baap ko paakar ke bhi ham unse praapta na karen to usko kya kahenge, aise hi kahenge ki bakhtaavar baap ka sambandh milte bhi aur usko thukraana to woh ho gaya kambakhta, to aisa to nahin banna chaahiye na iseelie aisa khyaal rakhte rehna maaya hai bahut । maaya ka abhi jor hai kyonki raaj hai na aur unka bhi pichhaadi ka abhi jitna bhi taakat hai woh abhi apni taakat poori lagaaegi । to iseelie yeh hai ki jitna jitna baap ke bante jaaenge utna utna maaya bhi force degi, ladegi। ladegi unse na jo unse ladenge to abhi ham ladna seekhe hain kisse, maaya se । pahle to pata hi nahin tha na, pahle to the hi maaya ke arthaat maayaavash the to woh kaahe ke liye hamaare se ladegi,pyaar karegi । abhi to pyaar nahin karegi na abhi dushman banegi । pyaar bhi karegi to dushmani andar karke vo tempteshan apni kheenchane ki। to jaante hain abhi ki abhi maaya hamaari dushman hai iseelie yeh sabhi baaten hamaare saamne aaengi, har kisma ki aaenge , koi bandhan nahin hoga to andar se apna koi man ke vikalpa, phaaltu vo tang karenge, har kisma se tang karne ka chalega uska। kabhi baahar se sambandh mein kabhi shareer se rog, rog nahin hua hoga abhi hoga kahenge itna samay to ham kabhi beemaar nahin pade abhi beemaar pad gae hain , to abhi hoga। kuchh dhan ki kami pade, kuchh kahi baaten business mein tota pade kai baaten hongi aur bhi kai kisma ki dosta dushman ban jaae, phalaane ho jaaenge mitra sambandhi nahin poochhenge, kahin kuchh aisi ulat-pulat kai baaten aa sakti hain aur aaengi kyonki apna abhi khaata hi usse chukaate hain na। bataaya na ki abhi yeh sab jo raavan ka khaata tha abhi usko ham khatma karte hain to abhi usse jab ham deh sahit deh ke sarva sambandh se abhi buddhi hataate hain to phir woh phir abhi saamna bhi hoga na isliye sambhalna hai । to aisi aisi baaton mein aakar ke moonjh karke ki are bhagwan ke bane to aur hi museebten aa gai hain aise kai sochenge ki jab bana hoon paramatma ka paramatma mila hai mujhe, mainne uska sahaara pakda hai phir to mera sab achha ho jaana chaahiye na parantu aisa nahin, kai aise khyaal karte hain ki bhagwan ke bane hain to sab hamaara achha ho jaana chaahiye, koi hamaare paas takleeph aadi nahin aani chaahiye parantu aisa khyaal nahin kar baithna। pareekshaaen hongi, iseelie us mein bahut ulat-pulat baaten bhi aaengi। koi aisa khyaal na karen ki uska matlab shaayad bhagwan hi nahin mila hai ya bhagwan nahin hai । pata nahin hamko koi ulte raaste lag pade hain tabhi bhagwan naaraaj hua hai jo hamaare ko takleeph ho rahi hai, kai kai aise sankalp aaenge। yeh sab ham bata dete hain, kyonki chalte hue sab mein ho raha hai na । aise aise vighnon mein aakar ke bahut hat gae hain। koi museebat aai, koi baat aai to samajhte hain shaayad bana hua hai to shaayad bhagwan hi nahin hai pata nahin kya hai। yeh to aur banaaoon shaayad bhagwan aur hi naaraaj ho gaya hai iseelie yeh sab ulti baaten aati hain iseelie bechaare dar karke phir kisi ne thoda daraaya bhi ya kisi ne kuchh kah diya ya apne man ke bhi aa gae kuchh sankalp to toot padte hain । to yeh sab hoga aur hota aaya hai। dekho 28 varsha ka anubhav hai na usmein yeh sabhi baaten hoti aai hain । to batla dete hain ki kaun se kaarnon se jo kai tootte hain yeh yeh kaaran। hai to sab ka kaaran deh abhimaan, phir deh abhimaan mein kahaan kaam ki goli, kahaan krodh ki kahaan lobh ki, kahaan moh ki, kahaan phir yeh sabhi sanshay anek