Avyakt murli du jeudi 24 juillet 1969
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
> 24-07-69om shanti avyakt baapdaada madhuban
bindu roop ki practice
meethe-meethe bachche kiske saamne baithe ho?aur kya hokar baithe ho? baap to tum bachchon ko bindi roop banaane aaye hain । main aatma bindu roop hoon । bindi kitni chhoti hoti hai aur baap bhi kitna chhota hai । itni chhoti si baat bhi tum bachchon ki buddhi mein nahin aati hai? baap to bachchon ke saamne hi hai । door nahin । door hui cheej ko bhool jaate ho । jo cheej saamne hi rehti hai us cheej ko bhoolna yeh tum bachchon ko to shobha nahin deta hai । agar bachche bindi ko hi bhool jaayenge to bolo kis aadhaar par chalenge? aatma ke hi to aadhaar se shareer bhi chalta hai । main aatma hoon yeh nasha hona chaahiye ki main bindu-bindu ki hi santaan hoon । santaan kahne se hi sneh mein aa jaate hain । to aaj tum bachchon ko bindu roop mein sthit hone ki practice karaayen? main aatma hoon,ismen to bhoolne ki hi aavashyakta nahin rehti hai । jaise mujh baap ko bhoolne ki jaroorat padti hai?haan parichay dene ke liye to jarur bolna padta hai ki mera naam roop, gun,kartavya kya hai । aur main phir kab aata hoon?kis tan mein aata hoon? tum bachchon ko hi apna parichay deta hoon । to kya baap apne parichay ko bhool jaate hain? bachche us sthiti mein ek second bhi nahin rah sakte hain?to kya apne naam roop desh ko bhi bhool jaate hain?yeh pahli-pahli baat hai jo ki tum sabhi ko bataate ho ki main aatma hoon na ki shareer । jab aatma hokar bithaate ho tabhi unko phir shareer bhi bhoolta hai । agar aatma hokar nahin bithaate ho to kya phir deh sahit deh ke sabhi sambandh bhool jaate । jab unko bhulaate ho to kya apne shareer se nyaara hokar,jo nyaara baap hai, unki yaad mein nahin baith sakte ho?
ab sab bachche apne ko aatma samajh kar baitho,saamne kisko dekhen? aatmaon ke baap ko । is sthiti mein rahne se vyakta se nyaare hokar avyakt sthiti mein rah sakenge । main aatma bindu roop hoon,kya yeh yaad nahin aata hai?bindi roop hokar baithna nahin aata?aise hi abhyaas ko badhaate jaaoge to ek second to kya kitne hi ghanton isi avastha mein sthit hokar is avastha ka ras le sakte ho । isi avastha mein sthit rahne se phir bolne ki jaroorat hi nahin rahegi । bindu hokar baithna koi jad avastha nahin hai । jaise beej mein saara ped samaaya hua hai vaise hi mujh aatma mein baap ki yaad samaai hui hai? aise hokar baithne se sab rasnaayen aayengi । aur saath hi yeh bhi nasha hoga ki ham kiske saamne baithe hain! baap hamko bhi apne saath kahaan le ja rahe hain! baap tum bachchon ko akela nahin chhodta hai । jo baap ka aur tum bachchon ka ghar hai, vahaan par saath mein hi lekar jaayenge । sab ikattha chalne hi hai । aatma samajhkar phir shareer mein aakar karma bhi karna hai । parantu karma karte huye bhi nyaara aur pyaara hokar rehna hai । baap bhi tum bachchon ko dekhte hain । dekhte hue bhi to baap nyaara aur pyaara hai na ।
achha !!!