Murli du jour du vendredi 23 octobre 2020

23-10-2020 praatahmurli om shanti "baapdaada"' madhuban

meethe bachche - shreshtha te shreshtha banne ke liye svayan bhagwan tumhein shreshtha mat de rahe hain, jisse tum narka-vaasi se svargavaasi ban jaate ho।

prashn:- devta banne vaale bachchon ko vishesh kin baaton ka dhyaan rakhna hai?

uttar:- kabhi koi baat mein roothna nahin, shakla murde jaisi nahin karni hai। kisi ko bhi duhkh nahin dena hai। devta banna hai to mukh se sadaiv phool niklen। agar kaante va patthar nikalte hain to patthar ke patthar thahre। gun bahut achhe dhaaran karne hain। yahaan hi sarvagun sampanna banna hai। saza khaayenge to phir pad achha nahin milega।

om shanti। naye vishwa va nai duniya ke maalik banne vaale roohaani bachchon prati roohaani baap baith samjhaate hain। yeh to bachche samajhte hain ki baap aaye hain behad ka varsa dene। ham laayak nahin the। kehte hain he prabhu main laayak nahin hoon, mujhe laayak banaao। baap bachchon ko samjhaate hain - tum manushya to ho, yeh devtaayen bhi manushya hain parantu inmen daiveegun hain। inhon ko sachcha-sachcha manushya kahenge। manushyon mein aasuri gun hote hain to chalan jaanavron misal ho jaati hai। daiveegun nahin hain, to usko aasuri gun kaha jaata hai। ab phir baap aakar tumko shreshtha devta banaate hain। sach khanda mein rahne vaale sachche-sachche manushya yeh lakshmi-naaraayan hain, inhon ko phir devta kaha jaata hai। inhon mein daiveegun hain। bhal gaate bhi hain he patit-paavan aao। parantu paavan raajaayen kaise hote hain phir patit raajaayen kaise hote hain, yeh raaz koi nahin jaante। woh hai bhakti maarga। gyaan ko to aur koi jaanta nahin। tum bachchon ko baap samjhaate hain aur aisa banaate hain। karma to yeh devtaayen bhi satayug mein karte hain parantu patit karma nahin karte hain। unmein daiveegun hain। chhi-chhi kaam na karne vaale hi svargavaasi hote hain। narkavaasi se maaya chhi-chhi kaam karaati hai। ab bhagwan baith shreshtha kaam karaate hain aur shreshtha mat dete hain ki aise chhi-chhi kaam nahin karo। shreshtha te shreshtha banne ke liye shreshtha te shreshtha mat dete hain। devtaayen shreshtha hain na। rehte bhi hain nai duniya svarga mein। yeh bhi tumhaare mein nambarvaar purooshaartha anusaar jaante hain isliye maala bhi banti hai 8 ki va 108 ki, karke 16108 ki bhi kahen, woh bhi kya hua। itne karod manushya hain, inmen 16 hajaar nikle to kya hua। quarter percent bhi nahin। baap bachchon ko kitna oonch banaate hain, roz bachchon ko samjhaate hain ki koi bhi vikarma nahin karo। tumko aisa baap mila hai to bahut khushi honi chaahiye। tum samajhte ho ki hamko behad ke baap ne adopt kiya hai। ham unke bane hain। baap hai svarga ka rachayita। to aise svarga ka maalik banne ke laayak sarvagun sampanna banna pade। yeh lakshmi-naaraayan sarvagun sampanna the। inhon ke laayki ki mahima ki jaati hai, phir 84 janmon ke baad na laayak ban jaate hain। ek janma bhi neeche utre to zara kala kam hui। aise dheere-dheere kam hoti jaati hai। jaise drama bhi joon misal chalta hai na। tum bhi dheere-dheere neeche utarte ho to 1250 varsha mein do kala kam ho jaati hain। phir raavan raajya mein jaldi-jaldi kala kam ho jaati hai। grahan lag jaata hai। jaise soorya-chaand ko bhi grahan lagta hai na। aise nahin ki chandrama sitaaron ko grahan nahin lagta hai, sabko poora grahan laga hua hai। ab baap kehte hain - yaad se hi grahan utrega। koi bhi paap nahin karo। pahla number paap hai deh-abhimaan mein aana। yeh kada paap hai। bachchon ko is ek janma ke liye hi shiksha milti hai kyonki abhi duniya ko change hona hai। phir aisi shiksha kabhi milti nahin। bairistari aadi ki shiksha to tum janma-janmaantar lete aaye hain। school aadi to sada hain hi। yeh gyaan ek baar mila, bas। gyaan saagar baap ek hi baar aate hain। woh apna aur apni rachna ke aadi-madhya-ant ki saari knowledge dete hain। baap kitna sahaj samjhaate hain - tum aatmaayen paartadhaari ho। aatmaayen apne ghar se aakar yahaan part bajaati hain। unko muktidhaam kaha jaata hai। svarga hai jeevanmukti। yahaan to hai jeevan bandh। yeh akshar bhi yathaartha reeti yaad karne hain। moksha kabhi hota nahin। manushya kehte hain moksha mil jaae arthaat aavaagman se nikal jaaen। parantu part se to nikal nahin sakte। yeh anaadi bana banaaya khel hai। world ki history-geography hoobhu repeat hoti hai। satayug mein vahi devta aayenge। phir peechhe islaami, bauddhi aadi sab aayenge। yeh human jhaad ban jaayega। inka beej oopar mein hai। baap hai manushya srishti ka beejroop। manushya srishti to hai hi parantu satayug mein bahut chhoti hoti hai phir dheere-dheere bahut vriddhi hoti jaati hai। achha, phir chhoti kaise hogi? baap aakar patit se paavan banaate hain। kitne thode paavan bante hain। koton mein koi nikalte hain। aadhaakalpa bahut thode hote hain। aadhaakalpa mein kitni vriddhi hoti hai। to sabse jaasti sampradaay un devtaaon ki honi chaahiye kyonki pahle-pahle yeh aate hain parantu aur-aur dharmon mein chale jaate hain kyoki baap ko hi bhool gaye hain। yeh hai ekaz bhool ka khel। bhoolne se kangaal ho jaate hain। bhoolte-bhoolte ekdam bhool jaate hain। bhakti bhi pahle ek ki karte hain kyonki sarva ki sadgati karne vaala ek hai phir doosre kisi ki bhakti kyon karni chaahiye। in lakshmi-naaraayan ko bhi banaane vaala to shiv hai na। krishna banaane vaala kaise hoga। yeh to ho nahin sakta। raajayog sikhlaane vaala krishna kaise hoga। woh to hai satayug ka prince। kitni bhool kar di hai। buddhi mein baithta nahin hai। ab