Mamma's Murli - 223

> >

mama murli madhuban

023. Shreshta Charee Banne Ka Gyan - 1

rikordah

aaj ke is insaan ko yeh kya ho gaya…

om shanti । yeh jo geet suna apne bhaarat ke abhi ke haal ka ki aaj hamaara bhaarat jis bhaarat ka naam bada ooncha hai praacheen bhaarat aur aaj ka bhaarat । praacheen bhaarat ki bahut oonchi mahima hai। yeh kyon mahima hai, apne praacheen bhaarat ki sthiti athva jo haalat thi aur aaj ki jo bhaarat ki dasha hai usmein jaise raat aur din ka pharka hai na vaisa pharka hai । hamaara yahi desh jisko kaha jaata tha sone ki chidiya, naam hai na aur usi time hi kaha jaata tha bichaara gaandheeji bhi gaate the aur usi ki bhaavna thi yeh raaj raamraajya banaane ki, jiska aaj din tak bhi manaate hain na jab bhaarat svatantra hua hai to uska chinha hai iseelie parantu usne bhi geeta se svaraajya, svatantrata yeh sabhi baaten nikaali thi parantu woh svaraajya athva svatantrata jo praapta kari thi, jiski bhaavna thi uski raamraajya banaane ki woh cheej jis aadhaar se bani thi woh aadhaar practical uske liye koi manushya ka kaam nahin hai। manushya bichaara jitna kaam kar saka itna to kiya, bhaarat ko svatantra kiya ya itna bhaarat ka jo kuchh chala rahe hain vo chala rahe hain lekin yeh jo praacheen bhaarat ki mahima hai jismen ham sab sukhi the aur usi samay ki baat hai ki raam raaja raam praja raam saahukaar hai, base nagri jie daata dharma ka upkaar hai, mahima hai na yeh to vo jo praacheen bhaarat ki sthiti thi aur jis tarah se banaai gai thi woh kisne banaai thi aur woh jo svatantrata aur woh jo hamaari jeevan ki life thi vo kaise bani thi in baaton ko samajhna hai, yeh isi tareeke se nahin hai। yeh svatantrata ya yeh aajaadi ya yeh hamaara svaraaj, yeh svaraaj woh svaraaj nahin hai jo bhaarat ka praacheen svaraaj gaya hua hai jisko yaad karte hain । aaj to dekho bhaarat ke haal par rote hain na ki aaj dekho kya sthiti hai । to yeh bhaarat ka haal aaj rone ka hai, duhkh ka hai, ashaanti ka hai parantu hamaare bhaarat ki praacheen jo gaai hui hai vo bahut oonchi aur sukh ki life thi lekin woh bani thi kaise uska arth bhi pahle samajhna hai ki woh bani thi usi aadhaar par ki pahli-pahli jo svatantrata chaahiye na athva aajaadi chaahiye woh kaun si chaahiye। yeh to hua British government se, phailaane se, doosre se doosre desh ka aajaad hona lekin pahle pahle to ham apne karmon se aajaad kahaan hue hain । hamaare karma ka khaata jo hai woh bada hamne khaata dukh ka banaaya hua hai, jiske ke kaaran hamko dukh bhogna hi padta hai to phir bhaarat svatantra hokar ke kya bhi ho parantu woh sukh ham pa bhi kaise sakte hain । svatantra hote bhi aaj dekho ham duhkh ko pa rahe hain kyonki ham karmon se svatantra nahin hue hain iseelie hamaare karma ki aaj giraavat hai । ye to isi par hi naam kehte hain na bhrashtaachaar phalaane phalaane hamaara aachran gira hua hai iseelie aachran girne vaalon ko sukh kaise praapta ho sakta hai jab tak laga aachran kade nahin hai hamaare karma shreshtha nahin bane hain to karma shreshtha ka bhog athva sukh ka bhog ham pa kaise sakte hain। jab hamaare karma shreshtha ho hamaara aachran shreshtha ho tabhi to ham shreshtha praapti athva sukh ki praapti kar sakte hain na। aachran gira hua hai, karma gire hue hain to us gire hue karmon ka nateeja to dukhi paana padega to pahle svatantra kisse hona hai inheen karma ke jo ham bhrashta karmon ke kaaran ham duhkhi hue hain jab talak us dukh ke aachran se yaani bhrashta aachran se ham svatantra nahin hue hain tab talak ham to sukh aur shanti pa hi nahin sakte hain । to pahle pahle svatantra hona hai , aajaad hona hai unse jo hamko bhrashtaachaari bana raha hai । yeh kaun banaate hain, yeh paanch vikaar । vikaar hai jo manushya ko bhrashta banaata hai aur jab