Avyakt murli du jeudi 18 juin 1970

>

18-06-70 om shanti avyakt baapdaada madhuban

“vriddhi ke liye timetable ki vidhi”

baapdaada ek sekand mein avyakt se vyakta mein aa gaya vaise hi bachche bhi ek sekand mein vyakta se avyakt ho sakte hain? jaise jab chaahe tab mukh se bole, jab chaahe tab mukh ko band kar den। aise hota hai na। vaise hi buddhi ko bhi jab chaahen tab chalaayen,jab na chaahen tab na chale। aisa abhyaas apna samajhte ho?mukh ka organsa kuchh mota hai,buddhi mukh se sookshm hai। lekin mukh ke maaphik buddhi ko jab chaaho tab chalaao,jab chaaho tab na chalaao। aisa abhyaas hai? yeh drill jaante ho? agar is baat ka abhyaas majboot hoga to apni sthiti bhi majboot bana sakenge। yeh hai apni sthiti ki vriddhi ki vidhi। kai bachchon ka sankalp hai vriddhi kaise ho? vriddhi vidhi se hoti hai। agar vidhi nahin jaante ho to vriddhi bhi nahin hogi। aaj baapdaada harek ki vriddhi aur vidhi donon dekh rahe hain। ab bataao kya drishya dekha hoga?harek apne aap se poochhe aur dekhen ki vriddhi ho rahi hai? (bahuton ne haath uthaaya)majority apni vriddhi se santushta hain। achha saare din mein avyakt sthiti kitna samay rehti hai? bindi roop ke liye nahin poochhte hain। avyakt sthiti kitna samay rehti hai? baapdaada sampoorn stage ko saamne rakh poochhte hain aur aap apne past ke purushaartha ko saamne rakh sochte ho kitna farka ho gaya। vartamaan samay padhaai ki mukhya subjects kaun si chal rahi hai?mukhya subject yeh padh rahe ho ki jyaada se jyaada avyakt sthiti bane। to mukhya subject mein result to kam hai। nirantar yaad mein rahne ki sampoorn stage ke aage ek do ghanta kya hai। inse jyaada apni avyakt sthiti banaane ki vidhi buddhi mein hai? agar vidhi hai to vriddhi kyon nahin hoti hai,kaaran? vidhi ka gyaan saara spashta buddhi mein aata hai,lekin ek baat nahin aati, jis kaaran vidhi ka maaloom hote bhi vriddhi nahin hoti hai। woh kaun si baat hai। achha, aaj vriddhi kaise ho us par sunaate hain। ek baat jo nahin aati woh yeh hai ki vistaar karna aur vistaar mein jaana aata hai lekin vistaar ko jab chaahen tab sametna aur sama lena yeh practice kam hai। gyaan ke vistaar mein aana bhi jaante ho lekin gyaan ke vistaar ko samaakar gyaan svarup ban jaana,beej roop ban jaana iski practice kam hai। vistaar mein jaane se time bahut vyartha jaata hai aur sankalp bhi vyartha jaate hain। isliye jo shakti jama honi chaahiye,woh nahin hoti,iske liye kya plen racho, woh aaj sunte hain।

