Murli du jour du samedi 7 novembre 2020

07-11-2020 praatahmurli om shanti "baapdaada"' madhuban

“meethe bachche - sabko yeh khushkhabri sunaao ki ab deity dynasty sthaapan ho rahi hai, jab viceless world hogi tab baaki sab vinaash ho jaayenge''

prashn:- raavan ka shraap kab milta hai, shraapit hone ki nishaani kya hai?

uttar:- jab tum deh-abhimaani bante ho tab raavan ka shraap mil jaata hai। shraapit aatmaayen kangaal vikaari banti jaati hain, neeche utarti jaati hain। ab baap se varsa lene ke liye dehi-abhimaani banna hai। apni drishti-vritti ko paavan banaana hai।

om shanti। roohaani baap baith roohaani bachchon ko 84 janmon ki kahaani sunaate hain। yeh to samajhte ho sabhi to 84 janma nahin lete honge। tum hi pahle-pahle satayug aadi mein poojya devi-devta the। bhaarat mein pahle poojya devi-devta dharma ka hi raajya tha। lakshmi-naaraayan ka raajya tha to zaroor dynasty hogi। raajaai gharaane ke mitra-sambandhi bhi honge। praja bhi hogi। yeh jaise ek kahaani hai। 5 hazaar varsha pahle bhi inka raajya tha - yeh smriti mein laate hain। bhaarat mein aadi sanaatan devi-devta dharma ka raajya tha। yeh behad ka baap baith samjhaate hain, jisko hi knowledgeful kaha jaata hai। knowledge kis cheez ki? manushya samajhte hain woh sabke andar ko, karma vikarma ko jaanne vaala hai। parantu abhi baap samjhaate hain - har ek aatma ko apna-apna part mila hua hai। sabhi aatmaayen apne paramdham mein rehti hain। unmein saara part bhara hua hai। ready baithe hain ki jaakar karmakshetra par apna part bajaayen। yeh bhi tum samajhte ho ham aatmaayen sab kuchh karti hain। aatma hi kehti hai yeh khatta hai, yeh namkeen hai। aatma hi samajhti hai - ham abhi vikaari paap aatmaayen hain। aasuri svabhaav hai। aatma hi yahaan karmakshetra par shareer lekar saara part bajaati hai। to yeh nishchay karna chaahiye na! ham aatma hi sab kuchh karti hoon। abhi baap se mile hain phir 5 hazaar varsha baad milenge। yeh bhi samajhte ho poojya aur pujaari, paavan aur patit bante aaye hain। jab poojya hain to patit koi ho na sake। jab pujaari hain to paavan koi ho na sake। satayug mein hai hi paavan poojya। jab dvaapar se raavan raajya shuru hota hai tab sabhi patit pujaari bante hain। shivbaaba kehte hain dekho shankaraachaarya bhi mera pujaari hai। mere ko poojte hain na। shiv ka chitra koi ke paas heere ka, koi ke paas sone ka, koi ke paas chaandi ka hota hai। ab jo pooja karte hain, us pujaari ko poojya to kah nahin sakte। saari duniya mein is samay poojya ek bhi ho nahin sakta। poojya pavitra hote hain phir apvitra bante hain। pavitra hote hain nai duniya mein। pavitra hi pooje jaate hain। jaise kumaari jab pavitra hai to poojne laayak hai, apvitra banti hai to phir sabke aage sir jhukaana padta hai। pooja ki kitni saamagri hai। kahaan bhi pradarshani, museum aadi kholte ho to oopar mein trimoorti shiv zaroor chaahiye। neeche mein yeh lakshmi-naaraayan em object। ham yeh poojya devi-devta dharma ki sthaapna kar rahe hain। vahaan phir koi aur dharma nahin rehta। tum samjha sakte ho, pradarshani mein to bhaashan aadi kar nahin sakenge। samjhaane ke liye phir alag prabandha hona chaahiye। mukhya baat hi yeh hai - ham bhaaratvaasiyon ko khushkhabri sunaate hain। ham yeh raajya sthaapan kar rahe hain। yeh deity dynasty thi, ab nahin hai phir se inki sthaapna hoti hai aur sab vinaash ho jaayenge। satayug mein jab yeh ek dharma tha to anek dharma the nahin। ab yeh anek dharma milkar ek ho jaaen, woh to ho na sake। woh aate hi ek-do ke pichhaadi hain aur vriddhi ko paate rehte hain। pahla aadi sanaatan devi-devta dharma praayahlop hai। koi