Avyakt murli du vendredi 1 juin 1973

>

01-06-73 om shanti avyakt baapdaadaamdhuban

sarva shaktiyon ka stock

vighna vinaashak, sarva-shaktivaan mahaadaani shiv baba bole:-

kya apne ko vighna-proof samajhte ho? jab svayan vighna-proof banenge tab hi doosron ko bhinna-bhinna prakaar ke vighnon se bacha sakenge। svayan mein bhi koi mansa ka vighna hai to doosron ko vighna-proof kabhi bhi bana na sakenge। abhi to samay aisa aa raha hai jo saare bhambhor ko jab aag lagegi,us aag se bachaane ke liye kuchh mukhya baaten aavashyak hain। jaise kahin bhi aag lagti hai, to aag se bachne ke liye pahle kis vastu ki aavashyakta hoti hai?

jab is vinaash ki aag chaaro or lagegi, us samay aap shreshtha aatmaon ka pahla-pahla karttavya kaun-sa hai? shanti ka daan arthaat sheetalta ka jal dena। paani daalne ke baad phir kya-kya karte hain? jisko jo-kuchh aavashyakta hoti hai woh un ki aavashyaktaaen poorn karte hain। kisi ko aaraam chaahiye, kisi ko thikaana chaahiye, matlab jiski jaisi aav shyakta hoti hai vahi poori karte hain। aap logon ko kaun-si aavashyaktaaen poorn karni padengi, woh jaante ho? us samay harek ko alag-alag shakti ki aavashyakta hogi। kisi ko sahanshakti ki aavashyakta, kisi ko sametne ki shakti ki aavashyakta, kisi ko nirnay karne ki shakti ki aavashyakta aur kisi ko apne-aap ko parakhne ki shakti ki aavashyakta hogi। kisi ko mukti ke thikaane ki aavashyakta hogi। bhinna-bhinna shaktiyon ki un aatmaon ko us samay aavashyakta hogi। baap ke parichay dvaara ek second mein ashaanta aatmaon ko shant karaane ki shakti bhi us samay aavashyak hai। woh abhi se hi ikatthi karni hogi। nahin to us samay lagi hui aag se kaise bacha sakenge? ji-daan kaise de sakenge? yeh apne-aap ko pahle se hi taiyaari karne ke liye dekhna padega।

jaise chhah maas ka stock rakhte ho na,ki chhah maas mein is-is vastu ki aavashyakta hogi। check karke phir bhar dete ho। is prakaar kya yeh stock bhi check karte ho?saare vishwa ki sabhi aatmaon ko shakti ka daan dena padega। itna stock jama kiya hai jo svayan bhi apne ko shakti ke aadhaar se chala saken aur doosron ko bhi shakti de saken taaki koi bhi vanchit na rahe। agar apne paas shaktiyaan jama nahin hain aur ek bhi aatma vanchit rah gai to iska bojha kis par hoga?jo nimitta bani hui hain। sadaiv apni har shakti ka stock check karo। jiske paas sarva-shaktiyon ka stock jama hai vahi mkhya gaaye jaate hain।

jaise stars dikhaate hain unmein bhi nambarvaar hote hain। jin ke paas stock jama hai vahi lucky stars ke roop mein chamakte hue vishwa ki aatmaon ke beech najar aayenge। to yeh chaiking karni hai ki kya sarvashaktiyon ka stock hai? mahaarthiyon ka har sankalp par pahle se hi attention rehta hai। mahaarthiyon ke check karne ki roop-rekha hi nyaari hai। yog ki shakti hone ke kaaran automatically yukti-yukta sankalp, bol aur karma honge। abhi yeh natural roop ho gaya hai। mahaarthiyon ke chaiking ka roop bhi yeh hai। sarvashaktiyon mein kis shakti ka kitna stock jama hai। us jama kiai hue stock se kitni aatmaon ka kalyaan kar sakte hain। jaise sthool stock ki dekh-rekh karna aur jama karna yeh duty hai;vaise hi sarvashaktiyon ke stock jama karne ki bhi zimmevaari hai। yeh hota hai olraaundar ka har cheej ke stock ki aavashyakta pramaan jama karna। amritbele uthkar apne ko attention ke patte par chalaana to patte par gaadi theek chalegi। phir neeche-oopar hona sambhav hi nahin। to abhi yeh stock jama karne ki chaiking rakhni hai। saare vishwa ko jimmevaari tum bachchon par hai। sirf bhaarat ki nahin। mahaarthiyon ka har karma mahaan hona chaahiye। kisse?-ghode savaar aur pyaadon se mahaan। achha।

is murli se vishesh tathya

1. jaise sthool vastuon ka stock rakhte ho na ki chhah maas mein is-is vastu ki aavashyakta hogi। check kar ke phir bhar dete ho। isi prakaar shaktiyon ka stock bhi check karte raho। itna stock jama ho jo svayan bhi apne ko shakti ke aadhaar se chala saken aur doosron ko bhi shakti de saken।

2. jaise stars mein bhi nambarvaar hote hain, isi prakaar gyaan sitaaron mein bhi nambarvaar hote hain। jin ke paas shaktiyon ka stock jama ho vahi lucky stars ke roop mein chamakte hue vishwa ki aatmaon ke beech najar aayenge।

3. mahaarthi woh jo yeh check karta rahe ki sarvashaktiyon mein kis shakti ka kitna stock jama hai,us jama kiye hue stock se kitni aatmaon ka kalyaan kar sakte hain।