Murli du jour du lundi 13 juillet 2020

13-07-2020 praatahmurli om shanti "baapdaada"' madhuban

“meethe bachche - sabhi ko yeh khushkhabri sunaao ki ab phir se vishwa mein shanti sthaapan ho rahi hai, baap aaye hain ek aadi sanaatan devi-devta dharma sthaapan karne''

prashn:- tum bachchon ko baar-baar yaad mein rahne ka ishaara kyon diya jaata hai?

uttar:- kyonki ever healthy aur sada paavan banne ke liye hai hi yaad isliye jab bhi time mile yaad mein raho। savere-savere snaan aadi kar phir ekaanta mein chakra lagaao ya baith jaao। yahaan to kamaai hi kamaai hai। yaad se hi vishwa ke maalik ban jaayenge।

om shanti। meethe bachche jaante hain ki is samay sabhi vishwa mein shanti chaahte hain। yeh aavaaz sunte rehte hain ki vishwa mein shanti kaise ho? parantu vishwa mein shanti kab thi jo phir ab chaahte hain - yeh koi nahin jaante। tum bachche hi jaante ho vishwa mein shanti thi jab in lakshmi-naaraayan ka raajya tha। abhi tak bhi lakshmi-naaraayan ke mandir banaate rehte hain। tum koi ko bhi yeh bata sakte ho vishwa mein shanti 5 hazaar varsha pahle thi, ab phir se sthaapan ho rahi hai। kaun sthaapan karte hain? yeh manushya nahin jaante। tum bachchon ko baap ne samjhaaya hai, tum kisko bhi samjha sakte ho। tum likh sakte ho। parantu abhi tak koi ko himmat nahin hai jo kisko likhe। akhbaar mein aavaaz sunte to hain - sab kehte hain vishwa mein shanti ho। ladaai aadi hogi to manushya vishwa mein shanti ke liye yagya rachenge। kaun-sa yagya? roodra yagya rachenge। abhi bachche jaante hain is samay baap jisko roodra shiv bhi kaha jaata hai, usne gyaan yagya racha hai। vishwa mein shanti ab sthaapan ho rahi hai। satayug nai duniya mein jahaan shanti thi zaroor raajya karne vaale bhi honge। niraakaari duniya ke liye to nahin kahenge ki vishwa mein shanti ho। vahaan to hai hi shanti। vishwa manushyon ki hoti hai। niraakaari duniya ko vishwa nahin kahenge। woh hai shantidham। baba baar-baar samjhaate rehte hain phir bhi koi bhool jaate hain, koi-koi ki buddhi mein hai woh samjha sakte hain। vishwa mein shanti kaise thi, ab phir kaise sthaapan ho rahi hai - yeh kisko samjhaana bahut sahaj hai। bhaarat mein jab aadi sanaatan devi-devta dharma ka raajya tha to ek hi dharma tha। vishwa mein shanti thi, yeh badi sahaj samjhaane ki aur likhne ki baat hai। bade-bade mandir banaane vaalon ko bhi tum likh sakte ho - vishwa mein shanti aaj se 5 hazaar varsha pahle thi, jab inka raajya tha, jinke hi tum mandir banaate ho। bhaarat mein hi inhon ka raajya tha aur koi dharma nahin tha। yeh to sahaj hai aur sayaanap ki baat hai। drama anusaar aage chal sab samajh jaayenge। tum yeh khushkhabri sabko suna sakte ho, chhapa bhi sakte ho, beautiful card par। vishwa mein shanti aaj se 5 hazaar varsha pahle thi, jab nai duniya naya bhaarat tha। lakshmi-naaraayan ka raajya tha। ab phir se vishwa mein shanti sthaapan ho rahi hai। yeh baaten simran karne se bhi tum bachchon ko badi khushi honi chaahiye। tum jaante ho baap ko yaad karne se hi ham vishwa ke maalik banne vaale hain। saara madaar tum bachchon ke purooshaartha par hai। baba ne samjhaaya hai jo bhi time mile baba ki yaad mein raho। savere mein snaan kar phir ekaanta mein chakra lagaao ya baith jaao। yahaan to kamaai hi kamaai karni hai। ever healthy aur sada paavan banne ke liye hi yaad hai। yahaan bhal sannyaasi pavitra hain, to bhi beemaar zaroor hote hain। yeh hai hi rogi duniya। woh hai nirogi duniya। yeh bhi tum jaante ho। duniya mein kisko kya pata ki svarga mein sab nirogi hote hain। svarga kisko kaha jaata hai, koi ko pata nahin। tum abhi jaante ho। baba kehte hain - koi bhi mile tum samjha sakte ho। samjho koi raaja-raani apne ko kahlaate hain। ab raaja-raani to koi hain nahin। bolo tum abhi raaja-raani to ho nahin। yeh buddhi se bhi nikaalna pade। mahaaraaja-mahaaraani shri lakshmi-naaraayan ki raajdhaani to ab sthaapan ho rahi hai। to zaroor yahaan koi bhi raaja-raani nahin hone chaahiye। ham raaja-raani hain yeh bhi bhool jaao। ordinary manushyon ke muaaphik chalo। inhon ke paas bhi paise sona aadi rehta to hai na। abhi kaayde paas ho rahe hain, yeh sab le lenge। phir common manushyon ke muaaphik ho jaayenge। yeh bhi yuktiyaan rach rahe hain। gaayan bhi hai na, kiski dabi rahe dhool mein, kiski raaja khaae… ab raaja koi ki khaate nahin hain। raajaayen to hain nahin। praja hi praja ka kha rahi hai। aajkal ka raajya bada wonderful hai। jab bilkul raajaaon ka naam nikal jaata hai to phir raajdhaani sthaapan hoti hai। abhi tum jaante ho - ham vahaan ja rahe hain jahaan vishwa mein shanti hoti hai। hai hi sukhdhaam, satopradhaan duniya। ham vahaan jaane ke liye purooshaartha kar rahe hain। bachchiyaan bhabhke se baithkar samjhaayen, baahar ka sirf artificial bhabhka nahin chaahiye। aajkal to artificial bhi bahut nikle hain na। yahaan to pakke brahmaakumaar-kumaariyaan chaahiye।