prakaar ke, phir aisi aisi baaten aa karke phir maaya hataane ki koshish karegi । maaya ke hataane ke astra-shastra yahi hai na, ulti ulti baaten buddhi mein le aana, ulti buddhi banaana to uska kaam yahi hai aur woh banaaegi aur yeh sab hoga iseelie ismen hi to sambhalna hai na । ismen hi apni himmat rakhni hai iseelie baap kehte hain mere se buddhi yog rakho to teri buddhi ulti na bane, jhat se usko check kar sako, to check karne ki power rahe aur checking power se apne ko saavdhaan rakho aur saavdhaani se phir apne ko paar karo to yeh sabhi bataae jaate hain ki yeh chalte-chalte vighna isko kaha jaata hai maaya ke anek prakaar ke vighna। to yeh sab hoga, abhi isi se paar hone ka hai । baaki aisa nahin hai ki abhi hamaara sab kuchh theek ho jaae, nahin abhi to paar hona hai na । yeh abhi jo janma hai ismen to hamko badalna hai iseelie usmein to hamko jara mehnat ki jaroorat hai । agar sab kuchh abhi aaraam mil jaae to phir to ham samjhe yahi baikunth hai, yahi svarga hai, phir to svarga ko bhi yaad karna bhool jaae, phir to yeh sab kuchh ho gaya theek। nahin, isliye baap kehte hain yeh thoda mehnat parantu hai sab andar ki mehnat koi baahar se kuchh nahin karna padta hai। yeh bhi vighna aate hain aur aisi aisi baaten aaengi, in sab baaton mein apna nishchay atal rakh karke aur atal ke saath mein apna purushaartha chalaana hai । to yeh sabhi baaton ko achhi tarah se apne mein rakhna hai , saavdhaan karna hai na। koi aisa dekha jaata hai to phir doosron ko saavdhaan kiya jaata hai ki bhaai dekho girne vaale is tarah se phisalte hain। unke paanv kaise phisalte hain aise phisalte hain to saavdhaan rehna kahin tera bhi paanv na phisal jaae। to phir phisalne se bachaana hai na । to dekhte hain chalte chalte kaeeyon ke paanv aise phisle। kahaan-kahaan se phislen, pahla to batlaaya deh abhimaan, phir koi kaam se phisle, koi krodh se phisle, ye sab phisalne ki hai na yaani girne ki to yahaan se sab girte hain । to yeh sabhi girne ke inheen se sambhalna hai ki kahin aisa na ho ki yeh cheejen humein giraavat mein le jaaen to yeh sabhi baaton ka anek prakaar se man ke sanshay, sankalp, vikalpa sabhi baaten jismen apne ko bahut saavdhaan rakhne ka hai aur in sab baaton ko yathaartha reeti se samajhna bhi hai ki yeh sabhi jo baaten hain woh bhi aaengi kyonki yeh bhi sab khaata hamaara bahut janmon ka ulta hai। bahut janmon ka hai na ek janma ka thodi hai bahut janmon ka hai aur ham bhi kehte hain ki yeh sabhi bahut janmon ka jo kuchh hai woh abhi chukaana hai, ek hi janma mein । ek janma mein ham bahut janmon ka khaata chukaane ka purushaartha rakhte hain to bahut janmon ka khaata ek janma mein chukaaenge to bahut janmon ke karjadaar bhi to abhi na aaenge to kab aaenge, bataao। woh thodi kahenge phir peechhe doosre janma mein chuka loonga thoda। aage to tha , achha is janma mein kuchh , kuchh doosre janma mein, kuchh teesre janma mein kyonki janma janma ham unke the to hamaara aise bhi nahin hai ki ek hi janma mein ham sab chukaate the, nahin kuchh thoda chukaate the kuchh rah jaata tha phir kuchh thoda doosre janma mein, phir teesre janma mein aisa hamaara stock hota aaya bahut khaate ka, abhi to ek hi janma hai na to ham bhi daava rakhte hain ki ham isi janma mein poora hisaab kitaab chukaaenge । to jab hamne bhi isi janma ka poora rakha hai to maaya bhi kahegi ki ab to ek ye hi janma hai । abhi iska hamaara jo saara karz hai