Murli du jour du samedi 18 avril 2020

18-04-2020 praatahmurli om shanti "baapdaada"' madhuban

“ meethe bachche - is puraani patit duniya se tumhaara behad ka vairaagya chaahiye kyonki tumhein paavan banna hai , tumhaari chadhti kala se sabka bhala hota hai ''

prashn:- kaha jaata hai, aatma apna hi shatru, apna hi mitra hai, sachchi mitrata kya hai?

uttar:- ek baap ki shreemat par sada chalte rehna - yahi sachchi mitrata hai। sachchi mitrata hai ek baap ko yaad kar paavan banna aur baap se poora varsa lena। yeh mitrata karne ki yukti baap hi batlaate hain। sangamayug par hi aatma apna mitra banti hai।

geet:- toone raat ganvaai…

om shanti। yoon to yeh geet hain bhakti maarga ke, saari duniya mein jo geet gaate hain va shaastra padhte hain, teerthon par jaate hain, woh sab hai bhakti maarga। gyaan maarga kisko kaha jaata hai, bhakti maarga kisko kaha jaata hai, yeh tum bachche hi samajhte ho। ved shaastra, upnishad aadi yeh sab hain bhakti ke। aadhaakalpa bhakti chalti hai aur aadhaakalpa phir gyaan ki praalabdha chalti hai। bhakti karte-karte utarna hi hai। 84 punarjanma lete neeche utarte hain। phir ek janma mein tumhaari chadhti kala hoti hai। isko kaha jaata hai gyaan maarga। gyaan ke liye gaaya hua hai ek second mein jeevanmukti। raavan raajya jo dvaapar se chala aata hai, woh khatma ho phir raamraajya sthaapan hota hai। drama mein jab tumhaare 84 janma poore hote hain tab chadhti kala se sabka bhala hota hai। yeh akshar kahaan na kahaan kisi shaastron mein hain। chadhti kala sarva ka bhala। sarva ki sadgati karne vaala to ek hi baap hai na। sanyaasi udaasi to anek prakaar ke hain। bahut mat-mataantar hain। jaise shaastron mein likha hai kalpa ki aayu laakhon varsha, ab shankaraachaarya ki mat nikli 10 hazaar varsha... kitna farka ho jaata hai। koi phir kahega itne hazaar। kaliyug mein hai anek manushya, anek maten, anek dharma। satayug mein hoti hi hai ek mat। yeh baap baith tum bachchon ko srishti ke aadi-madhya-ant ka knowledge sunaate hain। is sunaane mein bhi kitna samay lagta hai। sunaate hi rehte hain। aise nahin kah sakte pahle kyon nahin yeh sab sunaaya। school mein padhaai nambarvaar hoti hai। chhote bachchon ko organs chhote hote hain to unko thoda sikhlaate hain। phir jaise-jaise organs bade hote jaayenge, buddhi ka taala khulta jaayega। padhaai dhaaran karte jaayenge। chhote bachchon ki buddhi mein kuchh dhaarna ho na sake। bada hota hai to phir barrister judge aadi bante hain, ismen bhi aise hai। koi ki buddhi mein dhaarna achhi hoti hai। baap kehte hain main aaya hoon patit se paavan banaane। to ab patit duniya se vairaagya hona chaahiye। aatma paavan bane to phir patit duniya mein rah na sake। patit duniya mein aatma bhi patit hai, manushya bhi patit hain। paavan duniya mein manushya bhi paavan, patit duniya mein manushya bhi patit rehte hain। yeh hai hi raavan raajya। yatha raaja-raani tatha praja। yeh saara gyaan hai buddhi se samajhne ka। is samay sabhi ki baap se hai vipreet buddhi। tum bachche to baap ko yaad karte ho। andar mein baap ke liye pyaar hai। aatma mein baap ke liye pyaar hai, regard hai kyonki baap ko jaante hain। yahaan tum sammukh ho। shivbaaba se sun rahe ho। woh manushya srishti ka beejroop, gyaan ka saagar, prem ka saagar, aanand ka saagar hai। geeta gyaan daata parampita trimoorti shiv paramatma vaach। trimoorti akshar zaroor daalna hai kyonki trimoorti ka to gaayan hai na। brahma dvaara sthaapna to zaroor brahma dvaara hi gyaan sunaayenge। krishna to aise nahin kahenge ki shiv bhagvaanuvaach। prerna se kuchh hota nahin। na unmein shivbaaba ki praveshta ho sakti hai। shivbaaba to paraaye desh mein aate hain। satayug to krishna ka desh hai na। to donon ki mahima alag-alag hai। mukhya baat hi yeh hai।

