Murli du jour du vendredi 30 octobre 2020

30-10-2020 praatahmurli om shanti "baapdaada"' madhuban

“meethe bachche - tumhein ek baap se ek mat milti hai, jise advet mat kehte hain, isi advet mat se tumhein devta banna hai''

prashn:- manushya is bhool bhulaiya ke khel mein sabse mukhya baat kaun si bhool gaye hain?

uttar:- hamaara ghar kahaan hai, uska raasta hi is khel mein aakar bhool gaye hain। pata hi nahin hai ki ghar kab jaana hai aur kaise jaana hai। abhi baap aaye hain tum sabko saath le jaane। tumhaara abhi purooshaartha hai vaani se pare sweet hom mein jaane ka।

geet:- raat ke raahi thak mat jaana…

om shanti। geet ka arth aur koi samajh na sake, drama plan anusaar। koi-koi geet aise bane hue hain, manushyon ke, jo tumhein madad karte hain। bachche samajhte hain abhi ham so devi-devta ban rahe hain। jaise woh padhaai padhne vaale kahenge ham so doctor, barrister ban rahe hain। tumhaari buddhi mein hai ham so devta ban rahe hain - nai duniya ke liye। yeh sirf tumhein hi khyaal aata hai। amarlok, nai duniya satayug ko hi kaha jaata hai। abhi to na satayug hai, na devtaaon ka raajya hai। yahaan to ho nahin sakta। tum jaante ho yeh chakra ghoomkar abhi ham kaliyug ke bhi ant mein aakar pahunche hain। aur koi ki bhi buddhi mein chakra nahin aayega। woh to satayug ko laakhon varsha de dete hain। tum bachchon ko yeh nishchay hai - barobar yeh 5 hazaar varsha baad chakra phirta rehta hai। manushya 84 janma hi lete hain, hisaab hai na। is devi-devta dharma ko advet dharma bhi kaha jaata hai। advet shaastra bhi maana jaata hai। woh bhi ek hi hai, baaki to anek dharma hain, shaastra bhi anek hain। tum ho ek। ek dvaara ek mat milti hai। usko kaha jaata hai advet mat। yeh advet mat tumko milti hai। devi-devta banne ke liye yeh padhaai hai na isliye baap ko gyaan saagar, knowledgeful kaha jaata hai। bachche samajhte hain hamko bhagwan padhaate hain, nai duniya ke liye। yeh bhoolna nahin chaahiye। school mein student kabhi teacher ko bhoolte hain kya? nahin। grihastha vyavhaar mein rahne vaale bhi jaasti position paane ke liye padhte hain। tum bhi grihastha vyavhaar mein rehte hue padhte ho, apni unnati karne ke liye। dil mein yeh aana chaahiye ham behad ke baap se padh rahe hain। shivbaaba bhi baba hai, prajaapita brahma bhi baba hai। prajaapita brahma aadi dev naam baala hai। sirf past ho gaye hain। jaise gaandhi bhi past ho gaye hain। unko baapu ji kehte hain parantu samajhte nahin, aise hi kah dete hain। yeh shivbaaba sach-sach hai, brahma baba bhi sach-sach hai, laukik baap bhi sach-sach hota hai। baaki mayor aadi ko to aise hi baapu kah dete hain। woh sab hain artificial। yeh hai real। paramatma baap aakar aatmaon ko prajaapita brahma dvaara apna banaate hain। unke to zaroor dher bachche honge। shivbaaba ki to sab santaan hain, unko sab yaad karte hain। phir bhi koi-koi unko bhi nahin maante, pakke naastik hote hain - jo kehte hain yeh sankalp ki duniya bani hui hai। abhi tumko baap samjhaate hain, yeh buddhi mein yaad rakho - ham padh rahe hain। padhaane vaala hai shivbaaba। yeh raat-din yaad rehna chaahiye। yahi maaya ghadi-ghadi bhula deti hai, isliye yaad karna hota hai। baap, teacher, guru teenon ko bhool jaate hain। hai bhi ek hi phir bhi bhool jaate hain। raavan ke saath ladaai ismen hai। baap kehte hain - he aatmaayen, tum satopradhaan thi, abhi tamopradhaan bani ho। jab shantidham mein thi to pavitra thi। purity ke bigar koi aatma oopar mein rah nahin sakti isliye sab aatmaayen patit-paavan baap ko bulaati rehti hain। jab sabhi patit tamopradhaan ban jaate hain