Avyakt murli du dimanche 5 avril 1981

>

05-04-81om shanti avyakt baapdaada madhuban

"samartha karmon ka aadhaar - dharma"

aaj baapdaada apne vishwa parivarttak vishwa-kalyaan kaari bachchon ko dekh rahe hain। jab se brahman jeevan hua tab se isi mahaan karttavya ka sankalp kiya। brahman jeevan ka mukhya karma hi yeh hai। maanav jeevan mein harek aatma ki vishesh do dhaarnaayen hain। ek dharma, doosra - karma। dharma mein sthit hona hai aur karma karna hai। dharma ke bina jeevan ke karma mein saphalta mil nahin sakti। dharma arthaat vishesh dhaarna। main kya hoon?isi dhaarna arthaat dharma ke aadhaar se mujhe kya karna hai - woh buddhi mein spashta hota hai। chaahe yathaartha dharma arthaat dhaarna ho chaahe aythaartha ho। asmartha karma bhi aythaartha dhaarna hai। arthaat main maanav hoon, mera dharma hi maanav dharma hai, jisko deh abhimaan kehte ho। isi dharma ke aadhaar par karma bhi ulte hue। aise brahman jeevan mein bhi yathaartha yeh dhaarna hai ki - main shreshtha aatma hoon। main aatma shant,sukh, aanand swaroop hoon। isi aadhaar par karma badal gaya। agar karma mein shreshtha ke bajaae saadhaaran karma ho jaata hai, uska bhi aadhaar isi dharma arthaat dhaarna ki kami ho jaati ki main shreshtha aatma hoon, shreshtha gunon ka swaroop hoon। to foundation kya hua? isi kaaran dharmaatma shabd kaha jaata hai। aap sab dharmaatma ho na। dharmaatmaaon dvaara svatah hi vyartha va saadhaaran karma samaapta ho jaate hain। pahle yeh check karo ki sada dharma mein sthit rehta hoon। to karma svatah hi samartha chalta rahega। yahi pahla paath hai - main kaun? isi - main kaun ke question mein saara gyaan aa jaata hai। main kaun, isi prashn ke uttar nikaalo to kitni list ban jaayegi। abhi abhi second mein agar smriti mein laao to kitne titles yaad aa jaayenge। kyonki karma ke aadhaar par sabse jyaada titles woh aapke bhi titles। sabmen master ho gaye na। saare kalpa ke andar titles ki list itni badi kiski bhi nahin hogi। devtaaon ki bhi nahin hai। sirf apne titles likhne lago to chhota sa pustak ban sakta hai। yeh is sangam ke titles aapki degree hain। unhon ki degree bhale kitni bhi badi ho lekin aap logon ke aage woh kuchh nahin hai। itna nasha rehta hai? phir bhi shabd yahi aayega - main kaun? roj naya naya title smriti mein rakho arthaat usi title ke dhaarna swaroop dharmaatma ban karma karo। karma karte dharma ko na chhodo। dharma aur karma ka mel hona yahi sangamayug ki visheshta hai।