bahut janmon ka woh bhi to abhi hi chukaae na to kab chukaae, to woh bhi to abhi ghera karegi na। to sab aaenge aur jor se aaenge । khaali is janma ka hisaab nahin hai bahut janmon ka jo bhi hai woh sab , to karjadaar bahut ho jaaenge na kai janma ke nikal padenge। samajh mein aaega ki hamne abhi to aisa kuchh kiya hi nahin hai, aisa dushman hamaara yeh kyon bana , yeh baat aisi kyon aai, hamne is janma mein to, koi bura kiya hi nahin hai aisa hamaara yeh sab kya hua, yeh rog kyon aaya, yeh baat kyon hui, aisa samjhenge parantu nahin hai to kai janmon ke aur chukaane vaale bhi aaj hi na aaenge to kab aaenge, kal ko to tu chala jaaega na । unka ho gaya phir to graaph hi chala jaaega to unke liye bhi to abhi hai na iseelie woh aaengi maaya har tarah se , to usmein bahut dikhaai padega na ki hamaare to aur hi bhagwan ke bane to aur hi bahut yeh aa gae hain to isliye woh dar jaaenge to yeh sabhi pareekshaaen, isko kahenge pareekshaaen । abhi inheen sabhi baaton se apne ko sambhaalna samajhna yeh knowledge hai । gyaan to isi ka naam hai na ki karma ki gati kya hai। yeh baithkar ke detail se vistaar se baap samjhaate hain ki karma ka hisaab kaisa hota hai, kaise bigadta hai, kaise sanvarta hai aur sanvar karke phir kya bante ho yeh sabhi baaten to baap hi baithkar ke samjhaate hain na isliye yeh sabhi kya-kya hoga , hota hai vo sabhi baap samjhaate hain kyonki hamaare saare karma ki knowledge ko athva karam gati ko , durgati kaise hui , durgati se abhi chhooten bhi kaise, phir hamaari gati phir sadgati, yeh saara chakkar ka bhi knowledge hai । to baap baithkar samjhaate hain na isliye isi sabhi baaton ka jiske paas poora gyaan hai knowledge hai woh hilega nahin । agar gyaan aur knowledge na raha to phir hilega unke paanv phir dheele padenge , phir darenge, dar aa gaya to phir kahaan vo toot padenge, jaise tootte jaate bhi tabhi to hain na aashcharyavat bananti sunanti kathanti bhaaganti , dekho sunanti, kathaanti bolte bolte bhi, bahut bolne vaale bhi, aur aashcharya saakshaatkaar karanti, dekhne vaale bhi sab tarah ke toot padte hain na। to yeh sabhi hota bhi aaya hai iseelie inheen sabhi baaton se sambhalne ke liye yeh saavdhaani bhi di jaati hai ki haan apne paanv kaise majboot rakhna hai usi majbooti ke liye yeh sab hilaane ke aaenge har kisma se lekin usmein hilna nahin hai । apna jo paanv rakha hai usko majboot rakh karke aur apna nibha karke baap se poora poora apna adhikaar paana hai । to adhikaar paane vaalon ka yeh batlaate hain ki unhon ko kitna himmat aur bharose aur bal se apna kaam lena hai । dekho yeh bhi ham voriyarsa hai na । yeh apni hai roohaani ladaai, koi haath paanv se to nahin hai na। to ham bhi voriyarsa hain parantu gupta hain, hamaari ladaai bhi gupta hain । ham haath paav se to kisi se ladte nahin hain lekin haan hamaari andar andar ki yuddha hai aur usse yuddha kar karke ham jeet praapta karte hain to yeh hai gupta ladaai । apne hi vikaaron se, apne hi vikaari khaate se yeh yuddha hai na to yeh hai gupta aur karaane vaala bhi gupta hai । woh bhi to gupta baithkarke yeh sabhi gupta bal bhar raha hai na aur saavdhaan kar raha hai ki bachche saavdhaan hokar rehna, yeh maaya ki pachhaad, force tumhaare oopar aaega bahut isliye in sab baaton se hilna nahin । to abhi unheen baaton ko samajh karke apne purushaartha ko bahut himmat aur dhaarnaaon ke saath chalaana hai aur usmein apna ullaas umang