baap kehte hain mujhe yaad karo aur daiveegun dhaaran karo। koi bhi property ka jhagda aadi hai to unko khalaas kar do। jhagda karte-karte to praan bhi nikal jaayenge। baap samjhaate hain isne chhoda to koi jhagda aadi thode hi kiya। kam mila to jaane do, uske badle kitni raajaai mil gai। baba bataate hain mujhe saakshaatkaar hua vinaash aur raajaai ka to kitni khushi hui। hamko vishwa ki baadshaahi milni hai to yeh sab kya hai। aise thode hi koi bhookh marenge। bigar paise vaale bhi pet to bharte hain na। mama ne kuchh laaya kya। kitna mama ko yaad karte hain। baap kehte hain yaad karte ho, yeh to theek hai, parantu abhi mama ke naam-roop ko yaad nahin karna hai। hamko bhi un jaisi dhaarna karni hai। ham bhi mama jaise achha bankar gaddi laayak banen। sirf mama ki mahima karne se thode hi ho jaayenge। baap to kehte hain maamekam yaad karo, yaad ki yaatra mein rehna hai। mama jaisa gyaan sunaana hai। mama ki mahima ka saboot tab ho jab tum bhi aise mahima laayak bankar dikhaao। sirf mama-mama kahne se pet nahin bharega। aur hi pet peeth se lag jaayega। shivbaaba ko yaad karne se pet bharega। is daada ko bhi yaad karne se pet nahin bharega। yaad karna hai ek ko। balihaari ek ki hai। yuktiyaan rachni chaahiye service ki। sadaiv mukh se phool niklen। agar kaante patthar nikalte hain to patthar ke patthar thahre। gun bahut achhe dhaaran karne hain। tumko yahaan sarvagun sampanna banna hai। saza khaayenge to phir pad achha nahin milega। yahaan bachche aate hain baap se direct sunne। yahaan taaja-taaja nasha baba chadhaate hain। centre par nasha chadhta hai phir ghar gaye, sambandhi aadi dekhe to khalaas। yahaan tum samajhte ham baba ke parivaar mein baithe hain। vahaan aasuri parivaar hota hai। kitne jhagde aadi rehte hain। vahaan jaane se hi kichadpatti mein jaakar padte hain। yahaan to tumko baap bhoolna nahin chaahiye। duniya mein sachchi shanti kisko bhi mil na sake। pavitrata, sukh, shanti, sampatti sivaae baap ke koi de nahin sakta। aise nahin ki baap aasheervaad karte hain - aayushvaan bhav, putravaan bhav। nahin, aasheervaad se kuchh bhi nahin milta। yeh manushyon ki bhool hai। sanyaasi aadi bhi aasheervaad nahin kar sakte। aaj aasheervaad dete, kal khud hi mar jaate। pope bhi dekho kitne hokar gaye hain। guru logon ki gaddi chalti hai, chhotepan mein bhi guru mar jaate hain phir doosra kar lete ya chhote chele ko guru bana dete hain। yeh to baapdaada hai dene vaala। yeh lekar kya karenge। baap to niraakaar hai na। lenge saakaar। yeh bhi samajhne ki baat hai। aisa kabhi nahin kehna chaahiye ki ham shivbaaba ko dete hain। nahin, hamne shivbaaba se padma liya, diya nahin। baba to tumko anginat dete hain। shivbaaba to daata hai, tum unko denge kaise? mainne diya, yeh samajhne se phir deh-abhimaan aa jaata hai। ham shivbaaba se le rahe hain। baba ke paas itne dher bachche aate hain, aakar rehte hain to prabandh chaahiye na। goya tum dete ho apne liye। unko apna thode hi kuchh karna hai। raajdhaani bhi tumko dete hain isliye karte bhi tum ho। tumko apne se bhi oonch banaata hoon। aise baap ko tum bhool jaate ho। aadhaakalpa poojya, aadhaakalpa pujaari। poojya banne se tum sukhdhaam ke maalik bante ho phir pujaari banne se duhkhadhaam ke maalik ban jaate ho। yeh bhi kisko pata nahin ki baap kab aakar svarga ki sthaapna karte hain। in baaton ko tum sangamayugi brahman hi jaante ho। baba itna achhi reeti samjhaate hain phir bhi buddhi mein nahin baithta। jaise baba samjhaate hain aise yukti se samjhaana chaahiye। purooshaartha kar aisa shreshtha banna hai। baap bachchon ko samjhaate hain bachchon mein bahut achhe daiveegun hone chaahiye। koi baat mein roothna nahin, shakla murde jaisi nahin karni hai। baap kehte hain aise koi kaam abhi nahin karo। chandi devi ka bhi mela lagta hai। chandika unko kehte hain jo baap ki mat par nahin chalti। jo duhkh deti hai, aisi chandikaaon ka bhi mela lagta hai। manushya agyaani hain na, arth thode hi samajhte hain। koi mein taakat nahin, woh to jaise khokhle hain। tum baba ko achhi reeti yaad karte ho to baap dvaara tumhein taakat milti hai। parantu yahaan rehte bhi bahuton ki buddhi baahar mein bhatakti rehti hai isliye baba kehte hain yahaan chitron ke saamne baith jaao to tumhaari buddhi ismen busy rahegi। gole par, seedhi par kisko samjhaao to bolo satayug mein bahut thode manushya hote hain। abhi to dher manushya hain। baap kehte hain main brahma ke dvaara nai duniya ki sthaapna karaata hoon, puraani duniya ka vinaash karaata hoon। aise-aise baith practice karni chaahiye। apna mukh aapehi khol sakte hain। andar mein jo chalta hai woh baahar mein bhi nikalna chaahiye। goonge to nahin ho na। ghar mein radiyaan maarne ke liye mukh khulta hai, gyaan sunaane ke liye nahin khulta! chitra to sabko mil sakte hain, himmat rakhni chaahiye - apne ghar ka kalyaan karen। apna kamra chitron se saja do to tum busy rahenge। yeh jaise tumhaari library ho jaayegi। doosron ka kalyaan karne ke liye chitra aadi laga dena chaahiye। jo aaye unko samjhaao। tum bahut service kar sakte ho। thoda bhi suna to praja ban jaayenge। baba itni unnati ki yuktiyaan batlaate hain। baap ko yaad karo to tumhaare vikarma vinaash honge। baaki ganga mein jaakar ekdam doob jaao to bhi vikarma vinaash nahin honge। yeh sab hai andhashraddha। haridvaar mein to saare shahar ka gand aakar ganga mein padta hai। saagar mein kitna gand padta hai। nadiyon mein bhi kichda padta rehta hai, usse phir paavan kaise ban sakte। maaya ne sabko bilkul besmajh bana diya hai।

