Avyakt murli du lundi 15 mai 1972

>

15-05-72om shanti avyakt baapdaadaamdhuban

shreshtha sthiti banaane ka saadhan teen shabd- niraakaari, alankaari aur kalyaankaari

apne ko padmaapadma bhaagyashaali samajhkar har kadam uthaate ho? padma kamal pushpa ko bhi kehte hain। kadam-kadam par padma ke samaan nyaare aur pyaare ban chalne se hi har kadam mein padmon ki kamaai hoti hai। aisi shreshtha aatmaayen bani ho? donon hi prakaar ki sthiti banaai hai? ek kadam mein padma to kitnekhzaane ke maalik ho gaye! aise apne ko avinaashi dhanvaan va sampativaan aur ati nyaare aur pyaare anubhav karte ho? yeh check karna hai ki ek bhi kadam padma samaan sthiti mein rehte hue padmon ki kamaai ke bagair na uthe। is samay aise padmaapti arthaat avinaashi sampattivaan bante ho jo saara kalpa sampattivaan gaaye jaate ho। aadha kalpa svayanvishvake raajya ke, akhanda raajya ke nirvighna raajya ke, adhikaari bante ho aur phir aadha kalpa bhakta log aapke is sthiti ke gungaan karte rehte hain। koi bhi bhakta ko jeevan mein kisi bhi prakaar ki kami ka anubhav hota hai to kiske paas aate hain? aap logon ke yaadgaar chitron ke paas। chitron se bhi alpakaal ki praapti karte hue apni kami va kamjoriyon ko mitaate rehte। to saara kalpa practical mein va yaadgaar roop mein sada sampattivaan, shaktivaan, gunvaan, vardaani-moorta ban jaate ho। to jab ek kadam bhi uthaate ho va ek sankalp bhi karte ho to aisi smriti mein rehte hue, aise apne shreshtha swaroop mein sthit hote hue chalte ho? jaise koi had ka raaja jab apni raajdhaani ke taraph dekhenge to kis sthiti aur drishti se dekhenge? kis nashe se dekhenge? yeh sabhi meri praja hai va bachchon ke samaan hain! aise hi aap log bhi jab abhi srishti ke taraph dekhte ho va kisi bhi aatma ke prati najar jaati hai to kya samajh karke dekhte ho? aise samajhkar dekhte ho ki yeh hamaari vishwa, jiske ham maalik the, woh aaj kya ban gai hai aur abhi ham vishvake maalik ke baalak phir sevishvako maalaamaal bana rahe hain, sampattivaan bana rahe hain, sada sukhdaai bana rahe hain। is nashe mein sthit hokar ke usi roop se, usi vriti se, usi drishti se har aatma ko dekhte ho? koi bhi aatma ko kis sthiti mein rahkar dekhte ho? us samay ki sthiti va stage kaun-si hoti hai? (harek ne sunaaya) jo bhi sunaaya, hai to sabhi yathaartha kyonki abhi jabki aythaartha ko chhod chuke to jo bhi ab bolenge woh yathaartha hi bolenge। ab aythaartha shabd bhi mukh se nahin nikal sakta। jab bhi koi aatma ko dekho to vriti yahi rakhni chaahiye ki in sabhi aatmaon ke prati baap ne humein vardaani aur mahaadaani nimitta banaaya hai। vardaani va mahaadaani ki vriti se dekhne se koi bhi aatma ko vardaan va mahaadaan se vanchit nahin chhodenge। jo mahaadaani va vardaani hote hain unke saamne koi bhi aayega to us aatma ke prati kuchh-na-kuchh daata bankar ke dengezroor। koi ko bhi khaali nahin bhejenge। to aisi vriti rakhne se koi bhi aatma aap logon ke saamne aane se khaali haath nahin jaayegi, kuchh-na-kuchh lekar hi jaayegi। to aise apne ko samajhkar har aatma ko dekhte ho? daata ke bachche daata hi to hote hain। jaise baap ke paas koi bhi aayenge to khaali haath nahin bhejenge na। to aise hi follow father। jaise sthool reeti mein bhi koi ko bhi bina koi yaadgaar-saugaat ke nahin bhejte ho na। kuchh-na-kuchh nishaani dete ho।

