Avyakt murli du dimanche 15 novembre 2009

15-11-09 om shanti avyakt baapdaada madhuban

‘‘svaraajya ki result check karke svayan ko change karo aur,akhanda raajya ke adhikaari bano’’

aaj dilaaraam baap apne raajdulaare bachchon se milne aaye hain। dulaare kyon hain? jaante ho ki aap har ek, bachcha teen takhta ke maalik ho? ek svaraajya ka takhta, doosra hai baapdaada ke dil ka takhta aur teesra hai bhavishya ka takhta। teenon takhta ke adhikaari ho। apne bhavishya takhta ka bhi yahaan hi abhyaas kar rahe ho। bhavishya ki taiyaari va purooshaartha abhi hi kar rahe ho। ab ka purooshaartha anek janma ka raajya bhaagya dilaane vaala hai। is samay hi apne raajya bhaagya ke sanskaar dhaaran kar rahe ho kyonki ab ka purooshaartha bhavishya ke raajya ka adhikaari banaata hai। to check karo ki is samay apna purooshaartha yathaartha hai? jaise bhavishya mein ek raajya hoga to abhi check karo ki hamaara ek raajya man mein chalta hai? purooshaartha mein ek raajya hai? ya maaya raajya mein vighna daalti hai? ek raajya ke bajaae maaya ka prabhaav to nahin padta? do raajya to nahin hote hain? bhavishya ki visheshta hi hai ek raajya ki। to abhi ka abhyaas bhavishya mein chalta hai। to check karo ki abhi svaraajya hai, svaraajya mein kahaan maaya dakhal to nahin karti? do raajya to nahin hain? agar do raajya chalta hai to ek raajya ke sanskaar kab bharenge? bhavishya ki visheshta hai hi ek raajya aur ek dharma। dharma kaun sa hai? aapki vishesh dhaaran kaun si hai? sampoorn pavitrata। to check karo ki ek dharma hai?beech mein doosra dharma apvitrata ka dakhal to nahin deta? saath mein yeh bhi check karo ki law and order ek ka hai ya maaya bhi beech mein dakhal to nahin karti? ek ka raajya nirvighna chalta hai? aur baat to raajya mein sada sukh aur shanti natural rehti hai, to abhi dekho apne raajya mein sada sukh shanti hai? koi dakhal to nahin hota? svaraajya mein maaya apna dakhal dekar ashaanti to nahin phailaati? svaraajya mein koi salvation, koi prashansa ka prabhaav to maaya nahin daalti? sada sukh shanti aanand prem, ateendriy sukh kaayam rehta hai? kyonki jaante ho ki bhavishya raajya mein sarva praapti hain, sampannata hai, is kaaran santushtata bhi hai। to abhi bhi svaraajya sampanna rehta hai ki koi kami rehti? kyonki abhi ke purooshaartha mein agar kami rah gai to bhavishya akhanda raajya ke adhikaari kaise banenge! saara aadhaar abhi ke purooshaartha par hai। abhi ki koi bhi kami bhavishya ke sampoorn raajya ke adhikaari nahin ban sakte। bahutkaal ka yeh svaraajya ka abhyaas bhavishya raajya ke adhikaari banaati hai। to yeh apni checking sada rahe kyonki abhi agar bahutkaal ka purooshaartha nahin hoga to praalabdha bhi kam milti hai isliye baapdaada samay prati samay yeh attention khinchava raha hai ki iske liye abhi apne ko sampanna aur sampoorn banaao। agar abhi beech-beech mein kah dete hain ki purooshaartha chal raha hai lekin purooshaartha ke beech mein to-to to nahin aata! yeh to ho jaayega, yeh to kar lenge, yeh sanskaar avinaashi 21 janma ka, akhanda raajya ka adhikaari nahin banaayega।

