Murli du jour du jeudi 22 octobre 2020

22-10-2020 praatahmurli om shanti "baapdaada"' madhuban

meethe bachche - “sabse meetha akshar ‘baba' hai, tumhaare mukh se sada baba-baba nikalta rahe, sabko shivbaaba ka parichay dete raho''

prashn:- satayug mein koi manushya to kya jaanvar bhi rogi nahin hote hain, kyon?

uttar:- kyonki sangamayug par baba sabhi aatmaon ka aur behad srishti ka aisa operation kar dete hain, jo rog ka naam-nishaan hi nahin rehta। baap hai avinaashi surgeon। abhi jo saari srishti rogi hai, is srishti mein phir duhkh ka naam-nishaan nahin hoga। yahaan ke duhkhon se bachne ke liye bahut-bahut bahaadur banna hai।

geet:- tumhein paake hamne…

om shanti। double bhi kah sakte hain, double om shanti। aatma apna parichay de rahi hai। main aatma shant swaroop hoon। hamaara nivaas sthaan shantidham mein hai aur baba ki ham sab santaan hain। sab aatmaayen om kehti hain, vahaan ham sab bhaai-bhaai hain phir yahaan bhaai-behen bante hain। ab bhaai-behen se naata shuru hota hai। baap samjhaate hain hamaare sab bachche hain, brahma ki bhi tum santaan ho isliye bhaai-behen thahre। tumhaara aur koi sambandh nahin। prajaapita ki santaan brahmaakumaar-kumaari hain। puraani duniya ko change karne is samay hi aate hain। baap brahma dvaara hi phir nai srishti rachte hain। brahma se bhi sambandh hai na। yukti bhi kitni achhi hai। sab brahmaakumaar-kumaari hain। apne ko aatma samajh baap ko yaad karna hai aur apne ko bhaai-behen samajhna hai। criminal aai nahin rahni chaahiye, yahaan to kumaar-kumaari jaise bade-bade hote jaate hain to aankhen criminal banti jaati hain phir criminal act kar lete hain। criminal act hoti hai raavan raajya mein। satayug mein criminal act hoti nahin। criminal akshar hi nahin hota। yahaan to criminal act bahut hai। unke liye phir court aadi bhi hain। vahaan court aadi hoti nahin। wonder hai na। na jel, na pulis, na chor aadi hote। yeh sab hain duhkh ki baaten, jo yahaan ho rahi hain isliye bachchon ko samjhaaya gaya hai, yeh to khel hai sukh aur duhkh ka, haar aur jeet ka। inko bhi tum hi samajhte ho। gaaya hua hai maaya se haare haar hai, maaya par jeet baap aakar aadhaakalpa ke liye pahnaate hain। phir aadhaakalpa haarna padta hai। yeh koi nai baat nahin। yeh to saadhaaran paai-paise ka khel hai phir tum mujhe yaad karte ho to apna raajya-bhaagya aadhaakalpa ke liye lete ho। raavanraajya mein mujhe bhool jaate ho। raavan dushman hai, unko har varsha bhaaratvaasi hi jalaate hain। jis desh mein bahut bhaaratvaasi honge vahaan bhi jalaate honge। kahenge yeh bhaarat-vaasiyon ke dharma ka utsav hai। dashahra manaate hain to bachchon ko samjhaana hai - woh to had ki baat hai। raavanraajya to abhi saare vishwa par hai। sirf lanka par nahin hai। vishwa to bahut badi hai na। baap ne samjhaaya hai yeh srishti saari saagar par khadi hai। manushya kehte hain - neeche ek bail va gau hai jinke seeng par srishti khadi hai phir thak jaate hain to badalte hain। ab yeh baat to hai nahin। prithvi to paani par khadi hai, chaaron taraph paani hi paani hai। to abhi saari duniya mein raavan raajya hai phir raam athva eeshvareey raajya sthaapan karne baap ko aana padta hai। sirf eeshvar kahne se bhi kah dete eeshvar to sarvashaktimaan hain, sab kuchh kar sakte hain। phaaltu mahima ho jaati hai। itna lav nahin rehta। yahaan eeshvar ko baap kaha jaata hai। baba kahne se varsa milne ki baat ho jaati hai। shivbaaba kehte hain hamesha baba-baba kehna chaahiye। eeshvar va prabhu aadi akshar bhool jaane chaahiye। baba ne kaha hai - maamekam yaad karo। pradarshani aadi mein bhi jab samjhaate ho to ghadi-ghadi shivbaaba ka parichay do। shivbaaba ek hi oonch te oonch hai, jisko god father kaha jaata hai। musalmaan allaah kehte hain, subah ko 10 minute baithkar kuraan ka arth karte hain ki allaah miya ne kaha hai, kisko duhkh nahin dena chaahiye। yeh nahin karna chaahiye। aise nahin samajhte ki baba ne kaha hai। baba akshar sabse meetha hai। shivbaaba, shivbaaba mukh se nikalta hai। mukh to manushya ka hi hoga। gau ka mukh thode hi ho sakta। tum ho shiv shaktiyaan। tumhaare mukh kamal se gyaan amrit nikalta hai। tumhaara naam baala karne gau mukh kah diya hai। ganga ke liye aise nahin kahenge। mukh kamal se amrit abhi nikalta hai। gyaan amrit piya to phir vish pi nahin sakte। amrit peene se tum devta bante ho। ab main aaya hoon - asuron ko devta banaane। tum abhi daivi sampradaay ban rahe ho। sangamayug kab, kaise hota hai, yeh bhi kisko pata nahin hai। tum jaante ho ham brahmaakumaar-kumaariyaan purooshottam sangamayugi hain। baaki jo bhi hain sab kaliyugi hain। tum kitne thode ho। jhaad ki bhi knowledge tumko hai। jhaad pahle chhota hota hai phir vriddhi ko paata hai। kitni invention nikaalte hain ki bachche paida kam kaise hon। parantu nar chaahat kuchh aur, bhai kuchh aure ki aur। sabki mrityu to honi hi hai। abhi phasal bahut achhi hogi, aai barsaat, kitna nuksaan kar deti hai। natural calamities ko to koi samajh na sake। koi baat ka thikaana thode hi hai। kahaan phasal ho aur barpha ke ole pad jaaen to kitna nuksaan ho padta। baarish na padi to bhi nuksaan, inko kudarti aapdaayen kaha jaata hai। yeh to dher hone vaali hain, inse bachne ke liye bahut bahaadur hona chaahiye। koi ka operation hota hai, to kai woh dekh nahin sakte hain, dekhte hi unconscious ho jaate hain। abhi is saari chhi-chhi srishti ka operation hona hai। baap kehte hain main aakar sabka operation karta hoon। saari srishti rogi hai। avinaashi surgeon bhi baap ka naam hai। woh saare vishwa ka operation kar denge, jo phir vishwa mein rahne vaalon ko kabhi duhkh nahin hoga। kitna bada surgeon hai। aatmaon ka bhi operation, behad srishti ka bhi operation karne vaala hai। vahaan manushya to kya jaanvar bhi rogi nahin hote hain। baap samjhaate hain mera aur bachchon ka kya part hai। isko kehte hain rachna ke aadi-madhya-ant ka gyaan jo tum hi le rahe ho। bachchon ko pahle-pahle to yeh khushi honi chaahiye।

