Murli du jour du jeudi 29 octobre 2020

29-10-2020 praatahmurli om shanti "baapdaada"' madhuban

“meethe bachche - tum abhi kaante se phool bane ho, tumhein hamesha sabko sukh dena hai, tum kisi ko bhi duhkh nahin de sakte ho''

prashn:- achhe first class purooshaarthi bachche kaun se bol khule dil se bolenge?

uttar:- baba ham to paas with honour hokar dikhaayenge। aap bephikra raho। unka register bhi achha hoga। unke mukh se kabhi bhi yeh bol nahin niklenge ki abhi to ham purooshaarthi hain। purushaartha kar aisa mahaaveer banna hai jo maaya jara bhi hila na sake।

om shanti। meethe-meethe roohaani bachche roohaani baap dvaara padh rahe hain। apne ko aatma samajhna chaahiye। niraakaar baap ke ham niraakaari bachche aatmaayen padh rahe hain। duniya mein saakaari teacher hi padhaate hain। yahaan hai niraakaar baap, niraakaar teacher, baaki inki koi value nahin। shivbaaba behad ka baap aakar inko value dete hain। most valuable hai shivbaaba, jo svarga ki sthaapna karte hain। kitna oonch kaarya karte hain। jitna baap oonch te oonch gaaya jaata hai, utna hi bachchon ko bhi oonch banna hai। tum jaante ho sabse oonch hai baap। yeh bhi tumhaari buddhi mein hai ki barobar, abhi svarga ki raajaai sthaapan ho rahi hai, yeh hai sangamayug। satayug aur kaliyug ka beech, purooshottam banne ka sangamayug। purooshottam akshar ka arth bhi manushya nahin jaante। oonch te oonch so phir neech te neech bane hain। patit aur paavan mein kitna farka hai। devtaaon ke jo pujaari hote hain, woh khud varnan karte hain, aap sarvagun sampanna… vishwa ke maalik। ham vishay vaitarni nadi mein gota khaane vaale hain। kahne maatra sirf kehte hain, samajhte thode hi hain। drama vichitra wonderful hai। aisi-aisi baaten tum kalpa-kalpa sunte ho। baap aakar samjhaate hain। jinka baap ke saath poora lav hai unko bahut kashish hoti hai। ab aatma baap ko kaise mile? milna hota hai saakaar mein, niraakaari duniya mein to kashish ki baat hi nahin। vahaan to hain hi sab pavitra। kat nikli hui hai। kashish ki baat nahin। lav ki baat yahaan hoti hai। aise baba ko to ekdam pakad lo। baba aap to kamaal karte ho। aap hamaari jeevan aisi banaate ho। bahut lav chaahiye। lav kyon nahin hai kyonki kat chadhi hui hai। yaad ki yaatra ke sivaae kat niklegi nahin, itne lovely nahin bante hain। tum phoolon ko to yahaan hi khilna hai, phool banna hai। tab phir vahaan janma-janmaantar phool bante ho। kitni khushi honi chaahiye - ham kaante se phool ban rahe hain। phool hamesha sabko sukh dete hain। phool ko sab apni aankhon par rakhte hain, unse khushbu lete hain। phoolon ka itra banaate hain। gulaab ka jal banaate hain। baap tumko kaanton se phool banaate hain। to tum bachchon ko khushi kyon nahin hoti hai! baba to wonder khaate hain, shivbaaba hamko svarga ka phool banaate hain! phool bhi puraana hota hai, to phir ekdam murjha jaata hai। tumhaari buddhi mein hai abhi ham manushya se devta bante hain। tamopradhaan manushya aur satopradhaan devtaaon mein kitna farka hai। yeh bhi sivaae baap ke aur koi samjha na sake।

