Avyakt murli du mardi 7 mars 1995

>

07-03-95 om shanti avyakt baapdaadaamdhuban

brahman arthaat dharma satta aur svaraajya satta ki adhikaari aatma

aaj baapdaada chaaron or ke bachchon mein do vishesh satta ko dekh rahe hain। vo aa do sattaayen hain ek dharma satta aur doosri svaraajya satta। brahman jeevan ki visheshta-ye donon sattaayen har ek ko praapta hoti hain। dharma satta arthaat satyata, pavitrata ke dhaarna swaroop aur svaraajya satta arthaat adhikaari ban sarva karmendriyon ko apne adhikaar se order mein chalaana। svaraajya adhikaari va svaraajya ke sattaadhaari kisi bhi paristhiti, prakriti aur maaya ke sarva svaroopon mein adheen nahin banenge, adhikaari rahenge। har brahman aatma ko baapdaada ne ye donon hi sattaayen praapta karaai hai na? sabhi mein ye donon sattaayen hain ki abhi poori nahin aai hain? abhi ki donon sattaayen praapta karne vaale hi bhavishya mein dharma aur raajya satta ke adhikaari bante hain। donon hi sattaayen dhaaran ki hain? apna chitra dekha hai? double videshiyon ka chitra hai ya auron ka chitra hai? to us chitra mein donon sattaaon ki nishaani dekhi hai? dharma satta ki nishaani hai-light ka taaj aur raajya satta ki nishaani hai ratna jadit taaj। to aisa apna chitra dekha hai? to donon satta dhaaran is samay karte ho। jo aadhaakalpa donon hi sattaayen aap sabke, ek ke haath mein hain। dvaapar se dekho to dharma satta alag ho gai aur raajya satta alag ho gai। iseeliye dharma pitaaon ko aana pada। to dharma pita aur raaja donon alag­alag rahe। lekin aapke raajya mein alag honge kya? har ek ke paas donon sattaayen ikattheehoti hain isliye akhanda nirvighna raajya chalta hai। to har ek mein ye donon hi sattaayen dekh rahe the ki har ek ne kitni apne mein dhaaran ki hai? kahaan tak adhikaari bane hain? kya sada adhikaari rehte hain ya kabhi adheen, kabhi adhikaari? abhi­abhi adhikaari hain aur abhi­abhi adheen ho jaaye to achha lagega? ki sada adhikaari achha hai? sada adhikaar chaahiye ya thode time ke liye chalega? jab svayan baap adhikaar de raha hai, dene vaala de raha hai aur lene vaale jo hain unko kya karna chaahiye? lena sahaj hai ya dena sahaj hai? lene mein to koi mushkil nahin hai na? dene me socha jaata hai-den, nahin den, thoda den, jyaada den… lekin lene mein to sab kahenge-jitna mile utna le len। to lene mein number one ho ya number tu ho? ismen to number do koi nahin banta aur jab dena padta hai to… dene mein bhi number one ho ki sochna padta hai, himmat rakhni padti hai! vaastav mein dekho ki dete kya ho? brahman jeevan mein dena hai ya lena hai? agar dene vaali cheezse lene vaali cheezashreshtha hai to lena hua ya dena hua? dena padega, dena hai-ye sochte ho to bhaari hote ho। lena hai, to sada khush rahenge, himmat mein rahenge। dene mein sochte ho dena mushkil hai lekin pahle lete ho phir dete to kuchh bhi nahin ho। aapke paas kuchh hai jo baap ko denge? di to achhi cheezjaati hai ya kharaab cheez? to kya achha hai aapke paas-tan achha hai? man achha hai? dhan achha hai? bekaar hai। davaaiyon ke dhakke se shareer chala rahe ho। to dhakke vaali gaadi achhi hoti hai kya! to brahman jeevan mein lena hi lena hai। aur baap to muskaraate hain ki bachche baap se bhi chatur hain। pahle lete hain phir dene ka sochte hain। hoshiyaar ho na! achha hai, bachche hoshiyaar hote hain to baap ko achha lagta hai lekin chalte­chalte yadi dull ho jaate hain to achha nahin lagta hai। kabhi­kabhi bachchon ki shakla (face) aise lagti hai ki pata nahin kya ho gaya! jaise shareer mein chalte­chalte khoon kam ho jaata hai to kamzor ho jaate hain na, face se bhi kamzori najar aati hai। to yahaan bhi khushi ki, shaktiyon ki kami ho jaati hai na to chehra aisa ho jaata hai jaise…, sab jaante hain, sabhi anubhvi hain। ek taraph kehte ho ki khushiyon ki khaan mili hai aur vo bhi avinaashi phir kam kaise ho jaati hai? to baap ke paas aapke saare din ke man ke mood aur mood pramaan jo face badalta hai vo saare din ke chitra vahaan hote hain। aap to chitron ka myujayam banaate ho na, baap ke paas aapke chitron ka myujayam hota hai। to sada yeh yaad rakho ki main brahman aatma raajya satta aur dharma satta ki adhikaari aatma hoon। yeh smriti ka nishchay hai to nasha hai, nishchay kam to nasha bhi kam। to check karo-ye sattaayen sada saath rehti hain va kabhi kho jaati hain, kabhi aa jaati hain?