to baapdaada sada ke liye attention dila raha hai, check karo ki agar koi bhi vighna aata hai, toofaan aata hai to toofaan tohpha ban jaata hai। toofaan toofaan nahin lekin tohpha ban jaaye। koi bhi maaya ka vaar hota hai, anubhav karaati hai maaya, to woh anubhav bhi aise anubhav ho hamko anubhav ki seedhi aage badhaati hai। iske liye baapdaada kehte sada apna chart aapehi check karo। jitna apna chart check karenge utna hi check karke change karenge। to har ek apne chart ko check karte ho? karte ho? jo roz karta hai woh haath uthaao। jo roj karta hai, kabhi kabhi nahin? roz chart check karo aur change karo kyonki samay ka ishaara baapdaada ne kaaphi samay se diya hai। samay ko dekh bhi rahe ho, manushyon ke man mein chinta badh rahi hai aur aapke man mein chinta nahin lekin prabhu chintan hai। prabhu chintan hone ke kaaran aap sada jaante ho ki ham nimitta hain, nirmaan hain kyonki karaavanhaar baap hai। iske kaaran aapke man mein chinta nahin hai, karaavanhaar kara raha hai, yeh smriti sada aage badha rahi hai।

abhi vishesh har ek ko yeh check karna hai ki is sangamayug ka ek ek second samay aur sankalp shubh chalta hai? is samay ke mahatva ko jaan ek second, second nahin lekin ek second ki value hai, mahatva hai। kabhi kabhi bachche kehte hain ki sankalp chala lekin do chaar second chala। lekin sangam samay ki value hai, abhi ek second ek ghante ke baraabar hai। itna is samay ki value hai kyonki baapdaada ne kah diya hai ki achaanak kisi bhi samay aapka final paper hoga। baapdaada bhi bataayega nahin isliye is samay ka attention sampoorn aur sampanna banaana hai। baapdaada ne jo sarva khazaane diye hain us ek ek khazaane ko samay par kaarya mein lagaana hai। khazaanon ke maalik ho, maalik ki visheshta yeh hai ki jis samay jis khazaane ki aavashyakta hai us samay woh khazaana kaarya mein lagta hai? aap order karo samaane ki shakti ko to samaane ki shakti kaarya mein lagti hai? kyonki maalik usko kaha jaata hai jo samay par apne khazaane kaarya mein laga sake। to abhi sabhi ko itna sva par attention dena hai। sabke andar khushi ka khazaana sada hi chehre aur chalan mein dikhaai de। khushi avinaashi baap ki den hai। to avinaashi baap ki den ko avinaashi rakho। khushi ke liye kaha jaata hai - khushi jaisi koi khuraak nahin, khushi jaisa koi khazaana nahin। to jiske andar sada khushi hai unke naynon se, chehre se, chalan se automatic dikhaai deti hai। baapdaada ka vardaan hai ki sada khush raho aur sada khushi baanto kyonki khushi baantane se khushi badhegi aur koi bhi khazaana baantane se kam hota hai lekin khushi ka khazaana jitna baantenge utna badhega। to check karo khushi ka khazaana sada kaayam hai?