tum jaante ho ham devta banne ke liye padh rahe hain। padhaai mein nasha rehta hai na। tum bhi samajhte ho ham baba dvaara padhkar vishwa ke maalik bante hain। tumhaari padhaai hai for future। future ke liye padhaai kab suni hai? tum hi kehte ho ham padhte hain nai duniya ke liye। naye janma ke liye। karma-akarma-vikarma ki gati bhi baap samjhaate hain। geeta mein bhi hai parantu unka arth geeta vaalon ko thode hi aata hai। abhi baap dvaara tumne jaana hai ki satayug mein karma akarma ho jaata hai phir raavan raajya mein karma vikarma hona shuru hote hain। 63 janma tum aise karma karte aaye ho। vikarmon ka bojha sir par bahut hai। sab paap aatmaayen ban gaye hain। ab woh past ke vikarma kaise katenge। tum jaante ho pahle satopradhaan the phir 84 janma lete hain। baap ne drama ki pahchaan di hai। jo pahle-pahle aayenge, pahle-pahle jinka raajya hoga vahi 84 janma lenge। phir baap aakar raajya-bhaagya dega। abhi tum raajya le rahe ho। samajhte ho hamne kaise 84 ka chakra lagaaya hai। ab phir pavitra banna hai। baba ko yaad karte-karte aatma pavitra ho jaayegi phir yeh puraana shareer khatma ho jaayega। bachchon ko apaar khushi honi chaahiye। yeh mahima to kabhi bhi kahaan nahin suni ki baap, baap bhi hai, teacher bhi hai, guru bhi hai। so bhi teenon hi oonch te oonch hain। sat baap, sat teacher, satguru teenon ek hi hain। abhi tumko bhaasna aati hai। baba jo gyaan ka saagar hai, sabhi aatmaon ka baap hai, woh hamko padha rahe hain। yukti rach rahe hain। magazine mein bhi achhi-achhi points nikalti rehti hain। ho sakta hai rangeen chitron ki bhi magazine nikle। sirf akshar chhote-chhote ho jaate hain। chitra to bane hue hain। kahaan bhi koi bana sakte hain। oopar se lekar har ek chitra ka occupation tum jaante ho। shivbaaba ka bhi occupation tum jaante ho। bachche baap ka occupation zaroor baap dvaara hi jaanenge na। tum kuchh bhi nahin jaante the। chhote bachche padhaai se kya jaanen। 5 varsha ke baad padhna shuru karte hain। phir padhte-padhte kai varsha lag jaate hain, oonch imtahaan paas karne mein। tum ho kitne saadhaaran aur bante kya ho! vishwa ke maalik। tumhaara kitna shrringaar hoga। golden spoon in mouth। vahaan ka to gaayan hi hai। abhi bhi koi achhe bachche shareer chhodte hain to bahut achhe ghar mein janma lete hain। to golden spoon in mouth milta hai। in advance to jaayenge na koi paas। nirvikaari ke paas to pahle-pahle janma shreekrishna ko hi lena hai। baaki to jo bhi jaayenge woh vikaari paas hi janma lenge। parantu garbha mein itni sazaayen nahin bhogenge। bade achhe ghar mein janma lenge। sazaayen to kat gai, baaki karke thodi hongi। itna duhkh nahin hoga। aage chal dekhna tumhaare paas bade-bade ghar ke bachche prince-princess kaise aate hain। baap tumhaari kitni mahima karte hain। tumko ham apne se bhi oonch banaata hoon। jaise koi laukik baap bachchon ko sukhi banaate hain। 