Avyakt murli du samedi 26 octobre 1991

> 26-10-91 om shanti avyakt baapdaadaamdhuban

tapasya ka pratyaksha-phal - khushi

avyakt baapdaada apne tapasvi raaj bachchon prati boleh -

aaj baapdaada apne sarva tapasveeraaj bachchon ko dekh rahe hain। tapasvi bhi ho aur raaj-adhikaari bhi ho isliye tapasveeraaj ho। tapasya arthaat raajya adhikaari banna। tapasya raaja banaati hai। to sabhi raaja bane ho na। tapasya ka bal kya phal deta hai? adheen se adhikaari arthaat raaja bana deta hai isliye gaayan bhi hai ki tapasya se raajya bhaagya praapta hota hai। to bhaagya kitna shreshtha hai! aisa bhaagya saare kalpa mein kisi ko bhi praapta nahin ho sakta। itna bada bhaagya hai jo bhaagya vidhaata ko apna bana diya hai। ek ek bhaagya alag maangane ki aavashyakta nahin hai। bhaagya vidhaata se sarva bhaagya varse mein le liya hai। varsa kabhi maanga nahin jaata hai। sarva bhaagya,bhaagya vidhaata ne svayan hi diya hai। tapasya arthaat aatma kehti hai main teri tu mera, isko hi tapasya kaha jaata hai। isi tapasya ke bal se bhaagya vidhaata ko apna bana diya hai। bhaagya vidhaata baap bhi kehte hain main tera। to kitna shreshtha bhaagya ho gaya! bhaagya ke saath saath svaraajya abhi mila hai। bhavishya vishwa ka raajya svaraajya ka hi aadhaar hai। iseelie tapasveeraaj ho। baapdaada ko bhi apne har ek raajya adhikaari bachche ko dekh harsha hota hai। bhakti mein anek janmon mein baapdaada ke aage kya bola ? yaad hai ya bhool gaye ho? baar baar apne ko main gulaam, main gulaam hi bola hai। main gulaam tera। baap kehte hain mere bachche aur gulaam ! sarva shaktivaan ke bachche aur gulaam shobhta hai ! isliye baap ne main gulaam tera ke bajaae kya anubhav karaaya ? main tera। to gulaam se raaja ban gaye। abhi bhi kabhi gulaam to nahin bante ho ? gulaampan ke puraane sanskaar kabhi emerge to nahin hote hain? maaya ke gulaam hote ho? raaja kabhi gulaam nahin ban sakta hai। gulaampan chhoot gaya va kabhi kabhi achha lagta hai? to tapasya ka bal bahut shreshtha hai aur tapasya kya karte ho ?tapasya mein mehnat karte ho?baapdaada ne sunaaya tha ki tapasya kya hai ? mauj manaana। tapasya arthaat bahut sahaj naachna aur gaana bas। naachna gaana sahaj hota hai va mushkil hota hai? manoranjan hota hai va mehnat hoti hai?to tapasya mein kya karte ho? tapasya ka pratyakshaphal hai khushi। to khushi mein kya hota hai? naachna। tapasya arthaat khushi mein naachna aur baap ke aur apne aadi anaadi swaroop ke gun gaana। to yeh geet kitna bada aur kitna sahaj hai। ismen gala theek hai va nahin theek hai iski bhi jaroorat nahin hai। nirantar yeh geet ga sakte ho। nirantar khushi mein naachte raho। to tapasya ka arth kya hua? naachna aur gaana kitna sahaj hai। maatha bhaari uska hota hai jo chhoti si galti karte hain। brahman jeevan mein kabhi kiska maatha bhaari ho nahin sakta। hospital banaane vaalon ka maatha bhaari hua ? trustee saamne baithe hain na! maatha bhaari hai, jab karnakraavanhaar baap hai to aapko kya bojh hai ? yeh to nimitta banaakar bhaagya banaane ka saadhan bana rahe ho। aapki jimmevaari kya hai? baap ke bajaae apni jimmevaari samajh lete hain to maatha bhaari hota hai। baap sarva shaktivaan mera saathi hai to kya bhaareepan hoga। chhoti si galti kar dete ho,meri jimmevaari samajhte ho to maatha bhaari hota hai। to brahman jeevan hi naacho gaao aur mauj karo। seva chaahe vaacha hai chaahe karmana। yeh seva bhi ek khel hai। seva koi aur cheej nahin hai। koi dimaag ke khel hote hain, koi halke khel hote hain। lekin hain to khel na। dimaag ke khel mein dimaag bhaari hota hai kya। to yeh sab khel karte ho। to chaahe kitna bhi bada sochne ka kaam ho, attention dene ka kaam ho lekin master sarvashaktivaan aatma ke liye sab khel hai, aise hai? va thoda thoda karte karte thak jaate ho? mejoriti athak bante ho lekin kabhi kabhi thoda thak jaate ho। yahi yog ka prayog sarva khajaanon ko,chaahe samay, chaahe sankalp, chaahe gyaan ka khazaana va sthool tan bhi agar yog ke prayog ki reeti se prayog karo to har khazaana badhta rahega। is tapasya varsha mein yog ka prayog kiya hai na। kya prayog kiya hai? is ek ek khazaane ka prayog karo। kaise prayog karo ? koi bhi khazaane ko kam kharcha aur praapti adhik। mehnat kam saphalta jyaada is vidhi se prayog karo। jaise samay ko va sankalp ko uthaao - yeh shreshtha khazaane hain। to sankalp ka kharcha kam ho lekin praapti jyaada ho। jo saadhaaran vyakti do chaar minute sankalp chalaane ke baad, sochne ke baad saphalta ya praapti kar sakta hai woh aap ek do second mein kar sakte ho। jisko saakaar mein bhi brahma baap kehte the kam kharcha baala nasheen। kharcha kam karo lekin praapti 100 guna ho। isse kya hoga? jo bachat hogi chaahe samay ki, chaahe sankalp ki to bachat ko auron ki seva mein laga sakenge। daan punya kaun kar sakta hai?jisko dhan ki bachat hoti hai। agar apne prati lagaane jitna hi kamaaya aur khaaya to daan punya kar nahin sakenge। yog ka prayog yahi hai। kam samay mein result jyaada, kam sankalp se anubhooti jyaada ho tab hi har khazaana auron ke prati use kar sakenge। aise hi vaani aur karma, kam kharcha aur saphalta jyaada tab hi kamaal gaai jaati hai। baapdaada ne kamaal kya ki?kitne thode samay mein kya se kya bana diya? tab to kehte ho kamaal kar di। ek ka padmaguna praapti ka anubhav karte ho। tab kehte ho kamaal kar diya। jaise baap-daada ka khazaana praapti aur anubhooti jyaada karaata hai। aise aap sab bhi yog ka prayog karo। sirf yeh geet nahin hai ki ‘‘baba aapne kamaal kar diya hai’’। aap bhi to kamaal karne vaale ho। karte bhi ho। lekin tapasya ke chalte hue samay mein mejoriti ki result kya dekhi?