abhi sabhi bachchon ko chaahe desh chaahe videsh sabhi bachchon ko baapdaada ek baat ki vishesh mubaarak de rahe hain। kaun si baat? jo sabhi ne chaahe desh mein, chaahe videsh mein apne umang-utsaah se aatmaon ko baap ka sandesh de diya। sabhi ne apni khushi se jo kaarya kiya us kaarya mein programme ek kiya, har jagah ek programme kiya lekin uska phal hajaar guna praapta kiya। baapdaada ko yahi sankalp hai ki ab ke samay pramaan jo circumstance hai woh aage aage naajuk hote jaayenge isliye chaahe gaanv hai, chaahe koi bhi kona hai, aise ulhana nahin rah jaae ki hamaara baap aaya aur hamko aapne sandesh nahin diya isliye sabhi ne jo umang utsaah se kaarya kiya, baapdaada khush hai aur aise hi aapas mein milkar aise programme banaate rehna। baapdaada ne dekha ki umang-utsaah aur himmat sabhi ne apne-apne vidhi se kaarya mein lagaaya hai lekin abhi to sabne bahut achha kiya, aage bhi samay pramaan yeh lakshya rakho ki koi bhi kona bina sandesh ke rah nahin jaae। ismen apna bhi purooshaartha achha chalta aur aatmaon ka bhi kalyaan hota hai। sabhi ko yeh programme achhe lage na! achha laga! to baapdaada sabhi bachchon ko yahi baar-baar kehte ki aatmaon ke prati merciful bano। aajkal duhkh ashaanti ke kaaran sabhi dil se kehte hain raham karo, daya karo। to baap ke saathi aap bachche ho, to baap bachchon dvaara abhi har ek bachche ka merciful ka part dekhne chaahte hain। aapka umang hai ki duhkhamay sansaar badalkar sukhmay sansaar aana hi hai। to sukhmay sansaar aane ke liye yeh duhkh ashaanti ka vinaash hone ke liye haalten badal rahi hain। to aaj ka yahi baap ka sandesh yaad rakho ki ab chaahe mansa, chaahe vaacha, chaahe chehre aur chalan se seva ki gati badhaate chalo। apna raajya sameep laate chalo। achha।

is baari jo pahli baar aaye hain baapdaada se milne, woh haath uthaao। achha bahut hain। thoda utho। mubaarak ho। phir bhi samaapti ke pahle pahunch gaye ho। naya janma le liya। iska sabhi ki taraph se abhi aane vaale bachchon ko baapdaada aur chaaron or ke bachchon dvaara mubaarak ho, mubaarak ho। brahman parivaar ko dekh khushi hoti hai na! lekin jo abhi aaye ho unhon ko baapdaada yahi kehte to abhi bahut samay beet gaya, bahut thoda raha isliye purooshaartha teevra karna hai। teevra purooshaarthi aage badhenge, chalna nahin udna। udti kala ka purooshaartha karenge to baap ka varsa der se aate hue bhi poora apna hak le sakte ho। har second khush rehna aur sabhi ko paigaam dena, sandesh dena। achha।

seva ka tarna yu.pi. banaaras aur pashchim nepaal ka hai:- jo seva prati aaye hain woh utho। achha chance liya hai। yu.pi. mein aapki seva ka yaadgaar bahut hai। bhaktimaarga ke mandir bhi bahut hain, nadiyaan bhi bahut hain। to yu.pi. vaale chaaron or seva badha bhi rahe hain aur badhaate rahenge। abhi baapdaada sabhi zone ko kehte hain ki har ek apne zone mein ek aisa group banaao jis group mein sabhi varga ke hon। jo aapke varga bane hue hain, seva ke liye aur har ek zone apne area mein har varga ki seva kar rahe ho, karte bhi rahenge lekin har zone mein aisa group service ka ho jismen har varga ka ek ek ho। aur jahaan bhi programme karo vahaan woh group apne apne varga ko vishesh nimantran de। koi bhi varga ulhana nahin de ki humein to sandesh nahin mila। aur har ek jo variety group bane woh seva bhi badhaaye, apne varga ki aur saath mein har ek apna apna anubhav sunaave ki hamaare ko is knowledge se kya mila aur kya anubhav kar rahe hain। to har zone mein aisa seva ka group taiyaar karo। chaahe bhaashan karne ka time itna na bhi mile lekin unhon ko function ke samay peechhe line mein bithaake unka parichay stage secretary deve। ek do ka anubhav bhi rakh sakte ho aur parivaar mein rehte apna kaarya karte hue hamaari jeevan kaise beeti, kaise badli, woh anubhav chance leke time ho to sunaave।