jaise aatma aur paramatma ke toote hue sambandh ko baap ne jod liya, aise dharma aur karma ke sambandh ko bhi jod lo। tab dharmaatma pratyaksha honge। aaj baapdaada sarva bachchon ka yahi khel dekh rahe the ki kaun dharma aur karma ka mel kar chalte hain, ek ko pakad lete hain,ek ko chhod dete। jaise karmayog, to karma aur yog ka mel hai, agar donon mein se ek ko chhod den to aise hi hoga jaise jhoola jhoolne mein donon rassi zaroori hoti hai, agar ek rassi toot jaae va neeche oopar ho jaae,va chhoti badi ho, samaan na ho to kya haal hoga! aise hi dharma aur karma donon ke mel se sarva praaptiyon ke jhoole mein jhoolte rahenge। neeche oopar ho jaane se praapti ke jhoole se apraapta swaroop ka anubhav kar lete ho। chalte chalte check karna nahin aata isliye jhoolne ke bajaae chillaane lag jaate ho ki kya karen, kaise karen? jaise agyaaniyon ko kehte ho - main kaun hoon yeh pahli nahin jaante ho। aise apne se poochho - main kaun hoon?yeh achhi tarah se jaana?ismen bhi teen stejej hai। ek hai jaanna hai doosra hai svayan ko maanna, teesra hai maankar chalna arthaat woh swaroop banna। to kis stage tak pahunche ho? jaanne mein to sab paas ho na। maanne mein bhi sab paas ho। aur teesra number hai - maankar chalna arthaat swaroop banna,ismen kya samajhte ho? jab swaroop ban gaye to swaroop kab bhool nahin sakta। jaise deh ka swaroop kab bhool sakte ho kya? bhal karke deh samajhna ulta hai lekin swaroop tak aa gaya to bhulaate bhi nahin bhoolte ho na! aise hi har title saamne rakh karke dekho swaroop mein laaya hai? jaise roj baapdaada svadarshan chakradhaari ka title smriti mein dilaate hain। aise check karo - svadarshan chakradhaari yeh sangam ka swaroop hai, to jaanne tak laaya hai va maanne tak va swaroop tak? sada svadarshan chalta hai va par-darshan svadarshan ko bhula deta hai। yeh deh ko dekhna bhi pardarshan hai। sva aatma hai,deh par hai,prakriti par hai। prakriti bhaav mein aana bhi prakriti ke vasheebhoot hona hai। yeh bhi pardarshan chakra hai। jab apni deh ko dekhna bhi pardarshan hua to doosre ki deh ko dekhna - isko svadarshan kaise kahenge?vyartha sankalp va puraane sanskaar yeh bhi dehbhaan ke sambandh se hain। aatmik swaroop ke sanskaar jo baap ke sanskaar woh aatma ke sanskaar। baap ke sanskaar jaante ho? woh sada vishwa kalyaankaari,paropkaari merciful, vardaata hai। aise sanskaar natural swaroop mein bane hain? sanskaar banna arthaat sankalp, bol aur karma svatah hi usi pramaan sahaj chalna। sanskaar aisi cheez hain jo automatic aatma ko apne pramaan chalaate rehte। sanskaar samjho automatic chaabi hai jiske aadhaar par chalte rehte ho। jaise khilaune ko naachne ki chaabi dete to woh naachta hi rehta। agar kisko girne ki denge to girta hi rahega। aise jeevan mein sanskaar bhi chaabi hai। to baap ke sanskaar niji sanskaar banaaye hain? jisko doosre shabdon mein kehte ho - meri yeh nature hai। baap samaan nature ho jaae - sada vardaani, sada upkaari, sada merciful। to mehnat karni padegi। jab main kaun hoon ko swaroop mein laao, isi dharma ko karma mein apnaao tab kahenge swaroop tak laaya। nahin to jaanne aur maanne vaali list mein chale jaayenge। sada yeh smriti rakho - mera dharma hi yeh hai। isi dharma mein sada sthit raho, kuchh bhi ho jaae, chaahe vyakti, chaahe prakriti, chaahe paristhiti lekin aap logon ka salogan hai ‘‘dharat pariye dharma na chhodiye।'' isi salogan ko athva pratigya ko sada smriti mein rakho।

is samay kalpa pahle vaale puraane so naye bachche aaye hain। puraane te puraane bhi ho aur naye bhi ho। naye bachche arthaat sabse chhote, chhote sabse laadle hote hain। naye patte sabko sundar lagte hain na! to bhal naye hain lekin adhikaar mein number one। aise sada purooshaartha karte chalo। sabse pahla adhikaar pavitrata ka। uske aadhaar par sukh-shanti,sarva adhikaar praapta ho jaate। to pahla pavitrata ka adhikaar lene mein sada number one rehna। to praapti mein bhi number one ho jaayenge। pavitrata ki foundation ko kabhi kamjor nahin karna। tab hi last so fast jaayenge। baapdaada ko bhi bachchon ko dekh khushi hoti hai ki phir se apna adhikaar lene pahunch gaye hain। isliye khoob race karo। abhi bhi toolate ka board nahin laga hai। sab seetsa khaali hai,fix nahin hui hain। jo number lene chaaho woh le sakte ho, itna attention rakhte chalte chalo। adhikaari bante chalo। yogyataaon ko dhaaran kar yogya bante chalo।