tapasya ka umang utsaah achha hai। attention bhi hai saphalta bhi hai lekin svayan prati sarva khazaane use jyaada karte ho। apni anubhootiyaan karna yeh bhi achhi baat hai। lekin tapasya varsha svayan prati aur vishwa seva prati hi diya hua hai। tapasya ke vibrations vishwa mein aur teevragti se phailaao। jo sunaaya ki yog ke prayog ko aur anubhav ki prayogshaala mein prayog ki gati ko badhaao । vartamaan samay sarva aatmaon ko aavashyakta hai aapke shaktishaali vibrations dvaara vaayumandal dvaara parivartan hone ki। iseelie prayog ko aur badhaao। sahayogi bachche bhi bahut hain। yeh sahayog hi yog mein badal jaayega। ek hain snehi sahayogi aur doosre hain sahayogi yogi। aur teesre hain nirantar yogi prayogi। abhi apne se poochho main kaun। lekin baapdaada ko teenon hi prakaar ke bachche priy hain। kai bachchon ke vibrations baapdaada ke paas pahunche hain। bhinna bhinna prakaar ke vibrations hain। jaante ho kaun si baat baap ke paas pahunchi hai?ishaare se samajhne vaale ho na? is tapasya varsha mein jo kuchh ho raha hai iska kaaran kya ?bade bade project kar rahe ho iska kaaran kya? koi samajhte hain ki yahi tapasya ka phal hai। koi samajhte hain tapasya varsha mein yeh kyon? donon vibrations aate hain। lekin yeh samay ki teevragti aur tapasya ke vibrations se aavashyakta ka poorn hona yeh tapasya ke bal ka phal hai। phal to khaana padega na। yeh drama dikhaata hai ki tapasya sarva aavashyaktaaon ko samay par sahaj poorn kar sakti hai। samjha। question nahin uth sakta ki yeh kyon ho rahe hain। tapasya arthaat saphalta sahaj anubhooti ho। aage chalkar asambhav kaise sahaj sambhav hota hai yeh anubhav jyaada se jyaada karte rahenge। vighnon ka aana yeh bhi drama mein aadi se ant tak noondh hai। yeh vighna bhi asambhav se sambhav ki anubhooti karaate hain। aur aap sabhi to anubhvi ho hi gaye hain। isliye vighna bhi khel lagta hai। jaise phutbaal ka khel karte ho । to kya karte ho?baal aata hai tabhi to thokar lagaate ho। agar baal hi na aaye to thokar kaise lagaayenge? khel kaise hoga? yeh bhi phutbaal ka khel hai। khel khelne mein maja aata hai na ya moonjhate ho? koshish karte ho na ki baal mere paanv mein aaye main lagaaoon। yeh khel to hota rahega। naathinganyu। drama khel bhi dikhaata hai aur sampanna saphalta bhi dikhaata hai। yahi brahman kul ki reeti rasam hai। achha।