baapdaada ne pahle bhi kaha hai to aise vishesh mike bhi ho, jo group seva karta rahe। achha hai yu.pi. ne vishesh brahma baap ki paalna lene ka adhikaar praapta kiya hai। yu.pi. mein brahma ke naam se yaadgaar bhi hai। to yu.pi. ka bhaagya hai, jo jagat amba, brahma baba ki paalna li hai। to paalna ki dharni hai। bhaagya ka sitaara brahma baap aur jagat amba ne yu.pi. ko vardaan mein diya। achha hai। abhi din pratidin baap ne dekha ki seva sthaan aur jo bhi upsevaakendra va geeta paathshaalaayen hain woh pahle se abhi vriddhi achhi hai iseelie baapdaada khaas mubaarak de rahe hain ki badhte chalo aur number vriddhi karne mein, sandesh dene mein number one bano। achha hai, baapdaada khush hai aur badhaate chalna। teachers ko mubaarak hai। vriddhi kar rahi ho aur isse bhi jyaada mein jyaada vriddhi karte rehna। achha।

mahila wing ki meeting hai:- achha hai, maataaon ka kalyaan to jabse baapdaada kaarya ke liye nimitta banen to pahle hi maataaon ke oopar kalash rakha। paandav saathi hain lekin phir bhi yeh visheshta aarambha hui ki maataayen seva ke nimitta aage badhi aur jab se baapdaada ne maataaon ko martaba diya to government mein bhi aajkal maataayen sabmen, har kaarya mein sahayogi ban kamaal kar rahi hain। to sangamayug ki, baapdaada ke kaarya ki visheshta ya naveenta maataayen hain aur abhi maataaon ki visheshta aage aage jaise baapdaada ke aage badh rahi hai aise hi government mein ya aaj ki duniya mein maataaon ki taraph sabhi ki najar hai isliye yeh programme dhoomdhaam se karo, maataaon ko aisa aage badhaao jo sab dekhen ki maataaon ki shakti, maataaon ki paalna kitni oonchi hai। abhi maataayen parivaar mein rehte apne bachchon ka aisa sample banaao jo kisi ko bhi baapdaada sample dikhaaye ki ghar aashram kaise bana। bachche kaise apni maryaadaaon mein rehte hain। yeh jo impression hai ki bachche badal jaayen, yeh government ki problem hai, woh maataayen aisa practical karke dikhaao jo government soche ki yeh maataayen bachchon ka kalyaan bhi kar sakti hain। jo bhi svayan bane hain woh bachchon ko aise taiyaar karen jo government ko dekhne mein aave ki yeh kya kamaal kar sakti hain। achha hai। maataaon ka programme rakhne se maataaon mein umang utsaah aayega to aage auron ki seva kar sakengi। achha hai saphalta to hai hi। achha।

Indore hostel ki kumaariyon se:- achha hai, kumaariyaan apne ko shakti roop samjhen, ham kumaariyaan hain nahin, shivshakti hain, is parivartan se aisi kamaal karke dikhaao jo seva mein aapka parivartan ka jo pratyaksha roop hai woh chehra aur chalan saakshaatkaar karaave। jaise aap badi bahinon ko, daadiyon ko dekhte hain to unka prabhaav janta ko dekhte hi padta hai, vibration hota hai, aise aap ek ek kumaari aise apne mein shakti bharo jo aap kahaan bhi jaao, kiski bhi seva karo to unko aisa anubhav ho ki yeh saadhaaran kumaariyaan nahin hain lekin shaktiyaan, deviyaan hain। aapki shakla se baap ki soorat, brahma baap ki paalna ka prabhaav aapki soorat mein dikhaai de। aakhir yahi seva ka part chalna hai। to har ek kumaari itna apne mein shakti bharo baaki achha hai, achhi chal rahi ho, aage badh bhi rahi ho lekin abhi aapka chehra, chalan dikhaai de ki nyaari aur pyaari hai। baaki achha hai, baapdaada samaachaar sunte rehte hain। ek ek centre sambhaalne yogya hands ban jaao to kitne centre khul jaayenge! to baapdaada yeh result dekhenge ki har ek kumaari centre sambhaal rahi hai। aise hi yogya ban jaao kyonki aajkal teachers seva ke liye aavashyak hai। lekin nirvighna teacher banna। woh likh karke bhejna to kitni nirvighna teacher banke umang utsaah se udti hain। baaki achha hai, apni jeevan ko bana rahe hain bahut achha, sabhi kumaariyon ko duaayen do, sahayog do to yeh bhavishya mein nirvighna number one teacher banen। hands ki aavashyakta hai na। foreign mein bhi chaahiye na। nirvighna, mool underline karo nirvighna teacher। abhi result aayegi baapdaada ke paas, theek hai na। aise hi lakshya hai na! achha।

