Avyakt murli du dimanche 31 décembre 1989

>

31-12-89 om shanti avyakt baapdaadaamdhuban

naye varsha par avyakt baapdaada ke mahaavaakya

aaj nav vishwa-nirmaata,vishwa ke baap apne sameep saathi nav-nirmaankartta bachchon ko dekh rahe hain। aap sab bachche baap ke nav-nirmaan karne ke kaarya mein sameep sambandhi ho। vaise vishwa nav-nirmaan ke kaarya mein prakriti bhi sahayogi banti hai, vartamaan samay ke naameegraami vaigyaanik bachche bhi sahayogi bante hain lekin aap sabhi sameep ke saathi ho। sabhi bachchon ke is brahman-jeevan ka vishesh karttavya athva seva kya hai? din-raat seva ke umang-utsaah mein ud rahe ho। kis kaarya ke liye? vishwa ko naya banaane ke liye। duniya vaale to naya varsha manaate hain lekin aapki dil mein yeh lagna hai-is vishwa ko aisa naya bana deven jo sab baaten nai ho jaaen। manushya aatmaayen,chaahe prakriti - satopradhaan nai ban jaae। puraani duniya ko to dekh hi rahe ho। chaaron or haahaakaar hai। to ‘haahaakaar'ki duniya se ‘jay-jaykaar'ki duniya bana rahe ho jismen har ghadi, har karma, har vastu nai ban jaayegi। vaise bhi har ek vyakti ko sab kuchh naya hi achha lagta hai na। puraani cheezen agar achhi bhi lagti hain to yaadgaar-maatra,use karne ke liye achhi nahin lagengi। sirf myoojayam mein yaadgaar banaake rakhenge lekin nai cheez har ek ko pasanda aati hain। is samay aap brahman aatmaayen puraani duniya mein hote hue bhi nai duniya mein ho। doosri aatmaayen puraani duniya mein hain lekin aap kahaan ho ? aap naye yug ‘‘sangam''par rehte ho। puraana jeevan samaapta ho gaya aur ab naye brahman-jeevan mein ho। duniya vaale ek din naya varsha manaate hain lekin aapka to hai hi naya yug,nai jeevan। har karma, har second naya hai। tum ho sangam par। ek taraph puraani duniya aur doosri taraph nai duniya dekh rahe ho। to buddhi kis taraph jaati hai? naye taraph va kabhi-kabhi puraani duniya taraph bhi chali jaati hai?puraani duniya achhi lagti hai kya?jo cheez achhi nahin lagti to vahaan buddhi kyon jaati hai? puraani duniya se duhkh, ashaanti,pareshaani ke anubhav kar liye hain ya abhi thoda anubhav karna hai?

aaj to milne aur manaane ke liye aaye hain। aap sabhi bhi doordesh se aakar pahunche ho naya varsha manaane liye। to naye varsha ke liye, apne liye,vishwa ki seva ke liye aur apne sameep saathiyon ke liye, prakriti ke liye aur apne door ke parivaar ke liye kya socha? naye varsha mein kya naya karenge? sirf apne liye to nahin sochna hai na! behad ke baap ke bachche aap bhi behad ke ho। ton sabka sochenge na,kyonki is samay baapdaada ke saath aap sabhi ki bhi jimmevaari hai। baap hai karaavanhaar lekin karne ke nimitta aap to ho na!

baapdaada ne do varsha pahle - naye varsha mein kya naveenta laani hai woh direction diye the। beech mein ek varsha extra mil gaya। to aaj amritvele baapdaada dekh rahe the ki har ek bachche ne apne mein naveenta kahaan tak laai hai! mansa mein,vaani mein,karma mein kya naveenta laai aur seva-samparka mein kya naveenta laai?jo agle varsha mansa ka chart raha woh abhi mansa ka chart kya hai?aise sab baaton ka chart check karo। naveenta arthaat visheshta। sab baaton mein visheshta laai?mansa ki visheshta udti kala ke hisaab se kaisi hai? udti kala vaalon ki visheshta arthaat har samay har aatma ke prati svatah hi shubhbhaavna aur shubhkaamna ke shuddh vibration apne ko aur doosron ko bhi anubhav hon arthaat man se har samay sarva aatmaon prati duaayen svatah hi nikalti rahen। mansa sada is seva mein busy rahe। jaise vaacha ki seva mein sada busy rahne ke anubhvi ho gaye ho। agar seva nahin milti to apne ko khaali anubhav karte ho। aise har samay vaani ke saath-saath mansa seva svatah hi honi chaahiye। vaacha seva ke bahut achhe plans banaate ho। yeh conference karenge - national karenge,abhi intarneshnal karenge, vargeekran ki karenge। to vaacha ki seva mein apne ko busy rakhne ke liye ek ke peechhe doosra plan pahle hi sochte ho। ismen busy rehna aa gaya hai।

