Murli du jour du lundi 22 juin 2020

22-06-2020 praatahmurli om shanti "baapdaada"' madhuban

“meethe bachche - apni unnati ke liye roz raat ko sone ke pahle apna potaamel dekho, check karo-hamne saare din mein koi ko duhkh to nahin diya?''

prashn:- mahaan saubhaagyashaali bachchon mein kaun-si bahaaduri hogi?

uttar:- jo mahaan saubhaagyashaali hain woh stri-puroosh saath mein rehte bhaai-bhaai hokar rahenge। stri-puroosh ka bhaan nahin hoga। pakke nishchay buddhi honge। mahaan saubhaagyashaali bachche jhat samajh jaate hain-ham bhi student, yeh bhi student, bhaai-behen ho gaye, lekin yeh bahaaduri chal tab sakti hai jab apne ko aatma samjhen।

geet:- mukhda dekh le praani…

om shanti। yeh baat roz-roz baap bachchon ko samjhaate hain ki sone ke samay apna potaamel andar dekho ki kisko duhkh to nahin diya aur kitna samay baap ko yaad kiya? mool baat yeh hai। geet mein bhi kehte hain apne andar dekho-ham kitna tamopradhaan se satopradhaan bane hain? saare din mein kitna samay yaad kiya apne meethe baap ko? koi bhi dehdhaari ko yaad nahin karna hai। sabhi aatmaon ko kaha jaata hai apne baap ko yaad karo। ab vaapis jaana hai। kahaan jaana hai? shantidham hokar nai duniya mein jaana hai। yeh to puraani duniya hai na। jab baap aaye tab svarga ke dvaar khulen। abhi tum bachche jaante ho ham sangamayug par baithe hain। yeh bhi wonder hai jo sangamayug par aakar steamer mein baithkar phir utar jaate hain। ab tum sangamayug par purooshottam banne ke liye aakar naanv mein baithe ho, paar jaane ke liye। phir puraani kaliyugi duniya se dil utha leni hoti hai। is shareer dvaara sirf part bajaana hota hai। abhi hamko vaapis jaana hai badi khushi se। manushya mukti ke liye kitna maatha maarte hain parantu mukti-jeevanmukti ka arth nahin samajhte hain। shaastron ke akshar sirf sune hue hain parantu woh kya cheez hai, kaun dete hain, kab dete hain, yeh kuchh bhi pata nahin hai। tum bachche jaante ho baba aate hain mukti-jeevanmukti ka varsa dene ke liye। woh bhi koi ek baar thode hi, anek baar। beanta baar tum mukti se jeevanmukti phir jeevan bandh mein aaye ho। tumhein abhi yeh samajh padi ki ham aatma hain, baba ham bachchon ko shiksha bahut dete hain। tum bhaktimaarga mein duhkh mein yaad karte the, parantu pahchaante nahin the। abhi mainne tumko apni pahchaan di hai ki kaise mujhe yaad karo to tumhaare vikarma vinaash honge। abhi tak kitne vikarma hue hain, woh apna potaamel rakhne se pata padega। jo service mein lage rehte hain unko pata padta hai, bachchon ko service ka shauk hota hai। aapas mein milkar raay kar nikalte hain service par, manushyon ka jeevan heere jaisa banaane। yeh kitna punya ka kaarya hai। ismen kharche aadi ki bhi koi baat nahin। sirf heere jaisa banne ke liye baap ko yaad karna hai। pukhraaj pari, sabja pari bhi jo naam hain, woh tum ho। jitna yaad mein rahenge utna heere jaisa ban jaayenge। koi maanik jaisa, koi pukhraaj jaisa banenge। 9 ratna hote hain na। koi grahchaari hoti hai to 9 ratna ki angoothi pahante hain। bhakti maarga mein bahut totka dete hain। yahaan to sab dharma vaalon ke liye ek hi totka hai-manamnaabhav kyonki god is one। manushya se devta banne va mukti-jeevanmukti paane ki tadbeer ek hi hai, sirf baap ko yaad karna hai, takleeph ki koi baat nahin। sochna chaahiye mujhe yaad kyon nahin thaharti। saare din mein itna thoda kyon yaad kiya? jab is yaad se ham ever healthy, nirogi banenge to kyon na apna chart rakh unnati ko paayen। bahut hain jo 2-4 roz chart rakh phir bhool jaate hain। koi ko bhi samjhaana bahut sahaj hota hai। nai duniya ko satayug aur puraani ko kaliyug kaha jaata hai। kaliyug badal satayug hoga। badli hota hai tab ham samjha rahe hain।