rakhte baap se kya praapta karna hai uska dekho kitna praapti ka bhi ullaas rehna chaahiye ki haan cheej kya milti hai। koi kam cheej nahin hai , bahut oonchi cheej hai aur aisi cheej hai jo aaraam se chalte rahe koi koi dukh aur ashaanti ka baat hi nahin hai। to aisi cheej paane ke liye to bahut ullaas aur umang bhi rakhna chaahiye na । aise nahin laachaari se, chalo abhi yeh to karna hi hai aise laachaari se purushaartha । kai aise chalte hain jaise laachaari se, uske oopar jaise meharbaani karte hain, nahin kisi ke oopar ya unke oopar koi hamaari meharbaani thodi hi hai yeh to apne oopar hai na, agar meharbaani hai to apne oopar karte hain , apne liye hai na to jo apne liye rah karke samajhte aur chalte, purushaartha karte hain na unhon ka purushaartha theek rahega kyonki ham apne liye karte hain aur kisi ke liye nahin karte hain। agar haan bigaadte hain to bhi apna bigaadte hain sudhaarte hain to bhi apna sudhaarte hain to iseelie apne prati jo khade hain na achhi tarah se woh apne purushaartha mein achhe rahenge aur har attention par apne par attention denge doosre ka nahin dekhenge, isne aisa kiya usne aisa kiya। bhaav svabhaav ki bhi bahut baaten aati hai, idhar bhi daiveey parivaar ka bhi, woh baahar ka to sunna karna bada sahaj hai ki isne aisa kiya, bhai agyaani hai vo hai na bhaai agyaani hai, abhi yahaan jo aate ho brahman kul ke yahaan vaalon mein se kisi ne kaha ek do ko bhaai kahenge yeh kya, aapas mein yahaan bhi,… phir yahaan bhi aapas mein to uska bada lagta hai na parantu nahin, yahi to maaya hai na। maaya idhar bhi ghusegi, kahenge dekho tumne yeh saathi banaaya na abhi usko chhodkar abhi in saathiyon mein bhi isko takkar khilaae, ismen takkar mein aa karke yeh chhod denge na। jahaan buddhi jutaai hai usmein lagaae to unmein lagaane ki yukti karengi idhar bhi aaenge kyonki hisaab kitaab to idhar bhi hoga na। dekho yeh aaya hai, yeh bhi aaya hai ho sakta hai in donon ka koi pichhla hisaab bhi inke saath ho na to idhar aa karke kuchh hisaab kitaab takkar karega parantu yeh knowledge hai na ki yeh jo hisaab kitaab ki takkar hai yeh pichhli hai iseelie aise nahin hai ki are bhaai yahaan to yeh donon kehte hain ham donon bhagwan ke bachche hain, abhi bhagwan ke bachche ho karke yeh kya hai to usmein phir doosra dekh karke usmein hile, nahin yeh humein gyaan hai ki haan yeh bhi inka hisaab kitaab hai parantu unko kaatna hai yog aur gyaan se । aise nahin takkar khaakarke kaatna hai nahin, woh to hamaara vikarma ban jaaega na to usmein sambhalna hai। parantu yeh gyaan dekhne vaalon mein athva jo hain unheen sabhi baaton ko samajhna hai , nahin to ismen phir kai sanshay mein aa jaate hain ki bhaai dekho kya ye gyaan mein aakar ke dekho , dekhne vaalon ko bhi aa jaaega , agar gyaan nahin hai to kahenge dekho yeh idhar aur jo hisaab kitaab mein hai woh bhi apni baaton ko na samajh karke usmein takkar kha baithte hain to hai to agyaan na । to yeh sabhi agyaan nikal jaana chaahiye। yeh samjhaaya kyon jaata hai kyonki aisi aisi baaten ho rahi hai aur hoti hain na to inheen sabhi baaton mein saavdhaan kiya jaata hai ki aise na ho jo kai aisi aisi baaton se kabhi apna baap se jo takdeer leni hai woh takdeer lena bhool jaae aur aisi baaton mein aa karke phir apna behad baap se behad ka varsa paane ka vo chhod den hai । iseelie baba hamesha samjhaate hain na ki bhale aapas mein kuchh aae lekin olvej si father । to