satayug mein geeta to koi padhte nahin। bhakti maarga mein to janma-janmaantar padhte hain। gyaan maarga mein to woh ho na sake। bhaktimaarga mein gyaan ki baaten hoti nahin। abhi rachta baap hi rachna ke aadi-madhya-ant ka gyaan dete hain। manushya to rachta ho na sake। manushya kah na saken ki main rachta hoon। baap khud kehte hain - main manushya srishti ka beej-roop hoon। main gyaan ka saagar, prem ka saagar, sarva ka sadgati daata hoon। krishna ki mahima hi alag hai। to yeh poora contrast likhna chaahiye। jo manushya padhne se jhat samajh jaaen ki geeta ka gyaan daata krishna nahin hai, is baat ko sveekaar kiya to yeh tumne jeet pahni। manushya krishna ke pichhaadi kitna hairaan hote hain, jaise shiv ke bhakta shiv par gala kaat dene ko taiyaar ho jaate hain, bas hamko shiv ke paas jaana hai, vaise woh samajhte hain krishna ke paas jaana hai। parantu krishna ke paas ja na saken। krishna ke paas bali chadhne ki baat nahin hoti hai। deviyon par bali chadhte hain। devtaaon par kabhi koi bali nahin chadhenge। tum deviyaan ho na। tum shivbaaba ke bane ho to shivbaaba par bhi bali chadhte hain। shaastron mein hinsak baaten likh di hain। tum to shivbaaba ke bachche ho। tan-man-dhan bali chadhaate ho, aur koi baat nahin isliye shiv aur deviyon par bali chadhaate hain। ab government ne shiv kaashi par bali chadhaana banda kar diya hai। abhi woh talvaar hi nahin hai। bhakti maarga mein jo aapghaat karte hain yeh bhi jaise apne saath shatruta karne ka upaay hai। mitrata karne ka ek hi upaay hai jo baap batlaate hain - paavan bankar baap se poora varsa lo। ek baap ki shreemat par chalte raho, yahi mitrata hai। bhakti maarga mein jeevaatma apna hi shatru hai। phir baap aakar gyaan dete hain to jeevaatma apna mitra banti hai। aatma pavitra ban baap se varsa leti hai, sangamayug par har ek aatma ko baap aakar mitra banaate hain। aatma apna mitra banti hai, shreemat milti hai to samajhti hai ham baap ki mat par hi chalenge। apni mat par aadhaakalpa chale। ab shreemat par sadgati ko paana hai, ismen apni mat chal na sake। baap to sirf mat dete hain। tum devta banne aaye ho na। yahaan achhe karma karenge to doosre janma mein bhi achha phal milega, amarlok mein। yeh to hai hi mrityulok। yeh raaz bhi tum bachche hi jaante ho। so bhi nambarvaar। koi ki buddhi mein achhi reeti dhaarna hoti hai, koi dhaarna nahin kar sakte to ismen teacher kya kar sakte hain। teacher se kripa va aasheervaad maangenge kya। teacher to padhaakar apne ghar chale jaate hain। school mein pahle-pahle khuda ki bandagi aakar karte hain - he khuda hamko paas karaana to phir ham bhog lagaayenge। teacher ko kabhi nahin kahenge ki aasheervaad karo। is samay paramatma hamaara baap bhi hai to teacher bhi hai। baap ki aasheervaad to understood hai hi। baap bachche ko chaahte hain, bachcha aaye to usko dhan doon। to yeh aasheervaad hui na। yeh ek kaayda hai। bachche ko baap se varsa milta hai। ab to tamopradhaan hi hote jaate hain। jaisa baap vaise bachche। din-pratidin har cheez tamopradhaan hoti jaati hai। tatva bhi tamopradhaan hi hote jaate hain। yeh hai hi duhkhadhaam। 40 hazaar varsha abhi aur aayu ho to kya haal ho jaayega। manushyon ki buddhi bilkul hi tamopradhaan ho gai hai।

