Avyakt murli du jeudi 17 juillet 1969
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
17-07-69om shanti avyakt baapdaada madhuban
avyakt sthiti banaane ki yuktiyaan
avyakt sthiti achhi lagti hai ya vyakta mein aana achha lagta hai? avyakt sthiti mein aavaaj hai? aavaaj se pare rehna chaahte ho? jab aap sabhi aavaaj se pare rahne ka prayatna karte ho, achha bhi lagta hai। to phir baapdaada ko vyakta mein kyon bulaate ho? har vakta avyakt sthiti mein rahen, uske liye kya purushaartha karna hai? sirf ek akshar bataao। jis ek akshar se avyakt sthiti rahe। kaun sa ek akshar yaad rakhenge jo avyakt sthiti ban jaaye? mansa-vaacha-karmana teenon hi vyakta mein hote avyakt rahe iske liye ek akshar bataao?aatma- abhimaani banna,aatmabhimaani arthaat avyakt sthiti। lekin us sthiti ke liye yaad kya rakhen?purushaartha kya karen?
dheere-dheere aisi sthiti sabhi ki ho jaayegi। jo kiske andar mein jo baat hogi woh pahle se hi aap ko maaloom padega। isliye practice kara rahe hain। jitna-jitna avyakt sthiti mein sthit honge, koi mukh se bole na bole lekin unke andar ka bhaav pahle se hi jaan lenge। aisa samay aayega। isliye yeh praivitas karaate hain। to pahli baat poochh rahe the ki ek akshar kaun sa yaad rakhen? apne ko mehmaan samajhna। agar mehman samjhenge to phir jo antim sampoorn sthiti ka varnan hai woh is mehmaan banne se hoga। apne ko mehmaan samjhenge to phir vyakta mein hote hue bhi avyakt mein rahenge। mehmaan ka kiske saath bhi lagaav nahin hota hai। ham is shareer mein bhi mehmaan hain। is puraani duniya mein bhi mehmaan hai। jab shareer mein hi mehmaan hain to shareer se bhi kya lagan rakhen। sirf thode samay ke liye yeh shareer kaam mein laana hai।
yaha mehmaan banenge to phir vahaan kya banenge? jitna yahaan mehmaan banenge utna hi phir vahaan vishwa ka maalik banenge। is duniya ke maalik nahin hain। is duniya mein ham mehmaan hain। nai duniya ke maalik hain। yeh jo vyakta bhaav mein aa jaate hain to uska kaaran yahi hai jo apne ko mehmaan nahin samajhte hain। vastuon par bhi apna adhikaar samajhte hain। isliye usmein attachment ho jaati hai। apne ko agar mehmaan samjho to phir yeh sabhi baaten khatma ho jaayen।
apna baik balance bhi note karna hai। jitna kamaate hain utna khaate hain ya kuchh jama bhi hota hai। total hisaab nikaala hai kitna jama kiya hai? us jama ke hisaab se khud apne se santushta ho?(nahin) to jama karne ka aur koi samay raha hua hai?kitna samay hai? samay bhi nahin hai, santushta bhi nahin to phir kya hoga?abhi sabhi ko yeh khaas dhyaan rakhna chaahiye। apna balance badhaana chaahiye। kam se kam itna to hona chaahiye jo khud santushta rahe। apni kamaai se khud bhi santushta nahin rahenge to auron ko kya kahenge। ek ek ko itna jama karna hai। kya sirf apne liye hi jama karna hai ya auron ke liye bhi karna hai। auron ko daan karne ke liye jama nahin karna hai?
aisa samay abhi aayega jo sabhi bhikhaari roop mein aap logon se yeh bheekh maangenge। to unhon ko nahin denge? itna jama karna padega na। apne liye to karna hi hai lekin saath-saath aisa drishya sabhi ke saamne hoga। jo aaj apne ko bharpoor samajhte hain woh bhi bhikhaari ke roop mein aap sabhi se bheekh maangenge। to bheekh kaise de sakenge? jab jama hoga na। daata ke bachche to sabhi dene vaale thahre। aap sabhi ke ek second ki drishti ke,amoolya bol ke bhi pyaase rahenge। aisa antim drishya apne saamne rakh purushaartha karo। aisa na ho ki dar par aayi hui koi bhookhi aatma khaali haath jaaye। saakaar mein kya karke dikhaaya? koi bhi aatma asantushta hokar na jaaye। bhal kaisi bhi aatma ho lekin santushta hokar jaaye। to aisi baaten sochni chaahiye। sirf apne liye nahin।
abhi aap rachayita ho। aap ke ek-ek rachna ke peechhe phir rachna bhi hai। maa-baap ko jab tak bachche nahin hote hain, maa-baap ki kamaai apne prati hi hoti hai। jab rachna hoti hai to phir rachna ka bhi poora dhyaan rakhna padta hai। ab apne liye jo kamaai thi woh to bahut samay khaaya, manaaya। lekin ab apni rachna ka bhi dhyaan rakhna hai। aapne apni rachna dekhi hai?kitni rachna hai। chhoti hai va badi hai। baapdaada harek ki result dekhte hain। us hisaab se kah dete hain। ek-ek sitaare ki kitni rachna hai। jitni yahaan rachna hogi utna vahaan bada raajya hoga। yahaan kitni rachna rachi hai?apni rachna dekhi hai? bhavishya ko jaante ho?rachayita to sabhi hain lekin badi rachna ki hai ya chhoti rachna ki hain? (aash to badi ki hai) badi rachna ke saath phir jimmevaariyon bhi badi hai।
achha !!!