baap ko dekho aur baap se jo varsa lena hai matlab to usse hi hai na isliye jisse matlab hai usko to pakad ke rakho na usse kaahe ke liye takkar khaate ho । takarte aapas mein ho aur chhodte usko ho, usne kya kasoor kiya। aapas mein takro aur chhodo uska saath, woh to tumhaara nuksaan hai na । usko chhodenge to tum kya paaenge nuksaan tera hoga। to takarte aapas mein ho chhodte usko kaahe ko ho usmein to tera varsa chala jaaega na to yeh to mahaamoorkhata ho gai na isko kahenge mahaamoorkha, moorkha nahin parantu mahaamoorkha। moorkha to pahle hi hai ki pata hi nahin tha, jab pata hi nahin tha to moorkha ho kar ke baithe the, abhi pata hote aur phir usko chhodna to usko kya kahenge are mahaamoorkha to aisa to nahin banna hai na। to iseelie apna samajhte rehna to yeh sabhi cheejen hain apne ko saavdhaan rakhne ki to idhar bhi dekho abhi brahman kul mein idhar ho na to idhar bhi maaya ghus aati hai। aisa nahin hai ki bas yahaan get ke andar aae safe ho gae, nahin safety to apni apne paas rakhne ki hai na। dhaarna nahin hai to phir idhar bhi maaya ghus aaegi, idhar bhi takkar khilaaegi koi ke bhaav se koi ke svabhaav se aisa vaisa to aisi baaton mein aakar ke phir kai hil jaate hain ki kya hai, idhar bhi yahi hai, aisa hi hai phir aisa aisa,are! baap hai idhar, baap padhaata hai, woh bhool jaaega , yeh takkar vakkar ki baaton mein phir gir padenge to iseelie saavdhaan! yeh sabhi saavdhaani di jaati hai। ek ko girta hua dekhenge to doosron ko saavdhaan karenge ki bhaai dekhna yahaan phisalne ka hai sambhalna , aage badho to dekhna, sambhalna saavdhaan rehna to yeh karna apna dharma hai na। to yeh bataate hain ki kahaan-kahaan se kaun-kaun kaise kaise khisakte hain woh aap logon ko dhyaan mein diya jaata hai in advance ki haan phir aap chal rahe ho to khabardaari se chalna to khabardaari rakhne ki hai । to yeh sabhi cheejen hain jisko buddhi mein rakh kar ke aur baap se apna poora poora paana hai to phir poora poora paanv dabke dabke chalne ka hai ki kahaan paanv aisa aisa na ho। to dabke , kehte hain na paanv dabke aur poori poori jo dridhta hai usi dridhta ka poora poora rakhte chalne ka hai। aisa nahin ki kyon, yahi to manzil hai, kahaan hai na badi manzil oonchi hai paramatma ki gyaan ki bahut oonchi hai। oonchi koi oonchi , aisi oonchi thodi si hai , nahin yeh oonchaai , yahi jo baaten aati hain in sabhi baaton ko tay karna, isse paar hona aur apna praapta karna yahi hai, inheen sabhi baaton mein apne ko sambhaalna hai । to yeh sabke liye hai , dekho sab jo puraane hain, jo nae hain sabke liye hai na koi ek ke liye thode hi hoti hai sabke liye। to har ek ko apne dil par rakh karke aur samajhne ki baat hai sab। dekho yahaan pachchees atthaais baras bees baras aur nae puraane sabke oopar maaya ka aata hai na । aise thodi hai ham kahenge sab ham abhi maaya proof ho gae hain nahin maaya proof ho gae hain to phir to yahaan baithe hi nahin hote na phir to yeh shareer nahin phir to pavitra shareer milna chaahiye, hamaara proof phir woh hai ki agar ham kampleet hain, aatma kampleet ho gai to shareer bhi kampleet hona chaahiye parantu nahin, abhi yeh ankampleet shareer mein baithe hain uska matlab hai kuchh aatma ankampleet hai to uska proof yahi hai । to iska matlab yeh nahin hai ki koi apni ham badaai karen ki haan ham proof hai, proof hai to baithe hi nahin rahen phir to hamko kampleet shareer kampleet duniya sab