vikaar nahin tha tab aachran athva karma shreshtha the । to jab talak manushya in paanch vikaaron se svatantra nahin hua hai na tab talak maano bhrashtaachaar se svatantra nahin hua hai । to bhrashtaachaar se svatantra nahin hua to dukh aur ashaanti se kaise svatantra hoga । to duhkh aur ashaanti pa karke rehna isko thode hi svatantrata kahenge । svatantrata jo gaandhi ji ne naam uthaaya tha woh geeta ke aadhaar par parantu woh geeta ke bhagwan ne jo svatantrata di thi na woh vikaaron se di thi lekin woh cheej to practical ban nahin paai na iseelie abhi woh cheej kaise bane aur kisne banaai inheen sabhi baaton ko samajhna bhi hai aur usi cheej ko paana hai। to aap logon ko yeh khushkhabri sunaate hain ki haan abhi vo time aaya hua hai, jo baapooji ki ichchha thi na ki apna bhaarat raamraajya bane, svatantra hote bhi woh cheej nahin bani raamraajya । to vo raamraaj to banaaega raam na, niraakaar paramatma । usko banaane vaala woh chaahiye koi manushya ka vo kaam nahin hai । iseelie vo abhi aa karke abhi raamraajya kaho ya hamaara sansaar jo svarga tha ya bhaarat jo praacheen shreshtha tha woh kya tha kaise tha usi karma shreshtha ki knowledge abhi paramatma de raha hai । yeh isi ki college hai jismen baithe ho, aae ho , parantu abhi to aae ho na । parantu kaha student banna hai , yeh study karni hai, ye samajhne ki hai practical mein aur is knowledge ko dhaaran karke is knowledge ki status paani hai। jaise doktari knowledge se doctor bante hain na injeeniyri knowledge injeeniyri status hoti hai isi tarah se yeh bhi knowledge hai jisko dhaaran karke uski status vo jo raamraaj ki thi na devi devta pad woh praapta rahega parantu usse pahle samjhe na । to yeh hai woh college, college samjho, school samjho, university samjho jo bhi dekho iska naam padhte hain na eeshvareey vishwa vidyaalay to ye hai eeshvareey, eeshvareey ka matlab hai jahaan eeshvar hai padhaane vaala, yeh vidyaalay usko hai koi manushya ka nahin hai । yeh aap sabka jo pita hai na parampita jo sabka pita bhi hai aur phir teacher bhi hai, shikshak bhi hai, to woh shikshak svayan paramatma ek arjun ke liye to nahin aaya tha na, woh to duniya ke nar aur naari ke liye shikshak ban karke aaya tha shiksha dene ke liye ki jab talak tum apne bhrashta aachran se na hate ho aur in vikaaron se nahin hate ho tab talak tum sukh shanti pa nahin sakte ho, to pahle pahle svatantra bano, aajaad bano kisse, is bhrashta aachran se arthaat yeh paanch vikaar jo bhrashta banaane vaale hain unhon se । to abhi woh kaise ho woh baith karke sikha rahe hain । to yeh hai college apne un vikaaron se chhutkaara pa karke apni pure jeevan bana karke phir purity ke baad pees end prosperiti। first purity chaahiye na, no purity no pees end prosperiti। to first purity chaahiye na to yeh hai purity ko dhaaran karaane ki college aur woh padha raha hai parampita paramatma, jisne kaha hai ki jab jab aisi bhrashtaachaari duniya banti hai tab tab main aata hoon। adharma kaha hai na, jab jab adharmi duniya hoti hai tab tab to adharmi kaho ya bhrashtaachaari kaho baat to ek hi hai na to bhrashtaachaari kaho adharmi kaho baat ek hi hai । to abhi adharmi athva bhrashtaachaari duniya ka abhi yeh ant ka samay hai iseelie paramatma ne kaha hai jab aisi duniya hoti hai tab main aata hoon aur aa karke phir aakar ke sat dharma athva shreshthaachaar athva svarga kaho, heaven kaho baat ek hi hai aisi duniya banaata hoon parantu banegi hamaare karma shreshtha se na aise thode hi ban jaaegi nahin, karma shreshtha se । to ham kya karma karen, karma shreshtha kisko kaha jaata hai unheen sabhi baaton ko samajhna hai। yeh jo kai samajhte hain ki haan itna to hamko maaloom hai ki bhaai sach bolna, jhooth na bolna, kisi ko dhokha na dena, kisi ka gala