achha-aaj double videshi majority hain। baapdaada vishesh double videyshiyon se poochhte hain ki saare din mein apne adhikaar ke seat par set rehte ho ya upset bahut jaldi hote ho? ki upset hona-ye past ki baat hai, abhi nahin hote। past ho gaya na! abhi to nahin hote ho na! abhi knowledgeful, powerful ban gaye। aise to nahin ki chhoti­si baat mein upset ho jaao, chehra badal jaaye, mood badal jaaye! aisa kabhi­kabhi hota hai? kabhi­kabhi upset hote ho? achha! jo samajhte hain ki upset hona kya hota hai woh bhi bhool gaya hai, aise shaktishaali aatmaayen jo kabhi upset nahin hote hain vo haath uthaao। sach to bol rahe ho uski mubaarak। abhi is season mein kuchh to madhuban mein chhodkar jaayenge ya kuchh lekar jaayenge? majority ne madhuban mein shivraatri manaai hai na! to jiska birth de hota hai usko gift dete ho na। to baap ko kya gift di? ye upset hona yahi gift de do-nahin honge। himmat hai? achha, haath uthaao aur T.vi. mein sabke haath nikaalo। soch­samajhkar pakke haath uthaana। dekho sabhi ke haath ka photo nikaala। dekhna abhi photo nikal gaya hai। baapdaada ko vo chehra achha nahin lagta। baapdaada har ek bachche ko sada khila hua roohaani gulaab dekhna chaahte hain। murjhaaya hua nahin, khila hua। jisse pyaar hota hai na to usko jo achha lagta hai vahi kiya jaata hai! double foreigners to baap se bahut pyaar karte hain। to jo baap ko achha lagta hai vahi aapko achha lagta hai na! abhi kisi ka bhi aisa samaachaar nahin aaye ki kya karen, baat hi aisi thi, iseeliye upset ho gaye! agar baat upset ki aati bhi hai to aap upset sthiti mein nahin aao। jaise jhoola jhoolte ho na, to vo bahut neeche­oopar hota hai, bahut neeche ho, bahut oopar ho aur bahut fast ho to shareer ko upset karega na। lekin aap upset hote ho kya? kyon nahin hote ho? khel samajhte ho to upset hone ke bajaay manoranjan samajhte ho। kaaran kya hua? khel hai। aise agar koi upset karne ki baaten aaye bhi, aayengi zaroor, jinhonne haath uthaaya unhon ke paas aur badi upset karne vaali baaten aayengi। kyonki maaya bhi murli sun rahi hai। lekin usko ek khel samjho। ghabraao nahin। achha, jhulaati hai, jhoolne do। lekin man ghabraaye nahin। knowledgeful, powerful ban jaao। us seat ko chhodo nahin। agar ek­do baar bhi maaya ne dekha ki ye upset hone vaale nahin hain to khud upset ho jaayegi, aapko nahin karegi। baat ki len den bhale karo, koi bhi baat aati hai to knowledgeful hone ke kaaran samajhte to ho na-ye theek hai, ye nahin theek hai, ye honi chaahiye, ye nahin honi chaahiye… lekin baat ki len­ den baat ke reeti se karo, upset roop se nahin karo। ek taraph bolte jaayenge, doosre taraph ganga­jamuna bahaate rahenge। chaahe man mein bahaao, chaahe aankh se bahaao, donon hi theek nahin hai। to gift dene ke liye taiyaar ho? soch liya ki aise hi haan kar liya?

baapdaada bahut sahaj shabdon mein yukti bata rahe hain ki jab bhi koi paristhiti ya prakriti halchal ke roop mein aaye to do shabd yaad rakho, vidhi hai-ya not (Not) karo ya dot (Dot) lagaao। not ya dot। agar koi baat wrong hai to yahi socho not maana nahin karna hai। na sochna hai, na karna hai, na bolna hai। aur dot laga do to not ho hi jaayega। socho not, lagaao dot। finish। dot (bindi) lagaane mein kitna time lagta hai? second se bhi kam। lekin hota kya hai? samajhte ho ki yeh nahin karna hai, theek nahin hai lekin dot lagaana nahin aata hai। knowledgeful to ban gaye lekin sirf knowledgeful nahin chaahiye, knowledge ke saath powerful bhi chahiye। to powerful sthiti ki kamzori hai iseeliye dot nahin laga sakte ho। aur jise dot lagaana aayega vo baap ko bhi nahin bhoolega, baap bhi dot (bindi) hai। aap bhi to dot ho। to sabhi yaad aa jaayega। full stop। question mark (? ), aashcharya ki maatra ( ! ) ya comma ( , ) ye nahin do, full stop ( . )। full stop ki maatra easy hai na। aur sab to mushkil hai। aur sabse mushkil hai question mark। vo lagaane bahut jaldi aata hai। sunaaya hai na ki why (WHY) shabd aaye to kya karo? fly। oopar ud jaao। why nahin fly। fly karna aata hai?