tum brahman brahma baap ke saath vishwa mein shanti ki sthaapna ka kaarya kar rahe ho। aise shanti sthaapan karne vaale bachche bahut shaantachit aur bahut meethe chaahiye kyonki jaante hain - ham nimitta bane hain vishwa mein shanti sthaapan karne। to pahle hamaare mein bahut shanti chaahiye। baatcheet bhi bahut aahiste-aahiste badi royalty se karni hai। tum bilkul gupta ho। tumhaari buddhi mein avinaashi gyaan ratnon ka khajaana bhara hua hai। baap ke tum vaaris ho na। jitna baap ke paas khajaana hai, tumko bhi poora bharna chaahiye। saari milkiyat aapki hai, parantu woh himmat nahin hai to le nahin sakte। lene vaale hi oonch pad paayenge। koi ko samjhaane ka bada shauk chaahiye। hamko bhaarat ko phir se svarga banaana hai। dhandha aadi karte saath mein yeh bhi service karni hai isliye baba jaldi-jaldi karte hain। phir bhi hota to drama anusaar hi hai। har ek apne time par chal raha hai, bachchon ko bhi purooshaartha kara rahe hain। bachchon ko nishchay hai ki abhi baaki thoda samay hai। yeh hamaara antim janma hai phir ham svarga mein honge। yeh duhkhadhaam hai phir sukhdhaam ho jaayega। banne mein time to lagta hai na। yeh vinaash chhota thode hi hai। jaise naya ghar banta hai to phir naye ghar ki hi yaad aati hai। woh hai had ki baat, usmein koi sambandh aadi thode hi badal jaate hain। yeh to puraani duniya hi badalni hai phir jo achhi reeti padhenge woh raajaai kul mein aayenge। nahin to praja mein chale jaayenge। bachchon ko badi khushi honi chaahiye। baba ne samjhaaya hai 50-60 janma tum sukh paate ho। dvaapar mein bhi tumhaare paas bahut dhan rehta hai। duhkh to baad mein hota hai। raajaayen jab aapas mein ladte hain, phoot padti hai tab duhkh shuru hota hai। pahle to anaaj aadi bhi bahut saste hote hain। famine aadi bhi baad mein padti hai। tumhaare paas bahut dhan rehta hai। satopradhaan se tamopradhaan mein dheere-dheere aate ho। to tum bachchon ko andar mein bahut khushi rahni chaahiye। khud ko hi khushi nahin hogi, shanti nahin hogi to woh vishwa mein shanti kya sthaapan karenge! bahuton ki buddhi mein ashaanti rehti hai। baap aate hi hain shanti ka vardaan dene। kehte hain mujhe yaad karo to tamopradhaan banne kaaran jo aatma ashaanta ho padi hai woh yaad se satopradhaan shant ban jaayegi। parantu bachchon se yaad ki mehnat pahunchti hi nahin hai, yaad mein na rahne ke kaaran hi phir maaya ke toofaan aate hain। yaad mein rahkar poora paavan nahin banenge to saza khaani padegi। pad bhi bhrashta hoga। aise nahin samajhna chaahiye svarga mein to jaayenge na। are, maar khaakar paai paise ka sukh paana yeh koi achha hai kya। manushya oonch pad paane ke liye kitna purooshaartha karte hain। aise nahin ki jo mila so achha hai। aisa koi nahin hoga jo purooshaartha nahin karega। bheekh maangane vaale phakeer log bhi apne paas paise ikatthe karte hain। paise ke to sabhi bhookhe hote hain। paise se har baat ka sukh hota hai। tum bachche jaante ho ham baba se athaah dhan lete hain। purooshaartha kam karenge to dhan bhi kam milega। baap dhan dete hain na। kehte bhi hain - dhan hai to America aadi ka chakra lagaao। tum jitna baap ko yaad karenge aur service karenge utna sukh paayenge। baap har baat mein purooshaartha karaate, oonch banaate hain। samajhte hain bachche naam baala karenge hamaare kul ka। tum bachchon ko bhi eeshvareey kul ka, baap ka naam baala karna hai। yeh sat baap, sat teacher, satguru thahra। oonch te oonch baap oonch te oonch sachcha satguru bhi thahra। yeh bhi samjhaaya hai ki guru ek hi hota hai, doosra na koi। sarva ka sadgati daata ek। yeh bhi tum jaante ho। abhi tum paarasbuddhi ban rahe ho। paaraspuri ke paarasnaath raaja-raani bante ho। kitni sahaj baat hai। bhaarat golden aged tha, vishwa mein shanti kaise thi - yeh tum is lakshmi-naaraayan ke chitra par samjha sakte ho। heaven mein shanti thi। abhi hai hell। inmen ashaanti hai। heaven mein yeh lakshmi-naaraayan rehte hain na। krishna ko lord krishna bhi kehte hain। krishna bhagwan bhi kehte hain। ab lord to bahut hain, jiske paas land (jameen) jaasti hoti hai unko bhi kehte hain - laindalaarda। krishna to vishwa ka prince tha, jis vishwa mein shanti thi। yeh bhi kisko pata nahin raadhe-krishna hi lakshmi-naaraayan bante hain।