na kaatna, khoon na karna, chori na karna yeh kaam nahin karna yeh bure hain parantu nahin pahle pahle yeh buraai aati kahaan se hai, ham bure kaise bante hain woh bhi to cheejen samajhne ki hai na ki jab talak manushya ko self realisation nahin hai what em aai, apna pata nahin hai mera krietar kaun hai, apne pita ka pata nahin hai jab talak in baaton ka knowledge nahin hai na to usse bhrashtaachaar hota hi rahega । to pahle pahle to iska knowledge hona chaahiye ki what em aai। aai ka pata hona chaahiye ki aai em kaun , to yeh sabhi baaton ko samajhna chaahiye। yeh na jaanne ke kaaran hi manushya dekho vikaarvash yeh sab jo karma karte aate hain to bhrashta hi bante hain to yeh sabhi cheejon ko samajhna hai iseelie in baaton ko jaanna, apne ko yaani sva ko to pahle self ko jaanna chaahiye tabhi hamko self power milegi jisko phir kaha jaata hai self rule । to self rule woh nahin hai ki svatantra ho karke self rule parantu pahle to self rule chaahiye na। aatma ko apne karma shreshtha ke bal se pahle to yahaan self rule chaahiye। self rule kahaan hai, maro to maro, rogi bano to rogi bano , manushya kuchh kar sakta hai ? no power। to ye sab cheejen samajhne ki hai na, nahin to manushya ke paas woh power tha jisko spirichual power kaha jaata tha, manushya ke paas yeh bal tha to abhi to woh bal nahin hai na । to inheen sabhi baaton ko samajhna hai ki woh hamaari power jo hamaare paas ever helthi ever velthi aur ever happy rahne ki power thi, hamaare paas kabhi akaale mrityu nahin aata tha। samajhte ho , akaale samajhte ho na, bigar time। hamaara shareer chhodna, shareer lena apne time par, jab time hota tha, pata chalta tha, aur baal, yuva, vriddha stage time par aati thi tab ham shareer ko aise utaarte the jaise puraane kapde utaare jaate hain na, jaise saamp ka bhi misaal diya jaata hai saamp ek khaal utaar karke doosri khaal chadhaate hain na isi tarah se jaise ki ek khaal utaari aur doosra shareer liya। itna bal tha lekin aaj mare to manushya chal sakta hai bebas hai to yeh kahaan hai self rule? apne paas woh power kahaan hai self rule jo apne karma shreshtha ka apne par rule chala sake । to apna apna hi power nahin hai to jab ham karma shreshtha mein hi nahin hai to ham sansaar ka sukh kahaan se pa sakte hain। pahle to yahaan chaahiye na ye power jisko sprichual power kaha jaata hai। to yeh saari cheejen samajhne ki hai ki jab talak hamaare paas apne self rule karne ki power nahin hai aur woh aaegi jab talak ham apne inheen karmon se jo hamaare karma vikarma bante hain isi se ham svatantra nahin hue hain tab talak ham self rule nahin kar sakte hain । to idhar self rule nahin hai to ham saansaarik self rule pa karke sada sukh kaise pa sakte hain। ho hi nahin sakta hai kyonki karma ke aadhaar par hi sab hai na। sukh ko paana duhkh ko paana yeh raaja praja sabka sambandh karmon ke aadhaar par hai । to ham ek do se sukh tabhi praapta kar sakte hain jab hamaare karma shreshtha ho । agar karma shreshtha hi nahin hai to ham sukh kahaan se pa sakte hain। to koi ka kisi se sukh paana ho hi nahin sakta hai jab talak ek do ke sambandh mein hamaare karma shreshtha ho iseelie usko shreshtha bana karke usi ko ham kaise oonch banaaen tab ham sada sansaar mein sukhi ban sakte hain । to uske liye hi paramatma ne jo geeta ke bhagwan ne kaha hai na sarva shaastra shiromni geeta mein ki jab aisa time aata hai tab main aata hoon karma shreshtha ki knowledge sikhaane ke liye। to geeta ke bhagwan ne arjun ko bhi to baithkar ki yahi karmon ki philosophy ke oopar hi to saara samjhaaya na । karma ki gati samjha karke usko kaha ki abhi tu mere se man laga aur mere dvaara woh bal le karke tu apne karma ko yeh paanch vikaar moh aadi yeh sab kahaan na inko chhodo । to yeh saari