aaj satguroovaar hai, hamesha sat bolna chaahiye। vyaapaar mein bhi kehte hain na - sat bolo। thagi ki baat nahin karo। phir bhi lobh mein aakar kuchh jaasti daam bataakar sauda kar denge। sach to kabhi koi bolte nahin। jhooth hi jhooth bolte hain isliye sat ko yaad karte hain। kehte hain na - sat naam sang hai। abhi tum jaante ho baba jo satya hai wahin sang chalenge, ham aatmaon ke। abhi sat ke saath tum aatmaon ka sang hua hai to tum hi saath jaayenge। tum bachche jaante ho shivbaaba aaya hua hai, jisko truth kaha jaata hai। woh ham aatmaon ko pavitra banaakar saath le jaayenge ek hi baar। satayug mein aise nahin kehte hain ki raam-raam sang hai ya sat naam sang hai। nahin। baap kehte hain abhi main tum bachchon ke paas aaya hoon, naynon par bithaae le jaata hoon। yeh nain nahin, teesra netra। tum jaante ho is samay baap aaye hain - saath le jaayenge। shankar ki baraat nahin, yeh shiv ke bachchon ki baraat hai। woh patiyon ka pati bhi hai। kehte hain tum sab brides ho। main hoon bridegroom। tum sab aashik ho, main hoon maashook। maashook ek hi hota hai na। tum aadhaakalpa se mujh maashook ke aashik ho। abhi main aaya hoon sab bhaktiyaan hain। bhakton ki raksha karne vaala hai bhagwan। aatma bhakti karti hai shareer ke saath। satayug-treta mein bhakti hoti nahin। bhakti ka phal satayug mein bhogte ho, jo ab bachchon ko de rahe hain। woh tumhaara maashook hai, jo tumko saath le jaayenge phir tum apne purooshaartha anusaar jaakar raajya-bhaagya lenge। yeh kahaan bhi likha nahin hai। kehte hain shankar ne paarvati ko amraktha sunaai। tum sab ho paarvatiyaan। main hoon katha sunaane vaala amarnaath। amarnaath ek ko hi kaha jaata hai। oonch te oonch baap hain, unko to apni deh nahin hai, kehte hain main amarnaath tum bachchon ko amraktha sunaata hoon। shankar-paarvati yahaan kahaan se aaye। woh to hain hi sookshm vatan mein, jahaan soorya-chaand ki bhi roshni nahin rehti।