praalabdha milni chaahiye। uska matlab hai kuchh maarjan hai purushaartha ki tab to baithe hain na purushaartha karne par। to kya karna hai, kya banne ke liye purushaartha hai woh em samjhaai jaati hai poori poori apne mein rakhne ki hai buddhi mein । to bhi apne ko sambhaalna to hai aise nahin ghadi-ghadi maaya ki anguri khaani hai । khaane se to phir chot lagti hai na । phir ghadi ghadi marks kam pade to usse to register achha nahin rahega to uski sambhaal rakhni hai kyonki register mein to note hota hai na do baar gira, is subject mein to itna fail hua, yeh hua woh sab phir naam to kharaab rahega na, to nahin hamko apna theek rakhna hai। aise nahin hai ki kaam se, krodh se ya lobh se ya moh se koi bhi baat se ham kisi bhi shatru se angoori khaaen। angoori samajhte ho na, woh mallayuddha vaale hote hain na woh ladaane ka lagaate hain taang ki aise pakdenge aise pakdenge giraane ke liye usko angoori kehte hain, aap logon ki bhaasha mein kuchh aur kehte honge woh karte hain,aise ram se pakadte hain jo gir jaae, peechhe baith karke usko । vo malla yuddha dekhi hai bade pahalvaan ladte hain to ladte hain pahalvaan giraane ke liye woh aise aise nahin karenge vo aise tarkeeb se, yukti se uski taang ko usko aise karenge jaise gire phir baith karke usko dabaane ki koshish karenge to maaya bhi aisi hai pata nahin lagne degi to aise thoda giraati hai to woh mal yuddha ki tarah se। (paramdham pahalvaan hi hai) achha pahalvaan hai,woh jaanta hoga kaise giraate hain। to pahalvaanon ki jo ladaai hoti hai malla yuddha ki woh bade tarkeeb se to tarkeeb lete hain yukti giraane ki, to maaya bhi aisi hai yuktibaaj phir baba bhi koi kam thodi hi hai yuktibaaj woh phir se sikhlaate hain ki aise se phir tum kaise yukti apnaao kyonki yuddha hai na yahi to ladaai hai । abhi ladaai dekho kaisi hai aur shaastron mein baithkar ke woh kaurav paandav phalaane phalaane dekho kaisi-kaisi yuddha ka rakh diya hai । abhi kaurav paandav jaise ham koi kaurav se let thodi heen hai। hamaari koi gaurav se ladaai thode hi hai hamaari maaya se hai । baaki kaurav paandav ki koi yuddha hui nahin hai yeh to paandavon ne maaya se yuddha rakhi hai aur kaurav aapas mein yeh sab yaman aadi , unhonne dekho yaman kaha jaata hai doosri musalmaano ko yeh bhi shaastron mein hai to dekho yeh musalmaanon ka bhi to bana hai na paakistaan aur yeh sabhi। yeh partition hua, yeh na hota to phir ye yavnon ka ladna marna yeh bhi baat na hoti । to dekho hai shaastron mein to woh bhi siddha hai। baaki hone mein to deri nahin hai abhi dushman jo baithe hain to dushman baithe thode hi rahenge woh kaam karke hi rahenge । ek baar bas koi kahaan se thodi chingaari lagi na to bas abhi to aag bhadakne mein deri nahin hai। yeh lakdiyaan maano taiyaar hoti jaati hain yahaan lohdi kehte hain na banaate hain to banaate hain , lakdiyaan ikatthe rakhte hain phir thodi chingaari hoti hai to sab lakdi bhambabas ho jaati hai to yeh sab lakdiyaan ikatthi hoti jaati hain । ek chingaari se kaam tamaam ho jaane ka hai । to yeh lakdeeyaan abhi sameep hoti jaati hai achhi tarah se bada bhaambat hona to jaldi kaam karen, aise nahin ek lakdi jale to phir doosri jale, nahin ek hi saath sab kaam ho jaae na, to yeh sabhi aisi taiyaari mein bhi to thoda time to lagega na । abhi kyonki practical naatak hai na koi aartiphishiyal thodi hi hai do ghante ka ho jaaega। nahin, yeh to practical hai, yeh duniya ki