Avyakt murli du lundi 18 avril 1977

Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.

Comment est produit le Hinglish ?

Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.

Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.

Exemples d’écriture courante
HindiHinglish
आत्माaatma
शान्तिshanti
मैंmain
हूँhoon

>

18-04-77om shanti avyakt baapdaadaamdhuban

yogya shikshak ka har karma roopi beej phaldaayak hoga, nishphal nahin

seva kendron par nimitta bani bahnon prati baba bole:-

teachers arthaat shikshak hai। shikshak ka arth kya hai? shikshak ka yahaan arth hai, ‘shiksha swaroop।’ bade se bada shiksha dene ka sahaj saadhan kaun-sa hai? anek prakaar ke shiksha dene ke saadhan hote hain na। to shiksha dene ka sabse sahaj saadhan kaunsa hai? swaroop dvaara shiksha dena,mukh dvaara nahin। saakaar baap ne sabse sahaj saadhan ‘swaroop’dvaara hi shiksha di na?sirf bol mein nahin, karma se। kahenge woh seekhenge nahin। lekin ‘jo karenge woh dekh aur bhi karenge।’ yeh mantra hai। to sabse sahaj tareeka, swaroop dvaara shiksha dena। kisko kitna bhi samjhaao tum aatma ho, tum shant swaroop,gyaanasva roop ho lekin woh samjhenge tab tak nahin, jab tak svayan us swaroop mein sthit nahin honge। aise anubhav ki padhaai padhne vaalon ko koi bhi hara nahin sakte। padhaai itni avinaashi ho jaati hai। to kaise shiksha deti ho - vaani se ya swaroop se?

har kadam dvaara anek aatmaon ko shiksha dena - yeh hai yogya teacher। bhaashan dvaara va saptaah course dvaara kisko shiksha-swaroop banaana। aise shikshak ke har bol - vaakya nahin, lekin‘mahaavaakya’kahe jaate hain। kyonki har bol mahaan banaane vaala hai to mahaavaakya kahenge। har karma anekon ko shreshtha banaane ka phal nikaalne vaala ho। karma ko beej kaha jaata hai,aur result ko karma ka phal kaha jaata hai। aise shikshak ka karma roopi beej phaldaayak hoga। beej agar powerful hota hai to phal bhi itna achha nikalta hai। har karma roopi beej phaldaayak hoga,nishphal nahin। isko kaha jaata hai ‘yogya shikshak।’ unka har sankalp, jaise brahma ke sankalp ke liye gaayan hai ki brahma ke ek sankalp ne nai srishti rach li,vaise aisi shikshak ke sankalp, nai srishti ke adhikaari banaane vaala hai। samjha? shikshak ki paribhaasha yeh hai।

teachers ko ek ‘lift ki gift’ bhi hai। kaun-si?teachers banna arthaat puraane sambandh se tyaag karna। is tyaag ke bhaagya ke lift ki gift teacher ko hai, pahle tyaag to kar diya na। pahla tyaag hai sambandh ka। vo to kar liya। aage bhi tyaag ki lift lambi hai। lekin is tyaag ka, himmat rakhne ka, sahayogi banne ka sankalp kiya,yeh ‘lift hi gift’ ban jaati hai। lekin sampoorn tyaag kar do to baap ke liye gift, duniya ke liye lift ban jaao। aisi lift ban jaao jo baitha aur pahaooncha। mehnat nahin karni pade। teachers ko chance bahut hai, lekin lene vaala leve। teachers banne ke bhaagya ka to sab gaayan karte hue, ichchha rakhte hain। ichchha rakhte hain arthaat shreshtha bhaagya hai na। usko sada shreshtha rakhna woh hai harek ka nambarvaar। teachers jitna chaahe utna apna bhavishya sahaj ujval bana sakti hai - lekin woh teacher jo yogya teacher ho। thode mein khush hone vaali teacher to nahin ho na? baap-daada to teachers ko kis nazar se dekhte hain? hamjinsa ki nazar se। kyonki baap bhi teacher hai na। teacher, teacher ko dekhenge to hamjinsa ki nazar se dekhenge। hamjinsa ko dekh khush honge। teachers to sada santushta hongi। poochhna arthaat hamjinsa ki insult karna। achha।