majority achhe umang se is seva mein aage badh rahe hain। busy rahne ka tareeka aa gaya hai। lekin mansa seva mein bhi busy rahen - ismen minority hain,majority nahin hain। jab koi aisi baat saamne aati hai to us samay vishesh mansa seva ki smriti aati hai। lekin nirantar jaise vaacha seva natural ho gai hai, aise mansa seva bhi saath-saath aur natural ho। yeh visheshta aur jyaada chaahiye। vaani ke saath-saath mansa seva bhi karte raho to aapko bolna kam padega। bolne mein jo energy lagaate ho woh mansa seva ke sahayog kaaran vaani ki energy jama hogi aur mansa ki shaktishaali seva saphalta jyaada anubhav karaayegi। jitna abhi tan,man, dhan aur samay lagaate ho, usse bahut thode samay mein saphalta jyaada milegi aur jo apne prati bhi kabhi-kabhi mehnat karni padti hai - apni nature ko parivartan karne ki va sangathan mein chalne ki va seva mein saphalta kabhi kam dekh dilshikasta hone ki, yeh sab samaapta ho jaayegi। chhoti-chhoti baat jo badi ban jaati hai woh sab aise samaapta ho jaayegi jo aap svayan sochenge ki yeh to jaadu ho gaya! abhi jaadoomantra pasanda aata hai na! to yeh abhyaas jaadu ka mantra ho jaayega। jahaan mantra hota hai vahaan antar jaldi aata hai,isliye jaadoomantra kehte hain।

to naye varsha mein jaadu ka mantra use karo। yeh naveenta va visheshta karo aur jaadu ka mantra kya hai? mansa aur vaacha-donon ka mel karo। donon ka balance, donon ka milan - yahi jaadu ka mantra hai। jab mansa mein sada shubh bhaavna va shubh duaayen dene ka natural abhyaas ho jaayega to mansa aapki busy ho jaayegi। man mein jo halchal hoti hai, usse svatah hi kinaare ho jaayenge। apne purooshaartha mein jo kabhi dilshikasta hote ho woh nahin honge। jaadoomantra ho jaayega। sangathan mein kabhi-kabhi ghabra jaate ho। sochte ho - hamne to vaayda kiya tha‘‘baap aur main'', yeh thode hi vaayda kiya tha ki sangathan mein rahenge। baap to bahut achha hai, baap ke saath rehna bhi bahut achha hai lekin sangathan mein sabke sanskaaron mein rehna, yeh bahut mushkil hai। lekin yeh bhi bahut sahaj ho jaayega kyonki man se,dil se har aatma ke prati duaayen,shubhbhaavna,shubhkaamna powerful hone ke kaaran doosre ke sanskaar dab jaayenge। woh aapka saamna nahin karenge aur dabte-dabte samaapta ho jaayenge। phir kahenge - haan, ham 40 ke saath bhi rah sakte hain। is varsha chaaron or ke desh-videsh ke bachchon ko yeh har samay ki naveenta va visheshta apne mein laani hai। kabhi-kabhi sochte ho na ki abhi to 9 laakh poore nahin hue hain। ant tak33 karod devtaayen hain - uski to baat hi chhodo। 9laakh to achhi aatmaayen chaahiye। pahli raajdhaani mein achhi aatmaayen chaahiye। praja bhi achhi number one chaahiye। kyonki one-one-one shuru hoga। to usmein jo bhi prakriti hogi,vyakti honge, vaibhav honge - ve sab number one honge। to abhi number one praja 9laakh banaai hai?kitne laakh taiyaar kiye hain? aap jo report banaate ho usmein to kabhi-kabhi vaale bhi add karte ho na। lekin abhi to aadha bhi nahin hua hai। number one praja bhi kam se kam baap ke sneh ka anubhav avashya karegi। sahayog mein rehte hain,woh pahla kadam hai। lekin doosra kadam hai sahayogi, snehi banenge। samarpan nahin ho, woh doosri baat hai lekin sada baap ka sneh rahe। sirf parivaar va bhaai-bahinon ka sneh nahin। abhi yahaan tak pahunche hain - jo seva karte hain unhon prati snehi bante। lekin baap ke sneh ki anubhooti karen। unhon ke bhi dil se baba nikle tab to praja banenge। brahma ki praja, pahle vishwa-mahaaraajan ki banegi। jiski praja banni hai, uska sneh to abhi se chaahiye na। yeh jo sochte ho na ki abhi to bahut seva padi hai, woh is mansa-vaacha ki sammilit seva mein vihang-maarga ki seva ka prabhaav dekhenge। pahle ki seva se abhi ki seva ko vihang-maarga ki seva kehte ho। aage chal karke aur vihang-maarga ki seva ka anubhav karenge। baapdaada bachchon ki seva se khush hain। jab ek-ek ki seva ko dekhte hain to ek-ek ke prati bahut sneh paida hota hai। desh chaahe videsh mein seva ki dhun to achhi lagi hui hai। kitne gaanvon mein chaaron or seva phail rahi hai! mehnat to karte hain lekin sneh ke kaaran mehnat nahin lagti hai। bhaagdaud karke apne ko busy rakhne ki yukti achhi karte hain। baap ka sneh aur baap ki madad aise chala rahi hai।

