Avyakt murli du lundi 5 décembre 2016

> 05-12-16om shanti“avyaktabaapdaada”madhuban

“sabhi dil ke tasveer mein pahle avyakt milan ki yaad samaai hui hai,

sabhi ke mukh mein, dil mein hai mera baba, meetha baba,pyaara baba”

om shanti।

aaj ke din brahma baba ki yaad jyaada aati hai। yahi din hai jo avyakt roop mein baapdaada ke milan ka sookshm vatan mein part chala tha aur sabhi ki soorat mein baapdaada ki moorta spashta pratyaksha hui thi। sabhi ke mukh se ek hi shabd nikla hamaara baba, hamaara baba hamse mil rahe hain। vahi din tha jo aap sabhi bachche avyakt roop mein mil rahe the, jaise abhi aap sab baba se mil rahe hain, to yahi din tha pahla din, jo avyakt roop mein baap bachchon se mila tha। har ek ke man mein woh din jisko kehte hain avyakt milan, avyakt roop ka milan bhi hua aur avyakt roop mein baba ke naynon mein avyakt milan ka pahla divas tha। sabhi ke dil mein avyakt milan ka yeh nazaara dekha aur sabne avyakt milan ka divas manaaya। har din ki leela apni apni hai। to yeh avyakt din dil ko bahut pyaara laga hai। vyakta desh mein hote bhi avyakt milan, avyakt divas, avyakt nazaare chaaron or sabhi ke naynon mein the। aisa avyakt milan sabha mein, avyakt roop mein baap aur bachchon ka milan divas manaaya ja raha tha। sabhi ke mukh se baba O baba, meetha baba, saakaar mein bhi avyakt roop ko dekha aur yeh avyakt divas majority usi sneh mein usi roop mein mana rahe the। sabhi ke dil mein yeh avyakt milan, saakaar roop ka milan, yeh madhur milan dil ko aakarshit kar raha tha। jo saakaar mein milte the, unhein abhi vahi milan avyakt milan bada madhur anubhav yaad dila raha tha, mera baba, meetha baba. yaad hai na woh milan! kaun aaye the, pahle din? itni sabha se kaun aaye the milan manaane, haath uthaao।

dekho, woh milan ka din bade dil se manaaya tha। to jab mana rahe the us samay sab wait kar rahe the to abhi abhi saakaar mein baapdaada milan mana rahe the aur abhi abhi avyakt brahma ke roop mein milan mana rahe hain। sab woh din yaad kar rahe the, woh avyakt baba ka pahla din tha, sabhi ke nayan milan de pahla din mana rahe the। jaise aaj avyakt milan mana rahe hain, aise hi avyakt divas mana rahe the। har ek man mein avyakt milan ki khushiyaan mana rahe the। sabhi ki dil tasveer ke andar automatic woh din yaad aa raha hai। bachchon ko baba, baba ko bachche kis roop mein mile honge? usi din ki yaad aa rahi hai, jo aage aage bachche baithe the, woh usi dinon ko yaad kar rahe the ki baap aur bachchon ka pratyaksha milan yaad hoga ki kaise vatan mein yeh pahla din ka milan tha। vaise to kuchh samay ka milan tha aur sabhi ki shaklen aise thi jaise yeh din hamko sada hi yaad dilaayega, to sabhi ne yeh din milan ka din manaaya। bas sabke dil mein mera baba, mera baba, mera baba, nayan chamak rahe hain। aap sab jo yahaan baithe ho do do nayan aap har ek ke hain, koi koi honge jo bichaare dekh nahin sakte honge lekin baap bhi bachchon ko dekh rahe the aur bachche bhi baba ko dekh rahe the, donon ke mukh se mera baba, mera baba, mera baba nikal raha tha। aap socho, us samay ka milan kya nahin hoga। woh din bhoolna bhi mushkil hai। woh din bhi yaad karte hain to yaad aata hai, woh din yaad rehta hai khaas, kyonki pahla din tha jo niraakaar se saakaar, saakaar se sookshm brahma ke roop mein baba sabhi bachchon se mil rahe the। woh scene to sabhi ko yaad hai na। aankhon ka paani, aankhen woh din yaad dila rahi thi। sabki dil kehti thi ki yeh din jo hain yeh bahut yaad ke khaas din hain। aur jis samay woh avyakt milan bachche baap se mana rahe the, to socho saari sabha ka kya haal hoga! sabhi us din ki yaad mein hi chale gaye। aise sab yaad mein khoye hue the woh din bhi sabhi ko yaad honge, jo madhuban aaye honge unhon ko to bahut yaad hoga, woh yaad bahut hi gahri thi। sabhi ke nayan ganga jamuna nadi ban rahe the। to yeh din vishesh hai, sabhi ne socha pata nahin kaise ham rahege! baba to jaanta tha, baba bole, yeh pyaara din hai, rone ka din nahin hai। pyaar ka swaroop kya hota hai, woh dikhaane ke drishya dikha raha tha। to sabhi ne apne dil ka pyaar prakat kiya। achha।