baap bachchon ko hi kehte hain ki mujhe yaad karo। tumhaari aatma bulaati hai na - he patit-paavan aao। woh tumhaare shareer ka laukik baap to hai। patit-paavan ek hi baap hai। abhi ham us paavan banaane vaale baap ko yaad karte hain। jeevanmukti daata ek hi hai, doosra na koi। itni sahaj baat ka arth bhi koi samajhte nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mukh se gyaan ratna nikaalne ki practice karni hai। kabhi mukh se kaante va patthar nahin nikaalne hain। apna aur ghar ka kalyaan karne ke liye ghar mein chitra saja dene hain, us par vichaar saagar manthan kar doosron ko samjhaana hai। busy rehna hai।

2) baap se aasheervaad maangane ke bajaae unki shreshtha mat par chalna hai। balihaari shivbaaba ki hai isliye unhein hi yaad karna hai। yeh abhimaan na aaye ki hamne baba ko itna diya।

vardaan:- vishwa kalyaankaari ki oonchi stage par sthit rah vinaash leela ko dekhne vaale saakshi drishta bhav

antim vinaash leela ko dekhne ke liye vishwa kalyaankaari ki oonchi stage chaahiye। jis stage par sthit hone se deh ke sarva aakarshan arthaat sambandh, padaartha, sanskaar, prakriti ke halchal ki aakarshan samaapta ho jaati hai। jab aisi stage ho tab saakshi drishta ban oopar ki stage par sthit ho shanti ki, shakti ki kirnen sarva aatmaon ke prati de sakenge।

slogan:- eeshvareey shaktiyon se balvaan bano to maaya ka force samaapta ho jaayega।