aise baap samaan sada shreshtha dharma aur shreshtha karmadhaari, sada dharma-aatma,sada svadarshan chakradhaari swaroop, sada sarva praapti swaroop, aisi shreshtha aatmaon ko baapdaada ka yaadapyaar aur namaste।

hovanhaar teachers kumaariyon ke group se baapdaada ki mulaakaat –

yeh group hovanhaar vishwa kalyaankaari group hai na। yahi lakshya rakha hai na। sva-kalyaan kar vishwa-kalyaankaari banenge - yahi dridh sankalp kiya hai na? baapdaada har nimitta bani hui shreshtha aatmaon ko dekh khush hote hain ki yeh ek-ek kumaari anek aatmaon ke kalyaan ke prati nimitta banne vaali hai। vaise kumaari ko 100 braahmanon se uttam kehte hain lekin 100 bhi had ho gai। yeh to sab behad ke vishwa kalyaankaari hain behad ki ho na? had ka sankalp bhi nahin। phir sabhi ek do se race mein aage ho va nambarvaar ho?kya samajhti ho? harek mein apni apni visheshta to hogi lekin yahaan sarva visheshtaaon se sampanna ho?jab sab visheshtaaen dhaaran karo tab sampanna bano। to kya lakshya rakha hai?baat bahut chhoti hai, koi badi baat nahin hai, sankalp dridh hai to praapti svatah ho jaati hai। agar sirf sankalp hai, usmein dridhta nahin to bhi antar pad jaata hai। kabhi kehte hain na vichaar to hai, karna to chaahiye isko dridh sankalp nahin kahenge। dridh sankalp arthaat karna hi hai,hona hi hai। to ‘‘shabd''nikal jaata hai। banna to hai, nahin। lekin banna hi hai। yeh lakshya rakho to number one ho jaayenge। sahaj jeevan anubhav hoti hai? mushkil to nahin lagta?college ka vaataavran prabhaav to nahin daalta,aapka vaataavran unhon par prabhaav daalta hai? sada nirvighna rehna। sva ko dekhna arthaat nirvidhna banna। sunaaya na - baap ke sanskaar so apne sanskaar,phir jaise nimitta maatra kar rahe hain lekin karaavanhaar baap hai। karan-karaavanhaar jo gaaya jaata hai woh is samay ka hi practical anubhav hai। achha egjaampul bani ho। sada sapoot ban saboot dete rehna। sapoot usko hi kaha jaata hai jo saboot de। kabhi aapas mein khit-khit to nahin hoti hai? knowledgeful ho jaane se ek do ke sanskaar ko bhi jaankar sanskaar parivarttan ki lagan mein rehte hain। yeh nahin sochte ki yeh to aise hain hi lekin yeh aise se aisa kaise bane, yeh sochenge। merciful banenge। ghrina drishti nahin raham ki drishti - kyonki knowledgeful ho gaye na! sahaj jeevan aur shreshtha praapti, is jaisa bhaagya aur kab mil sakta hai? achhe serviceable haindas hain,aise hi haindas nikalte jaaen to bahut achha। himmate bachche madde baap। shaktiyaan to hain hi vijayi। shakti ki vijay na ho yeh ho nahin sakta।

“sarva brahman bachchon prati is varsha ke liye avyakt baapdaada ka vishesh ishaara”