cheejon ko samajhna hai ki yeh paanch vikaar jo hai jiske kaaran hi manushya ke karma bhrashta hote hain aur usi se kaise chhutkaara ho unheen sabhi baaton ki knowledge aur uske liye bal chaahiye । iske liye hi baith kar ke paramatma ne woh raajayog sikhlaaya athva karmayog kaha hai na to yeh karmayog athva raajayog sikhlaane ki college hai, jo baith karke paramatma practically abhi sikha rahe hain ki jab practical mein vahi svarga ki duniya aane ki hai parantu aane ki hai to koi oopar se aise hi nahin aaegi। nahin, yeh to hamaari karma se banegi na, yahaan hi banegi lekin karmon se jaise karmon se ye hell bani hai yaani duhkh aur ashaanti ki duniya bani hai parantu hamaare bhrashta karmon ke kaaran bani hai phir hamaare shreshtha karmon se yahi duniya heaven banegi m baaki koi heven oopar nahin hai na oopar se koi idhar aaegi na heven ya koi aisi cheej nahin hai। yahi duniya palatti hai, change hoti hai to hamaari change oph life, life ki change to hamaari dekho yeh life jo hai isko kaha jaata hai duhkh aur ashaanti ki isko kahenge hell ki life phir hamaari life ki change to phir heven ki life jismen ham sada kaal se sukh ko paate hain। jisne kabhi rog nahin, kabhi akaale mrityu nahin, kabhi ladaai jhagde nahin । agar aaj hamaare sansaar mein yeh ladaai jhagde na hote, hamaare paas health ka poora bal hota, kabhi koi doctor hospital ye kuchh na hota, rog hi nahin hoga to phir kaahe ke liye honge , rog hai tabhi yeh sab cheejen hain । to hamaare paas rog hi na ho , hamaare paas aisi koi baaten hi na ho to phir to sansaar sukhi hai na iseelie baap kehte hain mainne jo sansaar banaaya tha aur geeta ke aadhaar par paramatma ne jo aakar ke kaam kiya tha woh yeh kaam kiya tha । usne sansaar ko raamraajya banaaya tha arthaat heven banaaya tha । to sansaar athva duniya ko heven banaane vaala ek hi parampita paramatma hai jisne baith karke samjhaaya hai ki uske liye chaahiye purity ka first bal। jab talak manushya ke paas woh bal nahin hai na to aap log jo shanti aur sukh aur aajaadi aur yeh sabhi chaahte hai to woh sachchi aajaadi aur sachchi svatantrata aur sachcha sukh tabhi pa sakte ho jab talak aap apne in paanch vikaaron se chhutkaara nahin pa sakte । to pahle chhutkaara paane ka upaay iska chaahiye । bhale gaandhi ji ne bhi pavitrata ke naam par bahut apni sansthaaen vagairah kholi thi, in sab baaton ka lagaaya tha parantu vo kaam uska utna chal nahin paaya kyonki usmein bal chaahiye parampita paramatma ka। woh kaam koi manushya ke karne ka nahin hai iseelie paramatma ne kaha ki main aata hoon is kaam ke liye main aata hoon। yada yada, jab-jab aisa adharma ka time aata hai tab tab main aata hoon to ye abhi yeh vo time hai aur yahi abhi destruction aur kanstrakshan ka kophalyooens yug hai jisko kaha jaata hai sangam yaani ek chakkar poora hota hai abhi naya chakkar shuru hota hai iseelie yeh hamaari impyoriti ki jenreshans ki end hai aur phir purity ki jenreshans ka abhi aadi hone ka hai iseelie paramatma ke dvaara yeh purity ka jenreshans ka aarambh hone ke liye ye purity ka phaaundeshan pad raha hai athva sepling lag raha hai to yeh sabhi cheejon ko samajhna hai achhi tarah se। yeh indivijuali sepling lagaani hai। bhagwan to paramatma ke dvaara to apna world ka kaarya ho raha hai lekin indivijuali jo harek apna-apna purity ka sepling lagaaenge woh phir pure world mein athva pavitra svarga vaali duniya mein athva sukh shanti vaali duniya mein sada sukh ko paaenge, to geeta ke bhagwan ne yeh kaarya kiya tha। yeh koi nahin jaanta hai ki geeta athva knowledge sunaaya usi knowledge se duniya ko kya laabh hua। duniya ko yeh laabh hua ki duniya svarga bani aur usne woh duniya ko svarga banaaya। vahi svarga jiski yaadgaar chitron mein aur kitne apne mandiron