kai bachchon ko yeh bhi pakka nishchay nahin hai ki yeh vahi niraakaar baap humein brahma tan mein aakar padha rahe hain। are brahman hain na। brahmaakumaar-kumaariyaan kahlaate hain, uska arth hi kya hai, varsa kahaan se milega! adoption tab hoti hai jab kuchh praapti hoti hai। tum brahma ke bachche brahmaakumaar-kumaari kyon bane ho? sachmuch bane ho ya ismen bhi koi ko sanshay ho padta hai। jo mahaan saubhaagyashaali bachche hain woh stri-puroosh saath mein rehte bhaai-bhaai hokar rahenge। stri-puroosh ka bhaan nahin hoga। pakke nishchaybuddhi nahin hain to stri-puroosh ki drishti badalne mein bhi time lagta hai। mahaan saubhaagyashaali bachche jhat samajh jaate hain-ham bhi student, yeh bhi student bhaai-behen ho gaye। yeh bahaaduri chal tab sakti hai jab apne ko aatma samjhen। aatmaayen to sab bhaai-bhaai hain, phir brahmaakumaar-kumaariyaan banne se bhaai-behen ho jaate hain। koi to bandhanmukta bhi hain, to bhi kuchh na kuchh buddhi jaati hai। karmaateet avastha hone mein time lagta hai। tum bachchon ke andar bahut khushi rahni chaahiye। koi bhi jhanjhat nahin। ham aatmaayen ab baba ke paas jaati hain puraane shareer aadi sab chhodkar। hamne kitna part bajaaya hai। ab chakra poora hota hai। aise-aise apne saath baaten karni hoti hai। jitna baat karte rahenge, utna harshit bhi rahenge aur apni chalan ko bhi dekhte rahenge-kahaan tak ham lakshmi-naaraayan ko varne laayak bane hain? buddhi se samjha jaata hai-abhi thode se samay mein puraana shareer chhodna hai। tum actors bhi ho na। apne ko actors samajhte ho। aage nahin samajhte the, abhi yeh knowledge mili hai to andar mein khushi bahut rahni chaahiye। puraani duniya se vairaagya, naphrat aani chaahiye।

tum behad ke sannyaasi, raajayogi ho। is puraane shareer ka bhi buddhi se sannyaas karna hai। aatma samajhti hai-inse buddhi nahin lagaani hai। buddhi se is puraani duniya, puraane shareer ka sannyaas kiya hai। abhi ham aatmaayen jaati hain, jaakar baap se milengi। so bhi tab hoga jab ek baap ko yaad karenge। aur kisko yaad kiya to smriti zaroor aayegi। phir saza bhi khaani padegi aur pad bhi bhrashta ho jaayega। jo achhe-achhe student hote hain woh apne saath pratigya kar lete hain ki ham scholarship lekar hi chhodenge। to yahaan bhi har ek ko yeh khyaal mein rakhna hai ki ham baap se poora raajya-bhaagya lekar hi chhodenge। unki phir chalan bhi aise hi rahegi। aage chal purooshaartha karte-karte gallop karna hai। woh tab hoga jab roz shaam ko apni avastha ko dekhenge। baba ke paas samaachaar to har ek ka aata hai na। baba har ek ko samajh sakte hain, kisko to kah dete ki tumhaare mein woh nahin dikhaai padta hai। yeh lakshmi-naaraayan banne jaisi shakla dikhaai nahin padti। chalan, khaan-paan aadi to dekho। service kahaan karte ho! phir kya banenge! phir dil mein samajhte hain-ham kuchh karke dikhaayen। ismen har ek ko indeepindent apni takdeer oonch banaane ke liye padhna hai। agar shreemat par nahin chalte to phir itna oonch pad bhi nahin pa sakenge। abhi paas nahin hue to kalpa kalpaantar nahin honge। tumko sab saakshaatkaar honge-ham kis pad paane ke laayak hain? apne pad ka bhi saakshaatkaar karte rahenge। shuru mein bhi saakshaatkaar karte the phir baba sunaane ke liye mana kar dete the। pichhaadi mein sab pata padega ki ham kya banenge phir kuchh nahin kar sakenge। kalpa-kalpaantar ki yeh haalat ho jaayegi। double sirtaaj, double raajya-bhaagya pa nahin sakenge। abhi purooshaartha karne ki margin bahut hai, treta ke ant tak 16108 ki badi maala banni hai। yahaan tum aaye hi ho nar se naaraayan banne ka purooshaartha karne। jab kam pad ka saakshaatkaar hoga to us samay jaise naphrat aane lagegi। munh neeche ho jaayega। hamne to kuchh bhi purooshaartha nahin kiya। baba ne kitna samjhaaya ki chart rakho yeh karo isliye baba kehte the jo bhi bachche aate hain sabke fotoz hon। bhal group ka hi ikattha photo ho। paartiyaan le aate ho na। phir usmein date film aadi sab lagi ho। phir baba batlaate rahenge kaun gire? baba ke paas samaachaar to sab aate hain, batlaate rahenge। kitnon ko maaya kheench le gai। khatma ho gaye। bachchiyaan bhi bahut girti hain। ekdam durgati ko pa leti hain, baat mat poochho isliye baba kehte hain-bachche, khabardaar raho। maaya koi na koi roop dharkar pakad leti hai। koi ke naam-roop ke taraph dekho bhi nahin। bhal in aankhon se dekhte ho parantu buddhi mein ek baap ki yaad hai। teesra netra mila hai, isliye ki baap ko hi dekho aur yaad karo। deh abhimaan ko chhodte jaao। aise bhi nahin aankhe neeche karke koi se baat karni hai। aisa kamzor nahin banna hai। dekhte hue buddhi ka yog apne beloved maashuk ki taraph ho। is duniya ko dekhte hue andar mein samajhte hain yeh to kabristaan hona hai। inse kya connection rakhenge। tumko gyaan milta hai-usko dhaaran kar us par chalna hai।

