Avyakt murli du jeudi 3 mai 1984

>

03-05-84om shanti avyakt baapdaadaamdhuban

paramatma ki sabse pahli shreshtha rachna - brahman

dilaaraam baapdaada apne brahman bachchon prati bole:-

aaj rachta baap apni rachna ko, usmein bhi pahli rachna ‘brahman’aatmaon ko dekh rahe hain। sabse pahli shreshtha rachna aap brahman shreshtha aatmaayen ho,isliye sarva rachna se priy ho। brahma dvaara oonche te oonchi rachna - mukh vanshaavli mahaan aatmaayen, brahman aatmaayen ho। devtaaon se bhi shreshtha brahman aatmaayen gaai hui hain। brahman hi pharishta so devta bante hain। lekin brahman jeevan aadi pita dvaara sangamayugi aadi jeevan hai। aadi sangamvaasi gyaanasvaroop trikaaldarshi,trinetri brahman aatmaayen hain। saakaar swaroop mein saakaari srishti par aatma aur paramatma ke milan aur sarva sambandh ke preeti ki reeti ka anubhav parmaatma-avinaashi khazaanon ka adhikaar, saakaar swaroop se braahmanon ka hi yeh geet hai - hamne dekha hamne paaya shiv baap ko brahma baap dvaara। yeh devtaai jeevan ka geet nahin hai। saakaar srishti par is saakaari netron dvaara donon baap ko dekhna unke saath khaana-peena, chalna, bolna,sunna,har charitra ka anubhav karna,vichitra ko chitra se dekhna yeh shreshtha bhaagya brahman jeevan ka hai।

brahman hi kehte hain - hamne bhagwan ko baap ke roop mein dekha। maata, sakha, bandhu,saazan ke swaroop mein dekha। jo rishi muni, tapasvi,vidvaan aachaarya, shaastra sirf mahima gaate hi rah gaye। darshan ke abhilaashi rah gaye। kab aayega,kab mil hi jaayega। isi intajaar mein janma-janma ke chakra mein chalte rahe lekin brahman aatmaayen phalak se, nishchay se kehti, nashe se kehti, khushi-khushi se kehti, dil se kehti - ‘hamaara baap ab mil gaya’। woh tarasne vaale aur aap milan manaane vaale। brahman jeevan arthaat sarva avinaashi akhut, atal,achal sarva praapti swaroop jeevan,brahman jeevan is kalpa-vriksha ka foundation,jad hai। brahman jeevan ke aadhaar par woh vriksha vriddhi ko praapta karta hai। brahman jeevan ki jadon se sarva variety aatmaon ko beej dvaara mukti-jeevanmukti ki praapti ka paani milta hai। brahman jeevan ke aadhaar se yeh taal-taaliyaan vistaar ko paati hai। to brahman aatmaayen saare variety vanshaavli ki poorvaj hain। brahman aatmaayen vishwa ke sarva shreshtha kaarya ka, nirmaan ka muhoorta karne vaali hain। brahman aatmaayen hi avashmedh raajasva yagya,gyaan yagya rachne vaali shreshtha aatmaayen hain। brahman aatmaayen har aatma ke 84janma ki janmapatri jaanne vaali hain। har aatma ke shreshtha bhaagya ki rekha vidhaata dvaara shreshtha banaane vaali hain। brahman aatmaayen mahaan yaatra - mukti-jeevanmukti ki yaatra karaane ke nimitta hain। brahman aatmaayen sarva aatmaon ko saamoohik sagaai baap se karaane vaali hain। parmaatma haath mein haath ka hathiyaala bandhavaane vaali hain। brahman aatmaayen janma-janma ke liye sada pavitrata ka bandhan baandhane vaali hain। amraktha kar amar banaane vaali hain। samjha - kitne mahaan ho aur kitne jimmevaar aatmaayen ho! poorvaj ho। jaise poorvaj vaisi vanshaavli banti hai। saadhaaran nahin ho। parivaar ke jimmevaar va koi seva sthaan ke jimmevaar - is had ke ki jimmevaar nahin ho। vishwa ki aatmaon ke aadhaar moorta ho। uddhaar moorta ho। behad ki jimmevaari har brahman aatma ke oopar hai। agar behad ki jimmevaari nahin nibhaate,apni laukik pravritti va alaukik pravritti mein hi kabhi udti kala, kab chadhti kala, kab chalti kala, kab rookti kala, isi kalaabaaji mein hi samay lagaate, woh brahman nahin lekin kshatriy aatmaayen hain। purooshaartha ki kamaal par yeh karenge, aise karenge-karenge ke teer nishaan-andaaji karte rehte hain। nishaan-andaaji aur nishaan lag jaae ismen antar hai। woh nishaan ka andaaj karte rah jaate। ab karenge, aise karenge। yeh nishaan ka andaaj karte। usko kehte hain - kshatriy aatmaayen। brahman aatmaayen nishaan ka andaaja nahin lagaateen। sada nishaan par hi sthit hoti hain। sampoorn nishaana sada buddhi mein hai hi hai। second ke sankalp se vijayi ban jaate। baapdaada - brahman bachche aur kshatriy bachche donon ka khel dekhte rehte hain। braahmanon ka vijay ka khel aur kshatriyon ko sada teer kamaan ke bojh uthaane ka khel। har samay purooshaartha ki mehnat ka kamaan hai hi hai। ek samasya ko samaadhaan karte hi hain to doosri samasya khadi ho jaati। brahman samaadhaan swaroop hain। kshatriy baar-baar samasya ko samaadhaan karne mein lage hue rehte। jaise saakaar roop mein hansi ki kahaani sunaate the na। kshatriy kya karat bhaye! iski kahaani hai na - chooha nikaalte to billi aa jaati। aaj dhan ki samasya kal man ki, parson tan ki va sambangha samparka vaalon ki। mehnat mein hi lage rehte hain। sada koi na koi complaint zaroor hogi। chaahe apni ho,chaahe doosron ki ho। baapdaada aise samay prati samay koi na koi mehnat mein lage rahne vaale bachchon ko dekh dayaalu kripaalu ke roop se dekh raham bhi karte hain।

