Avyakt murli du jeudi 7 avril 1983

>

07-04-83 om shanti avyakt baapdaada madhuban

maataaon ke prati avyakt baapdaada ke do anmol bol

halchal se pare le jaane vaale, nishchay buddhi aatmaon ke prati shivbaaba bole:-

aaj vishesh nimitta bani hui double sevaadhaari, baapdaada ki snehi maataaon ko vishesh do bol suna rahe hain। jo sada baap ke shiksha ki saugaat saath rakhna। ek sada laukik mein alaukik smriti, sada sevaadhaari ki smriti। sada trasteepan ki smriti। sarva prati aatmik bhaav se shubh kalyaan ki bhaavna, shreshtha banaane ki shubh bhaavna। jaise anya aatmaon ko seva ki bhaavna se dekhte ho, bolte ho, vaise nimitta bane hue laukik parivaar ki aatmaon ko bhi usi pramaan chalaate raho। had mein nahin aao। mera bachcha,mera pati iska kalyaan ho, sarva ka kalyaan ho। agar meraapan hai to aatmik drishti,kalyaan ki drishti de nahin sakenge। majority baapdaada ke aage yahi apni aash rakhte hain - bachcha badal jaae,pati saath de,ghar vaale saathi banen। lekin sirf un aatmaon ko apna samajh yeh aash kyon rakhte ho! is had ki deevaar ke kaaran aapki shubh bhaavna va kalyaan ki shubh ichchha un aatmaon tak pahunchti nahin। isliye sankalp bhal achha hai lekin saadhan yathaartha nahin to result kaise nikle? isliye yeh complaint chalti rehti hai। to sada behad ki aatmik drishti, bhaai bhaai ke sambandh ki vritti se kisi bhi aatma ke prati shubh bhaavna rakhne ka phal zaroor praapta hota hai। isliye purooshaartha se thako nahin। bahut mehnat ki hai va yeh to kabhi badalna hi nahin hai - aise dilshikasta bhi nahin bano। nishchaybuddhi ho, merepan ke sambandh se nyaare ho chalte chalo। koi-koi aatmaon ka eeshvareey varsa lene ke liye bhakti ka hisaab chuktu hone mein thoda samay lagta hai। isliye dheeraj dhar,saaksheepan ki sthiti mein sthit ho, niraash na ho। shanti aur shakti ka sahayog aatmaon ko dete raho। aisi sthiti mein sthit rahkar laukik mein alaukik bhaavna rakhne vaale, double sevaadhaari, trustee bachchon ka mahatva bahut bada hai। apne mahatva ko jaano। to do bol kya yaad rakhenge?

nashtomoha, behad sambandh ke smriti swaroop aur doosra ‘baap ki hoon’, baap sada saathi hai। baap ke saath sarva sambandh nibhaane hain। yeh to yaad pad sakega na! bas yahi do baaten vishesh yaad rakhna। harek yahi samjhe ki baapdaada harek shakti va paandav se yeh personal baat kar rahe hain। sabhi sochte ho na ki mere liye personal kya hai। sabha mein hote bhi baapdaada sabhi pravritti vaalon se vishesh personal bol rahe hain। public mein bhi private bol rahe hain। samjha! ek ek bachche ko ek do se jyaada pyaar de rahe hain। isliye hi aate ho na! pyaar mile,saugaat mile। isse hi refresh hote ho na। pyaar ke saagar harek snehi aatma ko sneh ki khaan de rahe hain jo kabhi khatma hi nahin ho aur kuchh rah gaya kya! milna, bolna aur lena। yahi chaahte ho na। achha –

aise sarva had ke sambandh se nyaare, sada prabhu pyaar ke paatra, nashtomoha,vishwa kalyaan ke smriti swaroop, sada nishchay buddhi vijayi,halchal se pare achal rahne vaale,aisi shreshtha aatmaon ke prati baapdaada ka yaad-pyaar aur namaste।’’

(party ke saath-alag alag group se mulaakaat)

baap ke badhaai ka paatra banne ke liye maaya ko vidaai do:- sada apne ko baap ke saathi anubhav karte ho? jiska saathi sarvashaktivaan baap hai usko sada hi sarva praaptiyaan hain। unke saamne kabhi bhi kisi prakaar ki maaya nahin aa sakti। maaya ko vidaai de di hai? kabhi maaya ki mehmaani to nahin karte? jo maaya ko vidaai dene vaale hain unhon ko baapdaada dvaara har kadam mein badhaai milti hai। agar abhi tak vidaai nahin di to baar-baar chillaana padega - kya karen,kaise karen?isliye sada vidaai dene vaale aur badhaai paane vaale। aisi khushanseeb aatma ho। har kadam baap saath hai to badhaai bhi saath hai। sada isi smriti mein raho ki svayan bhagwan ham aatmaon ko badhaai dete hain। jo socha nahin tha woh pa liya! baap ko paaya sab kuchh paaya। sarva praapti swaroop ho gaye। sada isi bhaagya ko yaad karo।