yeh sthool rasma bhi kyon chali? sookshm karttavya ke saath sahaj smriti dilaane ke liye ek sahaj saadhan banaaya hua hai। to jaise yeh sochte ho ki koi bhi sthool saugaat ke sivaae na jaave, vaise hi sada yeh bhi lakshya rakho ki kam se kam thoda-bahut bhi lekar jaave। tab to aapke vishvake raajya mein aayenge। aise sadaachaari aur sada mahaadaani drishti, vriti aur karma se bhi banne vaale heevishvake maalik bante hain। to sada aisi sthiti rahe arthaat sada sampattivaan samajh kar chalen, iske liye teen shabd yaad rakhne hain। jin teen shabdon ko yaad karne se sada aur svatah hi yeh vriti rehti, woh teen shabd kaun se? sada niraakaari, alankaari aur kalyaankaari। agar yeh teen shabd yaad rahen to sada apni shreshtha sthiti bana sakte ho। chaahe mansa, chaahe karmana mein, chaahe seva mein - teenon hi sthiti mein apni oonchi sthiti bana sakte ho। jis samay karma mein aate ho to apne aapko check karo ki sada alankaareemoorta hokar chalte hain? alankaareemoorta deh-ahankaari nahin hote hain। alankaar mein ahankaar khatma ho jaata hai। isliye sadaiv apne alankaaron ko dekho ki svadarshan-chakra chal raha hai? agar sada svadarshan-chakra chalta rahega to jo anek prakaar ke maaya ke vighnon ke chakra mein aa jaate ho woh nahin aayenge। sabhi chakron se svadarshan chakra dvaara bach sakte ho। to sadaiv yeh dekho ki svadarshan-chakra chal raha hai? koi bhi prakaar ka alankaar nahin hai arthaat sarva shaktiyon se shakti ki kami hai। jab sarva shaktiyaan nahin to sarva vighnon se va sarva kamjoriyon se bhi mukti nahin। koi bhi baat mein -- chaahe vighnon se, chaahe apne puraane sanskaaron se, chaahe seva mein koi asphalta ka kaaran banta hai aur us kaaran ke vash koi-na-koi vighna ke andar aa jaate hain; to samajhna chaahiye mukti na milne ka kaaran shakti ki kami hai। vighnon se mukti chaahte ho to shakti dhaaran karo arthaat alankaari roop hokar rehna hai। alankaari samajhkar nahin chalte; alankaaron ko chhod dete hain। bina shaktiyon ke mukti ki ichchha rakhte ho to kaise poorn ho sakti? isliye yeh teenon hi shabd sada smriti mein rakhte hue phir har kaarya karo। in alankaaron ko dhaaran karne se sada apne ko vaishnav samjhenge। bhavishya mein to vishnuvanshi banenge lekin abhi vaishnav banenge tab phir vishnu ke raajya mein vishnuvanshi banenge। to vaishnav arthaat koi bhi malechchha cheezko touch nahin karne vaala। aajkal ke vaishnav to sthool taamsi cheejon se vaishnav hain। lekin aap jo shreshtha aatmaayen ho woh sadaiv vaishnav arthaat tamoguni sankalp va tamoguni sanskaaron ko bhi touch nahin kar sakte ho। agar koi sankalp va sanskaaron ko touch kiya arthaat dhaaran kiya to sachche vaishnav hue? aur jo sachche vaishnav nahin bante hain, woh vishnu ke raajya mein vishwa ke maalik nahin ban sakte hain। to apne aapko dekho - kahaan tak sadaakaal ke vaishnav bane hain? vaishnav kul ke jo hote hain woh koi bhi malechchha ko kab apne se touch karne bhi nahin dete, malechchha se kinaara kar lete hain। woh hui sthool ki baat। lekin jo sachche vaishnav bante hain woh koi bhi puraani baaten, puraani duniya va puraani duniya ke koi bhi vyakti va vaibhav ko apni buddhi se touch karne nahin denge, kinaare rahenge। to aise vaishnav bano। jaise unhon ko agar kaarne-akaarne koi touch bhi kar dete hain to nahaate hain na। apne ko shuddh banaane ka prayatna karte hain। isi prakaar agar apni kamjori ke kaaran koi bhi puraana tamoguni sanskaar va sankalp bhi touch kar dete hain to vishesh roop se gyaan- snaan karna chaahiye arthaat buddhi mein vishesh roop se baap ki yaad athva baap se rooh-rihaan karni chaahiye। to isse kya hoga? woh tamoguni sanskaar kab bhi touch nahin karenge, shuddh ban jaayenge। apne ko shuddh banaane se sada shuddh- swaroop ke sanskaar ban jaayenge। to aise karte ho। kehte hain na? pata nahin, yeh kaise ho gaya? kamjori to svayan ki hai na। itni power honi chaahiye jo koi bhi touch kar na sake। agar koi powerful hote hain to unke saamne kamjor ek shabd bhi bol nahin sakta, saamne aa nahin sakta। agyaan mein rob ke aage koi nahin aa sakte। yahaan phir hai roohaab। rob ko roohaaniyat mein change karo to phir koi ki taakat nahin jo touch kar sake। jaise bhavishya mein aap sabhi ke aage prakriti daasi ban jaayegi। yahi sampoorn stage hai na। jab prakriti daasi ban sakti hai to kya puraane sanskaaron ko daasi nahin bana sakte ho? jaise daasi va daas sada ‘ji-hajoor’ karte rehte hain, vaise yeh kamjoriyaan bhi ‘ji-hajoor’ kar khadi hongi, touch nahin karengi। aisi sthiti sadaakaal ke liye bana rahe ho? abhi kahaan tak pahunche ho? aaj-kal ki baat aakar rahi hai va abhi-abhi ki baat hai va varshon ki baat hai? abhi hai aaj aur kal ki। aaj-kal aur abhi samay mein to bahut pharka hua।

teacher ki kamaal yeh hai jo sabhi ko teacher banaave। aap teacher nahin ho? apne aapke aap teacher bane ho, to result ko nahin jaante ho? yahi baap samaan banaane ka karttavya karna hai। teacher agar teacher na banaave to teacher hi kaisa? agar apne aap ke teacher ban karke nahin chalenge to sampoorn stage ko pa nahin sakenge। jo apne teacher nahin bante hain vahi kamjor hote hain। sadaiv yeh dekho ki jo ham logon ki mahima gaai jaati hai, aisi mahima yogya bane hain? ek-ek baat ko apne mein dekho। maryaada purooshottam hain? ‘‘sampoorn nirvikaari, sampanna, sampoorn aahinsak…।’’ yeh poori mahima practical mein hai? agar koi ki bhi kami ho to usko bharne se mahima yogya ban jaayenge। to aise sada aur sachche vaishnav banne vaale lakkeeesta aur haaiestabachchon ko namaste।