is group mein CAD group (dil vaalon ka) bhi aaya hai:- achha hai har ek aapas mein raay karke aage apni seva ko badhaate rehte ho, umang-utsaah badhaate chalte ho aur apne ko isi kaarya mein busy rakhte ho to uski result purooshaartha ka bal bhi milta hai aur phal bhi milta hai। jitna plan banaate ho practical mein laate ho to baapdaada ki taraph se har group ko vishesh sakaash dvaara bhi sahayog baapdaada dete hain। achha hai। badhte chalo, badhaate chalo। achha।

kaal aaph time ke mehmaanon se:- lucky hain, aapka bhaagya aap sabko yahaan tak laaya hai, abhi is bhaagya ko aage badhaate rehna। aage badhaane ka saadhan kya hai? ek to connection zaroor rakhna aur connection ke aage is brahman family se, baapdaada se relation aage badhaate rehna। jitna connection relation rakhenge utna khazaane akhut khazaane ikatte hote rahenge।khazaanon ke maalik ban jaayenge। jis samay jo shakti chaahiye, jo gun chaahiye woh anubhav karte rahenge। achha hai। baapdaada ko yeh jo programme kiya, karte rehte hain, achha lagta hai। madhuban mein India mein aana pasanda aata hai na! pasanda aata hai? dekho aapko dekh karke India ke aapke bhaai behen woh bhi khush hote hain। sabhi ke dil mein aata hai hamaare bhaai hamaari bahinen aa gai, aa gai, khushi hoti hai। dekho aap bhi khush hote aur yahaan saara parivaar itna bada parivaar kabhi suna, dekha, aur abhi dekho kitna aapka parivaar hai। to ek ek bachche ko baapdaada ka padamguna yaadapyaar sveekaar ho। achha।

40 deshon ke 300 double videshi bhaai bahinen aaye hain:- baapdaada khush hote hain yeh har saal ka sangathan yahaan bhaarat ke bhaai bahinon ko bhi achha lagta hai, baapdaada ko to achha lagta hi hai, aapas mein milke len den karke har varsha ka aage ke liye seva aur sva ka chart donon baaten karte ek do ko umang utsaah badhaate ho, yeh dekh baapdaada khush hote hain। aap sabko bhi itne bhaai behen milte hain, dekhte hain, khush hote hain to aap bhi khush hote hain na। achha hai baapdaada ne dekha to baapdaada ke direction ko practical mein laane mein umang utsaah se ek do ko attention dilaate hain। problem jo purooshaartha ko dheela karti hain woh ek do ko sunaane se spashta karne se purooshaartha mein bhi teevragti aati hai। aur bhaai bahinon se milke ek ek ke purooshaartha ko dekh aage badhte bhi ho। to yeh programme baapdaada ko pasanda hai। aapko bhi pasanda hai na! pasanda hai? paandavon ko pasanda hai? achha hai ab to baapdaada ne sab double purooshaarthi bachchon ko saugaat number one banke lene ka ishaara bhi kiya hai। har ek centre aur uske connection mein aane vaale centre nirvighna aur teevra purooshaartha ki gati mein number one banen। to jo number one banega usko saugaat denge baapdaada। khud to banen lekin sabhi ko bhi saath leke chalna hai na। sangathan ko bhi majboot karna hai। to dekhenge number one kaun leta hai! jo bhi leve, jitne bhi leven baapdaada ko khushi hai। theek hai na! abhi se leke yeh lakshya rakho ki humein udkar udaana hai। chalne vaale nahin, udne vaale, udti kala ka certificate lena hai। kabhi kabhi nahin, sada udti kala। lena hai na! certificate lena hai? abhi har din koi na koi baat mein progress karte chalo। chaar subject hain, chaar subject mein se koi na koi subject ka lakshya rakh karke practical mein laake apna chart aage badhaate chalo। achha hai। baapdaada ne dekha to videsh mein bhi aise bachche hain jo baba jo chaahte hain woh practical mein laate apna potaamel roz baapdaada ko dete hain। purooshaartha achha hai isliye baapdaada jo aise gupta purooshaarthi hain unko amritvele roz mubaarak khaas dete hain। to badhte chalo, teevra purooshaarthi ban udte chalo। achha।