60 varsha hue bas khud vaanaprastha mein chale jaate hain, bhakti mein lag jaate hain। gyaan to koi de na sake। gyaan se sarva ki sadgati main karta hoon। tumhaare nimitta sabka kalyaan ho jaata hai kyonki tumhaare liye zaroor nai duniya chaahiye। tum kitne khush hote ho। ab vegetarian ki conference mein bhi tum bachchon ko nimantran mila hua hai। baba to kehte rehte hain himmat karo। dehli jaise shahar mein to ekdam aavaaz phail jaae। duniya mein andhashraddha ki bhakti bahut hai। satayug-treta mein bhakti ki koi baat hoti nahin। woh department alag hai। aadhaakalpa gyaan ki praalabdha hoti hai। tumko 21 janma ka varsa milta hai, behad ke baap se। phir 21 peedhi tum sukhi rehte ho। budhaape tak duhkh ka naam nahin rehta। full aayu sukhi rehte ho। jitna varsa paane ka purooshaartha karenge utna oonch pad paayenge। to purooshaartha poora karna chaahiye। tum dekhte ho nambarvaar maala kaise banti hai। purooshaartha anusaar hi banegi। tum ho student, wonderful। school mein bhi bachchon ko daudaate hain na nishaan tak। baba bhi kehte hain tumko nishaan tak daudkar phir yahaan hi aana hai। yaad ki yaatra se tum daudkar jaao phir tum number one mein aa jaayenge। mukhya hai yaad ki yaatra। kehte hain - baba ham bhool jaate hain। are baap itna tumko vishwa ka maalik banaate hain, unko tum bhool jaate ho। bhal toofaan to aayenge। baap himmat dilaayenge na। saath-saath kehte hain yeh yuddha-sthal hai। yuddhishthir bhi vaastav mein baap ko kehna chaahiye jo yuddha sikhlaate hain। yuddhishthir baap tumko sikhlaate hain - maaya se tum yuddha kaise kar sakte ho। is samay yuddha ka maidaan hai na। baap kehte hain - kaam mahaashatru hai, un par jeetne se tum jagat jeet banenge। tumko mukh se kuchh bhi japna, karna nahin hai, chup rehna hai। bhakti maarga mein kitni mehnat karte hain। andar raam-raam japte hain, usko hi kaha jaata hai naudha bhakti। tum jaante ho baba hamko apni maala ka bana rahe hain। tum roodra maala ke manke banne vaale ho jisko phir poojenge। roodra maala aur roonda maala ban rahi hai। vishnu ki maala ko roonda kaha jaata hai। tum vishnu ke gale ka haar bante ho। kaise banenge? jab daudi mein win karenge। baap ko yaad karna hai aur 84 ke chakra ko jaanna hai। baap ki yaad se hi vikarma vinaash honge। tum kaise light house ho। ek aankh mein muktidhaam, ek mein jeevanmuktidhaam। is chakra ko jaanne se tum chakravarti raaja, sukhdhaam ke maalik ban jaayenge। tumhaari aatma kehti hai - abhi ham aatmaayen jaayenge apne ghar। ghar ko yaad karte-karte jaayenge। yeh hai yaad ki yaatra। tumhaari yaatra dekho kaisi first class hai। baba jaante hain ham aise baithe-baithe ksheersaagar mein jaayenge। vishnu ko ksheer saagar mein dikhaate hain na। baap ko yaad karte-karte ksheer saagar mein chale jaayenge। ksheer saagar abhi to hai nahin। jinhon ne talaav banaaya hai zaroor ksheer daala hoga। aage to ksheer (doodh) bahut sasta tha। ek paise ka lota bharkar aata tha। to kyon nahin talaav bharta hoga। abhi to ksheer hai kahaan। paani hi paani ho gaya hai। baba ne nepaal mein dekha hai - bahut bada vishnu ka chitra hai। saanvara hi banaaya hai। abhi tum vishnupuri ke maalik ban rahe ho - yaad ki yaatra se aur svadarshan chakra phiraane se। daiveegun bhi yahaan dhaaran karne hain। yeh hai purooshottam sangamayug। padhte-padhte tum purooshottam ban jaayenge। aatma ka kanishtapna chhoot jaayega। baba roz-roz samjhaate hain - nasha chadhna chaahiye। kehte hain baba purooshaartha kar rahe hain। are khule dil se bolo na - baba ham to paas with honour