Murli du jour du dimanche 19 avril 2020

19-04-20 praatahmurli om shanti ''avyakt-baapdaada'' revise 30-12-85 madhuban

vishaal buddhi ki nishaani

aaj sarva snehi, sahayogi, sahajyogi bachchon se sneh ke saagar, sarva khajaanon ke vidhaata, vardaata baap roohaani milan manaane aaye hain। yeh roohaani sneh ka milan arthaat roohon ka milan vichitra milan hai। saare kalpa mein aisa roohaani mela ho nahin sakta। is sangamayug ko is roohaani milan ka vardaan mila hua hai। is vardaani samay par vardaata baap dvaara vardaani bachche is avinaashi vardaan ko praapta karte hain। baap ka bhi vidhaata aur vardaata ka avinaashi part isi samay chalta hai। aise samay par vardaanon ke adhikaari aatmaayen apna sadaakaal ka adhikaar praapta kar rahi ho। aise roohaani mele ko dekh baapdaada bhi harshit hote hain। baapdaada dekh rahe hain ki aisi shreshtha praapti karne vaale kaise bhole saadhaaran aatmaayen vishwa ke aage nimitta bani hain kyonki sabhi log raajya vidya, science ki vidya, alpakaal ke raajya adhikaar va dharma neta ka adhikaar isi ko hi aaj ki duniya mein vishesh aatmaayen maante hain। lekin baapdaada kaun-si visheshta dekhte hain? sabse pahle apne aapko aur baap ko jaanne ki visheshta jo aap brahman bachchon mein hai woh kisi bhi naameegraami aatma mein nahin hai isliye bhole, saadhaaran hote hue vardaata se vardaan le janma-janma ke liye vishesh poojya aatmaayen ban jaate hain। jo aaj ki naageegraami aatmaayen hain woh bhi poojya aatmaon ke aage naman-vandan karti hain। aisi vishesh aatmaayen ban gaye। aisa roohaani nasha anubhav karte ho? naaummeend aatmaon ko ummeedvaar banaana yahi baap ki visheshta hai। baapdaada vatan mein bhi bachchon ko dekh muskara rahe the। agar kisi bhi anjaan aatma ko kaho ki yeh saari sabha vishwa ke raajya adhikaari aatmaon ki hai, to maanenge? aashcharyavat ho jaayenge। lekin baapdaada jaante hain ki baap ko dil ke sneh, dil ki shreshtha bhaavna vaali aatmaayen priy hain। dil ka sneh hi shreshtha praapti karaane ka mool aadhaar hai। dil ka sneh door-door se madhuban nivaasi banaata hai। dilaaraam baap ko pasanda hi dil ka sneh hai isliye jo bhi ho jaise bhi ho lekin paramatma ko pasanda ho, isliye apna bana liya। duniya vaale abhi intajaar hi kar rahe hain। baap aayega us samay aisa hoga vaisa hoga। lekin aap sabke mukh se, dil se kya nikalta hai? “pa liya''। aap sampanna ban gaye aur woh buddhivaan ab tak parakhne mein samay samaapta kar rahe hain isliye hi kaha gaya hai bholaanaath baap hai। pahchaanne ki visheshta ne vishesh aatma bana liya। pahchaan liya, praapta kar liya। ab aage kya karna hai? sarva aatmaon par raham aata hai? hain to sabhi aatmaayen, ek hi behad ka parivaar hai। apne parivaar ki koi bhi aatma vardaan se vanchit na rah jaae। aisa umang utsaah dil mein rehta hai? va apni pravrittiyon mein hi busy ho gaye ho? behad ki stage par sthit ho, behad ki aatmaon ki seva ka shreshtha sankalp hi saphalta ka sahaj saadhan hai।

