Mamma's Murli - gyan-sitar-13

३१.१२.५८

nirantar yog mein sthit rahne ki sahaj yukti

jis cheej se sneh hota hai us cheej ki yaad aati hai aur sneh tab hota hai jab usse kuchh praapti hoti hai। yeh anaadi kaayda hai। ab hamaara bhi paramatma ke saath sneh hai। ham anubhav se kah sakte hain ki paramatma dvaara humein sab kuchh praapta hua tha aur ab bhi praapta ho raha hai। jis dvaara praapta hota hai, usse sneh rehta hai aur jisse sneh hai unki yaad aati hai। usmein gyaan aur yog donon aa jaata hai। gyaan se sneh rahega, sneh se yaad rahegi। yeh sab baaten samajhne ki hain। jo cheej milne ki hai woh anubhav hoti hai। milne ki cheej hai sukh-shanti। jitna-jitna ham jaante jaate hain, utna anubhav hota jaata hai। ashaanti se shanti, duhkh se sukh ab praapta ho raha hai। peechhe to hogi hi praalabdha। ab donon cheej ka contrast saamne rakh sakte hain। anubhav ke aadhaar se kah sakte hain ki paramatma ke saath ab hamaara sneh badhta jaata hai।

yog ke liye koi sthool saadhna ki baat nahin hai। knowledge se anubhav mein hain, anubhav se unki yaad aapehi rehti hai। yaad natural cheej hai। ham unko kitna bhi mitaayenge parantu woh cheej mitegi nahin। yaad ki tarkeeb badi sahaj hai। sambandh se yaad hai hi hai। yeh bhi ham jaante hain ki woh sabko sukh dene vaala hai। woh sab kuchh praapta karaane vaala aakar upasthit hua hai। ab praapti ka anubhav ho raha hai। to unka hi sneh rehta hai, unki hi yaad rehti hai। yeh anubhav ki baaten hain। sneh ka aadhaar anubhav ke oopar hai। jitna anubhav ki praapti utna sneh badhta rahega। sneh se yaad badhegi। ab is duniya ke duhkh ke aasaar pratyaksha hote jaate hain, to jarur unke peechhe sukh-shanti hai। anubhav se ham kah sakte hain ki yeh praapti ho rahi hai। to jarur hamaara buddhiyog aur taraph se hat unke saath hi rahega।

koi-koi poochhte hain – “hamaari kab-kab avastha neeche-oopar kyon hoti hai? ४ din achhi rehti to ६ din aanand, khushi, ullaas nahin rehta।” jitna-jitna knowledge hoga utna sneh badhega, utni hi yaad atoot lagaataar rahegi । bhal koi aur kaarya hoga to bhi buddhi mein woh baat ghoomti rahegi । to yeh yaad bhi aisi cheej hai jo hamaare bhoolaane se bhi nahin bhoolegi । jitna-jitna ham knowledge ko jaante anubhav ko paate jaayenge utna yaad badhti jaayegi । ismen haath-paanv se karne ki baat nahin। jitna knowledge ka anubhav hoga utna sneh rahega aur jitna sneh utna atoot yaad athva nirantar yaad rahegi ।

yeh hai practical baat । jaise un baaton mein practical jeevan chalti thi, ab unko badalkar yeh practical jeevan banaani hai। jeevan ko sirf badalna hai। kitni sahaj baat hai ! baahar ka koi thaath nahin। kahaan jaganl aadi mein jaana athva saadhna karna, iski bhi darkaar nahin hai। uthte-baithte, bolte-chalte, aahaar-vihaar, khaan-paan aadi sabmen woh natural change aa jaati hai। koi ek-ek baat ke liye saadhan nahin karna padta । sab baaton mein palta (parivartan) automatically aa jaata hai। aise nahin ki yog ke liye koi alag saadhna karni padegi । ismen to automatically vriti badal jaati hai । sookshm, sthool aantarik avastha aadi sab baaton mein change aa jaati hai। sthiti bhi badal jaati hai। man-vaani-karma ikttha-ikttha badal jaata hai। phir jab aatma pure ho jaati hai to shareer bhi pure milta hai। shareer ke oopar bhi aatma ke sanskaaron ka sambandh hai । koi samajhte hain - "hamaare mein krodh hai, moh hai uska kya upaay karen ? na chaahte bhi ho jaata hai"। parantu uske liye koi alag upaay nahin hai। upaay ek hi hai ki ek baap ko yaad karo। yaad se sab vikaar samaapta ho jaayenge । parantu yeh sab samajhne ki baaten hain। achha । om shanti ।