mein hai yeh shri lakshmi shri naaraayan shri seeta shri raam yeh vahi svarga ke devi devtaaen yeh sooryavanshi yeh chandravanshi gharaanon ka naam hai jinhon ke ye raaje aur mahaaraaje hokar ke gae hue hain । to yeh raajdhaani jisko kaha hai raajayog yaani isi yog se ye raajaai sthaapan hui hai paramatma ne । to yeh sabhi cheejon ko samajhna hai ki apna praacheen bhaarat jo tha na woh aisa tha, jo manushya yeh the ever healthy ever velthi ever happy jinke paas poorn sukh tha । ham hi the, koi doosre nahin the yeh ham hi the kyonki hamaari life ki stage itni oonchi thi । to abhi phir se paramatma ke dvaara woh hamaari life ki stage oonchi banne ka yeh abhi kaam ho raha hai lekin iska laabh jo indivijuali lega vahi lega tab to apna praapta kar sakega na । to iseelie aap logon ko offer karte hain, khushkhabri bhi sunaate hain ki paramatma aaya hai woh apna kaarya kar raha hai aur aapko offer bhi karte hain aap bhi aakar ke isi cheej ko samjho aur samajh kar ke apne jeevan ka janma siddha adhikaar jo hai na birth right us pita se lene ka woh aakar ke lo kyonki har ek ko hak hai kyonki baap hai na pita hai na, to pita se apna jo birth right hai yeh sada sukh ka woh praapta karna har ek bachche ka dharma hai parantu har ek apne ko samjhe na unka bachcha । unka bachcha samjhe aur baap abhi aaya hai usko samjhe aur samajh kar ke usse apna birth right lene ke liye jo baap pharmaan karta hai uska paalan karen na। uska pharmaan hai ki abhi bi pure end bi yogi to yeh pharmaan paalan karna hai na । to usko paalan bhi karna hai tabhi ham phir us pure world ka athva heven ka sukh praapta kar sakte hain baaki sukh aise hi thodi milega । kitne hajaar duniya apne ko samjhe ya kitna bhi kuchh aur prayatna lekin dekho sab prayatna se phir bhi laaik to duhkh ashaanti ki aur hi chalti ja rahi hai na । to yeh sabhi baaton ko samajhna hai iseelie aap logon ko kyonki aaj kuchh nae bhi shaayad aae hue honge to aap logon ko batlaate hain ki aap log in cheejon ko aa karke kuchh time de karke suno aur samjho aur sachchi-sachchi svatantrata athva sachchi sachchi aajaadi ka poorn poorn sukh praapta karne ka kya saadhan hai usko jaan karke usko practical apnaao । tabhi phir hamaara sansaar birth aajaadi ka poora sukh pa sakega । baaki yeh to aajaadi British government se bhale aajaad hain lekin apne karmon se to aajaad hai hi nahin iseelie ham duhkh aur ashaanti ko paate hi rah rahe hain । to abhi hamko chaahiye sukh shanti woh sukh shanti vaali cheej tabhi milegi jab in vikaaron se chhootenge. abhi vikaaron se kaise chhoote yeh cheej samajhna hai। aisa nahin hai ki koi samjhe ki ham kisi ka khoon thodi hi karte hain, ham gala nahin kaatte hain, chori nahin karte hain to hamaare paas to koi bhi kaar hai hi nahin। nahin, vikaar to manushya mein hai hi , manushya iseelie paap karta hi rehta hai jab talak , moh se bhi paap hota hai, kaam se hi paap hota hai, krodh se bhi paap hota hai lekin in sabhi baaton ko samajhna hai ki ye cheej hamaare se kaise nikle aur inke sivaay aise bhi nahin hai ki hamaara kaam nahin chalega, hamaara grihasthi vyavhaar ruk jaaega, ya woh chalega। nahin, grih vyavhaar ko chalaane ke liye koi paanch vikaar zaroori thode hi hai। nahin, paanch vikaaron se duniya , hamaara jo grihastha vyavhaar chala hai unka aadhaar hamaari yaadgaar mein hai। mandiron mein dekhte ho na woh bhi grihastha hi the na devi devtaaain। lakshmeenaaraayan kya the, donon couple the na। to dekho raaja the, raaja raani hokar ke gae lekin unhonne itni raajdhaani chala ke, baal bachche bhi the lekin woh pavitra kyon gine jaate hain, zaroor hai unki life mein aur aaj ki hamaari life mein koi diphrens to hai na tabhi to ham unko poojte hain na। to woh kya, woh bhi grihasthi the na lekin