abhi seva ki golden jubilee mana rahe ho na! uske liye vishaal programme banaaye hain na! jitna vishaal programme banaaya hai utna hi vishaal dil, vishaal umang aur vishaal roop ki taiyaariyaan ki hain? ya yahi sochte ho - bhaashan karne ko milega to kar lenge। nimantran baantane ko milega to baant lenge। yahi taiyaariyaan ki hai? isko hi vishaal taiyaariyaan kaha jaata hai? jo duty mili woh poori kar lena isko hi vishaal umang nahin kaha jaata। duty bajaana yeh aagyaakaari banne ki nishaani to hai lekin behad ki vishaal buddhi, vishaal umang utsaah sirf isko nahin kaha jaata। vishaalta ki nishaani yeh hai - har samay apni mili hui duty mein seva mein naveenta laana। chaahe bhojan khilaane ki, chaahe bhaashan karne ki duty ho lekin har seva mein har samay naveenta bharna - isko kaha jaata hai vishaalta। jo ek varsha pahle kiya usmein koi na koi roohaaniyat ki addition zaroor ho। aisa umang utsaah dil mein aata hai? va sochte ho jaise chalta hai vaise hi hoga। har samay vidhi aur vriddhi badalti rehti hai। jaise samay sameep aa raha hai। vaise har aatma ko baap ki, parivaar ki sameepta ka vishesh anubhav karaao। manan karo ki kya naveenta laani hai। abhi conference ka vishaal kaarya kar rahe ho na। sabhi kar rahe ho ya jo bade hain vahi kar rahe hain? sabhi ka kaarya hai na? har ek ko sochna hai - mujhe naveenta ke liye seva mein aage badhna hai। chaahe aage nimitta thodon ko hi banaana hota hai - jaise bhaashan karenge to thode, itni saari sabha karegi kya! har ek ki apni-apni duty baant karke hi kaarya sampanna hota hai। lekin sabhi ko nimitta banna hai। kis baat mein? chaaron or jahaan bhi ho, jis bhi duty ke nimitt ho, lekin jis samay koi vishaal kaarya jahaan bhi hota hai us samay door baithe bhi utne samay tak sada har ek ke man mein vishwa kalyaan ki shreshtha bhaavna aur shreshtha kaamna zaroor honi chaahiye। jaise aajkal ke vi.aai.pi.agar svayan nahin pahunch sakte hain to shubhkaamnaayen bhejte hain na। to aap unhon se kam ho kya। aap sabhi vishesh aatmaon ki shubh bhaavna, shubh kaamna us kaarya ko avashya saphal banaayegi।

yeh vishesh din vishesh kangan baandhana chaahiye aur kisi bhi had ki baaton mein sankalp shakti, samay ki shakti, vyartha na gavaaen har sankalp se, har samay vishaal seva ke nimitta ban mansa shakti se bhi sahayogi banna hai। aise nahin ki aabu mein conference ho rahi hai, ham to phalaane desh mein baithe hain, nahin। aap sabhi vishaal kaarya mein sahayogi ho। vaataavran vaayumandal banaao। jab science ki shakti se ek desh se doosre desh tak rocket bhej sakte hain to kya silence ki shakti se aap shubh bhaavna, kalyaan ki bhaavna dvaara yahaan aabu mein mansa dvaara sahayogi nahin ban sakte? koi saakaar mein vaani se, karma se nimitta banenge। koi mansa seva mein nimitta banenge। lekin jitna din programme chalta hai chaahe 5 din chaahe 6 din chalta, itna hi samay har brahman aatma ko seva ka kangan bandha hua ho ki mujh aatma ko nimitta ban saphalta ko laana hai। har ek apne ko jimmevaar samjhe। iska bhaav yeh nahin samajhna ki sabhi jimmevaar hain to bhaashan ka chance milna chaahiye ya vishesh koi duty mile tab jimmevaar hain, inko jimmevaari nahin kehte। jahaan bhi ho jo bhi duty mili hai chaahe door baithne ki, chaahe stage par aane ki - mujhe sahayogi banna hi hai। isko kaha jaata hai saare vishwa mein seva ki roohaaniyat ki lahar phailaana। khushi ki, umang-utsaah ki lahar phail jaae। aise sahayogi ho? is conference mein naveenta dikhaayenge na? golden jubilee hai to chaaron or golden ej aane vaali hai, is khushi ki lahar phail jaae। bhaybheet aatmaayen hain, naaummeend aatmaayen hain unhon mein shreshtha bhavishya ki ummeed paida karo। bhaybheet aatmaon mein khushi ki lahar utpanna ho। yeh hai golden jubilee ki golden seva, yahi lakshya rakho। svayan bhi har kaarya mein mould hone vaale real gold ban golden jubilee manaani hai। samjha। jo ab tak nahin kiya hai woh karke dikhaana hai। aisi aatmaon ko nimitta banaao jo ek, anek aatmaon ki seva ke nimitta ban jaaye। sochte hi rahenge, lekin karenge, karenge kehte samay beet jaata hai aur ant mein jo bhi mila usko hi le aate ho। sankhya to badh jaati hai lekin vishaal seva ka programme rakhte hi isliye hain ki aisi aatmaayen aaven jo ek anekon ke nimitta ban jaae। chaaron or seva chalti rehti hai na। apne-apne sthaan par bhi aisi aatmaon ka kaarya to chalaate rehte ho isliye abhi se golden jubilee ki, sva ke seva ki aur sva ke saath anya vishesh aatmaon ke seva ki lahar phailaao। samjha - kya karna hai।