vaise double foreigners mein achhe­achhe ratna nikle hain। baapdaada aise ratnon ko dekh harshit hote hain। saath­saath aise ratna jo bahut amoolya hain, aise amoolya ratnon mein agar bahut jara­sa bhi kahaan daag dikhaai deta hai to amoolya ratna ke aage vo daag achha nahin lagta। hota chhota­sa daag hai lekin kahenge to daag na! to jab amoolya ratna ban gaye ho to baaki chhota­sa daag kyon rakha hai? achha lagta hai kya? ye to nahin sochte ho ki chandrama mein bhi kaala dikhaai deta hai iseeliye achha hai! double videshi sample bankar dikhaao। jara bhi koi kami nahin। vaise daag ka kaaran kya hota hai? chaahte nahin ho ki daag lage lekin lag jaata hai। kyon lag jaata hai? mool kaaran jaante ho? jaanne mein to hoshiyaar ho। jaante bhi ho aur jab aapas mein workshop karte ho to baapdaada workshop ke bhi photo dekhte hain, kaaran bahut nikaalte ho-ye kaaran hai, ye kaaran hai… aur achhi­achhi baaten workshop mein nikaalte ho lekin work mein nahin laate ho। body consciousness ke bahut sookshm roop bante jaate hain। abhi mote­mote roop mein body conscious nahin aata lekin sookshm aur royal roop mein aata hai। buddhi bahut achhi chalaate ho, jab achhi­achhi baaten sochte ho to baapdaada khush hote hain lekin achhi baaten sochte­karte phir thoda bhi agar koi addition­correction karte hain to main­pan aa jaata hai। jaise khushi se apne vichaar dete ho aise doosre ke vichaar bhi khushi se lo। ghabraao nahin-ye kaise hoga, ye kya kiya, ye to ho nahin sakta, ye to chal nahin sakta…। doosre ki raay, doosre ki baat ko bhi itna hi regard do jitna apni baat ko regard dete ho। vichaar dena alag cheezhai, aapko unke vichaar agar theek nahin bhi lagte hain to uske effect mein aana, avastha neeche­oopar ho jaaye to ye seva, seva nahin hoti। edjasta karna, doosron ke vichaar ko bhi apne vichaaron ke maaphik sochna­samajhna-yeh hai doosre ke vichaaron ko regard dena। jaise samajhte ho na ki mainne yeh socha ya vichaar nikaala, vichaar kiya, kaam kiya, to mere vichaaron ka mahatva hona chaahiye, doosron ko regard dena chaahiye, aise doosre ka vichaar bhi apne vichaaron se milaana, vo milaana nahin aata hai, doosre ke vichaar ko doosron ke vichaar samajhte ho। kyonki abhi aap double videshi bhi seva ke kshetra mein plan banaane mein achhi progress kar rahe ho aur aage bhi honi hai। lekin edjastamenta ki visheshta ko use karo। agar koi bhi bachcha aage badhta hai to baapdaada ko khushi hoti hai। aise nahin samajhte ki ye kyon aage badhe! jo badhta hai vo bahut achha। to double videshiyon ke liye baapdaada ko sneh to hai hi lekin seva ke plan va practical seva ke liye jo karte ho, kar rahe ho, uske liye bahut­bahut regard hai।

baapdaada ne pahle bhi sunaaya hai ki agar aap double videshi nahin hote to baap ka ek title practical mein siddha nahin hota। kaun­sa? vishwa kalya­nakaari। to abhi dekho vishwa ke chaaron or baap ka message de rahe ho na! is season mein chaaron or ke aaye hain na! total kitne deshon ke aaye hain? (58) baaki kitne mukhya desh rahe hain? (125) chhote­chhote desh to bahut honge, lekin mukhya desh 125 rahe hue hain! to abhi double videshiyon ko to bahut kaam karna padega! bhaarat mein bhi karna hai to videsh mein bhi karna hai, donon jagah karna hai। baapdaada ne pahle bhi kaha hai ki seva ki sampoorn saphalta ki nishaani ye hai ki koi bhi taraph ki aatma ulahna nahin de ki hamaare taraph to message pahuncha hi nahin। message pahunchaaya aur sunte hue koi ne apna bhaagya nahin banaaya to aapke prati ulahna nahin hua, woh un aatma ke prati hua। lekin aapke prati koi ulahna nahin rah jaaye। jab kehte hi hain ki master vishwa kalyaan­kaari hain to vishwa ke chaaron or message to pahunchna chaahiye। bhaarat mein bhi pahunchna chaahiye to videsh mein bhi pahunchna chaahiye। jis samay aapka vijay ka jhanda lahraata ho us samay yadi koi aatma aakar yeh ulahna de to achha lagega? ek taraph aap jhanda lahra rahe hain aur doosre taraph log ulahna de rahe hain to achha lagega? nahin lagega na! double videshiyon ki himmat achhi hai, baap se pyaar to hai hi lekin seva se bhi pyaar achha hai। donon se pyaar ka sarteephiketaachchha hai। abhi kaun­saasarteephiket lena hai? jitne sevaadhaari, utne hi shaktidhaari। to shaktisvaroop ban gaye-yeh sarteephiketlena hai। baapdaada dekhte hain-majority baap se aur seva se pyaar mein paas hain।

abhi jo is season mein pahli baar aaye hain vo haath uthaao। total kitne hain? 600 pahli baar aaye hain। aap bahut lucky ho। kyonki aapko seva ke liye margin bahut achhi mili hai। abhi sava sau sthaan rahe hue hain aur aap 600 ho to 2-2, 3-3 milkar bhi karo to poora ho jaayega। aapke liye seva ka nimantran pahle se hi taiyaar hai। bahut achhi progress ki hai। 600 is season mein naye aa gaye to seva ki hai tab to aaye hain na! to kitni mubaarak hai! padmaapdammubaarak। (baapdaada ne drill karaai)