grihastha mein rehte hue nirvikaari gine jaate hain kaise aur duniya chali hai na। to aisa nahin samajhna un vikaaron ki bina duniya kaise chalegi, yeh samajhna ronga hai। iseelie yeh sab baaton ko samajhna hai aur inheen ke kaaran hi duhkh hai। to duhkh se chhootna hai to pahle in vikaaron se aajaad hona hai aur isi ki aajaadi ke liye kaun sa upaay hai , use kaise ham naash karen, unse kaise chhoote uske liye upaay ki yeh college hai । yeh college paramatma ki kholi hui hai jismen ham sabhi students hain। abhi jo student banega vahi to status paaega na । ham bhi dekho apni status paane ke liye purushaartha mein lage hue hain, aap logon ko bhi offer karte hain ki aa karke is cheej ko samjho aur isko achhi tarah se jaan karke practical life banaao aur isi ke aadhaar par aap bhi apna birth right us father ka, god ka jo hai hi sarva samartha unheen ka jo birth right hai athva pita, apna parampita hai uska hi jo birth right hai usko praapta karo । to usmein dekho kitni bhaari offer karte hain to abhi offer bhi dekho lene vaalon mein koto mein koi bhagwan ne pahle bhi kaha hai na geeta mein, geeta ke bhagwan ne dekho main aaya hua hoon, sunaaya to bahuton ko lekin nikalte hi koton mein koi mujhe koton kou jaante hain , to baap ne bhi aisa kaha hai parantu ham to kahenge na adhikaar paane ke liye to har ek ko apna rakhna hi chaahiye । iseelie aap logon ko apne anubhav aur vivek mein jo cheej aai hai usi ke aadhaar par offer karte hain। to yeh good offer hai aur good offer ko lena chaahiye baaki jo lenge woh paaenge na lenge to phir kaise paaenge । iseelie agar chaahte ho poorn sukh shanti to phir uska aakar ke saadhan poora samjho । aur bahut sahaj hai koi aisi diphikalta nahin hai, hamaare jaise kya diphikalta karenge। agar koi diphikalta ho to dekho jo itna easy hai tabhi to dekho maataaen aur yeh sab kar sakti hain, bachche bhi kar sakte hain itna, bachche ko kaho baap ko yaad karo yeh itna koi diphikalta baat hai ? nahin। chhote bachche ko bhi kaho ye daidi hai ye mummy hai to haan buddhi se yeh bhi baap ko yaad karna hai aur usko yaad rakh karke uske pharmaan par chalna hai । to ye usi ka pharmaan hai ki bachche pavitra raho ye vikaaron ka abhi sang chhodo । to yeh sabhi baaten sikhaai jaaengi ismen to koi chhota bachcha bhi bada koi sabke liye bada easy hai । koi buddha ho, kaisa bhi ho, aisa nahin hai ki iske liye koi javaan chaahiye ya koi padhe-likhe chaahiye, vidvaan, pandit chaahiye nahin aisi koi baat nahin। baap ne kaha, dekho arjun ko bhi kaha hai na jo bhi kuchh padha hai woh bhoolo। abhi main tumko eeji baat batlaata hoon, yeh sab bhool jaao । jinhonne padhaaya hai unko bhi bhoolo jo padhe ho vo bhi bhoolo, sab bhoolo। kaha na in guruon inko ved shaastra, granth sab bhoolo, abhi main jo kehta hoon woh sab suno । to yeh sabhi cheejon ko samajhna hai iseelie aap logon ka offer karte hain baaki karna na karna yeh to aap logon ka kaam hai । achha do minute silence। silence ka matlab hai baap ko yaad karo athva aai em soul first saailent, phir idhar talkie mein aaen hain na, to abhi phir silence mein jaana hai iseelie baap kehte hain abhi silence world mein apne ko yaad rakho aur mujhe yaad karo, jahaan ka main bhi nivaasi hoon kyonki phir vahaan se tumko talkie mein bhejoonga to phir woh pure world hogi । abhi impyor world ka destruction karta hoon iseelie tum apna abhi dhyaan athva apna attention us taraph lagaao aur apne ko pavitra rakho । pavitra rakhenge to sepling lagegi pavitra world mein aane ke liye, nahin to nahin lagegi। to agar pavitra world mein aana hai athva sukh shanti vaali duniya mein aana hai to pavitrata ka sepling lagaao tabhi purity generation mein jo karenge tab to paaenge to uske liye kehte hain abhi woh purushaartha karo।