satya baap abhi tumko satya katha sunaate hain। baap bigar sachchi katha koi suna na sake। yeh bhi samajhte ho vinaash hone mein time lagta hai। kitni badi duniya hai, kitne dher makaan aadi girkar khatma honge। arth-quake mein kitna nuksaan hota hai। kitne marte hain। baaki tumhaara chhota jhaad hoga। dehli paristaan ban jaayegi। ek hi paristaan mein lakshmi-naaraayan ka raajya chalta hai। kitne bade-bade mahal bante honge। behad ki jaageer milti hai। tumko kuchh kharcha nahin karna padta hai। baba kehte hain inki (brahma ki) life mein hi kitna sasta anaaj tha। to satayug mein kitna sasta hoga। dehli jitne to ek-ek ke ghar aur jameen aadi hogi। meethi nadiyon par tumhaara raajya chalega। ek-ek ko kya nahin hoga। sada anna milta rahega। vahaan ke phal-phool bhi dekhte ho, kitne bade-bade hote hain। tum shoobeeras peekar aate ho। kehte the vahaan maali hai। ab maali to zaroor baikuntha mein athva nadi kinaare hoga। vahaan kitne thode honge। kahaan abhi itne karod, kahaan 9 laakh honge aur sab kuchh tumhaara hoga। baap aisi raajaai dete hain jo hamse koi chheen na sake। aasmaan, dharti aadi sabke maalik tum rehte ho। geet bhi bachchon ne suna। aise-aise geet 6-8 hain jo sunne se hi khushi ka paara chadh jaata hai। dekho avastha mein kuchh gadbad hai, to geet baja lo। yeh hai khushi ke geet। tum to arth bhi jaante ho। baba bahut yuktiyaan batlaate hain apne ko harshitmukh banaane ki। baba ko likhte hain baba itni khushi nahin rehti hai। maaya ke toofaan aate hain। are maaya ke toofaan aaye - tum baaja baja lo। khushi ke liye bade-bade mandiron mein bhi phaatak par baaja bajta rehta hai। baambe mein maadhavbaag mein lakshmi-naaraayan ke mandir ke phaatak par bhi baaja bajta rehta hai। tumko kehte hain - yeh philmi record kyon bajaate hain। unko kya pata yeh bhi drama anusaar kaam mein aane ki cheez hai। inka arth to tum bachche samajhte ho। yeh sunne se bhi khushi mein aa jaayenge। parantu bachche bhool jaate hain। ghar mein kisko gami hoti hai to bhi geet sunkar bade khush honge। yeh bahut valuable cheez hai। koi ke ghar mein jhagda chalta hai - bolo, bhagvaanuvaach kaam mahaashatru hai। in par jeet paane se ham vishwa ke maalik banenge phir phoolon ki varsha hogi, jayjaykaar ho jaayegi। sone ke phool barsenge। tum abhi kaante se sone ke phool ban rahe ho na। phir tumhaara avatran hoga, phool nahin baraste lekin tum phool bankar aate ho। manushya samajhte hain sone ke phool baraste hain। ek raajkumaar vilaayat mein gaya, vahaan party di thi, unke liye sone ke phool banvaaye। sabke oopar varsha ki। khushi ke maare itni khaatiri ki। sachche-sachche sone ke banaaye। baba unki state aadi ko bhi achhi reeti jaante hain। vaastav mein tum phool bankar aate ho। sone ke phool tum oopar se utarte ho। tum bachchon ko kitni lottery mil rahi hai vishwa ke baadshaahi ki। jaise laukik baap bachchon ko kehte hain - tumhaare liye yeh laaya hoon to bachche kitna khush hote hain। baba bhi kehte hain tumhaare liye bahishta laaya hoon। tum vahaan raajya karenge to kitni khushi honi chaahiye। koi ko chhoti saugaat dete hain to kehte hain baba aap to hamko vishwa ki baadshaahi dete ho, yeh saugaat kya hai। are shivbaaba ki yaadgaar saath rahegi to shivbaaba ki yaad rahegi aur tumko padma mil jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sat ke sang vaapas jaana hai isliye sada sachcha hokar rehna hai। kabhi bhi jhooth nahin bolna hai।

2) ham brahma baba ke bachche aapas mein bhaai-behen hain, isliye koi bhi criminal act nahin karni hai। bhaai-bhaai aur bhaai-behen ke sivaae aur kisi sambandh ka bhaan na rahe।

vardaan:- lok pasanda sabha ki ticket book karne vaale raajya sinhaasan adhikaari bhav

koi bhi sankalp ya vichaar karte ho to pahle check karo ki yeh vichaar va sankalp baap pasanda hai? jo baap pasanda hai woh lok pasanda svatahban jaate hain। yadi kisi bhi sankalp mein svaartha hai to man pasanda kahenge aur vishwa kalyaanaartha hai to lokapsanda va prabhu pasanda kahenge। lok pasanda sabha ke member banna arthaat la and order ka raajya adhikaar va raajya sinhaasan praapta kar lena।

slogan:- parmaatma saath ka anubhav karo to sab kuchh sahaj anubhav karte hue safe rahenge।