is varsha harek bachche ko yeh vishesh attention dena hai ki humein teenon hi certificate (manapsand, lokapsand aur baap pasand) lene hain। man pasand ka certificate hai ya nahin uski parakh baapdaada ke kamre mein jaakar kar sakte ho, kyonki us samay baap ban jaata hai darpan aur us darpan mein jo kuchh hota hai woh spashta dikhaai deta hai। agar us samay baap ke aage apna man certificate deta hai ki main theek hoon to samjho theek,agar us samay man mein chalta - yeh theek nahin hai, to apne ko parivarttan kar dena chaahiye। agar maano majority kisi baat ke prati koi ishaara dete hain lekin svayan nahin samajhte ki main wrong hoon,phir bhi jab lok-sangrah ke prati oopar se direction mile ki yeh attention rakhna chaahiye to phir us samay apni nahin chalaani chaahiye। kyonki agar satyata ki shakti hai to satya ko kaha hi jaata hai - ‘‘ satyata mahaanta hai।''aur mahaan vahi hai jo svayan jhukta hai। agar maano kalyaan ke prati jhukna bhi padta hai to woh jhukna nahin hai, lekin mahaanta hai। anekon ki seva ke arth mahaan ko jhukna hi padta hai। to yeh vishesh attention rakho। isi mein hi albelaapan aa jaata hai। main theek hoon, theek to ho lekin jo theek rah sakta hai woh svayan ko mould bhi kar sakta hai। agar maano doosre ko meri koi chalan se koi bhi sankalp utpanna hota hai to svayan ko mould karne mein nuksaan hi kya hai? phir bhi sabki aasheervaad to mil jaayegi। yeh aasheervaad bhi to phaayda hua na। kyon-kya mein nahin jaao। yeh kyon, yeh aise hoga vaise hoga। isko fullstop lagaao। ab yeh visheshta chaaron or light house ke muaaphik phailaao। isko kaha jaata hai - ek ne kaha,doosre ne maana arthaat anekon ko sukh dene ke nimitta। ismen yeh nahin socho ki main koi neeche ho gaya। nahin। galti ki tabhi main parivarttan kar raha hoon,yeh nahin socho lekin seva ke liye parivarttan kar raha ha। seva ke liye sthool mein bhi kuchh mehnat karni padti hai na! to shreshtha, mahaan aatma banne ke liye thoda bahut parivarttan bhi kya to harja hi kya hai? ismen he! arjun, bano। isse vaataavran banega। ek se do, do se teen agar koi galti hai aur maan li to yeh koi badi baat nahin hai lekin galti nahin hai aur lok-sangrah arth karna padta hai। yeh hai mahaanta। ismen agar koi samajhta bhi hai ki isne yeh kiya arthaat neeche ho gaya,to doosron ke samajhne se kuchh nahin hota, baap ki list mein to aage number hai na। isko dabaana nahin kaha jaata hai। yeh bhi braahmanon ki bhaasha hoti hai na - kahaan tak dabenge, kahaan tak marenge, kab tak sahan karenge, agar yahaan dabenge bhi to anek aap ke paanv dabaayenge। yeh dabaana nahin hai lekin anekon ke liye poojya banna hai। mahaan banna hai।

2. is varsha aisa koi naya plan banaao jaise mohjeet parivaar ki kahaani sunaate hain ki jis bhi sambandhi ke paas gaya usko gyaan sunaaya,to yahaan bhi aap bachchon se jab bhi koi milne aaye to usko yahi anubhav ho ki main koi pharishte se mil raha hoon। aane se hi use jaadu lag jaae। jahaan jaae, jisse mile usse jaadu ka hi anubhav kare। jaise shuru-shuru mein baap ko dekha, murli suni, parivaar ko dekha to masta ho jaata tha, aise abhi bhi jo sochkar aave, usse padamguna anubhav karke jaae। aisa ab plan banaao। dridh sankalp se sab kuchh ho sakta hai। agar ek aisa anubhav karaayega to sab usko follow karenge।

3. is varsha vishesh sahansheelta ka gun harek ko dhaaran karna hai - sangathan mein agar koi ek ke liye kuchh bolta bhi hai to doosra chup rahe to bolne vaala kab tak bolega? aakhir to chup hi ho jaayega। sirf usmein 10 baari sunne ki himmat chaahiye। doosre ko badalne ke liye thoda to sahan karna padega। ismen sahanshakti bahut chaahiye। do baari mein hi dilshikasta nahin ho jaao।10-12 baar to sunkar sahan karo। baap ne bhi kitne bachchon ke sanskaaron ko badla। brahma, jo itni badi first athaarti hai usne bhi chhote-chhote bachchon se suna,agyaaniyon se bhi suna,insult sahan ki na! brahma baap ki bhi insult karte the, to aap kaun ho! jab baap ne sab kuchh sahan kar parivarttan kiya to follow father। sirf himmat ki baat hai, sab sahaj ho jaayega। sirf thoda pahle lagta hai - kaise hoga, kahaan tak sahan karenge? himmat na haaro to abhi-abhi ho jaae। jab bhavishya par chhodte ho ki kahaan tak hoga… tabhi sankalp kamjor hote hai। kahaan tak hoga yeh nahin sochon, sankalp mein dridhta laao। bhavishya par chhodne se varttamaan kam- jor ho jaata hai।