ek second mein dot laga sakte ho? abhi­abhi karma mein aur abhi­abhi karma se nyaare, karma ke sambandh se nyaare ho sakte ho? yeh exercise aati hai? kisi bhi karma mein bahut busy ho, man­buddhi karma ke sambandh mein lagi hui hai, bandhan mein nahin, sambandh mein, lekin direction mile-full stop। to full stop laga sakte ho ki karma ke sankalp chalte rahenge? yeh karna hai, yeh nahin karna hai, yeh aise hai, yeh vaise hai…। to yeh practice ek second ke liye bhi karo lekin abhyaas karte jaao, kyonki antim sarteephiketaek second ke full stop lagaane par hi milna hai। second mein vistaar ko sama le, saar swaroop ban jaaye। to yeh practice jab bhi chance mile, kar sakte ho to karte raho। aise nahin, yog mein baithenge to full stop lagega। halchal mein full stop। itni powerful brake hai? ki brake lagaayenge yahaan aur thahregi vahaan! aur samay par full stop lage, samay beet jaane ke baad full stop lagaaya to usse phaayda nahin hai। socha aur hua। sochte hi nahin raho ki main shareer nahin aatma hoon, aatma hoon, mere ko full stop lagaana hai aur kuchh nahin sochna hai, yeh sochte bhi time lag jaayega। ye second ka full stop nahin hua। ye abhyaas svayan hi karo। koi ko karaane ki aavashyakta nahin hai। kyonki naye chaahe puraane, sabhi yeh vidhi to jaante hain na! to abhyaas bahut kaal ka chaahiye। us samay samjho-nahin, main full stop laga doongi! nahin lagega, yeh pahle se hi samajhna। us samay, samay anusaar kar lenge! nahin, hoga hi nahin। bahut kaal ka abhyaas kaam mein aayega। kyonki connection hai। yahaan bahutkaal ka abhyaas bahutkaal ka raajya­bhaagya praapta karaayega। agar alpakaal ka abhyaas hai to praapti bhi alpakaal ki hogi। to ye abhyaas saare din mein jab bhi chance mile karte raho। ek second mein kuchh bigadta nahin hai। piaar kaam karna shuru kar do। lekin halchal mein full stop lagta hai ya nahin-ye check karo। karma ke sambandh mein aana aur karma ke bandhan mein aana ismen bhi pharka hai। agar karma ke bandhan mein aate hain to karma aapko kheenchega, full stop nahin lagaane dega। aur nyaare­pyaare hokar kisi bhi karma ke sambandh mein ho to second mein full stop lagega। kyonki bandhan nahin hai। bandhan bhi kheenchata hai aur sambandh bhi kheenchata hai lekin nyaare hokar sambandh mein aana-yeh underline karna। isi abhyaas vaale hi paas with honour honge। ye last karmaateet avastha hai। bilkul nyaare hokar, adhikaari hokar karma mein aayen, bandhan ke vash nahin।

to check karo karma karte­karte karma ke bandhan mein to nahin aa jaate? bahut nyaara aur pyaara chaahiye। samjha kya abhyaas chaahiye? mushkil to nahin lagta hai na? ki thoda­thoda mushkil lagta hai? karmendriyon ke maalik ho na? raajayogi apne ko kahlaate ho, kiske raaja ho? America ke, aphreeka ke! karmendriyon ke raaja ho na! aur raaja bandhan mein aa gaya to raaja raha? sabhi ka title to bahut achha hai। sab raajayogi hain। to raajayogi ho ya prajaayogi ho? kabhi prajaayogi, kabhi raajayogi? to double videshi sabhi paas with honour honge? baapdaada ko to bahut khushi hogi-yadi sab videshi paas with honour ho jaayen। thoda­sa mushkil hai ki sahaj hai? achha। mushkil shabd aapke dictionary se nikal gaya hai। ye brahman jeevan bhi ek dictionary hai। to brahman jeevan ke dictionary mein mushkil shabd hai hi nahin ki kabhi kabhi udkar aa jaata hai?

kitne vardaan milte hain! abhi tak list bhi nikaalo to kitne vardaan mile hain! bahut mile hain na! roj vardaan milta hai। bhakti maarga mein bhakta ko yadi ek vardaan bhi mil jaata hai to vo kya se kya ban jaata hai! aur aap kitne lucky ho jo bhagwan roj vardaan dete hain। paalna hi vardaanon se ho rahi hai। to vardaan yaad rehta hai? ya sunne ke time yaad rehta hai? ek hai yaad rehna aur doosra hai vardaan ko kaam mein lagaana। vardaan aisi cheezhai jo kaisi bhi paristhiti ho lekin vardaan ki shakti paristhiti ko aag se paani bana deti hai। itna sheetal bana deti hai। sirf use karne ki vidhi aani chaahiye। aur doosri baat, samay par kaam mein lagaao। aadha samay beet jaaye, peechhe hosh mein aaye! nahin। to vardaan ko use karna aata hai? karte ho ya sun­sunkar khush hote ho? diary mein to bahut vardaan bhar gaye hain, book bhi ban gaya hai। almaari mein book to rakha hi hai lekin samay par kaarya mein lagaao। aur jitna kaarya mein lagaate jaayenge utna vardaan aur badhta jaayega। vardaan ka vishaal roop aur anubhav mein aata jaayega। achha!