tumhaare liye log kitni baaten banaate hain, hangaama machaate hain, kehte hain yeh to bhaai-behen banaate hain। samjhaaya jaata hai prajaapita brahma ke mukh vanshaavli brahman, jiske liye hi gaate hain brahman devi-devtaae namah। brahman bhi unhon ko namaste karte hain kyonki woh sachche bhaai-behen hain। pavitra rehte hain। to pavitra ki kyon nahin ijzat karenge। kanya pavitra hai to unke bhi paanv padte hain। baahar ka visitor aayega, woh bhi kanya ko naman karega। is samay kanya ka itna maan kyon hua hai? kyonki tum brahmaakumaar-kumaariyaan ho na। majority tum kanyaaon ki hai। shivshakti paandav sena gaai hui hai। inmen mel bhi hain, majority maataaon ki hai isliye gaaya jaata hai। to jo achhi reeti padhte hain woh oonch bante hain। abhi tum saare world ki history-geography jaan gaye ho। chakra par bhi samjhaana bahut sahaj hai। bhaarat paaraspuri tha, abhi hai pattharpuri। to sabhi pattharnaath thahre na। tum bachche is 84 ke chakra ko bhi jaante ho। abhi jaana hai ghar to baap ko bhi yaad karna hai, jisse paap katte hain। parantu bachchon se yaad ki mehnat pahunchti nahin hai kyonki albelaapan hai। savere uthte nahin hain। agar uthte hain to maja nahin aata। neend aane lagti hai to phir so jaate hain। hopeless ho jaate hain। baba kehte hain - bachche, yeh yuddha ka maidaan hai na। ismen hopeless nahin hona chaahiye। yaad ke bal se hi maaya par jeet paani hai। ismen mehnat karni chaahiye। bahut achhe-achhe bachche jo yathaartha reeti yaad nahin karte, chart rakhne se ghaate-phaayde ka pata pad jaata hai। kehte hain chart ne to meri avastha mein kamaal kar di hai। aise birla koi chart rakhta hai। yeh bhi badi mehnat hai। bahut centres mein jhoothe bhi jaakar baithte hain, vikarma karte rehte hain। baap ke direction par amal na karne se bahut nuksaan kar dete hain। bachchon ko pata thode hi padta hai - niraakaar kehte hain va saakaar? bachchon ko baar-baar samjhaaya jaata hai - hamesha samjho shivbaaba direction dete hain। to tumhaari buddhi vahaan lagi rahegi।