sarva India programme ki launching haidraabaad mein hui hai:- yeh bhi kaarya kar rahe hain, baapdaada seva ke plan ko dekh, umang-utsaah ko dekh khush hote hain aur baapdaada ka vardaan hai ki saphalta har bachche ka janma siddha adhikaar hai। isliye saphalta rahegi, sabko saathi bana karke sahayogi banaake chal rahe hain aur chalte rahenge। mubaarak ho। mehnat kiya, mehnat achhi ki hai, umang achha hai aur umang-utsaah jahaan hai vahaan saphalta hai hi hai। haidraabaad vaale uthen, teachers kahaan hai? dekho pahla number haidraabaad ko chance mila aur baapdaada ko achha laga ki sabne yathaashakti sahayog diya aur seva ka part badi dil se bajaaya। jo kiya woh bahut achha kiya, himmat achhi rakhi। himmat vaalon ko baba ki madad hai hi। achha।

to aaj jo baapdaada ne kaha ki svaraajya adhikaari ban svaraajya ki result check karo, woh check karne se koi bhi kami ko bahut samay se change karna hai kyonki bahut samay akhanda raajya chale, iski aavashyakta hai bahut samay ka purooshaartha, bahut samay ki praalabdha ke svatah hi adhikaari bante hain iseelie underline bahut samay ka purooshaartha hai। checking hai, change hai?

chaaron or ke baapdaada ke diltakhtansheen har ek bachche ko baapdaada roz amritvele vishesh shakti baantate hain। amritvele vishesh vardaan shakti baantate hain। jo amritvele ki shakti vishesh vardaan sveekaar karte hain woh vishesh teevra purooshaarthi banta hai। amritvele ka mahatva rakhna arthaat baapdaada ke sada takhtansheen banna। to kai bachchon ka attention hai aur baapdaada roz unhon ko khaas certificate dete hain vaah bachcha vaah!

to chaaron or ke teevra purooshaarthi, har samay baapdaada ko apna saathi banaakar combined rahne ke abhyaasi bachchon ko baapdaada vishesh vardaan de rahe hain ki sada udte chalo aur doosron ko bhi udaane ka sahayog dekar udaate chalo। sabhi vijayi hain aur vijay ka phal baapdaada ki har samay duaayen praapta hoti hain। to amar ban sabko amrit pilaate raho। chaaron or ke bachche baapdaada ke saamne hain। har bachche se baapdaada ko dil ka pyaar hai kyonki har bachche mein koi na koi visheshta hai। abhi sarva visheshtaaon se apne ko vishesh aatma banaae aage badhte chalo। baapdaada ka har ek bachche ko personal padamguna yaadapyaar sveekaar ho। achha - abhi to milte rahenge। namaste।