abhi tum bachchon ki buddhi mein baap ke saath yog rakhne se roshni aa gai hai। baap kehte hain jitna yaad mein rahenge utna light badhti jaayegi। yaad se aatma pavitra banti hai। light badhti jaati hai। yaad hi nahin karenge to light milegi nahin। yaad se light vriddhi ko paayegi। yaad nahin kiya aur koi vikarma kar liya to light kam ho jaayegi। tum purooshaartha karte ho satopradhaan banne ka। yeh badi samajhne ki baaten hain। yaad se hi tumhaari aatma pavitra hoti jaayegi। tum likh bhi sakte ho yeh rachayita aur rachna ka gyaan shreekrishna de nahin sakte। woh to hai praalabdha। yeh bhi likh dena chaahiye ki 84 ven antim janma mein krishna ki aatma phir se gyaan le rahi hai phir first number mein jaate hain। baap ne yeh bhi samjhaaya hai satayug mein 9 laakh hi honge, phir unse vriddhi bhi hogi na। daas-daasiyaan bhi bahut hi honge na, jo poore 84 janma lete hain। 84 janma hi gine jaate hain। jo achhi reeti imtahaan paas karenge woh pahle-pahle aayenge। jitna deri se jaayenge to makaan puraana to kahenge na। naya makaan banta hai phir din-pratidin aayu kam hoti jaayegi। vahaan to sone ke mahal bante hain, woh to puraane ho na sake। sona to sadaiv chamakta hi hoga। phir bhi saaph zaroor karna pade। jevar bhi bhal pakke sone ke banaao to bhi aakhreen chamak to kam hoti hai, phir unko polish chaahiye। tum bachchon ko sadaiv yeh khushi rahni chaahiye ki ham nai duniya mein jaate hain। is narka mein yeh antim janma hai। in aankhon se jo dekhte hain, jaante hain yeh puraani duniya, puraana shareer hai। abhi hamko satayug nai duniya mein naya shareer lena hai। 5 tatva bhi naye hote hain। aise vichaar saagar manthan chalna chaahiye। yeh padhaai hai na। ant tak tumhaari yeh padhaai chalegi। padhaai banda hui to vinaash ho jaayega। to apne ko student samajh is khushi mein rehna chaahiye na - bhagwan hamko padhaate hain। yeh khushi koi kam thode hi hai। parantu saath-saath maaya bhi ulta kaam kara leti hai। 5-6 varsha pavitra rehte phir maaya gira deti। ek baar gire to phir woh avastha ho na sake। ham gire hain to woh ghrina aati hai। abhi tum bachchon ko saari smriti rakhni hai। is janma mein jo paap kiye hain, har ek aatma ko apne jeevan ka to pata hai na। koi mandabuddhi, koi vishaal buddhi hote hain। chhotepan ki history yaad to rehti hai na। yeh baba bhi chhotepan ki history sunaate hain na। baba ko woh makaan aadi bhi yaad hai। parantu abhi to vahaan bhi sab naye makaan ban gaye honge। 6 varsha se lekar apni jeevan kahaani yaad rehti hai। agar bhool gaya to dull buddhi kahenge। baap kehte hain apni jeevan kahaani likho। life ki baat hai na। maaloom padta hai life mein kitne chamatkaar the। gaandhi nehru aadi ke kitne bade-bade volume bante hain। life to vaastav mein tumhaari bahut valuable hai। wonderful life yeh hai। yeh hai most valuable, amoolya jeevan। inka moolya kathan nahin kiya ja sakta। is samay tum hi service karte ho। yeh lakshmi-naaraayan kuchh bhi service nahin karte। tumhaari life bahut valuable hai, jabki auron ka bhi aisa jeevan banaane ki service karte ho। jo achhi service karte hain woh gaayan laayak hote hain। vaishnav devi ka bhi mandir hai na। abhi tum sachche-sachche vaishnav bante ho। vaishnav maana jo pavitra hain। abhi tumhaara khaan-paan bhi vaishnav hai। pahle number ke vikaar mein to tum vaishnav (pavitra) ho hi। jagat amba ke yeh sab bachche brahmaakumaar-kumaariyaan hain na। brahma aur sarasvati। baaki bachche hain unki santaan। nambarvaar deviyaan bhi hain, jinki pooja hoti hai। baaki itni bhujaayen aadi di hain woh sab hain phaaltu। tum bahuton ko aap samaan banaate ho to bhujaayen de di hain। brahma ko bhi 100 bhuja vaala, hazaar bhuja vaala dikhaate hain। yeh sab bhakti maarga ki baaten hain। tumko phir baap kehte hain daiveegun bhi dhaaran karne hain। kisko bhi duhkh na do। kisko ulta-sulta raasta bataae satyaanaash na karo। ek hi mukhya baat samjhaani chaahiye ki baap aur varse ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gaayan va poojan yogya banne ke liye pakka vaishnav banna hai। khaan-paan ki shuddhi ke saath-saath pavitra rehna hai। is valuable jeevan mein service kar bahuton ka jeevan shreshtha banaana hai।

2) baap ke saath aisa yog rakhna hai jo aatma ki light badhti jaae। koi bhi vikarma kar light kam nahin karna hai। apne saath mitrata karni hai।

vardaan:- deh abhimaan ke royal roop ko bhi samaapta karne vaale saakshi aur drishta bhav

doosron ki baaton ko regard na dena, kat kar dena - yeh bhi deh abhimaan ka royal roop hai jo apna va doosron ka apmaan karaata hai kyonki jo kat karta hai use abhimaan aata hai aur jiski baat ko kat karta use apmaan lagta hai isliye saakshi drishta ke vardaan ko smriti mein rakh, drama ki dhaal va drama ke patte par har karma aur sankalp karte hue, main pan ke is royal roop ko bhi samaapta kar har ek ki baat ko sammaan do, sneh do to woh sada ke liye sahayogi ho jaayega।

slogan:- parmaatma shreemat roopi jal ke aadhaar se karma roopi beej ko shaktishaali banaao।