is group ko bahut chance mile hain। kisi bhi kaarya ke nimitta banna,kisi bhi prakaar ki vidhi se nimitta banna arthaat chance lene vaale chancellor banna। aaj ke vishwa mein sampatti vaale to bahut hain lekin aapke paas sabse bade te badi sampatti kaun si hai jo duniya vaalon ke paas nahin hai?aur usi ki aavashyakta sampatti vaalon ko bhi hai to gareeb ko bhi hai। woh kaun si sampatti hai? sabse bade te badi aavashyak sampatti hai simpathi। chaahe gareeb hain chaahe dhanvaan hain lekin aaj simpathi nahin hai। simpathi ki sampatti sabse bade te badi hai। aur kuchh bhi nahin do lekin simpathi se sabko santushta kar sakte ho। aur aapki simpathi eeshvareey parivaar ke naate se simpathi hai। alpakaal ki simpathi nahin। paarivaarik simpathi sabse bade te badi simpathi hai aur yeh sabko aavashyak hai aur aap sabko de sakte ho। roohaani simpathi tan man aur dhan ki bhi poorti kar sakti hai। achha is par phir sunaayenge।

chaaron or ke tapasvi raaj shreshtha aatmaayen,sada yog ke prayog dvaara kam kharcha saphalta shreshtha anubhav karne vaale, sada main tera tu mera is tapasya mein magan rahne vaale,sada har samay tapasya ke dvaara khushi mein naachne aur baap aur apne gun gaane vaale, aise desh videsh ke sarva smriti swaroop bachchon ko baapdaada ka yaadapyaar aur namaste।

party se avyakt baapdaada ki mulaakaat

1- hospital ki seva ke nimitta bhaai bahinon se:- bahut athak seva ki hai na। athak sevaadhaari ko baapdaada ke dil ka sneh aur har samay ka sahayog svatah hi praapta hota hai। to aap sabne kaarya kiya ya koi ne karaaya? (baba ne karaaya) nimitta aapne kiya na। agar karenge nahin to paayenge nahin। isliye karne ke nimitta banna arthaat paana। har ek ne apna apna bahut achha kaarya kiya। bina sarva ke anguli daale kaarya sampanna nahin ho sakta। isliye jo bhi sabhi baithe ho sabhi ko apne apne kaarya ki muba-rak ho। abhi samajhte ho na ki yeh koi badi baat nahin। aise to aur bhi bana sakte hain ya yahi bahut mushkil hai?sahaj ho gaya na। koi bhi mushkil agar aati bhi hai to khel ke liye aati hai। samjho khel kar rahe hain। kabhi bhi mushkil ko mushkil nahin samjho। manoranjan samjho to mushkil sahaj ho jaayegi। yeh nimitta banna bhi bhaagya ki nishaani hai। bhaagya aapko kheenchakar le aaya। anek aatmaon ki duaayen praapta karne ka bhaagya। yeh kam baat nahin hai। yeh virle ko praapta hota hai। jinhonne bhi hard work kiya aur samay par kaarya poora kiya, sabko padmaguna mubaarak ho। baapdaada vatan mein baithe bhi dekhta hai ki kya kya kaun kar raha hai। chaahe doosra koi dekhe ya na dekhe। lekin baapdaada sabko dekhte hain। sabke man ka record aur tan ka record donon hi dekhte hain। (gyaan sarovar,saalgaanv ke liye) vaho bhi sabhi ne bahut achhi seva ki। din raat lagkar jangal ko mangal banaana yeh bahut badi seva hai। unhon ko bhi vishesh mubaarak।