saari history aur ye sabhi kaisa chalta hai to yeh sabhi baaton ko bhi achhi tarah se aur samajh karke uske mutaabik abhi humein kya karna hai usi mein apne ko safe karte jaao । apne ko kaise safe rakho aur phir apna tan man dhan safe deposit almighty deposit kaho, almighty bank kaho ab kaise udhar apna inshyor karte chalo kyonki uske inshyorens kampani jo hai na unse to bahut kuchh milne ka hai iseelie baap kehte hain abhi yeh sab yahaan ki baaten jo hai yahaan ki sab kuchh abhi khatma hone ka hai aur abhi mere paas sab jama karo, jama ka aise nahin de do, apna karma shreshtha se banaate chalo । jaise jiske tan mein aaya na usne kya kiya, usne bhi apne haathon se apne karmon se apna apna tan man dhan jo seva mein lagaaya vahi uska phal bana। to uske haathon se karaaya na, mainne thodi hi liya uska lekar ke main kahaan, nahin rakhega। na koi unke haath mein rakhne ki baat hai jo karega so paaega yeh to phir karaane ka direction sabko hai to jo karega । to jaise jaise dekho karte hain na to karte hain woh apna banaate hain to yeh sabhi cheejen hain jisko bahut achhi tarah se samajhte aur baap se apna poora janmasiddha adhikaar paane se usmein hi kalyaan hai। to abhi baap se sabko apna baap se sambandh poora rakhne ka hai iseelie ham doosre ka dekh hi kyon । sab purushaarthi hain chalo usne kuchh nahin socha kiya, chalo mere se hi kiya to abhi kya hua। mere se hi kiya to usne apna hi kuchh bigaada, ismen hamaara kya hua। bhale mere se usne kuchh aisa aisa kiya lekin bigda kiska, mera thodi hi bigda unheen ka hi jisne kiya isliye ham kyon aisa aisa karen to phir hamaara bhi bigad jaaega iseelie aisa nahin । hamko apna baap ko dekhna hai ham usko aur bhi achhi tarah se samjha de agar samjhaane ki hamaare mein bhi saamarthya hai aur dekhen kuchh samajhne vaala bhi hai to pyaar se samjha den ki bhaai aisa karne se jara yeh jara theek nahin hai, iseelie aap jara rakhenge to dekho tumhaare vikarma banenge, phir yeh bhi tumhaara paap hai iseelie aise paapon se hi to hamko chhootna hai, yahi to hamaare sukh ke kaaran hain to pyaar se samjha do । koi samjhe to, na samjhe to aisa nahin hai uske kaaran ham apna bigaade, apne ko to saavdhaan rakhna hi hai। to yeh sab cheejen apni buddhi mein rakhne ki hai jisse ham apne ko safe banaate chale । kaisa, to yeh hain dhaarna jo hain apne mein lagaane ke liye dhaarnaaen। doosri dhaarnaaen milti hain jo doosron ko samjhaane ke liye milti hai yeh apne ko samjhaane ke liye । hai to sab apne liye hi, doosron ko bhi ham samjhaate hain to apne liye hi hai na, ham aapko samjhaate hain to yeh koi ham aapke liye khaali samjhaane ke liye , nahin । ham doosre ko kahe beedi mat piyo pahle ham apni beedi band karenge tabhi to kahne ka hak hai aise nahin ham beedi pien aur tumko kahe beedi mat piyo yeh to koi law hi nahin hai na nahin, woh andar khaaega konshiyas baait karega। parantu nahin , abhi to mila hai na । samajh bhi mili hai ki kya ronga hai kya right hai to doosron ko samjhaana maana apne ko samjhaana, isliye baba bhi kehte hain na bachche service, kyonki doosre ko khabardaar karenge to khud khabardaar rahega to yeh aaega andar mein to uthte chalenge। to yeh sabhi cheejen hain isko achhi tarah se rakhte apna purushaartha rakhne ka hai। kaisa, aisi raphtaar se chalte ho na ? achha, abhi time hua hai aajkal chhutti to nahin hai na to phir time par chhutti deni padti hai। baaki lesans to