Avyakt murli du lundi 18 février 1985

>

18-02-85om shanti avyakt baapdaadaamdhuban

sangamayug tan-man-dhan aur samay saphal karne ka yug

vishwa kalyaankaari baapdaada saphaltaamoorta bachchon prati bole

aaj vishwa-kalyaankaari baap apne sahayogi bachchon ko dekh rahe hain। har ek bachche ki dil mein baap ko pratyaksha karne ki lagan lagi hui hai। sabhi ka ek hi shreshtha sankalp hai aur sabhi isi kaarya mein umang-utsaah se lage hue hain। ek baap se lagan hone kaaran seva se bhi lagan lagi hui hai। din-raat saakaar karma mein va svapna mein bhi baap aur seva yahi dikhaai deta hai। baap ka seva se pyaar hai isliye snehi sahayogi bachchon ka bhi pyaar seva se achha hai। yeh sneh ka saboot hai arthaat pramaan hai। aise sahayogi bachchon ko dekh baapdaada bhi harshit hote hain। apna tan-man-dhan, samay kitna pyaar se saphal kar rahe hain। paap ke khaate se badal punya ke khaate mein vartamaan bhi shreshtha aur bhavishya mein bhi jama kar rahe hain। sangamayug hai hi ek ka padmaguna jama karne ka yug। tan seva mein lagaao aur 21janmon ke liye sampoorn nirogi tan praapta karo। kaisa bhi kamzor tan ho, rogi ho lekin vaacha-karmana nahin to mansa seva antim ghadi tak bhi kar sakte ho। apne ateendriy sukh-shanti ki shakti chehre se,naynon se dikha sakte ho। jo samparka vaale dekhkar yahi kahen ki yeh to wonderful patient hai। doctors bhi patient ko dekh harshit ho jaaen। vaise to doctors patient ko khushi dete hain,dilaate hain lekin yeh dene ke bajaae lene ka anubhav karen। kaise bhi beemaar ho agar divya-buddhi saalim hai to ant ghadi tak bhi seva kar sakte hain। kyonki yeh jaante ho ki is tan ki seva ka phal 21 janma khaate rahenge। aise tan se, man se-svayan sada man ke shanti swaroop ban, sada har sankalp mein shaktishaali ban,shubh bhaavna shubh kaamna dvaara, daata ban sukh-shanti ke shakti ki kirnen vaayumandal mein phailaate raho। jab aapki rachna soorya chaaron or prakaash ki kirnen phailaate rehte hain to aap master rachta, master sarvashaktivaan,vidhaata,vardaata,bhaagyavaan,praapti ki kirnen nahin phaila sakte ho?sankalp shakti arthaat man dvaara ek sthaan par hote hue bhi chaaron or vibration dvaara vaayumandal bana sakte ho। thode se samay ki is janma mein man dvaara seva karne se 21 janma man sada sukh-shanti ki mauj mein hoga। lekin aadhaakalpa bhakti dvaara,chitron dvaara man ki shanti dene ke nimitta banenge। chitra bhi itna shanti ka, shakti ka dene vaala banega। to ek janma ke man ki seva saara kalpa chaitanya swaroop se va chitra se shanti ka swaroop banega।

aise dhan dvaara seva ke nimitta banne vaale 21 janma anginat dhan ke maalik ban jaate hain। saath-saath dvaapar se ab tak bhi aise aatma kabhi dhan ki bhikhaari nahin banengi। 21janma raajya bhaagya paayenge। jo dhan mitti ke samaan hoga। arthaat itna sahaj aur akeechaar hoga। aapki praja ki bhi praja arthaat praja ke sevaadhaari bhi anginat dhan ke maalik honge। lekin63 janmon mein kisi janma mein bhi dhan ke bhikhaari nahin banenge। maje se daal-roti khaane vaale honge। kabhi roti ke bhikhaari nahin honge। to ek janma daata ke prati dhan lagaane se,daata bhi kya karega?seva mein lagaayega। aap to baap ke bhandaari mein daalte ho na aur baap phir seva mein lagaate hain। to seva arth va daata ke arth dhan lagaana arthaat poora kalpa bhikhaari pan se bachna। jitna lagaao utna dvaapar se kaliyug tak bhi aaraam se khaate rahenge। to tan-man-dhan aur samay saphal karna hai।