muhabbat se mehnat karo। sneh aisi vastu hai jo sneh ke vash na vaala bhi haan kar deta hai। samay na hote bhi samay nikaal dete hain। yeh to roohaani sneh hai। to dharni banaao। aise nahin socho ki yeh dharni hi aise hai। yeh log hi aise hain। aap kaise the? badal gaye na। shubh bhaavna ka sadaiv shreshtha phal hota hai। achha!

apne ghar mein aaye ho yeh to baap ko bhi khushi hai lekin samay to had ka hai na। jitni sankhya utna hi bantata hai na। cheej 4 hon, lene vaale 8 hon to kya karenge! usi vidhi se karenge na! baapdaada ko bhi vidhi pramaan chalna hi padta hai। baapdaada aise to kah nahin sakte ki itne kyon aaye ho? bhale aaye। svaagat hai lekin samay pramaan vidhi banaani padti hai। haan avyakt vatan mein samay ki seema nahin hai।

mahaaraashtra bhi kamaal karke dikhaayega। koi aisi mahaan aatma ko nimitta bana ke dikhaave tab kahenge mahaaraashtra। dehli to nimitta hai hi। aise nahin ki abhi conference to bahut kar li। ab jitna hoga। nahin! har varsha aage badhna hai। abhi to anek aatmaayen hain jinhon ko nimitta bana sakte hain। dehli vaalon ko bhi vishesh nimitta banna hai। raajasthaan kya karega? raajasthaan sada hi har kaarya mein number one hona hai kyonki raajasthaan mein number one headquarter hai। chaahe quality mein, chaahe quantity mein donon mein number one hona hai। double videshi bhi naveenta dikhaayenge na। har ek desh mein is khushkhabri ki lahar phail jaae to sab aapko bahut dil se aasheervaad denge। log bahut bhaybheet hain na! aisi aatmaon ko roohaani khushi ki lahar ho, jo woh samjhen ki yeh pharishta ban shubh sandesh dene ke nimitta bani hui aatmaayen hain। samjha! ab dekhenge kaun-sa zone naveenta karta hai। sankhya laate hain ya quality laate hain। phir baapdaada result sunaayenge। naveenta bhi laana। naveenta ke bhi number milenge। achha!

