Avyakt murli du lundi 8 décembre 1975 - 1

Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.

Comment est produit le Hinglish ?

Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.

Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.

Exemples d’écriture courante
HindiHinglish
आत्माaatma
शान्तिshanti
मैंmain
हूँhoon

>

08-12-75 om shanti avyakt baapdaadaamdhuban

shaktiyon ki siddhi se mahaarthi ki parakh

sarva shaktiyon aur siddhiyon ka vardaan dene vaale sarvashaktimaan shiv baba bole:-

har ek ke mastak dvaara mastak-mani ko dekhte hue kya takdeer ki lakeer ko pahchaan sakti ho? mastak beech chamakti hui mani arthaat shreshtha aatma ke vibration dvaara sahaj pahchaan ho jaati hai। har ek aatma ke purooshaartha va praapti ka anubhav vibration dvaara sahaj hi samajh mein aa sakta hai। jaise koi khushbu ki cheez phauran hi vaataavran mein phail jaati hai aur sahaj hi parakh mein aa jaati hai ki yeh achhi hai athva nahin hai। isi prakaar jitna-jitna parakhne ki shakti badhti jaaegi to koi bhi aatma saamne aayegi to woh kahaan tak roohaaniyat ki anubhvi hai woh phauran hi uske vibration dvaara spashta samajh mein aa jaayega। percentage ki parakh bhi sahaj aa jaayegi ki kitne percentage mein roohaani sthiti mein sthit rahne vaala hai। jaise science ke yantron dvaara percentage ka maaloom pad jaata hai। aise hi silence ki shakti ke dvaara arthaat aatma ki sthiti dvaara yeh bhi samajh mein aa jaayega। isko kaha jaata hai parakhne ki shakti। sanskaaron dvaara, vaani dvaara aur chalan dvaara parakhna yeh to common baat hai lekin sankalpon ke vibration dvaara parakhna - isko kaha jaata hai parakhne ki shakti samjha?mahaarthiyon ke parakhne ki shakti yeh hai।

yeh shakti itni tab badhegi jo bhale koi saamne na bhi ho-lekin aane vaala ho athva door bhi ho, lekin door hote hue bhi parakhne ki shakti ke aadhaar se aise unko parakh sake jaise ki koi saamne vaale ko parkha jaata hai। isi ko hi doosre shabdon mein ‘shaktiyon ki siddhi’ kaha gaya hai yeh siddhi praapta hogi। jaise aatma-gyaaniyon ko bhi yeh siddhi hoti hai ki jabaan se koi bol na bhi bole lekin woh kya bolna chaahte hain woh samajh jaate hain, kya karne vaala hai unko pahle parakh lete hain। to yahaan bhi yeh parakhne ki shakti siddhi ke roop mein praapta hogi। lekin sirf in shaktiyon ko yathaartha reeti se kaarya mein laana hai -- na vyartha ganvaayen, na vyartha kaarya mein lagaayen। phir yeh siddhi va shakti bahut kalyaan ke nimitta banti hai। yeh bhi aayegi। jisko dekhte hue sabke mukh se shaktiyon ki mahima jo bhakti mein nikli hai - aap yeh ho, yeh ho! yeh sab mahima pahle pratyaksha roop mein hogi। jo phir yaadgaar mein chalti aayegi। yeh bhi stage honi hai lekin thode samay ke liye aur thodon ki। isliye kehte hain ki jo ant tak honge unko yeh sab nazaare dekhne aur anubhav hone ke praapta honge। ant tak anguli dene liye part bhi aise shaktiyon ke honge na?shakti va paandav। lekin shakti swaroop ke honge, kamzoron ke nahin। bilkul saath-saath hoga। ek taraph haahaakaar aur doosri taraph jayjaykaar। woh bhi ati mein aur yeh bhi ati mein hoga। achha!

is murli ke vishesh tathya

1. mahaarthiyon ke parakhne ki shakti yeh hai ki ve sankalpon ke vibration dvaara kisi bhi aatma ko parakh sakte hain ki woh kitne percentage mein roohaani sthiti mein rahne vaali hai।

2. shaktiyon va siddhiyon ko yathaartha reeti se kaarya mein laana hai,na vyartha ganvaana hai na vyartha kaaryo mein lagaana hai। tab yeh siddhi va shakti bahut kalyaan ke nimitta banti hai।