(hospital ke doosre phez ke liye vardaan)yeh bhi anek aatmaon ke anek janmon ke jeevan ko shreshtha banaane ka foundation ho jaayega। nimitta yeh patthar ka foundation lagaate hain lekin anek aatmaayen duaaon ke bhandaar se bharpoor ho aapko duaayen deti rahengi। to yeh foundation lagaana arthaat duaaon ke paatra banna। isliye aur dil se umang se, tan-man-dhan,man-vachan-karma sabse badhaate chalo aur apne saath auron ki jeevan ko shreshtha banaate chalo। jaise pahle umang utsaah se kiya hai usse bhi jyaada umang utsaah se yeh kaarya sampanna hua pada hai। sab nimitta hain। achha।

2- sada apne ko holeehans samajhte ho? holeehans ka kartavya kya hota hai?holeehans arthaat jo sada satya aur asatya ka nirnay kar sake। hans mein nirnay shakti teevra hoti hai। jis nirnay shakti ke aadhaar par kankad aur ratan ko alag kar sakte hain। ratan ko grahan karega aur kankad ko chhod dega। to holeehans arthaat jo sada nirnay shakti mein number one ho। negative ko chhod de aur paajitiv ko dhaaran kare। dekhte hue sunte hue na dekhe na sune। yeh hai holeehans ki visheshta। to aise ho ya kabhi nagetiv bhi dekh lete ho?negative arthaat vyartha baaten,vyartha karma na sune na karen aur na bolen । to aisi shakti hai jo vyartha ko samartha mein change kar do। ya vyartha chalta hai? chaahte nahin hain lekin chal padta hai ,aise to nahin hai? yadi vyartha ko samartha mein parivartan karne ki shakti nahin hogi to ant mein vyartha ka sanskaar dhokha de dega। isliye holeehans arthaat parivartan karna। vyartha ko samartha mein change karne ke liye vishesh kya abhyaas chaahiye? kaise change karenge?sankalp powerful kaise banega? har aatma ke prati shubh bhaavna aur shubh kaamna agar aisi vidhi hogi to parivartan kar lenge। agar kisi ke prati shubh bhaavna hoti hai to uski ulti baat bhi sulti lagti hai aur shubh bhaavna nahin hogi to sulti baat bhi ulti lagegi। isliye har aatma ke prati shubh bhaavna aur shubh kaamna sada aav-shyak hai। to yeh rehti hai ya kabhi kabhi vyartha bhaavna bhi ho jaati hai?apni shubh bhaavna vyartha vaale ko bhi change kar deti hai। vaise bhi gaaya hua hai ki bhaavna ka phal milta hai। jab bhakton ko bhaavaana ka phal milta hai to aapko shubh bhaavna ka phal nahin milega? to vyartha ko samartha mein parivartan karne ka aadhaar hai shubh bhaavna,shubh kaamna। kaisa bhi ho lekin aap shubh bhaavna do। kitna bhi ganda paani ikattha ho lekin achha daalte jaayenge to ganda nikalta jaayega। agar koi aatma mein vyartha ko nikaalne ki samarthi nahin hai to aap apni shubh bhaavna ki samarthi se uske vyartha ko samartha kar do। parivartan kar do। itni shakti hai ya kabhi asar ho jaata hai? jaise baapdaada ne aapke vyartha karma ko dekhkar parivartan kar liya na। kaise kiya? shubh bhaavna se mere bachche hain। to aapki shubh bhaavna ki mera parivaar hai, eeshvareey parivaar hai। kaisa bhi hai chaahe woh patthar hai lekin aap patthar ko bhi paani kar do। aisi shubh bhaavna aur shubh kaamna vaale holeehans ho? hans ko sada svachchha dikhaate hain। to svachchha buddhi hans ke samaan pari-vartan karenge। apne mein dhaaran nahin karenge। to sangamayugi holeehans hain yeh smriti sada rakhni hai। hans sada kahaan rehte hain? (sarovar mein) to aap sabhi kahaan rehte ho?gyaan sarovar mein। aur kaho to nahin chale jaate? sthaan bhi kitna badhiya hai sarovar aur sthiti bhi kitni badhiya hai। jo sada gyaan sarovar mein rehte hain unki sthiti samartha hogi ya vyartha hogi?to sada apni buddhi ke sthaan aur sthiti ko check karo। sthaan se sthiti banti hai। sada yeh smriti rahe ki main hoon hi holeehans। jaise pradarshani mein chitra rakhte ho na bura dekho, na bura bolo,na bura suno?yeh chitra kiske liye rakhte ho? auron ke liye? to saare din mein check karo ki jaisa chitra hai vaisi hi chalan rahi? kyonki agar koi vyartha karta hai aur aapne sun liya to samay kiska gaya?dekh lete ho to soch kiska chalega। aapka chalega na। nuksaan kiska hua? uska ya aapka? donon ka nuksaan hua lekin aap apna nuksaan nahin karo। sva parivartan se doosre ka parivartan kar sakte ho। doosre ka parivartan ho to main parivartan hooon। to na woh bad-lega na aap badlenge। donon rah jaayenge। to holeehans arthaat sva parivartan dvaara auron ko parivartan karen। aapki shubh bhaavna aur shaabh kaamna vaani se bhi jyaada kaam kar sakti hai। kisi ke bhi saamne jaao aapki roohaani bhaavna aur kaamna ho to woh parivartan avashya hoga। achha।