sangamayug, brahman jeevan dilaaraam ki dil par aaraam karne ka samay hai। dil par aaraam se raho। brahma bhojan khaao। gyaan-amrit piyo। shaktishaali seva karo aur aaraam mauj se diltakhta par raho। hairaan kyon hote ho। he raam nahin kehte। he baba ya he daadi-deedi to kehte ho na! he baba, he daadi-deedi kuchh suna। kuchh karo। yeh hairaan hona hai। aaraam se rahne ka yug hai। roohaani mauj karo। roohaani maujon mein yeh suhaavne din bitaao। vinaashi mauj nahin karna। gaao,naacho, murjhaaon nahin। parmaatma maujon ka samay ab nahin manaaya to kab manaayenge! roohaani shaan mein baitho। pareshaan kyon hote ho? baap ko aashcharya lagta hai - chhoti-si cheenti se pareshaan ho jaate ho। kyonki shaan se pare ho jaate to cheenti buddhi tak chali jaati hai। buddhiyog vichlit kar deti hai। jaise sthool shareer mein bhi cheenti kaategi to shareer hilega,vichlit hoga na। vaise buddhi ko vichlit kar deti hai। cheenti agar haathi ke kaan par jaati hai to moorchhit kar deti hai na! aise brahman aatma moorchhit ho kshatriy ban jaati hai। samjha kya khel karte ho! kshatriy nahin banna। phir raajdhaani bhi tretaayugi milegi। satayugi devtaaon ne kha-peekar jo bachaaya hoga woh kshatriyon ko treta mein milega। karma ke khet ka pahla poor brahman so devtaaon ko milta hai। aur doosra poor, kshatriyon ko milta hai। khet ke pahle poor ki taste aur doosre poor mein taste kya ho jaati hai, yeh to jaante ho na! achha-

mahaaraashtra aur yu.pi. zone hai। mahaaraashtra ki visheshta hai। jaise mahaaraashtra naam hai vaise mahaan aatmaon ka sundar guldasta baapdaada ko bhent karenge। mahaaraashtra ki raajdhaani sundar aur sampanna hai। to mahaaraashtra ko aise sampanna naameegraami aatmaon ko samparka mein laana hai। isliye kaha ki mahaan aatma banaae sundar guldasta baap ke saamne laana hai। ab ant ke samay mein in sampatti vaalon ka bhi part hai। sambandh mein nahin, lekin samparka ka part hai। samjha!

yu.pi. mein desh-videsh mein prasiddha wonder aaph di world ‘taajamhal’hai na! jaise yu.pi. mein world ki wonderful cheez hai aise yu.pi. vaalon ko seva mein wonderful pratyaksha phal dikhaana hai। jo desh videsh mein,brahman sansaar mein naameegraameeho ki yeh to bahut wonderful kaam kiya, wonderful aaph world ho। aisa wonderful kaarya karna hai। geeta paathshaalaayen hain,centre hain,yeh wonderful nahin। jo ab tak kisi ne nahin kiya woh karke dikhaayen tab kahenge - ‘wonderful’। samjha। videshi bhi ab haajar-naazar ho gaye hain, har season mein। videsh vaale videsh ke saadhnon dvaara vishwa mein donon baap ko haajar-naazar karenge। naazar arthaat is najar se dekh saken। to aise baap ko vishwa ke aage haajar-naazar karenge। samjha videshiyon ko kya karna hai! achha- kal to saari baaraat jaane vaali hai। aakhir woh bhi din aayega - jo helicopter bhi utrenge। sab saadhan to aapke liye hi ban rahe hain। jaise satayug mein vimaanon ki line lagi hui hoti hai। abhi yahaan jeep aur bason ki line lagi rehti। aakhir vimaanon ki bhi line lagegi। sabhi dar kar bhaagenge aur sab kuchh aapko dekar jaayenge। woh darenge aur aap udege। aapko marne ka dar to hai nahin। pahle hi mar gaye। paakistaan mein sample dekha tha na - sab chaabiyaan dekar chale gaye। to sab chaabiyaan aapko milni hain। sirf sambhaalna। achha-

sada brahman jeevan ki sarva visheshtaaon ko jeevan mein laane vaale, sada dilaaraam baap ke diltakhta par roohaani mauj,roohaani aaraam karne vaale, sthool aaraam nahin kar lena,sada sangamayug ke shreshtha shaan mein rahne vaale,mehnat se muhabbat ki jeevan mein lavleen rahne vaale, shreshtha brahman aatmaon ko baapdaada ka yaadapyaar aur namaste।’’