sarva svaraajya vishwa raajya ke adhikaari aatmaon ko, sada behad ki seva mein behad ki vritti mein rahne vaali shreshtha aatmaon ko, dil vishaal, sada vishaal buddhi, vishaal umang utsaah mein rahne vaali vishesh aatmaon ko, sada svayan ko har seva ke nimitta jaan nirmaan karne vaale, sada shreshtha aur baap samaan seva mein saphalta ko paane vaale, aise roohaani aatmaon ko roohaani baap ki yaadapyaar aur namaste।

kumaariyon se:- sada kumaari jeevan nirdosh jeevan gaai hui hai। kumaari jeevan sada shreshtha gaai aur pooji jaati hai। aisi shreshtha aur poojya aatma apne ko samajhti ho? sabhi kumaariyaan vishesh koi kamaal karke dikhaane vaali ho na! ya sirf padhaai padhne vaali ho। vishwa sevaadhaari banegi ya had ki, gujraat ki seva karni hai ya madhyapradesh ki ya phalaane sthaan ki seva karni hai, aise to nahin। ever ready aatmaayen auron ko bhi ever ready bana deti hain। to aap kumaariyaan jo chaahen woh kar sakti hain। aaj ki government jo kehti hai woh kar nahin paati? aise raajya mein rah karke seva karni hai to itni shaktishaali seva hogi tab saphalta hogi। is gyaan ki padhaai mein number liya hai? lakshya yahi rakhna hai ki number one lena hi hai। sada visheshta yeh dikhaao ki bolo kam lekin jiske bhi saamne jaao woh aapki jeevan se paath padhe। mukh ka paath to kai sunaane vaale hain, sunne vaale bhi hain lekin jeevan se paath padhen, yeh hai visheshta। aapki jeevan hi teacher ban jaae। mukh ke teacher nahin, mukh se bataana padta hai lekin mukh se bataane ke baad bhi agar jeevan mein nahin hota to woh maante nahin hain। kehte hain sunaane vaale to bahut hain isliye lakshya rakho ki jeevan dvaara kisko baap ka banaana hai। aajkal sunne ki roochi bhi nahin rakhte hain, dekhne chaahte hain। dekho radio sunne ki cheej hai, T.vi. dekhne ki cheez hai to kya pasanda karenge? (T.vi.) sunne se dekhna pasanda karte hain। to aapki jeevan mein bhi dekhne chaahte hain। kaise chalte hain, kaise uthte hain, kaise roohaani drishti rakhte hain। aisa lakshya rakho। samjha। sangamayug par kumaariyon ka mahatva kya hai, usko to jaanti ho na? sangam par sabse mahaan kumaariyaan hai। to apne ko mahaan samajh seva mein sahayogi bani ho ya banna hai? kya lakshya hai? double part bajaane ka lakshya hai? kya tokri uthaayengi? achha।

vardaan:- vardaan :- baalak aur maalikpan ki samaanta dvaara sarva khajaanon mein sampanna bhav

jaise baalakpan ka nasha sabhi mein hai aise baalak so maalik arthaat baap samaan sampanna sthiti ka anubhav karo। maalikpan ki visheshta hai - jitna hi maalik utna hi vishwa sevaadhaari ke sanskaar sada emerge roop mein rahen। maalikpan ka nasha aur vishwa sevaadhaari ka nasha samaan roop mein ho tab kahenge baap samaan। baalak aur maalik donon swaroop sada hi pratyaksha karma mein aa jaaen tab baap samaan sarva khajaanon se sampanna sthiti ka anubhav kar sakenge।

slogan:- gyaan ke akhut khajaanon ke adhikaari bano to adheenta khatma ho jaayegi।

soochnaah - aaj antarraashtreey yog divas teesra ravivaar hai, saayan 6.30 se 7.30 baje tak sabhi bhaai bahinen sangathit roop mein ekatrit ho yog abhyaas mein anubhav karen ki main aatma beejroop baba ke saath combined hoon। main sarva shaktiyon se sampanna master gyaan soorya hoon। mujhse sarva shaktiyon ki kirnen nikalkar chaaron or phail rahi hain।