Avyakt murli du mardi 5 octobre 1971

>

05-10-71 om shanti avyakt baapdaada madhuban

sampoornata ki nishaani 16 kalaayen

sabhi ke purooshaartha ka lakshya kaunsa hai? (sampoorn banna) sampoornata ki stage kisko kaha jaata hai? kaunsa naksha saamne hai jisko sampoorn stage samajhte ho? baap ne bhi jo sampoorn stage dhaaran ki usmein kya baaten theen? jab doosron ko sunaate ho to sampoorn stage ka kya-kya varnan karte ho? unhon ko samjhaati ho na ki is nolejadvaara sarva gun sampanna, 16 kala sampoorn, sampoorn nirvikaari bante hain। yeh sampoorn stage varnan karti ho na। bhavishya mein to praapti hogi, lekin sampoorn stage to yeh kahenge na। aatma mein bal to abhi se bharega na। 16 kala sampoorn kaha jaata hai, to kalaaen abhi bharengi na। sarva rgun sampanna, sampoorn nirvikaari, 16 kala sampoorn, yeh shabd kehte ho na। yeh sampoorn stage hai। sarva gun kya hain, woh to samajhte ho gunon ki list hai। parantu yeh jo 16 kala kaha jaata hai, unka bhaav-arth kya hai? yeh hai sampoorn stage ki nishaani। jaise dekha - kismen koi bhi visheshta hoti hai to kahne mein aata hai na inmen yeh kala hai। kisi mein rote hue ko hansaane ki kala arthaat visheshta hoti hai, koi mein haath ke saphaai ki kala, koi mein buddhi ke chamatkaari ki kala hoti hai na। to yeh 16 kala sampoorn arthaat uska jo bhi karma hoga woh har karma kala ke samaan dikhaai dega। unki har chalan - dekhna, bolna, chalna jaise kala ke maaphik dikhaai dega। jaise koi ki kala ko dekhne liye kitna roochi se jaate hain। is reeti se jo sampoorn stage ko praapta hui aatmaaen hoti hain unki har chalan kala ke roop mein hoti hai aur charitra ke roop mein bhi ho jaati hai। to visheshta hui na। jaise saakaar ke bolne mein, chalne mein, sabhi mein visheshta dekhi na। to yeh kala hui na। uthne-baithne ki kala, dekhne ki kala, chalne ki kala thi। sabhi mein nyaaraapan aur visheshta thi। har karma kala ke roop mein practical mein dekha। to 16 kala arthaat har chalan sampoorn kala ke roop mein dikhaai de, isko kehte hain 16 kala sampoorn। to sampoorn stage ki nishaani yahi hogi jo unka har karma kala ke maaphik dikhaai dega arthaat usmein visheshta hogi। isko kehte hain sampoorn stage।

to 16 kala sampoorn banne ka jo lakshyarkha hai uska spashteekran yahi hai। yeh check karna chaahiye ki - ‘‘mere dekhne mein kala hai? mere bolne mein kala bhari hui hai?’’ vaise kehte hain - kala-kaaya hi chat ho gai hai। to kala ek achhi cheej hoti hai। kala-kaaya khatma ho gai hai arthaat karma mein jo aakarshan karne ki shakti hai, visheshta hai woh khatma ho gai। to har karma hamaara kala ke samaan hai va nahin - yeh check karna hai। jaise koi baajeegar hote hain, to woh jitna samay baazi dikhaate hain utna samay har karma kala ke roop mein dikhaai deta hai। chalte kaise hain, cheez kaise uthaate hain - woh sabhi kala ke roop mein note karte hain। to yeh sangamayug vishesh karma roopi kala dikhaane ka hai। sadaiv aisa mahsoos ho ki ham stage par hain। aise 16 kala sampoorn banna hai। jiska har karma kala ke roop mein hota hai unke har karma arthaat gunon ka gaayan hota hai, isko doosre shabdon mein kaha jaata hai har karma charitra samaan। jis kala ke roop ko dekh auron mein bhi prerna bharti hai। unke karma bhi serviceable hote hain। jaise koi kala dikhaate hain, to kala kamaai ka saadhan hota hai। is reeti se vo jo har karma kala ke roop mein karte hain, unke woh karma akhut kamaai ke saadhan ban jaate hain aur doosron ko aakarshan karte hain। har karma kala ke roop mein hoga to woh ek chumbak ban jaayega। aajkal ke jamaane mein koi chhote-mote kala dikhaane vaale bhi raasta chalte kala dikhaate hain to sabhi ikatthe ho jaate hain। yeh to hai shreshtha kala। to kya aatmaaenaakarshitanheen hongi? abhi itne tak checking karni hai। jo bhi shreshtha aatmaaen banti hain unke har karma ke oopar sabhi ka attention rehta hai, kyonki unke har karma mein kala bhari hui hai। tab to har karma ke kala ka mandiron mein poojan hota hai। jo bade-bade mandir honge unke uthne ke charitra ka darshan alag hoga, sone ka alag hoga, khaane ka alag, nahaane ka alag hoga। bahut thode mandir jahaan sabhi karmon ke darshan hote hain। uska kaaran kya hai? kyonki har kaarya kala ke roop mein kiya, isliye yaadgaar chalta hai। saakaar mein bhi har karma ko dekhne ki roochi kyon hoti hai? itne varsha saath rehte hue, jaante hue, samajhte hue, dekhte hue bhi phir-phir dekhne ki roochi kyon hoti hai? ek karma bhi dekhna miss nahin karna chaahte the। jaise jaadoogar kala dikhaate hain to samajhte hain - ek baat bhi miss ki to bahut kuchh miss hoga। kyonki unke har karma ki kala hai। is reeti yeh bhi dekhne ki ichchha rehti thi ki dekhen kaise soye hue hain। sone mein bhi kala thi। har karma mein kala thi। isko kehte hain 16 kala sampoorn। achha, aisi stage bani hai। lakshyato isi stage ka hai na?lakshyase lakshan dhaaran karne padenge। har karma kala ke roop mein hota rahe। to 16 kala sampoorn banne se sarva gunon ki dhaarna bhi automatically ho jaayegi। achha।