Mamma's Murli - gyan-sitar-07

२२.१२.५८

mukti arthaat duhkh ke bandhan se chhootna aur jeevanmukti arthaat sukh ke janmon mein aana

om shanti। abhi hamaara satguru niraakaar paramatma hai jo paarlaukik sarva shaktivaan samartha hai। guru ka sambandh hota hi hai mukti-jeevanmukti dene ke liye। woh cheez koi laukik guru dvaara milni nahin hai kyonki woh sab hain janma-maran mein aane vaale । mukti-jeevanmukti to ajanma hi dega। woh ek hi satguru hai। baaki to sab guru hue is lok ke। woh bhi punarjanma mein aane vaale aur ham bhi punarjanma mein aane vaale । punarjanma to satayug mein bhi hote hain। parantu woh karmabandhan ke duhkh ka janma nahin hai। vahaan karma, akarma ho jaate hain। ham abhi ke is purushaartha se poorn praalabdha lete hain। aise nahin २१ janmon mein purushaartha kar praalabdha banaayenge । nahin, abhi hi sab kuchh karna hai। ab ham samajhte hain ki jeevanmukti hai hi २१ janmon ki aur milti bhi satguru dvaara hai। jeevanmukti se mukti ko siddha karte hain। mukti hoti tab hai jab jeevanmukti milti hai। yeh kartavya ek satguru hi kar sakta hai। २१ janma jeevanmukti jo milti hai woh abhi ki hi praapti hai। to hamaara tailuk (sambandh) us ek ke saath hai। aur sab deh sahit deh ke sambandh toot jaate hain। mukti ka matlab hai duhkh ke bandhan se chhootna। jeevanmukti arthaat sukh ke janmon mein aana। yeh kaarya unka hi hai। to deh ke sab sambandh abhi nahin chhoote hain to zarur duhkh ke karmabandhan ka naata hai। uska hisaab-kitaab bhogna hi padega। agar paramatma baap se poora varsa lena hai to poora sambandh rehna chaahiye । isko bahut thode samajhte hain। jaise jeevan ka sambandh apne aap se hai na।? mansa-vaacha-karmana sab jeevan ke naate ko jaante hain। vaise hi man, vaani, karma se sab unke paas transfer karna hai। sirf buddhiyog dvaara yaad nahin karna hai, lekin man-vaani-karma - sabse unka ho jaana hai । ismen vaacha ka bhi sambandh hai, buddhi ka bhi sambandh hai। jabki karnakraavanhaar upasthit hai to hamaare karma bhi unke karma se sambandh rakhne vaale hone chaahiye। vaacha bhi vahi ho jo bhagvaanuvaach hai aur mansa bhi vahi ho arthaat unko hi yaad karna hai। bhagwan se poora sambandh rakhna hai, tab hi poorn mukti - jeevanmukti mil sakti hai। bhagwan se vardaan to poora lena hai na। sarva duhkhon se chhootna hai। agar sajaaen khaai to woh bhi duhkh hua। karmabandhan se chhootne ka matlab hai karmabandhan ki sajaaon ke duhkh se bhi chhootna । aise nahin saja khaakar mukta hona hai।

lekin sampoorn duhkh se chhoot sampoorn sadaakaal ke sukh ko praapta karna - yeh hai hamaara purushaartha jo ek paramatma hi kara sakte hain। hamaare is purushaartha ka phir responsible woh ho gaya। parantu jab tak poora sambandh nahin hai, to samajhna chaahiye ham apne karmon ke responsible hain। hamaare karmon ka responsible woh tab hoga jab ham unke poore banen। unke haath mein haath dena arthaat poora sambandh jodna। unke hi kartavya mein lag jaana hai। agar kuchh karmabandhan ko sambhaalne mein lage to us paramatma ki seva mein zarur kuchh kam ho jaaega । isliye tan-man-dhan se unki seva mein lagna hai। unka poora bankar unke kaarya mein poorn madadgaar saathi banenge to uska return bhi itna milega। jaise government ki jo jitni seva karta hai use utna milta hai na । iska matlab yeh nahin hai ki poora banne se hi poori praapti hogi। lekin poora madadgaar bhi banna hai। na se to phir bhi jo jitna karen utna achha hi hai। phir bhi satayugi duniya mein to aaenge na, ya to sooryavanshi raaja banenge ya sooryavanshi praja mein aayenge। ya phir chandravanshi raaja-raani banenge ya chandravanshi praja mein aaenge। ismen poochhne ki bhi baat nahin rehti। practical charitra se maaloom padta hai।

to hamko kya karna hai ? kyonki unka saara kaam practical mein hai। woh charitra practical mein chal rahe hain। karnakraavanhaar kar aur kara rahe hain। buddhi dvaara ham samajhte bhi hain। phir karna kya hai, so to har ek apna saahas rakhega। baaki samjhaaya to sab jaata hai - har ek ko karna kya chaahiye ? so to apni himmat, apna bal jitna hoga utna kadam uthaayenge। jisko banna hai unko karna hai। purushaartha mein kam jaasti to honge hi kyonki nambarvaar sab bante hain। bhal jaante hain jo kalpa pahle bane the vahi banenge। purushaartha karne ke baad result niklega। ismen yeh kehna nahin hota ki jaisa direction milega vaise karenge। purushaarthi ki chaal hi siddha karti hai ki yeh kis praalabdha ke laayak hai। uske liye koi direction nahin mil sakte। total knowledge to mil hi rahi hai – raaja-raani banne ka purushaartha kya hai? praja banne ka purushaartha kya hai? baaki apne ko laayak banaana, yeh to apne oopar hai। hamko satguru ka poora sahaara hai। dene vaala woh hai, lene vaale ham hain। ham bhi purushaarthi ki chaal se samajhte hain, woh bhi unse samjhenge। jo karega, result niklega, kahenge -- yahi kalpa pahle vaale the। aise to nahin kehte hain -- kalpa pahle yeh bane the, inko hi purushaartha karaana hai। bhagwan bhi aisa advantage nahin lete hain। banna hai apne purushaartha se। padhaai sabko sareekhi (samaan) milti hai। phir jo jitna padhte hain utna pad paate hain। jo karenge so paayenge। achha।