samay lagaane vaale, ek to srishti chakra ke sabse shreshtha samay - satayug mein aate hain। satopradhaan yug mein aate hain। jis samay ka bhakta log ab bhi gaayan karte rehte hain। svarga ka gaayan karte hain na। to satopradhaan mein bhi one-one-one aise samay par arthaat satayug ke pahle janma mein, aise shreshtha samay ka adhikaar paane vaale, pahle number vaali aatma ke saath-saath jeevan ka samay bitaane vaale honge। unke saath padhne vaale,khelne vaale,ghoomne vaale honge। to jo sangam par apna samay saphal karte hain uska shreshtha phal sampoorn sunahre, shreshtha samay ka adhikaar praapta hota hai। agar samay lagaane mein albele rahe to pahle number vaali aatma arthaat shreekrishna swaroop mein svarga ke pahle varsha mein na aakar peechhe-peechhe nambarvaar aayenge। yeh hai samay dene ka mahatva। dete kya ho aur lete kya ho?isliye chaaron hi baaton ko sada check karo tan-man-dhan,samay chaaron hi jitna laga sakte hain utna lagaate hain? aise to nahin jitna laga sakte utna nahin lagaate?yathaashakti lagaane se praapti bhi yathaashakti hogi। sampoorn nahin hogi। aap brahman aatmaayen sabhi ko sandesh mein kya kehti ho? sampoorn sukh-shanti aapka janma siddha adhikaar hai। yeh to nahin kehte ho yatha shakti aapka adhikaar hai। sampoorn kehte ho na। jab sampoorn adhikaar hai to sampoorn praapti karna hi brahman jeevan hai। adhoora hai to kshatriy hai। chandravanshi aadhe mein aate hain na। to yatha shakti arthaat adhooraapan aur brahman jeevan arthaat har baat mein sampoorn। to samjha, baapdaada bachchon ke sahayog dene ka chart dekh rahe the। hain sab sahayogi। jab sahayogi bane hain tab sahaj yogi bane hain। sabhi sahayogi, sahajyogi,shreshtha aatmaayen hon। baapdaada har ek bachche ko sampoorn adhikaari aatma banaate hain। phir yathaashakti kyon bante ho? va yeh sochte ho - koi to banega! aise banne vaale bahut hain। aap nahin ho। abhi bhi sampoorn adhikaar paane ka samay hai। sunaaya tha na - abhi toolate ka board nahin laga। let arthaat peechhe aane vaale aage badh sakte hain। isliye abhi bhi golden chance hai। jab toolate ka board lag jaayega phir golden chance ke bajaae silver chance ho jaayega। to kya karna chaahiye? golden chance lene vaale ho na। golden ej mein na aaye to brahman ban karke kya kiya? isliye baapdaada snehi bachchon ko phir bhi smriti dila rahe hain,abhi baap ke sneh kaaran ek ka padmaguna milne ka chance hai। abhi jitna aur utna nahin hai। ek ka padmaguna hai। phir hisaab-kitaab jitna aur utne ka rahega। lekin abhi bholenaath ke bharpoor bhandaar khule hue hain। jitne chaaho,jitna chaaho le sakte ho। phir kahenge abhi satayug ke number one ki seat khaali nahin। isliye baap samaan sampoorn bano। mahatva ko jaan mahaan bano। double videshi golden chance vaale ho na! jab itni lagan se badh rahe ho, snehi ho, sahayogi ho to har baat mein sampoorn lakshya dvaara sampoornata ke lakshan dhaaran karo। lagan na hoti to yahaan kaise pahunchte! jaise udte-udte pahunch gaye ho aise hi sada udti kala mein udte raho। shareer se bhi udne ke abhyaasi hon। aatma bhi sada udti rahe। yahi baapdaada ka sneh hai। achha –