tab baap aakar kehte hain main tumko satopradhaan banaata hoon। tum jab shantidham mein the to vahaan sab pavitra the। apvitra aatma vahaan koi rah na sake। sabko sazaayen bhogkar pavitra zaroor banna hai। pavitra banne bigar koi vaapis ja na sake। bhal koi kah dete hain brahm mein leen hua, phalaana jyoti jyot samaaya। yeh sab hai bhakti maarga ki anek maten। tumhaari yeh hai advet mat। manushya se devta to ek baap hi bana sakte hain। kalpa-kalpa baap aate hain padhaane। unki act hoobhu kalpa pahle muaaphik hi chalti hai। yeh anaadi bana-banaaya drama hai na। srishti chakra phirta rehta hai। satayug, treta, dvaapar, kaliyug phir hai yeh sangamayug। mukhya dharma bhi yeh hai Deityism, Islamism, Buddhism, Christianism arthaat jismen raajaai chalti hai। braahmanon ki raajaai nahin hai, na kaurvon ki raajaai hai। abhi tum bachchon ko ghadi-ghadi yaad karna hai - behad ke baap ko। tum braahmanon ko bhi samjha sakte ho। baba ne bahut baar samjhaaya hai - pahle-pahle brahman choti hain, brahma ki vanshaavli pahle-pahle tum ho। yeh tum jaante ho phir bhakti-maarga mein ham hi poojya se pujaari ban jaate hain। phir abhi ham poojya ban rahe hain। woh brahman grihasthi hote hain, na ki sannyaasi। sannyaasi hathayogi hain, gharbaar chhodna hath hai na। hathayogi bhi anek prakaar ke yog sikhaate hain। jaypur mein hathayogiyon ka bhi museum hai। raajayog ke chitra hain nahin। raajayog ke chitra hain hi yahaan delvaada mein। inka museum to hai nahin। hathayog ke kitne museum hain। raajayog ka mandir yahaan bhaarat mein hi hai। yeh hai chaitanya। tum yahaan chaitanya mein baithe ho। manushyon ko kuchh bhi pata nahin ki svarga kahaan hai। delvaada mandir mein neeche tapasya mein baithe hain, poora yaadgaar hai। zaroor svarga oopar hi dikhaana pade। manushya phir samajh lete ki svarga oopar mein hai। yeh to chakra phirta rehta hai। aadhaakalpa ke baad svarga phir neeche chala jaayega phir aadhaakalpa svarga oopar aayega। inki aayu kitni hai, koi jaante nahin। tumko baap ne saara chakra samjhaaya hai। tum gyaan lekar oopar jaate ho, chakra poora hota hai phir nayesir chakra shuru hoga। yeh buddhi mein chalna chaahiye। jaise woh knowledge padhte hain to buddhi mein kitaab aadi sab yaad rehte hain na। yeh bhi padhaai hai। yeh bharpoor rehna chaahiye, bhoolna nahin chaahiye। yeh padhaai boodhe, javaan, bachche aadi sabko hak hai padhne ka। sirf alpha ko jaanna hai। alpha ko jaan liya to baap ki property bhi buddhi mein aa jaayegi। jaanvar ko bhi bachche aadi sab buddhi mein rehte hain। jangal mein jaayenge to bhi ghar aur bachhde yaad aate rahenge। aapehi dhoondhakar aa jaate hain। ab baap kehte hain bachche maamekam yaad karo aur apne ghar ko yaad karo। jahaan se tum aaye ho part bajaane। aatma ko ghar bahut pyaara lagta hai। kitna yaad karte hain parantu raasta bhool gaye hain। tumhaari buddhi mein hai, ham bahut door rehte hain। parantu vahaan jaana kaise hota hai, kyon nahin ham ja sakte hain, yeh kuchh bhi pata nahin hai, isliye baba ne bataaya tha bhool-bhulaiya ka khel bhi banaate hain, jahaan se jaayen darvaaja banda। abhi tum jaante ho is ladaai ke baad svarga ka darvaaja khulta hai। is mrityulok se sab jaayenge, itne sab manushya nambarvaar dharma anusaar aur part anusaar jaakar rahenge। tumhaari buddhi mein yeh sab baaten hain। manushya brahm tatva mein jaane ke liye kitna maatha maarte hain। vaani se pare jaana hai। aatma shareer se nikal jaati hai to phir aavaaz nahin rehta। bachche jaante hain hamaara to woh sweet hom hai। phir devtaaon ki hai sweet raajdhaani, advet raajdhaani।

