Avyakt murli du samedi 6 décembre 1969

>

06-12-69om shanti avyakt baapdaada madhuban

“saral svabhaav se buddhi ko vishaal aur dooraandeshi banaao”

aaj ki sabha mein kaunsi vishesh khushbu bhi hai aur vishesh aakarshan bhi hai? sneh to sabhi ka hai hi। aap ko kislie bulaaya hai? aise samjhe ki yeh jo bhi sabhi aaye hain woh vaapas jaane ke liye taiyaar hokar aaye hain। ever ready jo hote hain woh sadaiv taiyaar hi hote hain। bulaava hua aur ek second mein apna raha hua sabhi kuchh samet bhi sakte aur jump bhi de sakte। practical mein dekha bhi na ki drama ke bulaave par kitna time laga? ek taraph sametna doosre taraph high jump dena। yeh donon scene dekhi - yeh drama mein kislie hua?sikhlaane ke liye। to aise ever ready banna padega। abhi ever ready ki line chaalu ho gai hai। is line ke andar kiska bhi number aa sakta hai। jo sabhi ke sankalp mein hai woh kabhi nahin hona hai। hoga phir bhi anaayaas hi। yeh brahman kul ki reeti-rasma chaalu ho chuki hai। yeh reeti-rasma bhi drama mein kyon bani hui hai, uska bhi bahut gupta rahasya hai। to aisa purushaartha pahle se hi kar lo jo phauran samet bhi sako aur jump bhi ke sako। sametne ki shakti kismen ho sakti hai? jo saral svabhaav vaale honge usmein sametne ki shakti sahaj aa sakti hai। jo saral svabhaav vaala hoga woh sabhi ka sahayogi bhi hoga। jo sabhi ka snehi hota hai unko sabhi dvaara sahayog praapta hota hai। isliye sabhi baaton ka saamna karna va samenna sahaj hi kar sakta hai। aur jitna saral svabhaav vaale honge utna maaya kam saamna karegi। woh sabhi ko priy lagta hai। saral svabhaav vaale ka vyartha sankalp kabhi nahin chalta। samay vyartha nahin jaata। vyartha sankalp na chalne ke kaaran unki buddhi vishaal aur dooraandeshi rehti hai। isliye unke aage koi bhi samasya saamna nahin kar sakti। jitni saralta hogi utni svachchhata bhi hogi। svachchhata sabhi ko apne taraph aakarshit karti hai। svachchhata arthaat sachchaai aur saphaai। sachchaai aur saphaai tab hogi jab apne svabhaav ko saral banaayenge। saral svabhaav vaala bahuroopi bhi ban sakta hai। komal cheez ko jaise bhi roop mein laao aa sakti hai। to ab gold bane ho lekin gold ko ab agni mein galaao to mould bhi ho sake। is kami ke kaaran service ki saphalta mein kami padti hai। apne ko kaise mould kare iske liye bhatthi mein aaye ho। ek hai modne ki shakti aur doosri hai brake lagaane ki shakti। modna bhi hai to kitne samay mein? bhal modna aata bhi hai lekin kahaan-kahaan samay bahut lag jaata hai। samay na lage woh sankalp karna hai। sankalp kiya aur siddha hua। bhatthi se aisa bankar ke nikalna hai jo har sankalp har shabd siddha ho। woh log riddhi-siddhi praapta karte hain lakin yahaan yog ki riddhi-siddhi hai। yaad ki riddhi-siddhi kya hoti hai,woh seekhna hai। jo siddhi ko praapta hote hai unke sankalp, shabd aur har karma siddha hota hai। ek sankalp bhi vyartha nahin uthega। sankalp woh uthenge jo siddha honge। service-able usko kaha jaata hai jiska ek bhi sankalp bina siddhi ke na jaaye। athva aisa koi sankalp na uthna chaahiye jo siddha hone vaala na ho। aap ke ek-ek sankalp ki value hai। lekin jab apni value ko khud rakhenge tab anek aatmaayen bhi aap ratnon ki value ko parkhegi। is bhatthi se harek ka chehra chaitanya museum bankar nikle। aur museum to bahut banaaye lekin ab ek-ek ko apne chehre ko chaitanya museum banaana hai। is chaitanya chehre ke museum mein kitne chitra hai? is chehre ke museum mein kaun-kaun se chitra fit karenge? museum mein pahle chitron ki phiting karte hain,baad mein dekoreshan hota hai phir udghaatan karaana hota hai phir opinion lena hota hai। to aap ke is chaitanya museum mein teen mukhya chitra hain। bhrikuti,nayan aur mukh। in dvaara hi aapki smriti,vritti drishti aur vaani ka maaloom padta hai। jaise trimoorti,lakshmi naaraayan aur seedhi yeh teen mukhya chitra hain na। ismen saara gyaan aa jaata hai। vaise hi is chehre ke andar yeh chitra anaadi fit hain। inki aisi dekoreshan ho jo door se yeh chitra apne taraph aakarshan kare। aakarshan hone ke bina rah nahin sakenge। aap log museum banaate ho to koshish karte ho na ki chitra aise decorate ho jo door se aakarshan kare। kisko bulaana bhi na pade। vaise hi aap harek ko apna museum aisa taiyaar karna hai। jo kuchh suna hai usko gahraai se sochkar ke ek-ek rang mein sama dena hai। jinhonne jitna gahraai se suna hai utna apne chalan mein pratyaksha roop mein laaya hai? un sanskaaron ko pratyaksha karne ke liye ek-ek baat ki gahraai mein jaao aur apne ek-ek rag mein woh sanskaar samaao। koi bhi cheez ko kismen samaana hota hai to kya karna hota hai? ek to gahraai mein jaana hota hai aur andar dabaana hota hai। kootna padta hai। kootna arthaat harek baat ko maheen banaana। is bhatthi se sanskaaron ko pratyaksha roop mein laane ki pratigya kar ke nikalna hai। jitna baap ko pratyaksha karenge utna khud ko pratyaksha karenge। baap ko pratyaksha karne se aap ki pratyakshata baap ke saath hi hai। aisa banna aur phir banaana hai। samjha।

is sangathan mein aisi shakti hai jo chaahe woh kar sakte hain। sirf sankalp kare to srishti badal sakti hai। aisi shaktishaali aatmaayen hain। lekin ab sankalp kaunsa powerful karna hai? usko phir se refresh karna hai।

is madhuban ke liye hi gaayan hai ki koi aisa-vaisa paanv nahin rakh sakta। madhuban hai saubhaagya ki lakeer। uske andar aur koi paanv nahin rakh sakta। aap sabhi ko baapdaada samjhaate hain ki yeh sneh ki lakeer hai jis sneh ke gheraav ke andar baapdaada nivaas karte hain। iske andar koi aa nahin sakta। chaahe bhal apna sheesh bhi utaar kar rakhe। saakaar roop mein sneh milna koi chhoti baat nahin hai। uske liye to aage chalkar jab rona dekhenge tab aap logon ko uski value ka maaloom hoga। ro-rokar aap ke charnon mein girenge। sneh ki ek boond ki pyaasi ho charnon mein girenge। aap logon ne sneh ke saagar ko apne mein samaaya hai। woh ek boond ke bhi pyaase rahenge। aisa saubhaagya kiska ho sakta hai? sarva sambandhon ka sukh, rasna jo aap aatmaon mein bhari hui hai woh aur koi mein nahin ho sakti। to drama mein apne itne oonch bhaagya ko sadaiv saamne rakhna। saamne rakhne se return dena aap hi yaad aayega।

achha !!!