saare vishwa mein bade se bade kaun hain (ham brahman)bade se bade aadmi kya karte hain?aaj kal ke jo bade aadmi hain woh kya saadhan apnaate hain jisse bade-bade kaarya mein saphalta paate hain? woh pahle apne samay ko set karte hain। apna time table banaate hain। jitna bahut busy hoga utna uska ek ek ghante ka time table banaate hain। agar time table nahin hoga to time ko saphal nahin kar sakenge। time ko saphal nahin karenge to kaarya bhi saphal nahin hoga। isliye aajkal ke bade aadmi har samay ka time table banaate hain। apni diary mein note rakhte hain। jab aap brahman bade se bade ho to aap apna time table rakhte ho? yeh ek vidhi hai। jaise woh log savere din aarambha hote hi time table banaate hain। is reeti aap harek amritvele se hi time table banaao ki aaj ke din kya-kya karna hai? jaise shaareerik kaarya ka time table bana hai vaise aatma ki unnati ka bhi time table banaao। samjha। ismen attention aur checking kam hai। ab aisa time table banaao। jaise woh log apne plan banaate hain। aaj ke din itne kaarya samaapta karne hain is reeti aaj ke din avyakt sthiti ka itna percent aur itna samay nikaalna hai। time pramaan chalne se ek hi din mein anek kaarya kar sakte hain। time table nahin hoga to anek kaarya nahin kar sakenge। to apni diary banaao। jaise ek ghante ka sthool kaarya bana hua hai is reeti aatma ki unnati ka kaarya note karo। plan banaao। phir jaise sthool kaarya karne ke baad us par right daalte ho na। yeh ho chuka, yeh nahin hua। is reeti jo bhi plan banaate ho woh kahaan tak practical mein hua, va nahin hua, na hone ka kaaran aur saath uska nivaaran ka saadhan sochkar aage chadhte jaao। aaj ke din yeh karke hi chhodoonga। aise-aise pahle se pratigya karo। koi bhi kaarya ke liye pahle pratigya hoti hai phir plan hota hai। phir hota hai practical। aur practical ke baad phir hoti hai checking ki yeh hua yeh nahin hua। checking ke baat jo beeti so beeti। aage unnati ka saadhan rakhte hain। jaise aap logon ne nae vidyaarthiyon ke liye saaptaahik paathyakram banaaya hai na। to aatma ki unnati ke liye bhi saaptaahik plan bana sakte ho। jaise yahaan madhuban mein jab aate ho to kuchh chhod karke jaate ho, kuchh bhar kar jaate ho। is reeti se har din kuchh chhodo aur kuchh bharo। jab itna attention rakhenge tab samay ke pahle sampoorn ban sakenge। samay ke anusaar agar sampoorn banen to uski itni praapti nahin hoti hai। samay ke pahle sampoorn banna hai। sampoornata kya cheez hai,uska anubhav karenge eeshvareey ateendriy sukh nirantar kya hota hai, uska anubhav yahaan hi karna hai। ab dekhenge ki kaayde mujib kaise apna time table va saaptaahik kaaryakram banaate ho।

jitna jo sensibul hote hain woh aise kaarya yathaartha reeti se kar sakte hain। sabhi se sensibul hain brahman। devtaaon se bhi sensibul brahman hain। to kitna sensibul bane hain, uski parakh hogi। sense ke saath essence bhi nikaalna seekhna hai। essence bahut thoda hota hai। aur jiski essence nikaalte hain woh bahut vistaar hota hai। to sense bhi achha chaahiye aur essence nikaalne bhi aana chaahiye। koi koi mein sense bahut hai, lekin essence mein tikna nahin aata hai। to donon hi abhyaas chaahiye। sunaaya tha na ki aap log bhi nature cure karne vaale ho। nature arthaat sanskaar। jab purushaartha nahin kar paate ho to dosh rakhte ho nature par। hamaari nature aisi hai। nature par dosh rakh apne ko halka kar dete ho। lekin nahin। aap logon ka kartavya hi hai nature cure karna। woh nature cure vaale faasta rakhaate hain। to aap logon ko ab kya karna hai?faasta jaana hai। last nahin rehna hai। faasta jaane ke liye faasta rakho। kaun si faasta?time table banaao। aaj is baat ki faasta rakhenge। pratigya karo। jaise woh log kab koi cheez ki faasta rakhte hain, vaise aap log bhi har roz koi na koi kami ki baat note karo। woh log bhi jo cheez nuksaankaarak hai uske liye faasta rakhte hain। to purushaartha mein jo bhi nuksaankaarak baaten hain unki faasta rakho phir usko check bhi karo। kai vrat rakhte hain,upvaas rakhte hain। lekin kar nahin paate to beech mein kha bhi lete hain। yahaan bhi aise karte hain। jaise bhakti maarga ki aadat padi hui hai। subah ko pratigya karte hain ki yeh nahin karenge phir din aarambha hua to woh pratigya khatma। yahaan bhi aise subah ko pratigya karte hain phir kah dete samasya aisi aa gai hai। samasya samaapta hogi to phir karoonga। ab woh sanskaar khatma karo। sametna aur samaana seekho। puraane sanskaar samaana hain। uski pratigya karo va faasta rakho,bade aadmiyon ke pahle se hi programme fix hote hain na। aap log to sabhi se bade ho। to apna programme bhi6 maas ka fix karo। yeh kaarya karke hi chhodoonga। ban kar hi chhodoonga jab itna nishchaybuddhi banenge tab vijayi banenge। baap mein to nishchay hai lekin apne mein bhi nishchaybuddhi hokar kaarya karo to phir vijay hi vijay hai। vijay ke aage samasya koi cheez nahin hai। phir woh samasya nahin feel hogi lekin khel feel hoga। khel khushi se kiya jaata hai।