sada saphalta swaroop ban sankalp, samay ko saphal karne vaale, har karma mein seva ka umang-utsaah rakhne vaale, sada svayan ko sampanna banaae sampoorn adhikaar paane vaale, mile hue golden chance ko sada lene vaale, aise follow father karne vaale sapoot bachchon ko, number one bachchon ko baapdaada ka yaadapyaar aur namaste।’’

kaathmaandu tatha videshi bhaai-bahinon ke group se baapdaada ki personal mulaakaat - (1) sabhi sada apne ko vishesh aatmaayen anubhav karte ho?saare vishwa mein aisi vishesh aatmaayen kitni hongi?jo koton mein koi gaayan hai, woh kaun hain? aap ho na! to sada apne ko koton mein koi, koi mein bhi koi aisi shreshtha aatmaayen samajhte ho? kabhi svapna mein bhi aisa nahin socha hoga ki itni shreshtha aatma banenge lekin saakaar roop mein anubhav kar rahe ho। to sada apna yeh shreshtha bhaagya smriti mein rehta hai? vaah mera shreshtha bhaagya। jo bhagwan ne khud aapka bhaagya banaaya hai। direct bhagwan ne bhaagya ki lakeer kheenchi, aisa shreshtha bhaagya hai। jab yeh shreshtha bhaagya smriti mein rehta hai to khushi mein buddhi roopi paanv is prithvi par nahin rehte। aise samajhte ho na। vaise bhi pharishton ke paanv dharni par nahin hote। sada oopar। to aapke buddhi roopi paanv kahaan rehte hain? neeche dharni par nahin। deh- abhimaan bhi dharni hai। deh-abhimaan ki dharni se oopar rahne vaale। isko hi kaha jaata hai - ‘pharishta’। to kitne title hain - bhaagyavaan hain,pharishte hain, sikeeldhe hain - jo bhi shreshtha title hain woh sab aapke hain। to isi khushi mein naachte raho। sikeeldhe dharti par paanv nahin rakhte, sada jhoole mein rehte। kyonki neeche dharni par rahne ke abhyaasi to 63 janma rahe। uska anubhav karke dekh liya। dharni mein mitti mein rahne se maile ho gaye। aur abhi sikeeldhe bane to sada dharni se oopar rehna। maile nahin, sada svachchha। sachchi dil, saaph dil vaale bachche sada baap ke saath rehte hain। kyonki baap bhi sada svachchha hai na। to baap ke saath rahne vaale bhi sada svachchha hain। bahut achha, milan mele mein pahunch gaye। lagan ne milan manaane ke liye pahuncha hi diya। baapdaada bachchon ko dekh khush hote hain kyonki bachche nahin to baap bhi akela kya karega? bhale padhaare apne ghar mein। bhakta log yaatra par nikalte to kitna kathin raaste cross karte hain। aap to kaathmaandu se bas mein aaye ho। mauj manaate hue pahunch gaye। achha –

london group - sabhi sneh ke sootra mein bandhe hue baap ke maala ke manke ho na! maala ka itna mahatva kyon bana hai? kyonki sneh ka sootra sabse shreshtha sootra hai। to sneh ke sootra mein sab ek baap ke bane hain, iska yaadgaar maala hai। jiska ‘ek baap doosra na koi hai’ vahi ek hi sneh ke sootra mein maala ke manke ban piroye jaate hain। sootra ek hai aur daane anek hain। to yeh ek baap ke sneh ki nishaani hai। to aise apne ko maala ke manke samajhte ho na। yeh samajhte ho 108 mein to bahut thode aayenge। kya samajhte ho?yeh to 108ka number nimitta maatra hai। jo bhi baap ke sneh mein samaaye hue hain woh gale ki maala ke moti hain hi। jo aise ek hi lagan mein magan rahne vaale hain to magan avastha nirvighna banaati hai aur nirvighna aatmaon ka hi gaayan aur poojan hota hai। sabse jyaada gaayan kaun karta hai?baap karta hai na! aap sabhi ek baap ka gaayan karte aur baap kitnon ka karta? to sabse jyaada kaun karta? agar ek bachche ka bhi gaayan na kare to bachcha rooth jaayega। isliye baba harek bachche ka gaayan karte hain। kyonki harek bachcha apna adhikaar samajhta hai। adhikaar ke kaaran harek apna hak samajhta hai। baap ki gati itni fast hai jo aur koi itni fast speed vaala hai hi nahin। ek hi second mein anekon ko raaji kar sakta hai। to baap bachchon se busy rehte aur bachche baap mein busy rehte। baap ko business hi bachchon ka hai।