tum bachche jab pradarshani aadi samjhaate ho to hazaar baar mukh se baba-baba nikalna chaahiye। baba ko yaad karne se tumhaara kitna phaayda hoga। shivbaaba kehte hain maamekam yaad karo to vikarma vinaash honge। shivbaaba ko yaad karo to tamopradhaan se satopradhaan ban jaayenge। baba kehte hain mujhe yaad karo। yeh bhoolo mat। baap ka direction mila hai manamnaabhav। baap ne kaha hai yeh ‘baba' shabd khoob achhi tarah se ghotte raho। saara din baba-baba karte rehna chaahiye। doosri koi baat nahin। number one mukhya baat hi yeh hai। pahle baap ko jaanen, ismen hi kalyaan hai। yeh 84 ka chakra samajhna to bahut easy hai। bachchon ko pradarshani mein samjhaane ka bahut shauk hona chaahiye। agar kahaan dekhen ham nahin samjha sakte hain to kah sakte hain ham apni badi behen ko bulaate hain kyonki yeh bhi paathshaala hai na। ismen koi kam, koi jaasti padhte hain। is kahne mein deh abhimaan nahin aana chaahiye। jahaan bada centre ho vahaan pradarshani bhi laga deni chaahiye। chitra laga hua ho-get ve tu heaven। ab svarga ke dvaar khul rahe hain। is hovanhaar ladaai se pahle hi apna varsa le lo। jaise mandir mein roz jaana hota hai, vaise tumhaare peechhe paathshaala hai। chitra lage hue honge to samjhaane mein sahaj hoga। koshish karo ham apni paathshaala ko chitrashaala kaise banaayen? bhabhka bhi hoga to manushya aayenge। baikuntha jaane ka raasta, ek second mein samajhne ka raasta। baap kehte hain tamopradhaan to koi baikuntha mein ja na sake। nai duniya mein jaane liye satopradhaan banna hai, ismen kuchh bhi kharcha nahin। na koi mandir va church aadi mein jaane ki darkaar hai। yaad karte-karte pavitra ban seedha chale jaayenge sweet hom। ham guarantee karte hain tum impure se pure aise ban jaayenge। gole mein get bada rehna chaahiye। svarga ka get kaise khulta hai। kitna clear hai। narka ka get banda hona hai। svarga mein narka ka naam nahin hota hai। krishna ko kitna yaad karte hain। parantu yeh kisko maaloom nahin padta ki woh kab aate hain, kuchh bhi nahin jaante। baap ko hi nahin jaante hain। bhagwan hamko phir se raajayog sikhlaate hain-yeh yaad rahe to bhi kitni khushi hogi। yeh bhi khushi rahe ham god fatherly student hain। yeh bhoolna kyon chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) saara din mukh se baba-baba nikalta rahe, kam se kam pradarshani aadi samjhaate samay mukh se hazaar baar baba-baba nikle।

2) in aankhon se sab kuchh dekhte hue, ek baap ki yaad ho, aapas mein baat karte hue teesre netra dvaara aatma ko aur aatma ke baap ko dekhne ka abhyaas karna hai।

vardaan:- neeras vaataavran mein khushi ki jhalak ka anubhav karaane vaale ever happy bhav

ever happy arthaat sada khush rahne ka vardaan jin bachchon ko praapta hai woh dukh ki lahar utpanna karne vaale vaataavran mein, neeras vaataavran mein, apraapti ka anubhav karaane vaale vaataavran mein sada khush rahenge aur apni khushi ki jhalak se dukh aur udaasi ke vaataavran ko aise parivartan karenge jaise soorya andhakaar ko parivartan kar deta hai। andhakaar ke beech roshni karna, ashaanti ke andar shanti laana, neeras vaataavran mein khushi ki jhalak laana isko kaha jaata hai ever happy। vartamaan samay isi seva ki aavashyakta hai।

slogan:- ashareeri woh hai jise shareer ki koi bhi aakarshan apni taraph aakarshit na kare।