daadiyon se:- sabhi ne khub chakra lagaaya। aajkal ashaanti badhti rehti hai to saara din pareshaan rehte hain aur,shanti ka vibration shanti dilaata hai,to khush ho jaate hain। jaise koi thaka hua ho usko aadha ghanta bhi,aaraam ka milta hai to khush ho jaata hai। achha kiya। sabhi jagah, chaahe chhote chaahe bade sabne achha kiya।,umang jahaan hain vahaan kharche ki koi baat nahin। itni aatmaon ko sandesh to mil gaya। aapka ulhana to poora,hua। achha hai। aise beech beech mein programmes banaate raho। har ek shahar apne anusaar jaisa bhi kare woh theek hai।,

pardaadi se:- yeh himmat vaali hai, himmate bachche madde baap।,

ramesh bhaai, usha behen se:- jo kuchh bhi hota hai,usko avoid karke khush rehti ho aur yeh khushi,bephikar banaae aage badhaati hai, yahi davaai hai। trimoorti ho (anila behen bhi saath mein hain) aur chautha sambhaal karne,vaali hai। tumhaari bhi kamaal hai। sabhi ko bahut dil se sambhaal rahi ho, achha kiya। seva ka phal aur bal,mil raha hai। samajhti ho mere khaate mein kitna bhaagya jama hota hai! achha। (ramesh bhaai se) tabiyat achhi hai। abhi,sochna nahin,sochne ko chhod do, baap ke oopar chhod do। halke raho aur halka banaake chalo।

oosha behen ki laukik behen se:-inhon ko dekhkar khush hoti ho na। inhonne apni jeevan kitni achhi,banaai hai, aap bhi bana rahi ho,khush rehti ho na। khushi kabhi nahin ganvaana। khushi jaisi aur koi khuraak nahin,,khush rehna aur auron ko bhi khushi baantana।

uncle-aunty ki taraph se brijmohan bhaai,gaayatri behen ne baapdaada ko guldasta diya:-achha,guldasta banaaya hai। foundation pakka hai, takleeph hove kya bhi hove, woh masti mein masta hai aur uska prabhaav,parivaar par padta hai। doctor bhi sochta hai ki kamaal hai patient ki bhi,isliye seva kar raha hai। uski shakla,seva karti hai। usko padam padam padam guna yaadapyaar। aunty bhi gupta hai। saara parivaar lucky hai। (gaayatri behen se),yeh to saamne khadi hai। iski ek visheshta hai,pata hai kaun si? kuchh bhi ho jaae na, baba ko yaad karke baba,se shakti le leti hai। don't care kar leti hai। (vishesh aatma bhi banaati hai) peechhe pad karke unki paalna to karti,rehti hai na। parivaar lucky hai।

(teenon bade bhaaeeyon se) abhi teenon kamaal karo। ek ne kaha, doosre ne vichaar diya lekin vichaar diya nyaare,aur pyaare। abhi sabki najar hai। (kya yeh mega programme aage bhi chaalu rakhen) abhi mega nahin kaho jisko karna,ho yathaashakti apne anusaar kare, mana nahin hai। achha hai।

double videshi badi bahinon se:-baapdaada ko group group ko bulaake refresh karna, yeh achha lagta hai kyonki,vahaan bahut door door rehte hain। najdeek aane se ek do ke gun dikhaai dete hain। door door mein pata nahin padta hai। to ek,do ko dekhke umang bhi aata hai। to aabu mein yeh programme achha lagta hai aur ek do mein utsaah bharke sangathan,pakka karte ho yeh achha hai। theek hai। theek chal raha hai na!

ek do ko sahayog dena isse aage badhte hain। samay dete ho na, apni seva chhodke samay dil se dete ho। apna,kaarya poora kiya, saphalta hui, abhi bhale jaao। sabhi ne achhi madad ki। foreign ka bhi kiya India ka bhi,kiya।

(london vaalon ne khaas yaadapyaar diya hai aur kaha hai ki baba ki murli mein tha bachche buddhu hain, to kya ham buddhu hain?)kehna buddhu nahin hain lekin diltakhtansheen hain।

(taataangar ka samaachaar baapdaada ko sunaaya)is baari sabhi ne dil se kiya aur result bhi achhi hai। sab,jagah ki achhi hai।