koi kaarya sahaj hota hai to aap log kehte ho na yeh to baaen haath ka khel hai arthaat sahaj hai। to yeh bhi buddhi ka khel ho jaayega। khel mein ghabraaenge nahin। bade se bade ho to bade se badi sthiti bhi banaao। kai bade aadmi aise hote hain jo apne badepan mein thaharna nahin aata hai। aap log aise nahin banna। jitne bade ho utna hi badi sthiti bhi dikhlaao। bada kaarya karke dikhaao। kam se kam aath ghante ka lakshya rakhna hai। avyakt sthiti ke liye kah rahe hain। avyakt sthiti aath ghanta banaana badi baat nahin। avyakt ki smriti arthaat avyakt sthiti। baap ki do ghante yaad kyon? do ghante baap ki yaad rahi to baaki samay kya kiya? baap ke snehi ho va maaya ke?jisse sneh hota hai, sneh arthaat samparka। jisse samparka hota hai to un jaise sanskaar zaroor bharenge। sanskaar milne ke aadhaar se hi samparka hota hai na। to agar baap ke snehi ho,samparka bhi hai to sanskaar kyon nahin milte?phir baapdaada kahenge ki maaya ke snehi ho। agar do ghante baap ke snehi aur22 ghanta maaya ke snehi rehte ho to kya kahenge?service karte bhi sneh ko,samparka ko na chhodo। sampoorn stage to najdeek rahne ki hai। ek geet bhi hai na – na vo ham se juda honge। jab juda hi nahin honge to sneh dil se kaise niklega। to hona nirantar chaahiye। parantu purushaarthi ke kaaran phir bhi margin dete hain। to kam se kam 8 ghante ka lakshya rakhkar diary banaao,time table banaao phir result bhi dekhenge har saptaah ki result apni braahmani se check karaao। aur har saptaah ki result ikatthi kar ek maas ki result madhuban aani chaahiye। braahmaniyon ko kaam karna chaahiye। har saptaah ki diary harek ki check karo। kya time table banaaya। usmein kahaan tak saphal hue। phir short mein ek maas ki result madhuban bhejni hai। abhi albelepan ka samay nahin hai। bahut samay albela purushaartha kiya। ab jo kiya so kiya। phir yeh slogan yaad dilaaenge। jo aap log auron ko sunaate ho– ab nahin to kab nahin। agar ab na karenge to phir kab karenge। phir kab ho nahin sakega। isliye slogan bhi yaad rakhna har din ka alag-alag apne prati slogan bhi saamne rakh sakte ho। jaise yeh slogan hai ki jo karma mein karoonga mujhe dekh aur karenge। is reeti doosre din phir doosra slogan saamne rakho। jaise baapdaada ne sunaaya ki saphalta hamaara janma siddha adhikaar hai। yeh bhi sunaaya tha ki mitenge lekin hatenge nahin। isi prakaar har roz ka koi na koi slogan saamne rakho aur us slogan ko practical mein laao। phir dekho avyakt sthiti kitni jaldi ho jaati hai।

pharishton ko pharsha ki kabhi aakarshan nahin hoti hai। abhi abhi aaya aur gaya। kaarya samaapta hua phir thaharte nahin। aap logon ne bhi kaarya ke liye vyakta ka aadhaar liya, kaarya samaapta kiya phir avyakt ek sekand mein। yeh practice ho jaaye phir farishte kahlaayenge।

achha !!!