Avyakt murli du mardi 18 juin 1974

>

18-06-74 om shanti avyakt baapdaadaamdhuban

light house aur might house ban, nai duniya ke maker bano!

sarva-aatmaon ko sarva-shaktiyon se santushta karne vaale, nai duniya ke maker va vishwa-kalyaani pita shiv bole :-

apne ko kya light house aur might house samajh kar chalte ho? sirf light aur might samajh kar nahin lekin light house aur might house। arthaat light aur might dene vaale daata, house tab ban sakenge jab unke apne paas itna stock jama ho। agar svayan sada light swaroop nahin ban sakte va light swaroop mein sada sthit nahin ho sakte,to woh anya aatmaon ko light house ban,light nahin de sakte। jo svayan hi master sarvashaktimaan hote hue, apne prati bhi sarvashaktiyon ko use nahin kar sakte to ve might house ban,anya aatmaon ko sarvashaktiyon ka daan kaise kar sakte hain? ab svayan se poochho ki main kya light aur might house bana hoon?koi bhi aatma agar koi bhi shakti praapta karne ki ichchha rakhte hue aapke saamne aaye to kya us aatma ko woh shakti de sakte ho?agar sahan karne ki ichchha athva nirnay karne ki shakti ki ichchha rakh kar koi aaye aur use samaane ki shakti ya parakhne ki shakti ka daan de do, lekin us samay us aatma ko jo sahan shakti ke daan ki zaroorat hai yadi woh use nahin de sakte,to kya aisi aatma ko mahaadaani,vardaani ya vishwa-kalyaani kah sakte hain?agar svayan mein hi kisi ek shakti ki kami hogi, to doosron ko sarvashaktivan baap ke varse ka adhikaari va master sarvashaktimaan kaise bana sakenge?

sooryavanshi hain-sarvashaktimaan aur chandravanshi hain-shaktivaan। agar ek shakti ki bhi kami hai, to sarvashaktimaan ke bajaay, shaktivaan kahlaaye jaavenge arthaat ve sooryavansh ke raajyabhaag ke adhikaari nahin ban sakte। sarvashaktimaan hi sarvagun sampanna,solah kala sampoorn banne ke adhikaari bante hain। kam shaktivaan kalyaani ban sakte hain, lekin vishwa-kalyaani nahin ban sakte। agar kisi aatma ko samaane ki shakti chaahiye aur aap use vistaar karne ki shakti de do va aur anya sab shaktiyaan de do, lekin jo usko chaahiye woh na de sako, to kya woh aatma tripta hogi?kya aapko vishwa-kalyaani maanengi? jaise kisko paani ki pyaas ho aur aap use chhattees prakaar ke bhojan de do,lekin paani ka pyaasa kya chhattees prakaar ke bhojan se santushta hoga va aapke prati shukriya maanega? paani ke badle chaahe aap use heera de do, parantu us samay us aatma ke liye paani ki ek boond ki keemat anek heeron se jyaada hai, aise hi agar apne paas sarvashaktiyon ka stock jama nahin hoga to,sarva-aatmaon ko santushta karne vaali santushtamniyaan nahin ban sakenge, va sarva-aatmaayen aapko ji-daata,sarva-shakti daata nahin maanengi। agar vishwa ki sarva- aatmaon dvaara vishwa-kalyaani maanneey nahin banenge,to maanneey ke bina poojyaneey bhi nahin ban sakenge। santushta mani banne ke bina baap-daada ke mastak ki maniyaan nahin ban sakte ho। kya aise maheenta ki chaiking karte ho va ab tak mukhya-mukhya baaton mein bhi chaiking karna mushkil anubhav hota hai?

agar chaiking karna nahin aata va sochte hue bhi niji sanskaar nahin banta, to uska ek title kam ho jaata hai-woh kaun-sa?ek-ek subject ka ek-ek title hai। chaar subjects ke chaar title kaun-se hain?pahla-gyaan ke sabjekt mein praveen aatma ka title hai master gyaan saagar va knowledgeful,va svadarshan chakradhaari kaho to bhi ek hi baat hai। doosra-yaad ki yaatra mein jo yathaartha yukti-yukta,yog-yukta hai unka title hai-powerful। kyonki yaad se sarvashaktiyon ka vardaan praapta hota hai। to yaad ki yaatra mein jo yathaartha reeti se chalne vaala hai unka title hai-powerful। teesra subject hai-divya gun। aise divya-gun moorta ko kaun-sa title denge? unka title hai-divya-gunon ki khushbuen phailaane vaala - isensaphul (saar-yukta)। jaise essence (saar) yadi kahin bhi door rakha hoga, to bhi woh apna prabhaav daalega arthaat khushbu phailaavega, to kya aise hi divya-gunon ki khushbu ki essence vaali roohaani sense ke isensaphul hain? ab apne mein chaik karo ki kya chaaron hi subjects ke chaar title dhaaran karne ke yogya bane ho?agar chaiking karni nahin aati, to phir kaun-sa title kat hoga?