gujraat party se baapdaada ki mulaakaat -jaise saakaar mein aana aur jaana sahaj ho gaya hai, abhi-abhi aaye, abhi- abhi gaye, to jaise saakaar mein sahaj practice ho gai hai aane-jaane ki, vaise aatma ko apni karmaateet avastha mein rahne ki bhi practice hai?abhi-abhi karmayogi ban karma mein aana,karma samaapta hua phir karmaateet avastha mein rehna,iska bhi anubhav sahaj hota hai? jaise lakshya rakhte ho madhuban jaana hai, phir taiyaari kar pahunch jaate vaise yeh bhi sada lakshya rahe ki karmaateet avastha mein rehna hai, nimitta maatra karma karne ke liye karmayogi bane phir karmaateet। karmaateet - iske liye taiyaari kaun-si karni hai? double light bano। to double light banna aata hai na। trustee samjhaana arthaat light banna। doosra - aatma samajhna arthaat light hona। to yeh taiyaari karne to aati hai na। yahi attention rakhne se phir second mein karmaateet,second mein karmayogi। jaise karma mein aana svaabhaavik ho gaya hai। vaise karmaateet hona bhi svaabhaavik ho jaae। yahi to abhyaas hai na। jo sada yaad aur seva mein rahne vaale hain unhon ko pratya- kshaphal sahaj praapta hota hai। sochenge bhi nahin ki aisa ho sakta hai! lekin sahaj anubhav hote rahenge। chalte-chalte aise anubhav karenge jaise bhakti maarga mein kahaavat hai, ‘‘bhagwan chhappar phaadkar dete hain।''to yahaan bhi mehnat ka chhappar phaadkar sahaj anubhooti hogi। jab sarvashaktivaan ke bachche ban gaye to mehnat rahi kya? sabhi sahajyogi ho na।

videshi bachchon se -abhi sabhi ja rahe ho phir se ek se anek hokar aane ke liye। iseelie ja rahe ho na? itni aatmaon ko sandesh dena hai to zaroor itni teevragti se purooshaartha karenge tab to saphal honge na। abhi harek ko seva ke teevragti ka plan banaana pade। sada yahi samjho - jaise shanti ki chidiya dikhaate hain na,aise ham bhi shanti ke sandeshi bankar ja rahe hain। jahaan bhi jaao vahaan shanti ki lahar phaila do। kyonki videsh mein shanti ki khoj vaale bahut hain। to aise ke liye aap shanti daata ke bachche shanti ka sandesh dene vaale ho। jab sabko shanti ka sandesh mile tab aapko shanti ki devi va shanti ka devta maanenge। to aise bankar ja rahe ho na? chaaron or jab itne shanti ki devi aur devtaayen phail jaayenge to kya ho jaayega? shanti daata baap ki pratyakshata ka jhanda lahra jaayega। jarmani vaale bhi koi naya jhanda lahraayenge jo sabki najar jarmani ki taraph jaayegi।

murli ka saar

1. dharma arthaat vishesh dhaarna। dharma mein sthit hona hai aur karma karna hai। dharma ke bina karma mein saphalta nahin mil sakti।

2. dharma aur karma ke sambandh ko jod lo tab dharmaatma pratyaksha honge। dharma aur karma donon ke mel se sarva praaptiyon ke jhoole mein jhoolte rahenge।

3. ‘‘dharat padiye dharma na chhodiye'' kuchh bhi ho jaae, dharma mein sada sthit raho।