pahle sabhi ko alag­alag direction diye hain। is season ke baad vishesh sabhi ko bhinnabhinna shaktiyaan apne mein 100% bharni hain। jo bhi shakti apna sakte ho us ek shakti ko lakshya banaao ki is varsha humein vishesh is shakti ko swaroop mein laana hi hai।

America kaun­si shakti apnaayega? shaktiyon ka to pata hai na? kaun­si shakti pasanda hai? (thdan) sneh ki shakti saamne rakhenge, lakshya rakhenge! achha, sneh ki shakti se America vaale kya karenge? sneh aisi shakti hai jo agyaan mein gaaya hua hai ki sneh patthar ko bhi paani kar deta hai। to aap kya karenge? maaya kitne bhi 100 himaalay jitna pahaad bankar aaye lekin us pahaad ko bhi paani bana de। bana sakte ho ki maaya badi powerful hai? America vaale bolo-aap powerful ho ya maaya? to ek maaya ke pahaad ko paani bana dena aur doosra koi kuchh bhi de lekin aap roohaani sneh dena। body ka sneh nahin dena, roohaani sneh dena। koi aapki glaani kare lekin aap sneh dena। aur sneh ki shakti ek chumbak hai, jaise chumbak door ko najdeek karta hai na! to sneh ki shakti se, jo baap se door hain unhon ko sameep laana aur aapas mein sneh ki len­den karna। aisa koi bol nahin nikle jo sneh ka nahin hai। koi kaisa bhi ho lekin aapke bol mein sneh ki shakti ho। achha!

aphreekaavaale kaun­si shakti apnaayenge? (rjheem) inhon ko shanti ki shakti pasanda hai kyonkiaphreeka mein ghamsaan bahut hota hai na to shanti ki shakti pasanda hai। to shanti ki shakti ki nishaani hai-jahaan shanti hogi, vahaan sada santushta honge। kyonki ashaanta karti hai asantushtata। jahaan santushtata hogi vahaan shanti hogi aur jahaan shanti hogi vahaan santushtata hogi। aur shanti ki shakti vaala sada hi khush mijaaj hoga। jitni shanti utni khushi uske chehre se, chalan se anubhav hogi। to shanti ki shakti ki nishaani dikhaana। sadaiv sabka chehraaharshit ho। kaisi bhi paristhiti ho lekin khushi ko nahin chhode। apni praaparteehai na। to praaparteeko koi chhodta hai kya? to shanti ki shakti ki nishaani hai-sada khush rehna aur khushi baantana। shanti ki shakti se sahaj mansa seva kar sakte hain। jitna shant rehte hain utni mansa seva badi shaktishaali hogi। to aphreeka vaale aise shanti ke shakti ka swaroop ban is varsha ka inaam lena। sabhi inaam lenge na! achha! result aatorhegi। harek centre ke har student ki result aati rahegi। phir jo number aage lega, teen number ko inaam denge। baaki second number denge। to shant rehna hai, halchal mein nahin aana। kuchh bhi ho jaaye, shant। to aapki shanti halchal vaalon ko bhi shant kar sakti hai। aise powerful vibration phailaana। yeh seva vaani se nahin ho sakti lekin mansa se ho sakti hai। achha!

ostreliya vaale kaun­si shakti apnaayenge? (sahayog) ye to bahut achhi baat sunaai। ostreliya ko seva mein sahayogi banna hi chaahiye। kyonki sahayog se asambhav baat bhi sambhav ho jaati hai। kathin baat sahaj ho jaati hai। aur sahayog ki shakti se ek­do mein himmat, umang, ullaas bahut badha sakte ho। sahayog ki shakti ostreliya ke koi bhi centre ki brahman aatma ko kamzor karne nahin degi। sahayog ki shakti ek safety ka kila hai। kila kaise banta hai? eeton ke sahayog se kila banta hai, safety ka saadhan banta hai। to sahayog ki shakti se majboot kila bhi banaayenge aur asambhav baat sambhav karke dikhaayenge। jo sahayogi hote hain, sahayog dete hain usko sahayog milta bhi bahut hai। ichchha na hote hue bhi chaaron or se sahayog dene vaale ko sahayog milta hai। karke dekhna। achha।

eshiya vaale kya karenge? kaun­si shakti apnaayenge? (edjastamenta) bahut badhiya baat bataai। edjastamenta ki shakti ko apnaaya to bahut sahaj sampoorn ban jaayenge। kyonki maaya ka darvaaja hi hai-chaahe apne mein edjasta nahin hote, chaahe seva mein, chaahe sambandh­samparka mein। edjasta hone ki kala ko lakshya bana diya to sabse pahla number sampoorn eshiya vaale banenge। yeh shakti itni powerful hai। kyonki jismen edjasta hone ki shakti hogi usmein sahanshakti, antarmukhta sab uske baal bachche ban jaayenge। to eshiya vaalon ne mother ko chun liya hai। sab aa jaayenge। lekin is lakshya ko practical mein laane ke liye ek baat sada yaad rakhna ki pahle apni edjastamenta dekhna, doosre ki nahin। mujhe pahle edjasta hona hai। seva mein pahle aap hona chaahiye, doosron ko saathi banaao, sahayogi banaao, aage badhaao, himmat badhaao। lekin edjasta pahle mere ko hona hai, doosre aap hi ho jaayenge। agar doosre ko dekha to svayan bhi nahin honge, doosra bhi nahin hoga। jo ote so arjun, main arjun hoon। doosra arjun bane to main bhi arjun banoon! nahin, jo ote so arjun। vaise bhi eshiya mein bhinnabhinnavairaayti hone ke kaaran seva mein bhi plan edjasta karne padte hain। variety dharma vaale bhi eshiya mein aate hain। China, jaapaan sab aata hai na। to bauddha dharma vaale, chaaineej sabko edjasta karna padta hai na। unhon ki mat nyaari। christians phir bhi unhon se najdeek hain, god father ko to maante hain। to bahut achha lakshya rakha hai isse svayan mein bhi edjasta ho jaayenge, seva mein bhi edjasta ho jaayenge aur doosron se bhi ho jaayenge। to in advance mubaarak ho। achha।