avinaashi ratna bane ho -iski mubaarak ho। 10 saal ya 15 saal se maaya se jeete rahe ho - iski mubaarak ho। aage sangamayug poora hi jeete raho। sabhi pakke ho। isliye baapdaada aise pakke achal bachchon ko dekh khush hain। harek bachche ki visheshta ne baap ka banaaya hai, aisa koi bachcha nahin jismen ‘visheshta’ na ho। isliye baapdaada harek bachche ki visheshta dekh sada khush hote hain। nahin to koton mein koi,koi mein koi,aap hi kyon banen! zaroor koi visheshta hai। koi kaun sa ratna hai,koi kaun sa?bhinna-bhinna visheshtaaon ke9 ratna gaaye hue hain। harek ratna vishesh vighna-vinaashak hota hai। to aap sabhi bhi vighna-vinaashak ho।

videshi bhaai-bahinon ke yaad pyaar tatha patron ka respond dete hue

sabhi snehi bachchon ka sneh paaya। sabhi ke dil ke umang aur utsaah baap ke paas pahunchte hain aur jaise umang utsaah se aage badh rahe hain - sada aage badhne vaale bachchon ke oopar baapdaada aur parivaar ki vishesh blessing hai। isi blessing dvaara aage badhte rahenge aur doosron ko bhi aage badhaate rahenge। achhi seva mein race kar rahe ho। jaise umang-utsaah mein race kar rahe ho aise avinaashi unnati ko paate rehna। to achha number aage le lenge। sabhi apne naam, visheshta se yaad sveekaar karna। abhi bhi sabhi bachche apni-apni visheshta se baapdaada ke sammukh hain। isliye padmaguna yaadapyaar।

daadi chandramni ji ne panjaab jaane ki chhutti li -sabhi bachchon ko yaadapyaar bhi dena aur vishesh sandesh dena ki udti kala mein jaaen। auron ko udaane ke liye samartha swaroop dhaaran karo। kaise bhi vaataavran mein udti kala dvaara anek aatmaon ko udaane ka anubhav kara sakte ho। isliye sabhi ko, yaad aur seva sada saath-saath chalti rahe, yeh vishesh smriti dilaana। baaki to sabhi sikildhe hain। achhi visheshta vaali aatmaayen hain। sabhi ko apni-apni visheshta se yaad pyaar sveekaar ho। achha hai double part baja rahi ho। behad ke aatmaon ki yahi nishaani hai - jis samay jahaan aavashyakta hai,vahaan pahunchna। achha-