baap aakar raajayog sikhlaate hain। saari knowledge samjhaate hain, jiske phir bhakti mein shaastra aadi baith banaaye hain, abhi tumko woh shaastra aadi nahin padhna hai। un school mein budhiyaan aadi nahin padhti। yahaan to sab padhte hain। tum bachche amarlok mein devta ban jaate ho, vahaan koi aise akshar nahin bole jaate hain, jisse kisi ki glaani ho। abhi tum jaante ho svarga past ho gaya hai, unki mahima hai। kitne mandir banaate hain। unse poochho - yeh lakshmi-naaraayan kab hokar gaye hain? kuchh bhi pata nahin hai। abhi tum jaante ho hamko apne ghar jaana hai। bachchon ko samjhaaya hai - om ka arth alag hai aur so ham ka arth alag hai। unhonne phir om, so ham so ka arth ek kar diya hai। tum aatma shantidham mein rahne vaali ho phir aati ho part bajaane। devta, kshatriy, vaishya, shoodra bante hain। om arthaat ham aatma। kitna farka hai। woh phir donon ko ek kar dete hain। yeh buddhi se samajhne ki baaten hain। koi poori reeti samajhte nahin hain to phir jhutka khaate rehte hain। kamaai mein kabhi jhutka nahin khaate hain। woh kamaai to hai alpakaal ke liye। yeh to aadhaakalpa ke liye hai। parantu buddhi aur taraph bhatakti hai to phir thak jaate hain। ubaasi dete rehte hain। tumko aankhen banda karke nahin baithna chaahiye। tum to jaante ho aatma avinaashi hai, shareer vinaashi hai। kaliyugi narkavaasi manushyon ko dekhne aur tumhaare dekhne mein bhi raat-din ka farka ho jaata hai। ham aatma baap dvaara padhte hain। yeh koi ko pata nahin। gyaan saagar parampita paramatma aakar padhaate hain। ham aatma sun rahi hain। apne ko aatma samajh baap ko yaad karne se vikarma vinaash honge। tumhaari buddhi oopar chali jaayegi। shivbaaba hamko knowledge suna rahe hain, ismen bahut refine buddhi chaahiye। refine buddhi karne ke liye baap yukti bataate hain - apne ko aatma samajhne se baap zaroor yaad aayega। apne ko aatma samajhte hi isliye hain ki baap yaad pade, sambandh rahe jo saara kalpa toota hai। vahaan to hai praalabdha sukh hi sukh, duhkh ki baat nahin। unko heaven kehte hain। heavenly god father hi heaven ka maalik banaate hain। aise baap ko bhi kitna bhool jaate hain। baap aakar bachchon ko adopt karte hain। maarvaadi log bahut adopt karte hain to unko khushi hogi na - main saahookaar ki god mein aaya hoon। saahookaar ka bachcha gareeb ke paas kabhi nahin jaayega। yeh prajaapita brahma ke bachche hain to zaroor mukh vanshaavli honge na। tum brahman ho mukh vanshaavli। woh hain kukh vanshaavli। is pharka ko tum jaante ho। tum jab samjhaao tab mukh vanshaavli banen। yeh adoption hai। stri ko samajhte hain meri stri। ab stri kukh vanshaavli hai ya mukh vanshaavli? stri hai hi mukh vanshaavli। phir jab bachche hote hain, woh hain kukh vanshaavli। baap kehte hain yeh sab hain mukh vanshaavli, meri kahne se meri bani na। mere bachche hain, yeh kahne se nasha chadhta hai। to yeh hain sab mukh vanshaavli, aatmaayen thode hi mukh vanshaavli hain। aatma to anaadi-avinaashi hai। tum jaante ho yeh manushya srishti kaise transfer hoti hai। points to bachchon ko bahut milti hain। phir bhi baba kehte hain - aur kuchh dhaarna nahi hoti hai, mukh nahin chalta hai to achha tum baap ko yaad karte raho to tum bhaashan aadi karne vaalon se oonch pad pa sakte ho। bhaashan karne vaale koi samay toofaan mein gir padte hain। woh gire nahin, baap ko yaad karte rahen to jaasti pad pa sakte hain। sabse jaasti jo vikaar mein girte hain to 5 maar (manzil) se girne se hadgud toot jaate hain। paanchavi manzil hai - deh-abhimaan। chauthi manzil hai kaam phir utarte aao। baap kehte hain kaam mahaashatru hai। likhte bhi hain baba ham gir pade। krodh ke liye aise nahin kahenge ki ham gir pade। kaala munh karne se badi chot lagti hai phir doosre ko kah na saken ki kaam mahaashatru hai। baba baar-baar samjhaate hain - criminal aankhon ki bahut sambhaal karni hai। satayug mein nangan hone ki baat hi nahin। criminal aai hoti nahin। civil aai ho jaati hai। woh hai sivileeyan raajya। is samay hai criminal duniya। abhi tumhaari aatma ko civilize milti hai, jo 21 janma kaam deti hai। vahaan koi bhi criminal nahin bante। ab mukhya baat baap samjhaate hain baap ko yaad karo aur 84 ke chakra ko yaad karo। yeh bhi wonder hai jo shri naaraayan hai vahi ant mein aakar bhaagyashaali rath bante hain। unmein baap ki praveshta hoti hai to bhaagyashaali bante hain। brahma so vishnu, vishnu so brahma, yeh 84 janmon ki history buddhi mein rahni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki yaad se buddhi ko refine banaana hai। buddhi padhaai se sada bharpoor rahe। baap aur ghar sada yaad rakhna hai aur yaad dilaana hai।

2) is antim janma mein criminal aai ko samaapta kar civil aai banaani hai। criminal aankhon ki badi sambhaal rakhni hai।

vardaan:- yaad aur seva ke balance dvaara chadhti kala ka anubhav karne vaale raajya adhikaari bhav

yaad aur seva ka balance hai to har kadam mein chadhti kala ka anubhav karte rahenge। har sankalp mein seva ho to vyartha se chhoot jaayenge। seva jeevan ka ek ang ban jaae, jaise shareer mein sab ang zaroori hain vaise brahman jeevan ka vishesh ang seva hai। bahut seva ka chance milna, sthaan milna, sang milna yeh bhi bhaagya ki nishaani hai। aise seva ka golden chance lene vaale hi raajya adhikaari bante hain।

slogan:- parmaatma pyaar ki paalna ka swaroop hai - sahajyogi jeevan।