Europe kya karega? Europe mein yu.ke. bhi aa gaya। Europe kaun­si shakti ko apnaayega? (unity) to Europe sabhi khandon ko milaakar ek khanda bana dega, aise karega! kyonki bhavishya mein to ye alag­alag khanda hone hi nahin hain। ek hi hoga। to Europe vaale unity se bhinnata ko khatma karke vishwa mein bhi ek dharma, ek raajya, ek khanda banaane ka itna bada kaarya karenge!

vaise to Europe mein unity ka stambha to hai hi। pahle se hi stambha hai। kaun hai stambha? (daadi) aap nahin। (daadi to sabki hai) lekin foundation yu.ke. mein daala hai। jo stambha hota hai vo chaaron or ke liye hota hai, usi sthaan ke liye nahin hota। to chaaron taraph chaahe America hai, chaaheaphreeka hai … lekin ek hai-yahi visheshta hai। aise nahin ki aphreekaako kya karna, vo jaane, nahin। isko kaha jaata hai unity ka stambha। to ek daadi nahin, saara Europe unity ka stambha hai। ye to ek­ek example hain। lekin example ko dekhkar sirf khush hona hota hai ya banna hota hai? daadi ko dekhkar bahut achhi, bahut achhi kahkar khush hote ho ya svayan bhi bante ho? kya karte ho? london ki teachers bataao। sirf dekhkar khush hote ho ya bante bhi ho। unity ka arth hi hai behad ki vritti, behad ki drishti, tabhi unity hoti hai। agar behad ki drishti aur vritti nahin to unity nahin ho sakti। to yu.ke. aur Europe behad ki drishti vaale hain na! bahut aaye hain। itne sab behad ki vritti, drishti vaale ban jaayenge to apna raajya aaya ki aaya। kyonki vritti se vaayumandal banega aur vaayum­ndal banega to practical mein bhi hoga। Europe vaalon ne unity ko pasanda kiya hai, bahut badi jimmedaari hai। to yeh jimmedaari uthaane ke liye taiyaar ho? hai? haan ya na bolo। haan ji theek bola। baap inglish bole to bhi aap haan ji bolo। haan ji achha lagta hai। bahut achhi baat uthaai। phir to foreign mein pahle svarga aayega ya bhaarat mein aayega? kahaan aayega? achhi himmat rakhi hai। himmat bachchon ki aur madad baap ki hai hi hai। ye vardaan hai। samjha? karte bhi hain, lakshan hain bhi, lakshya hai bhi, sirf usko underline karna।

achha, Russia vaale haath uthaao। dekho Russia vaalon ko dekhkar sab khush hote hain kyon khush hote hain? kyonki bahut pyaase the। pyaase ko agar amrit mil jaaye to kitne khush ho jaate hain। to unki khushi aapko bhi khush karti hai। jab bhi Russia ka naam aata hai to taaliyaan zaroor bajaate hain। to Russia vaale itne sikeeldhe ho-samjha! sabka pyaar hai ki ye poora hi ek tha ab anekta mein aa gaya lekin ab phir se ek raajya mein, satayugi raajya ke adhikaari banenge।

to Russia vaale kaun­sa lakshya banaayenge, kaun si shakti laayenge? (sahan­shakti) aapki teacher kah rahi hai sahanshakti। pasanda hai? vaise to sahanshakti mein ye paas hain। sahan karna to inhon ko bahut aata hai। koi bhi paristhiti aati hai to sahanshakti mein paas ho jaate hain। phir bhi underline lagaana। sahanshakti ke sanskaar hain। abhi tak bandhan mein rahne mein sahanshakti ka part achha bajaaya hai। abhi apne ko shreshtha banaane ke beech mein jo bhi koi vighna aaye usmein sahansheelta ki shakti se number aage lena। yeh shakti apnaana aapko mushkil nahin hoga, sahaj hoga। iseeliye number le lena। kaun­sa number lenge? pahla number lenge ya paanchava? sabhi ko khushi hogi pahla number lena। aap number one lena to jaise abhi taaliyaan bajaai na aise bahut bahut taaliyaan bajegi, baapdaada bhi taaliyaan bajaayenge। achha hai, last ko fast jaana hi hai। jo chhota bachcha hota hai na vo sabka laadla hota hai, pyaara hota hai। aur quality bhi achhi nikli hai। example banne vaale hain। majority khush rehte hain, kabhi­kabhi koi tension mein aate honge baaki majority khush rehte hain। Russia mein braahmanon ke paas tension hai? kabhi tension mein aate ho? kabhi­kabhi aate ho? abhi nahin aana। abhi tension-free। geet bhi pyaar se gaate hain। sab cheejon ka umang hai। svatantra ho gaye hain na। to umang­utsaah mein naachte rehte hain। achha!