yuglon ke saath - avyakt baapdaada ki mulaakaat (1) pravritti mein rehte sarva bandhanon se nyaare aur baap ke pyaare ho na? phanse hue to nahin ho? pinjade ke panchhi to nahin,udte panchhi ho na! jara bhi bandhan phansa leta hai। bandhanmukta hain to sada udte rahenge। to kisi bhi prakaar ka bandhan nahin। na deh ka, na sambandh ka, na pravritti ka,na padaartha ka। koi bhi bandhan na ho isko kaha jaata hai - ‘nyaara aur pyaara’। svatantra sada udti kala mein honge aur partantra thoda udenge bhi phir bandhan usko kheench kar neeche le aayega। to kabhi neeche, kabhi oopar, time chala jaayega। sada ekras udti kala ki avastha aur kabhi neeche,kabhi oopar yeh avastha, donon mein raat-din ka antar hai। aap kaun-si avastha vaale ho? sada nirbandhan,sada svatantra panchhi? sada baap ke saath rahne vaale? kisi bhi aakarshan mein aakarshit hone vaale nahin। vahi jeevan pyaari hai। jo baap ke pyaare bante unki jeevan sada pyaari banti। khit-khit vaali jeevan nahin। aaj yeh hua, kal yeh hua, nahin। lekin sada baap ke saath rahne vaale,ekras sthiti mein rahne vaale। woh hai mauj ki jeevan। mauj mein nahin honge to moonjhenge zaroor। aaj yeh problem aa gai,kal doosri aa gai, yeh duhkhadhaam ki baaten duhkhadhaam mein to aayengi hi lekin ham sangamayugi brahman hain to duhkh neeche rah jaayega। duhkhadhaam se kinaara kar liya to duhkh dikhaai dete bhi aapko sparsha nahin karega। kaliyug ko chhod diya, kinaara chhod chuke, ab sangamayug par pahunche to sangam sada ooncha dikhaate hain। sangamayugi aatmaayen bhi sada oonchi, neeche vaali nahin। jab baap udaane ke liye aaye hain to udti kala se neeche aayen hi kyon! neeche aana maana phansana। ab pankh mile hain to udte raho, neeche aao hi nahin। achha!

adharkumaaron se - sabhi ek hi lagan mein magan rahne vaale ho na? ek baap doosre ham, teesra na koi। isko kaha jaata hai lagan mein magan rahne vaale। main aur mera baba। iske sivaae aur bhi koi mera hai?mera bachcha,mera potra…aise to nahin। ‘‘mere’’mein mamta rehti hai। mera-pan samaapta hona arthaat mamta samaapta hona। to saari mamta yaani moh baap mein ho gaya। to badal gaya, shuddh moh ho gaya। baap sada shuddh hai to moh badalkar pyaar ho gaya। ek mera baba, is ek mere se sab samaapta ho jaata aur ek ki yaad sahaj ho jaati। isliye sada sahajyogi। main shreshtha aatma aur mera baba bas! shreshtha aatma samajhne se shreshtha karma svatah honge,shreshtha aatma ke aage maaya aa nahin sakti।

maataaon se - maataayen sada baap ke saath khushi ke jhoole mein jhoolne vaali hain na! gop gopiyaan sada khushi mein naachte ya jhoole mein jhoolte। to sada baap ke saath rahne vaale khushi mein naachte hain। baap saath hai to sarvashaktiyaan bhi saath hain। baap ka saath shaktishaali bana deta। baap ke saath vaale sada nirmohi hote, unhein kisi ka moh sataayega nahin। to nashtomoha ho?kaisi bhi paristhiti aave lekin har paristhiti mein ‘nashtomoha’। jitna nashtamoha hongi utna yaad aur seva mein aage badhti rahengi।

madhuban mein aaye hue sevaadhaariyon se - seva ka khaata jama ho gaya na। abhi bhi madhuban ke vaataavran mein shaktishaali sthiti banaane ka chance mila aur aage ke liye bhi jama kiya। to double praapti ho gai। yagya seva arthaat shreshtha seva, shreshtha sthiti mein rahkar karne se padmaguna phal ban jaata hai। koi bhi seva karo, pahle yeh dekho ki shaktishaali sthiti mein sthit ho sevaadhaari ban seva kar rahe hain?saadhaaran sevaadhaari nahin, roohaani sevaadhaari। roohaani sevaadhaari ki roohaani jhalak,roohaani phalak sada emerge roop mein honi chaahiye। roti belte bhi ‘svadarshan chakra’ chalta rahe। laukik nimitta sthool kaarya lekin sthool sookshm donon saath-saath,haath se sthool kaam karo aur buddhi se mansa seva karo to double ho jaayega। haath dvaara karma karte hue bhi yaad ki shakti se ek sthaan par rehte bhi,bahut seva kar sakte ho। madhuban to vaise bhi light house hai, light house ek sthaan par sthit ho,chaaron or seva karta hai। aise sevaadhaari apni aur doosron ki bahut shreshtha praalabdha bana sakte hain। achha – om shanti।