kai to kehte hain ki chaiking karna chaahte hain, lekin dhakke se gaadi chalti hai। niji sanskaar sada kaal nahin chalte। ismen kaun-si kami kahenge? knowledge to hai ki yeh karna chaahiye। trikaaldarshi-pane ki knowledge to mil gayi hai na?kya knowledgeful ho?abhi agar kisi bhi kamjori vash ho jaate ho, us kamjori ko jaante bhi ho,use varnan bhi karte ho aur uske mitaane ko points bhi varnan karte ho, lekin varnan karte hue bhi, jo chaahte ho, woh kar nahin paate ho। knowledge to buddhi mein full hai, lekin jitna knowledgeful, kya utna hi saath-saath powerful bhi ho? yeh balance theek na hone ke kaaran,jaante hue bhi kar nahin paate ho। to jo chaiking nahin kar paate, un aatmaon ka,balance mein rahne vaale blissful ka title kat ho jaata hai, woh na svayan ko bliss de sakte hain, na baap se bliss le sakte hain aur na anya aatmaon ko hi de sakte hai। kyonki chaik karne ke niji sanskaar nahin bante, to chaiking nahin hoti aur change bhi nahin hote। jo chaikar nahin ban sakte, woh maker bhi nahin ban sakte, woh na svayan ke,na anya aatmaon ke aur na vishwa ke hi। nai duniya banaane vaale aur naya jeevan banaane vaale is mahima ke adhikaari nahin ban sakte। isliye ab chaikar bano। jaise amritvele ki roohroohaan ki mukhya baat ko sabhi ne milkar,dridh sankalp ke aadhaar par,svayan ko aur anya saathiyon ko saphaltaamoorta banaaya hai। isi prakaar, is baat ko bhi mukhya jaan aur ek do ke sahayogi ban saphaltaamoorta bano। tab hi sarva kaarya sampanna honge।

vartamaan samay majority mein jo vishesh do kamjoriyaan dikhaai de rahi hain, uski samaapti va un do kamjoriyon mein saphaltaamoorta tab banenge, jab is baat ko saphal banaavenge। woh do kamjoriyaan hain - aalasya aur albelaapan। isko mitaane ka saadhan chaikar banna hai। 99purooshaarthiyon mein kisi na kisi roop mein aalasya aur albelaapan kahin ansh roop mein hai aur kahin vansh roop mein hai। mahaarthiyon mein ansh roop kaun-sa hai? ghodesvaar mein vansh roop kaun-sa hai? kya usko jaante ho?ansh roop hai ki meri nature va mere sanskaar। meri bhaavna nahin hai, lekin bol va nain chain hain, rekhaayen hain, lekin roop bane hue nahin hain-yeh hai ansh-maatra। sampoorn vijayi banne mein albelaapan athva royal roop ka aalasya baadhak hai। ghodesvaar va second division mein paas hone vaali aatmaon mein vansh roop mein kis roop mein hain? unka roop hain, har baat mein, yeh bol unhon ka trademark hai, har baat mein komanshabda hain। albele aur aalasyapan ke shabd kaun-se hain? woh sadaiv apne ko safe rakhne ki points dene mein va baaten banaane mein bade praveen hote hain। svayan ko nirdosh aur doosron par dosh rakhne mein phoorta hote hain। laayarsahote hain। lekin lophul nahin hote। jaise laayarsa jhoothe case ko sachcha siddha kar nirdoshi ko doshi bana dete hain। vaise hi second division vaale kabhi bhi apne dosh ko jaante hue bhi,svayan ko doshi prasiddha nahin karenge। isliye laayarsa hain,lekin lophul nahin hain। aise ki trademark bol sadaiv yahi niklenge ki mainne yeh kiya kya? mainne yeh bola kya?mere man mein to kuchh tha hi nahin? nikal gaya, to phir kya hua?ho gaya,to phir kya hua? ‘theek kar doonga।’ ‘phir kya’ ki trademark ke bol honge। jaise srishti-chakra ke samjhaane mein phir-kya, phir-kya kehte saari stori batla dete ho na?satayug ke baad phir kya hua,treta aaya,phir-kya hua, dvaapar aaya… phir kya shabd mein saare chakra ki kahaani sunaate ho। vaise woh laayarsa aatmaayen phir-kya shabd ke aadhaar par doosron ke oopar saara chakra chalaaye deti hain, svayan ko saakshi bana dete hain va nyaara bana dete hain va chhuda dete hain। ‘phir-kya’shabd se arthaat is ek sankalp se albelepan va royal-aalasya ka vansh andar hi andar badhta jaata hai aur aisi aatma ko powerful banaane ke bajaay nirbal banaate jaate hain। yeh hai second division arthaat ghodesvaar aatmaon ke andar albelaapan aur aalasya vansh-roop mein, is ansh va vansh ko samaapta karne ke liye, chaikar banna ati aavashyak hai। 8 din mein, ek din chaikar bante ho, 7 din albele rehte ho, to sanskaar 7din ke banenge va ek din ke?isliye alert banne ke bajaay ijeeaur lezi bante ho। aise ki result kya hogi? kya aise vishwa kalyaankaari,sarva- shaktiyon ke mahaadaani-vardaani ban sakte hain?isliye ab in do baaton ko ansh- roop mein va vansh-roop mein, jis roop mein bhi hai,usko abhi se mitaavenge,tab hi bahut samay vijayi banne ke sanskaaron ke anusaar vijay maala ke manke ban sakenge। achha!

aise sunne aur swaroop banne vaale, sankalp ko ek second mein saakaar roop mein laane vaale,sarva aatmaon ko light house va might house ban sarvashaktiyon se santushta karne vaale, santushta maniyaan, mastak maniyaan, sada svayan par aur har sankalp par chaikar banne vaale nai duniya ke maker aur vishwa kalyaani aatmaon ko paramatma aur sarvashreshtha aatma baap-daada ki yaad pyaar, good night aur namaste।

is murli ka saar

1. agar svayan mein hi kisi ek shakti ki bhi kami hogi, to doosron ko sarvashaktimaan baap ke varse ka adhikaari master sarvashaktimaan nahin bana sakenge।

2. jo chaikar nahin ban sakte, woh na to svayan ke,na anya aatmaon ke aur na vishwa ke hi maker ban sakte hain।