baapdaada bachchon ko dekh khush hote hain - kitni seva karte rahe hain! jahaan tak jaise ki hai,bahut achha kiya hai। abhi aur vihang-maarga ki seva ke liye jo vidhi sunaai, isse quality ki aatmaayen sameep aayengi aur woh quality ki aatmaayen anekon ke nimitta banengi। ek se anek hote hue vihang-maarga ki seva ho jaayegi। lekin quality ki seva mein unhon ko nimitta banaane athva unhon ki buddhi ko touch karne ke liye apni ‘mansa'bahut shaktishaali chaahiye kyonki quality vaali aatmaayen vaani mein to pahle hi hoshiyaar hoti hain lekin anubhooti mein kamzor hoti hain, bilkul hi khaali hoti hain।

to jo jis baat mein kamzor hote hain,usko usi kamzori ka hi teer lag sakta hai aur jab anubhooti hoti hai tab samajhte hain ki yeh to hamaare se oonche hain। nahin to kabhi-kabhi mix kar dete - aap log bhi bahut achhe hain aur bhi sab achhe hain, aapko bhi bhagwan aasheervaad de। yahi kahke samaapta kar dete hain। lekin yeh aasheervaad se chal rahe hain,parmaatma-aasheervaad se inhon ki jeevan hai - ab yeh anubhooti karaani hai। abhi to thoda-thoda abhimaan hota hai। apne ko bada samajhne kaaran samajhte hain ki inhon ko himmat dilaate hain। lekin phir samjhenge ki yeh hamko bhi himmat dilaane vaale hain। abhi aisa jaadu ka mantra chalaao। abhi to vaani ki seva dvaara dharni banaai hai, hal chalaaya hai, dharni ko seedha kiya hai। itni result nikaali hai। beej bhi daala hai lekin abhi us beej ko praapti ka paani chaahiye। to phal nikalne ka anubhav karenge।