seva ka tarna dilli aur aagra ka hai h

15 hajaar vahaan se aaye hain, total 22 hajaar hain:- achha hai, jo abhi aaye hain milne ke liye, woh sab khade rahen, baaki baithe। achha hai, baapdaada ne yeh khaas haath iseelie uthvaaya, ki jitne bhi aaye hain inhonne milan to manaaya। manaaya na sabhi ne milan! aur milan ne aapko homework bhi diya। kya hamko karna hai aage, woh bhi sunaaya। to dekho, baba ko kitna bachchon ka shubh din yaad rehta hai। bhoolta to kisko bhi nahin hai, bhinna-bhinna roop se manaate rehte hain lekin ham aur baba har din ki visheshta bhool nahin sakte। har din ki visheshta yaad dilaati hai aur bhinnabhinna samay par jo leela chali hai, woh divya leela kabhi koi leela, kabhi koi leela sabhi ne dekhi hogi।

double videshi, 30 deshon se 300 bhaai bahinen aaye hain:-

sabhi najdeek aa gaye। baba ko kitne bachche yaad rehte hain। har bachcha samay-samay par aate hain parantu jo yaad aate hain aur pahunch jaate hain unhon ka khel bhi ajeeb hai। aate hain aur mil karke apne dil ki baaten dilaaraam ke aage rakhte hain aur phir chale jaate hain lekin woh baaten jigri dil ki baate hain na! to saari sabha ka vaayumandal, haal ka vaayumandal yaad ki deevaaron se saje hue nazar aate hain। saari deevaaron par ‘mera baba, meetha baba, pyaara baba’ yahi likha hua hai, bahut achhi dizaain se likha hua nazar aa raha hai। aapko nazar aaya? aaya na! jisko woh nazar aa raha hai woh haath uthaao। to aap bhi apne pyaar ki nishaaniyaan, jo dekha woh yaadgaar ban gaya। yaadgaar din sadaiv yaad nahin karna padta hai lekin woh din hi yaadgaar ban gaye hain।

daadiyon se:- sabha dekhi। (baba dekha) baba dekha to sab kuchh dekh liya। sabhi ke dil mein pyaar ke jhoole mein jhula diya। sabhi ki shakle dekho abhi sabhi jhool rahe hain na। sabhi kahaan baithe hain। sabhi jhoole mein baithe hain, jhoole mein। sabhi baba baba dil hi dil mein kah rahe hain, nahin to ghamsaan ho jaae। abhi sabhi ki dil mein kya chal raha hai। baba, baba, baba। achha hai na। baba bhi bachchon ka pyaar dekhkar khush hota hai ki kitna pyaar inhon ke dil mein hai aur kitne dil se varnan karte hain। dekho baapdaada ki dil kya kehti hai! bataayen, tum nahin sunaao to baap bataate hain। har ek ki shakla bolti hai। vaise to door door hain, nahin samajh saken lekin har ek dil mein bolte hain, dil ki baaten woh baapdaada ke paas pahle pahunchti hain। sabhi ki shaklen jo hainna, woh photograaphar apne chhote usmein (camera mein) band kar leta hai। aur dekho, koi koi ka face murjhaaya hua hota, pata nahin kya kya sochte hain, lekin baba ko woh bachche dekhne mein aate hain jo sada hi harshit rehte hain। bas dil mein sada hi koi na koi tasveer milne ki rehti hi hai। jaise aap log rakhte hain na ki khaas yeh milan de hai। (ratanmohini daadi se se) tabiyat theek ho rahi hai na। jab yeh sochenge na, baba hamko mil raha hai to aapko pheelig aayegi ki baap mil raha hai। baap sookshm mein to door hai lekin sookshm mein baapdaada ki soorat dil mein samaai hui hai। dil mein to har ek sama sakta haina। kuchh bhi ho, aandhi ho, toofaan ho, kya bhi ho lekin dil ki mulaakaat, dil ka haalchaal, dil ka bhojan sab bahut pyaar se sveekaar hota hai। sab khush hote hain। achha।