anek mera maila bana deta aur ek mera mailaapan samaapta kar deta

sabhi ek baap ke sneh mein samaaye hue rehte ho? jaise saagar mein sama jaate hain aise baap ke sneh mein sada samaaye hue। jo sada sneh mein samaaye rehte hain unko duniya ki kisi bhi baat ki sudhbudh nahin rehti। sneh mein samaaye hone ke kaaransab baaton se sahaj hi pare ho jaate hain। mehnat nahin karni padti। bhakton ke liye kehte hain yeh to khoye hue rehte hain lekin bachche to sada prem mein doobe hue rehte hain। unhein dooniya ki smriti nahin। ghar mera, bachcha mera, yeh cheez meri, ye mera mera khatma। bas ek baap mera aur sab mera khatma। aur mera maila bana deta hai, ek baap mera to mailaapan samaapta ho jaata hai।

baap ko jaanna hi sabse badi visheshta hai:- baap ko harek bachcha ati pyaara hai। sab shreshtha te shreshtha ho। chaahe gareeb ho, chaahe saahookaar, chaahe padhe likhe ho chaahe anpadh, sab ek do se adhik pyaare hain। baap ke liye sabhi vishesh aatmaaye hain। kaun si visheshta hai sabhi mein? baap ko jaanne ki visheshta hai। jo bade bade rishi muni nahin jaan sake woh aapne jaan liya,pa liya। woh bichaare to neti neti karke chale gaye। aapne sab kuchh jaan liya। to baapdaada aisi vishesh aatmaon ko roj yaad-pyaar dete hain। roj milan manaate hain। amritvele ka samay khaas bachchon ke liye hai। bhakton ki line peechhe, bachchon ki pahle। jo vishesh aatmaayen hoti hain unse milne ka samay bhi zaroor vishesh hoga na! to sada aisi vishesh aatma samjho aur sada khushi mein udte chalo।

beemaari ki sahaj dava

khushi ki goli aur injection:- brahman bachche apni beemaari ki davaai svayan hi kar sakte hain। khushi ki khuraak second mein asar karne vaali davaai hai। jaise woh log powerful injection laga dete hain to change ho jaate। aise brahman svayan hi svayan ko khushi ki goli de dete hain va khushi ka injection laga dete hain। yeh to stock harek ke paas hai na! knowledge ke aadhaar par shareer ko chalaana hai। knowledge ki light aur might bahut madad deti hai। koi bhi beemaari aati hai to yeh bhi buddhi ko rest dene ka saadhan hai। sookshm vatan mein avyakt baapdaada ke saath do din ke nimantran par ashta leela khelne ke liye pahunch jaao phir koi doctor ki bhi jaroorat nahin rahengi। jaise shuru mein sandeshiyaan jaati theen, ek ya do din bhi vatan mein hi rehti thi aise hi kuchh bhi ho to vatan mein aa jaao। baapdaada vatan se sair karaate rahenge,bhakton ke paas le jaayenge,london,America ghuma denge। vishwa ka chakra lagva denge। to koi bhi beemaari kabhi aaye to samjho vatan ka nimantran aaya hai, beemaari nahin order hai।

prashn:- sahajyogi jeevan ki visheshta kya hai?

uttar:-yogi jeevan arthaat sada sukhmay jeevan। to jo sahajyogi hain woh sadaasukh ke jhoole mein jhoolne vaale hote hain। jab sukhdaata baap hi apna ho gaya to sukh hi sukh ho gaya na। to sukh ke jhoole mein jhoolte raho। sukhdaata baap mil gaya, sukh ki jeevan ban gai,sukh ka sansaar mil gaya,yahi hai yogi jeevan ki visheshta jismen dukh ka naam nishaan nahin।

prashn:- bujurga aur anpadh bachchon ko kis aadhaar par seva karni hai?

uttar:-apne anubhav ke aadhaar par। anubhav ki kahaani sabko sunaao। jaise ghar mein daadi va naani bachchon ko kahaani sunaati hai aise aap bhi anubhav ki kahaani sunaao, kya mila hai, kya paaya hai… yahi sunaana hai। yeh sabse badi seva hai। jo harek kar sakta hai। yaad aur seva mein hi sada tatpar raho yahi hai baap samaan karttavya।