abhi jab thodi­si pratyakshata hogi na ki ek hi baap hai, vahi allaah hai, vahi eeshvar hai। thoda­sa pratyakshata ka jhanda lahraayega to kaise bhi desh ho, kaise bhi dharma ho, chaahe muslim desh ho phir bhi allaah ko to maante hain na। to vo din bhi aayega jo sab kahenge ki ek hain, ek hain, yahi hain, yahi hain, is jhande ke neeche sabhi aayenge। abhi thodi­si pratyakshata hone do। abhi kehte hain ye bhi hain। yahi hain, nahin kehte hain। ye bhi hain। abhi ‘bhi’ nikal jaaye, ‘ye hi hain’। isko kaha jaata hai pratyakshata ka jhanda lahraana। jab ye jhanda lahraayenge to sab ek jhande ke neeche aayenge। sab ek jhande ke neeche ek hi shabd bolenge-om shanti। (baba bolenge) baba to bolenge hi। achha inko ‘mera baba’ shabd achha lagta hai।

(hostel ki kumaariyon se) achha hai, hostel ki result tab kahenge jab jitne hostel mein hain itne teachers bankar nikle। tab kahenge hostel number one hai। aise nahin, do to nikli hain, chaar chali gai। jitne hostel mein aaye, kumaari bankar aaye aur teacher bankar nikle tab kahenge hostel ki result sabse aage। to itni himmat hai ki maaya aayegi to kahenge kya karen! baapdaada to khush hote hain kyonki dekho sthaapna ka foundation hi om nivaas mein chhoti­chhoti kumaariyon se shuru hua। to baapdaada ko bhi pahle sthaapna mein kya pasanda aaya? chhote bachche hi pasanda aaye na। aaj vo chhote hi vishwa kalyaankaari ban gaye। to aap bhi aise hi banna। ye achha hai, safe to rahe hue hain na। maaya ke prabhaav se bache hue hain।

achha, polenda vaale kya karenge? polenda vaalon ne bhi himmat achhi rakhi hai। circumstance desh ke kaise bhi hain lekin himmat rakh brahman parivaar ko aage badhaane mein saphal hai aur hote rahenge। polenda ki teacher kahaan hai? (translation kar rahi hai) achhi hai। jitni bhi teacher hain lekin yeh foundation hai। chaahe jitni bhi halchal hui khud achal rahi to seva bhi hui। seva ki mubaarak hai। himmat jo bhi rakhte hain unko madad zaroor milti hai। himmat mein hilna nahin chahiye। pata nahin kya hoga! pata nahin-aaya, aur gaya, khatma! achha hona hai, aur achhe te achha hona hai। achha­achha sochne se achha ho hi jaata hai। kyonki aapki achhi vritti vaayumandal ko parivartan kar degi। agar kyon­kya mein jaayenge-aisa hai, aisa hai to kabhi parivartan nahin hoga। achha­achha kehte jaao to achhe ban jaayenge। apni mansa vritti sada achhe ki, powerful banaao to kharaab bhi achha ho jaayega। baap ne aap sab bachchon mein kharaab hai, kharaab hai-ye vritti rakhi? jaise bhi ho, jo bhi ho baap ne achha samjha na! to sabhi achhe ban gaye na! koi kharaab hain? sab achhe hain। to achha, achha, achha… koi baat bhi karta hai to kaho achha ji, bahut achha, to achha ho jaayega। nahin, tum kyon bolte ho, kya bolte ho… ladaai nahin karo। yeh bolne mein bhi achha nahin laga aur achha ji, yeh kehna achha laga na। to achha ji bolte raho, achha banaate chalo। aapko hi to achha banna hai na aur koi aane hain kya? ismen sabhi pahle main, abhimaan vaali main nahin, shuddh main। achha!

chaaron or ke dharma satta ke adhikaari aatmaayen, sada svaraajya satta ke adhikaari aatmaayen, sada double sattaadhaari double taajdhaari shreshtha aatmaayen, sada sarva shaktiyon dvaara shakti swaroop ka pratyaksha swaroop dikhaane vaale shaktishaali aatmaayen, sada lakshya ko lakshan ke roop mein dikhaane vaale, anbhav karaane vaale shaktishaali mahaaveer, achal­adol aatmaon ko baapdaada ka yaad­pyaar aur namaste।