hokar dikhaayenge। aap phikar mat karo। first class bachche jo achhi reeti padhte hain, unka register bhi achha hoga। baba ko kehna chaahiye - baba aap bephikar raho, ham aisa bankar dikhaayenge। baba bhi jaante hain na, bahut teachers badi first class hain। sab to first class nahin ban sakte। achhe-achhe teachers ek do ko bhi jaante hain। sabko mahaarthiyon ki line mein nahin la sakte। achhe bade-bade centres kholo to bade-bade aadmi aayenge। kalpa pahle bhi hundi bhari thi। saanvalshaah baba hundi zaroor bharenge। donon baap bachdevaal hain। prajaapita brahma ke kitne bachche hain। koi gareeb, koi saadhaaran, koi saahookaar, kalpa pahle bhi inke dvaara raajaai sthaapan hui thi, jisko daivi raajasthaan kaha jaata tha। ab to aasuri raajasthaan hai। saari vishwa daivi raajasthaan thi, itne khanda the nahin। yahi dehli jamuna ka kantha tha, unko paristaan kaha jaata hai। vahaan ki nadiyaan aadi uchhalti thode hi hain। abhi to kitni uchhalti hain, dam phat padte hain। prakriti ke jaise ham daas ban gaye hain। phir tum maalik ban jaayenge। vahaan maaya ki taakat nahin rehti hai jo beijjati kare। dharti ki taakat nahin jo hil sake। tumko bhi mahaaveer banna chaahiye। hanoomaan ko mahaaveer kehte hain na। baap kehte hain tum sab mahaaveer ho। mahaaveer bachche kabhi hil na saken। mahaaveer mahaaveerni ke mandir bane hue hain। chitra itne thode hi sabke rakhenge। model roop mein banaaya hua hai। abhi tum bhaarat ko svarga bana rahe ho to kitni khushi honi chaahiye। kitne achhe gun hone chaahiye। avgunon ko nikaalte jaao। sadaiv harshit rehna hai। toofaan to aayenge। toofaan aayen tab to mahaaveerni ki taakat dekhne mein aaye। tum jitna majboot banenge utna toofaan aayenge। abhi tum purooshaartha kar mahaaveer ban rahe ho, nambarvaar purooshaartha anusaar। gyaan ka saagar baap hi hai। baaki sab shaastra aadi hain bhakti maarga ki saamagri। tumhaare liye hai - purooshottam sangamayug। krishna ki aatma yahaan hi baithi hai। bhaageerath yeh hai। aise tum sab bhaageerath ho, bhaagyashaali ho na। bhakti maarga mein baap to koi ka bhi saakshaatkaar kara sakte hain। is kaaran manushyon ne sarvavyaapi kah diya hai, yeh bhi drama ki bhaavi। tum bachche bahut oonch padhaai padh rahe ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma par jo kat (junk) chadhi hai, use yaad ki yaatra se utaar kar bahut-bahut lovely banna hai। lav aisa ho jo baap ki sada kashish rahe।

2) maaya ke toofaanon se darna nahin hai, mahaaveer banna hai। apne avgunon ko nikaalte jaana hai, sada harshit rehna hai। kabhi bhi hilna nahin hai।

vardaan:- apne adhikaar ki shakti dvaara trimoorti rachna ko sahayogi banaane vaale master rachta bhav

trimoorti shaktiyaan (man, buddhi aur sanskaar) yeh aap master rachta ki rachna hain। inhen apne adhikaar ki shakti se sahayogi banaao। jaise raaja svayan kaarya nahin karta, karaata hai, karne vaale raajya kaarobaari alag hote hain। aise aatma bhi karaavanhaar hai, karanhaar ye vishesh trimoorti shaktiyaan hain। to master rachayita ke vardaan ko smriti mein rakh trimoorti shaktiyon ko aur saakaar karmendriyon ko sahi raaste par chalaao।

slogan:- avyakt paalna ke vardaan ka adhikaar lene ke liye spashtavaadi bano।