mansa ki quality ko badhaao to quality sameep aayegi। ismen double seva hai। sva ki bhi aur doosron ki bhi। sva ke liye alag mehnat nahin karni padegi। praalabdha praapta hai,aisi sthiti anubhav hogi। bhavishya praalabdha to hai - vishwa ka raajya lekin is samay ki praalabdha hai - ‘‘sada svayan sarva praaptiyon se sampanna rehna aur sampanna banaana''। is samay ki praalabdha sabse shreshtha hai। bhavishya ki to hai hi guarantee। bhagwan ki gaaranti kabhi badal nahin sakti। to aisa naya varsha manaayenge na?sabse pahle seva aarambha kaun karega? madhuban! kyonki madhuban vaalon ko kehte hain - chul par bhi hain aur dil par bhi hain,behad ke bhandaare se sada brahma bhojan khaane vaale hain। vaise to is samay aap sab madhuban mein baithe ho, madhuban nivaasi ho aur aap logon se agar koi poochhe - aapki permanent address kaun-si hai? to madhuban hi kahenge na! va jahaan rehte ho woh permanent address hai? brahmaakumaar/kumaari arthaat permanent address ek hi hai, baaki vahaan seva ke liye bheja gaya hai। aise nahin-ham to videshi hain,nahin। ham brahman hain, baap ne vahaan bheja hai seva arth। yeh buddhi ki touching se aapko vahaan bheja gaya hai। baap ke sankalp se vahaan pahunche ho। raajya bhaarat mein karenge va landan mein? kabhi bhi yeh nahin sochna ham to videsh mein paida hue hain to vahaan ke hain। brahma se paida hue na ki videsh se। nahin to phir videsh-kumaar,videshi kumaari kahlaao। brahmaakumaar/ brahmaakumaari ho na! jaise bhaarat mein koi yu.pi. ke hain,koi dehli ke hain। vaise aap bhi seva arth gaye ho videsh mein। videshi ho nahin। yeh nasha hai na। seva sthaan woh hai,janma sthaan madhuban hai। woh hisaab-kitaab khatma hua tab to brahman banen। hisaab khatma to hisaab ka kitaab hi jal gaya। government se chhootne ke liye bhi kitaab ko hi jala dete hain na। to puraana khaata khatma kar diya na! koi hoshiyaar hote hain to woh poora hi apna khaata khatma kar dete hain aur jo hoshiyaar nahin hote woh kahin-na kahin karz mein atke hue hote hain, udhaar mein phanse hue hote hain। hoshiyaar kabhi bhi phanse hue nahin hote। to hisaab ka kitaab khatma maana koi udhaar nahin, sab khaate saaph। sabse achhi reeti-rasma braahmanon ki hai। achha।

chaaron or ke sarva seva ke sameep saathiyon ko,sarva himmatvaan aur baap ke madad ke paatra aatmaon ko,sada mansa aur vaacha - double seva saath-saath karne vaale vihang-maarga ke sevaadhaariyon ko,sada baap ke samaan sarva aatmaon prati duaayen dene vaale master satguru bachchon ko, sada svayan mein har samay naveenta va visheshta laane vaale sarvashreshtha aatmaon ko baapdaada ka yaadapyaar aur namaste।

1.1.90 praatah amritvele 1.45 par baapdaada ne naye varsha ki mubaarak di

chaaron or ke sarva nav-nirmaan karne vaale sevaadhaari bachchon ko,nav jeevan mein har samay naveenta laane vaale, har samay apne vibrations dvaara sarva ko nai jeevan dene vaale - aise nav jeevan aur navayug aur nai raajdhaani mein chalne vaale,sada naveenta anubhav karne vaale aise bachchon ko naye varsha ki avinaashi mubaarak ho। sada hi seva aur baap, ek aankh mein seva doosri aankh mein baap - is vidhi se seva mein bhi naveenta laate raho। naya din hai, nai raat hai aur naye te nai seva saphalta ko paati rahegi। saphalta ki mubaarak। achha! sabhi bachchon ko golden morning।

double videshi bhaai-bahinon se avyakt-baapdaada ki mulaakaat:-

sada apne ko vishesh aatmaayen samajhte ho?vishesh aatmaon ka kaarya va seva kya hai? vishesh aatmaon ki visheshta va seva har karma mein yahi hogi jo unka ek-ek karma visheshta anubhav karaayega। unki vritti vishesh hogi,saadhaaran nahin hogi। drishti mein visheshta hone ke kaaran alaukik anubhav honge। sabko mahsoos hoga ki inki drishti mein alaukikta hai, rivaaji nahin hai। unka har karma vishesh hai, yeh anubhav hoga। saadhaaran reeti se jo kaam-kaaj ke liye bol hote hain, us bol mein bhi saadhaaranta nahin hogi, visheshta hogi। chaahe saadhaaran kaarya kar rahe hain - khaana bana rahe hain, kapde dhulaai kar rahe hain। koi bhi saadhaaran kaarya kar rahe hain lekin us kaarya mein bhi visheshta anubhav hogi। kya visheshta anubhav hogi?sabhi anubhav karenge ki yeh kaam to haath se kar rahe hain lekin kaam karte hue bhi yeh shaktishaali stage par sthit hain, ‘karmayogi'hain। sirf karmakartta nahin hain lekin yogayukta hokar karma kar rahe hain - yeh mahsoosta aayegi। chaahe saadhaaran reeti se chal rahe hain,khade hain lekin uski roohaani personality door se anubhav hogi। jaise duniyaavi personality unko aakarshit karti hai, attention jaata hai। aisa roohaani personality,purity ki personality,gyaani va yogi tu aatma ki personality svatah aakarshit karegi। jaise brahma baap ko dekha - chaahe bachchon ke saath sabji bhi kaatte rahe, khel karte rahe lekin personality sada aakarshit karti rahi। to aise vishesh aatmaon ki bhi yahi nishaani dikhaai degi।