mile hue hain woh to pakke yaad rakhne hain, apna saara chart, apna saare din ki dincharya, apne baba ki yaad ka woh sab poora rakhte raho aur baaki service karo, baaki to apna dhandha dhori jo hai shareer nirvaah ka kaam woh bhi karna hai lekin haan abhi jaise woh log, laalach bahut to nahin hai ham khaaen, bachche khaaen, bachchon ke bachche, bachchon ke bachche, bachchon ke bachche itna stock karen abhi woh to nahin hai। abhi apne pet ki aajeevika hi jitna kaam chalaana hai to abhi vo kaam chalaana hai baaki jo time hai baaki jo apna hai buddhi bal apna jitna bhi kar sakte hain tan se dhan se man se vo baaki abhi uski or lagaane se phaayda hi hai kyonki usse abhi jama hoga baaki jo yahaan karenge vahaan sab khote jaaenge kyonki abhi woh end hai na iseelie baap kehte hain ki bachche abhi apna vahaan jama karo jahaan se tumko sau guna, hajaar guna hokar ke mile to aisa karna chaahiye na । achha kaisa hai yeh , iska naam kya bataaya us din? raajputra aati hai na baaten, dhaarna achhi chalti rehti hai na? achha, aajkal kuchh kam dikhaai padte hain class mein, kya kuchh thande ho gae hain ya thandi lag gai hai kya hua hai? thak gae hain, aate-aate thak gae । nahin poochho , koi kaaran hoga koi vichaaron ka kya hai। time bahut rehte hain? nahin kaaran। haan kaaran to bahut hai parantu jo agar lagan hai kisi cheej ki to phir kaaran, thoda sa subah ka time to hai agar koi chaahe to savere bhi class kar sakte ho jo aane vaalon ko sahal pade parantu koi kaaran ho to bhi pata hone se phir unki sahooliyat kar sakte hain kyonki class to savere bhi kar sakte ho, class to jaise bhi samjhe to time aage bhi ho sakta hai kyonki abhi aajkal time change hote hain na koi service kisi ke time ka change hue honge , kya hua hoga to poochh lena hai unse to phir usi sahooliyat se phir kar sakte hain। achha, baaki yahaan vaale baaju vaale kya kuchh busy rehte hain, poochhna hai unhon se? achha, achha rozi khilaaengi, mehnat karo haan, roj flower । haan baba mama kabhi bachchon ko dekhte hain achha hai bachcha to haan khilaao usko,yeh to hota hi hai woh to geeta mein bhi hai na gyaani tu aatma mujhe priy hai to uska matlab hai haan priy kaha hai to koi apriy bhi hai tab to bhent mein kaha na priy, to bhagwan ko do aankhen thodi thi lekin yeh to zaroor hai na। laukik mein bhi jo sapoot bachcha hota hai to priy lagta hai to us baap ko bhi jo sapoot hai vo priy to lagenge na , nahin to sapoot pan ka maan kya raha, phir to saboot pan banne ka baaki kya raha। nahin, zaroor hai sapoot ka phaayda hai tab to phir sapoot kupoot yeh sabhi baaten aati hai na। usmein bhi kaha na geeta mein aasuri sampradaay daivi sampradaay to dekho do ka naam liya na। woh sampradaay vinaash daiveey sampradaay ka sthaapna karta hoon, aur aise hi mujhe priy hai yeh sab baaten kyon kahi। to yeh to hota hi hai। abhi tumko jyaada den, mehnat ki hai to double। jama karen tumhaara? laalach hai bahut? yeh kehti hai hamaara jama karo। ham le lete hain ye samajhti hain ki hamaara jama hoga to vahaan interest jyaada milega aur yahaan kam, yahaan to khaali yahi mila, udhar to phir jama karne se ek ka sau guna, hajaar guna to yeh laalach rakhna achhi hai na? yeh shuddh laalach hai achhi laalach।achha baap daada aur maa ki meethe-meethe bahut sapoot sapoot bachchon prati aur aise saavdhaan jo achhi tarah se rah karke chal rahe hain aise bachchon prati yaad pyaar aur good morning।