madhuban nivaasiyon se

madhuban nivaasi chaitanya darshaneey moortiyaan ho। madhuban mein sab kya dekhne aate hain? kya makaan dekhne aate hain? madhuban nivaasiyon ko dekhne aate hain। to madhuban nivaasi chalte phirte chaitanya darshaneey moorta ho। chalte phirte aapka darshan hota rehta hai। aise har karma karte apne aapko darshaneey moorta samajhkar chalte ho? ya kabhi saadhaaran bhi ho jaate ho?mandir mein dekha hai har karma ka darshan hota hai? abhi bhagwan so raha hai abhi naha raha hai, abhi kha raha hai, abhi shrringaar kar raha hai। sabka darshan hota hai। isse kya siddha hota hai?ki har karma karte darshaneey moorta। isliye har karma ka darshan hota hai। to aise darshaneey moortiyon ka kitna mahatva hai। madhuban vaalon ne kitni duaaon ka stock jama kiya hai? hisaab hai? achha duaayen sirf lete ho ya dete bhi ho?jo bhi karma karo duaayen lo aur duaayen do। jab bhi koi shreshtha karma karta hai to sabke mukh se duaayen nikalti hain। har karma mein duaayen do aur duaayen lo to sabhi ke mukh se niklega ki kamaal hai, bahut achhe hain। vaah! aise umang utsaah ke bol niklenge। aise karma yaadgaar ban jaate hain। to duaayen lene va dene mein busy ho ya sirf karmana mein busy ho? koi bhi kaam karo lekin khushi lo aur khushi do। duaayen lo duaayen do। jab abhi sangam par duaayen lenge aur denge tab aapke jad chitra dvaara bhi dua milti rahegi। abhi jama karte ho tabhi milti hai। achha sabhi khush rehte ho?jo svayan khush rehta hai usse anya svatah hi khush hote hain। to sabse badhiya kaam hai khush rehna aur khush karna। seva ka bhaagya to hai hi hai,mauj bhi hai aur seva bhi hai। madhuban ka arth hi hai mauj। madhuban mein roj function hote hain । (gyaan sarovar ke liye)

jaisa lakshya rakhenge vaisa hona koi badi baat nahin hai। itne sab brahman aatmaon ke sahayog ki anguli jahaan hai vahaan pahaad kya rahega। isliye jaisa lakshya vaisa hota hai aur hota hi rahega। achha- om shanti