daadiyon se - (daadi ji evan daadi jaanki ne baba ko bhaaki pahni) sabhi ko mil gaya na! santushta ho gaye na! bahut sayaane ho, samajhdaar ho। sabhi apne ko stage par dekh rahe ho ki neeche dekh rahe ho? kahaan ho? stage par ho na। yeh saara haal hi stage hai। sab sameep ho, saath ho। stage par aana maana saath mein aana, paas mein aana। aap to sada hi paas ho। alag ho hi nahin sakte। koi alag kare to alag honge? ki usko alag kar denge? usko bhaga denge? lekin svayan sada saath rahenge। saath hain, saath rahenge aur saath chalenge। (saath mein chakkar lagaayenge) chakkar to lagaate hi hain saath mein। chakkar lagaane ka soch rahi hai। 84 ka chakkar to poora ho gaya। abhi to ghar chalna hai। ghar jaayenge ya seedhe hi raajya mein jaayenge? ghar jaana hai ki raajya karna hai? ghar jaana hai na! to saath hain hi। baapdaada ko akelaapan achha nahin lagta। aap logon ko kabhi­kabhi akelaapan achha lagta hai! akele nahin baithte, seva karte rehte hain। (daadi ji gujraat tatha guljaar daadi baambe chakkar par ja rahi hain) chakkar lagaana hai to chakkar par to jaayenge। bina chakkar ke chakravarta raaja nahin banenge। aap logon ko bhi chakkar lagaana achha lagta hai na। jab koi nimantran milta hai to kitni khushi hoti hai। achha hai, chakkar lagaana arthaat apne anubhvi moorta mein aur marks badhaana। jama hota jaata hai। lekin aise nahin sochna ki hamko chakkar ka nimantran nahin mila to shaayad main achhi nahin hoon। ye nahin sochna। koi mukh se bhaashan karte, koi man se karte। sirf bhaashan karna seva nahin hai। ye bhi ek vidhi hai। lekin chaahe mansa karo, chaahe vaacha karo, chaahe karmana karo, sambandh­samparka se karo, chaaron hi ke marks 100 hain। 100 sabhi ki marks hai। karmana vaale ko 50 milega, bhaashan vaale ko 100 milega, aisa nahin hai। koi bhi seva karo lekin sevaadhaari ban seva karo, nihsvaartha seva karo to seva ka meva mila hua hi hai। aise samajhte ho na? ya badi­badeekaamphrens mein bhaashan karna hi seva hai? vo to ek­do hi jaayenge na, itne laakhon ke laakh chale jaayen to bhaashan kaise hoga। sunaane vaale 3 laakh aur sunne vaale 100 vo kaise hoga! to aise kabhi bhi nahin samajhna ki mere ko seva ka chance nahin mila to main seva ke yogya nahin hoon। kabhi bhi dilshikasta nahin hona। baapdaada ke paas sab record hote hain। chance mila, nahin mila, lekin mansa ka chance le liya to vo chakkar lagaakar bhaashan karke aai, aapne mansa seva kiya to marks aapko vaise hi milenge। iseeliye kabhi yeh phikra nahin karna ki mera to bhaagya hi aisa hai। nahin, bahut bada bhaagya hai। santushta rehna, chaahe karmana ho, chaahe vaacha ho, chaahe mansa ho, santushta rehna ismen marks milni hai। bhaashan mein gaye asantushta ho gaye, khitkhit ho gai, khatma, marks ek bhi nahin। aap ghar baithe bahut achhi sthiti mein rahe to aapko 100 marks milegi। to hisaab poora hai। hisaab mein oopar­neeche nahin hoga, aapko full marks milengi। koi bhi seva karo lekin sachche dil se। main aur meraapan nahin। seva bhaav। mai­pan ka bhaav nahin। agar sevaabhaav hai to aapko phal pahle milega। chaahe sada roti pakaate ho, koi harja nahin। to bhi 100 marks milegi। sachchi dil se karte hain na, to roti banaate hue aap jo bal bharte hain vahi bhaashan vaalon ko kaam mein aata hai। samjha! iseeliye dilshikasta nahin hona, mera naam kabhi bhi koi kaamphrensamen nahin aaya, mera naam hi koi nahin leta, shaayad main peechhe hoon…। nahin, santushta raho, santushtata hi saphalta ka saadhan hai। kahaan bhi raho, santushta raho। theek hai na ki kabhi­kabhi sochte ho ki mahaarthi to yahi banenge। ham to mahaarthi ke list mein aa nahin sakte। nahin, pahle mahaarthi number one aap ho। baap ki list mein mahaarthi aap ho। samjha! to kabhi aisa­aisa face nahin karna। baapdaada bahut face dekhte hain, kabhi aisa, kabhi aisa! nahin, sada muskaraate raho। achha, sabhi theek hai?

(munni behen ne baapdaada ke saamne phal ki thaali sajaakar rakhi) aapki moorti ki bhi vidhipoorvak pooja hogi। achha hai vidhi poorvak banaana, rakhna-yeh bhi ek visheshta hai। yeh bhi aana chaahiye। aise nahin, jaisa aaya vaise bhog laga diya। aadha kachcha, aadha pakka laga diya kabhi banaane ki susti hui to ek phal hi rakh diya। (double videshiyon ko dekhte hue) yeh thak jaate hain na, double kaam karte hain, laukik kaam bhi karte hain, centre bhi sambhaalte hain, apna purooshaartha bhi karte hain isliye thak jaate hain। aise chalaana nahin। ekcheez hi pyaar se banaao। teen nahin banaao lekin ek bhi pyaar se banaao। aise nahin ki bred to bana hua hai bred ka hi bhog laga do-chalaana nahin। jitni vidhi utni siddhi। agar vidhipoorvak karte hain to siddhi bhi milti hai। brahman ka arth hi hai-har kaarya mein accurate, shuddhipoorvak। shuddhi bhi ho, vidhi bhi ho-donon chaahiye। achha। om shanti।