Mamma's Murli - gyan-sitar-46
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
२८.६.६३
baap ki mat par aachran karne vaale sachche-sachche brahman bano
geet- jaag sajniyaan jaag… ।
om shanti । baap ne ham bachchon ko arthaat ham sajniyon ko aakar jagaaya hai। maaya ki nidra mein soye pade the, ab jaage hain। to jaagkar praapti ke liye purushaartha karna hai। abhi buddhi mein hai ki yeh puraani duniya beeti । ham use dekhkar nahin jeete hain। ab hamaara puraani duniya se sambandh nahin raha hai। baap humein svadarshan-chakra deta hai ki maaya ke gale ko kaato yaani raavan ke १० sheesh kaato । chakra buddhi mein ghumaane se chakravarti raaja banenge। abhi ham sabhi janmon ka chakra jaante hain। pahle ham ashareeri (nange) the, phir naatak hua to naatak ka vesh pahna। phir apne dhaam jaana hai to phir buddhi-bal se ashareeri banna hai। deh ka sab kuchh yahaan khatma karna hai। keechad ko saaph karna hai। ab vaapas jaane ka khyaal rakho। ghar mein jaana hai, to duniya ki koi bhi cheej athva padaartha mein moh na rakho ।
ab puraane khaate ko band karna hai aur naya banaana hai। puraane ko aage badhaayenge to sajaaon se chuktu karna padega kyonki yahaan ab vikarma hi banega। to museebat kyon badhaayen ? abhi tum jaan chuke ho ki duhkh ka kaaran yeh hai। to purushaartha hai saara buddhi-bal ka । shareer nirvaah karte bhi eeshvar ka hokar rahenge to javaabdaari unki hai। paramatma ka banne se safe rahenge। paramatma ki mat par hi rehna hai। manushya bahut hain to maten bhi bahut hain। baba to hai ek, to mat bhi ek hai। to aisi mat par chalne vaale chaahien। parantu koton mein koi hi chalte hain। kyonki sab ek jaisa purushaartha nahin karte hain। to tumhein apne ko bahut sambhaalna hai। sab baaton mein parhej chaahiye। pooja aadi mein braahmanon ko hi mangaate hain। to unhonne hamaara naam apne oopar rakh diya hai ।
ab hamko vallabhaachaari banna hai। vallabh maana baap। uski mat par aachran karne vaala। hamaara kul kitna ooncha hai ? kehte hain – devta bhi ichchha rakhte hain ki is janma mein aayen। to brahman ho gaye devtaaon se bhi oonche । balihaari braahmanon ki hai। to ab apna occupation samajhkar chalna hai। ham oonche kul ke hain, pahli rachna hain। to chaal-chalan bhi aisi hi chalni chaahiye। koi dekhe to samjhe ki yeh saadhaaran log nahin hain, pharishte hain। yeh ek hi janma hai braahmanon ka, so bhi chhota-sa hai। ismen khaandaan ka naam baala karna hai। to brahman kul ki khushbu bhi aayegi। to yeh hai apni parhej । koi bhi vikaari ke haath ka nahin khaana hai। braahmanon ko aur hi jyaada parhej rakhni hai। phir hath bhi nahin karna hai। apna hai jeetna, hath se nahin maarna hai। balihaari jeetne ki hai । hamko baap royal tareeka sikhaate hain। khaana apne haath se banaana hai। laachaari haalat mein koi vidhva va kanya se banva sakte hain। phir bhi yogayukta ki baat alag hai। laachaari mein doodh hai, phal aadi hain, woh le sakte ho । ek din vrat bhi rakha to kya hua। baaki chane aadi kha lene se koi pet to kharaab nahin ho jaayega ।
mukhya hai krodh, lobh, moh ki parhej । use kehte hain vallabhaachaari । brahmacharya ka bhi arth hai। brahma dvaara sikhaaya hua aachran - yeh hai satoguni pavitrata । sanyaasiyon ki pavitrata rajoguni hai। parhej rakhne se murjhaais aadi nahin aayegi। nahin to, ek din kaisa, doosre din kaisa ! tum saanvadhaan nahin honge to maaya thappad maaregi । baaki aise nahin - thoda purushaartha kiya woh bhi achha । yeh koi baap par meharbaani thode hi karni hai। koi ko aise bhi nahin kaho ki pooja-paath chhod do। na se to yeh bhakti bhi achhi hai। pahle to vikaaron ko chhodne ki baat hai। nahin to ulta gir jaayega। gyaan samjhaane ki bhi yukti chaahiye। pahle nabja dekhni hai। kabhi doctor bhi nabja theek nahin pakad paate hain to bhool hone se mareej mar jaate hain। to badi javaabdaari ka kaam hai। dhaarna bhi bahut achhi chaahiye। achha । goodmorning ।