aap log to kahenge ki hamne brahma baap ko to dekha nahin। aapne dekha hai। jinhonne dekha hai, unke liye to sahaj hai lekin aap sabne brahma baap ko nahin dekha hai! brahma baap ke kamre mein jab jaate ho to personality anubhav nahin hoti hai? double foreigners ne to bahut achhi tarah se dekha hai। kyonki brahma baap vishesh jinhonne saakaar roop mein nahin dekha, unhein kabhi avyakt roop mein vishesh anubhav karaate hain। iseelie saakaar aankhon se dekhne se jyaada, anubhav ki aankh se dekhna shreshtha hai। to anubhav ki aankh se dekha hai na! baapdaada achhe-achhe anubhav sunte rehte hain। to sada apne is roohaani personality mein raho tab baap ke sameep anubhav karenge। achha! baapdaada ka vishesh pyaar kisse hai? sabhi ko kehna chaahiye - mere se hai! har ek kehta hai - mera baba! yeh thode hi kehta hai - phalaane ka baba। to harek se baap ka vishesh pyaar hai। pyaar mein number hai? baap pyaar kisko karte hain? har-ek bachche ki visheshta se pyaar karte hain aur koi aisa bachcha nahin hai jismen visheshta na ho,iseelie sabhi se pyaar hai। aap bhi har ek ki visheshta ko dekho to sabse pyaar hoga। agar doosri baat dekhenge to kisse jyaada pyaar hoga,kisse kam hoga, kiski baaten achhi lagengi, kiski achhi nahin lagengi, kiske saath rehna achha lagega,kiske saath nahin। lekin baap dekhte hue bhi aur baaten nahin dekhte,visheshta hi dekhte hain, isliye sabse pyaar hai। to ismen follow father karo। jaise hans hota hai, hans ka kaam hai patthar-kankad aur ratna ko chhaantana। ratna chugta hai, patthar nahin। to aap bhi holeehans ho,aapka kaam hai harek ki visheshta ko dekhna aur unki visheshta ko seva mein lagaana। unhein visheshta ke umang mein laakar un dvaara unki visheshta seva mein lagaao to unki duaayen aapko milegi। to visheshta sirf dekhna nahin lekin dekh karke apne mein dhaaran karna aur dhaaran karne ke saath-saath unki visheshta se seva lo aur unko bhi mahatva bataakar seva mein lagaao to duaayen milengi aur aapne unki visheshta dvaara unko seva mein lagaaya to woh jo seva karega uska share aapko milega। to share-holdar ho jaayenge।

aajkal ki duniya mein bhi yeh kamaai bahut hoti hai। to aapka ek-ek share padmon se bhi bada hai। to jaise baap ne aap sabki visheshta se kaarya liya hai tab to centre sambhaal rahe ho,seva kar rahe ho। baap ne smriti dilaai - aap aise ho…! baapdaada sadaiv bachchon ko vishesh aatmaon ki najar se dekhte hain, saadhaaran najar se nahin dekhte। yeh pyaara hai, yeh ghode savaar hai, yeh mahaarthi hai - jaante bhi hain lekin dekhte usi najar se hain। aise hi aap bhi visheshta ko dekho। apni bhi visheshta ko jaano aur use seva mein lagaao। abhimaan mein nahin aana kyonki yeh visheshtaayen brahman-jeevan mein baap ki den hai, baap ka diya hua vardaan hai। ismen agar abhimaan kiya to visheshta gaayab ho jaayegi। isliye seva mein zaroor lagaao, abhimaan mein nahin aao। achha।