aajkal sagaai hoti hai to chitra dikhaate hain, akhbaar mein bhi daalte hain ki inke liye aise-aise achhe ghar ki chaahiye। duniya ka kya haal ho gaya hai, kya hone ka hai! tum bachche jaante ho anek prakaar ki maten hain। tum braahmanon ki hai ek mat। vishwa mein shanti sthaapan karne ki mat। tum shreemat se vishwa mein shanti sthaapan karte ho to bachchon ko bhi shanti mein rehna pade। jo karega so paayega। nahin to bahut ghaata hai। janma-janmaantar ka ghaata hai। bachchon ko kehte hain apna ghaata aur faayda dekho। chart dekho hamne kisko duhkh to nahin diya? baap kehte hain tumhaara yeh samay ek-ek second most valuable hai, mochra khaakar maani tukkad khaana woh kya badi baat hai। tum to bahut dhanvaan banne chaahte ho na। pahle-pahle jo poojya hain unko hi pujaari banna hai। itna dhan hoga, somnaath ka mandir banaayen tab to pooja karen। yeh bhi hisaab hai। bachchon ko phir bhi samjhaate hai chart rakho to bahut phaayda hoga। note karna chaahiye। sabko paigaam dete jaao, chup karke nahin baitho। train mein bhi tum samjhaakar literature de do। bolo, yeh karodon ki milkiyat hai। lakshmi-naaraayan ka bhaarat mein jab raajya tha to vishwa mein shanti thi। ab baap phir se woh raajdhaani sthaapan karne aaye hain, tum baap ko yaad karo to vikarma vinaash hon aur vishwa mein shanti ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham vishwa mein shanti sthaapan karne ke nimitta brahman hain, humein bahut-bahut shaantachit rehna hai, baat-cheet bahut aahiste va royalty se karni hai।

2 albelaapan chhod yaad ki mehnat karni hai। kabhi bhi hopeless nahin banna hai।

vardaan:- vikaaron roopi saamp ko bhi shaiya banaane vaale vishnu ke samaan sada vijayi, nishchitan bhav

jo vishnu ki shesh shaiya dikhaate hain yeh aap vijayi bachchon ke sahajyogi jeevan ka yaadgaar hai। sahjayog dvaara vikaaron roopi saamp bhi adheen ho jaate hain। jo bachche vikaaron roopi saampon par vijay praapta kar unhein aaraam ki shaiya bana dete hain woh sada vishnu ke samaan harshit va nishchitan rehte hain। to sada yeh chitra apne saamne dekho ki vikaaron ko adheen kiya hua adhikaari hoon। aatma sada aaraam ki sthiti mein nishchitan hai।

slogan:- baalak aur maalik pan ke balance se plan ko practical mein laao।