bhi nahin jo apne ko devi-devta dharma ka kahla sake। inko kaha hi jaata hai vicious world। tum kah sakte ho ham aapko khushkhabri sunaate hain - shivbaaba viceless world sthaapan kar rahe hain। ham prajaapita brahma ki santaan brahmaakumaar-kumaariyaan hain na। pahle-pahle to ham bhaai-bhaai hain phir rachna hoti hai to zaroor bhaai-behen honge। sab kehte hain baba ham aapke bachche hain to bhaai-behen ki criminal aai ja na sake। yeh antim janma pavitra banna hai, tab hi pavitra vishwa ke maalik ban sakenge। tum jaante ho gati-sadgati daata hai hi ek baap। puraani duniya badalkar zaroor nai duniya sthaapan honi hai। vo to bhagwan hi karenge। ab woh nai duniya kaise create karte hain, yeh tum bachche hi jaante ho। abhi puraani duniya bhi hai, yeh koi khalaas nahin hui hai। chitron mein bhi hai brahma dvaara sthaapna। inka yeh bahut janmon ke ant ka janma hai। brahma ki jodi nahin, brahma ki to adoption hai। samjhaane ki badi yukti chaahiye। shivbaaba brahma mein pravesh kar hamko apna banaate hain। shareer mein pravesh kare tab to kahe-he aatma, tum hamaare bachche ho। aatmaayen to hain hi phir brahma dvaara srishti rachi jaayegi to zaroor brahmaakumaar-kumaariyaan honge na, to behen-bhaai ho gaye। doosri drishti nikal jaati hai। ham shivbaaba se paavan banne ka varsa lete hain। raavan se hamko shraap milta hai। abhi ham dehi-abhimaani bante hain to baap se varsa milta hai। deh-abhimaani banne se raavan ka shraap milta hai। shraap milne se neeche utarte jaate hain। abhi bhaarat shraapit hai na। bhaarat ko itna kangaal vikaari kisne banaaya? koi ka to shraap hai na। yeh hai raavan roopi maaya ka shraap। har varsha raavan ko jalaate hain to zaroor dushman hai na। dharma mein hi taakat hoti hai। abhi ham devta dharma ke bante hain। baba naye dharma ki sthaapna karne nimitta hai। kitni taakat vaala dharma sthaapan karte hain। ham baba se taakat lete hain, saare vishwa par vijay paate hain। yaad ki yaatra se hi taakat milti hai aur vikarma vinaash hote hain। to yeh bhi ek bheeti likh deni chaahiye। ham khushkhabri sunaate hain। ab is dharma ki sthaapna ho rahi hai jisko hi heaven, svarga kehte hain। aise bade-bade aksharon mein likh do। baba raay dete hain - sabse mukhya hai yeh। ab aadi sanaatan devi-devta dharma ki sthaapna ho rahi hai। prajaapita brahma bhi baitha hai। ham prajaapita brahmaakumaar-kumaariyaan shreemat par yeh kaarya kar rahe hain। brahma ki mat nahin, shreemat hai hi parampita paramatma shiv ki, jo sabka baap hai। baap hi ek dharma ki sthaapna, anek dharmon ka vinaash karte hain। raajayog seekh yeh bante hain। ham bhi yeh ban rahe hain। hamne behad ka sanyaas kiya hai kyonki jaante hain - ye puraani duniya bhasma ho jaani hai। jaise had ka baap naya ghar banaate hain phir puraane se mamatva mit jaata hai। baap kehte hain yeh puraani duniya khatma honi hai। ab tumhaare liye nai duniya sthaapan kar rahe hain। tum padhte hi ho - nai duniya ke liye। anek dharmon ka vinaash, ek dharma ki sthaapna sangam par hi hoti hai। ladaai lagegi, natural calamities bhi aayengi। satayug mein jab inka raajya tha to aur koi dharma the nahin। baaki sab kahaan the? yeh knowledge buddhi mein rakhni hai। aise nahin yeh knowledge buddhi mein rakhte doosra kaam nahin karte hain, kitne khyaalaat rakhte hain। chitthiyaan likhna, padhna, makaan ka khyaal karna, to bhi baap ko yaad karta rehta hoon। baba ko yaad na karen to vikarma kaise vinaash honge।

abhi tum bachchon ko gyaan mila hai, tum aadhaakalpa ke liye poojya ban rahe ho। aadhaakalpa hain pujaari tamopradhaan phir aadhaakalpa poojya satopradhaan hote hain। aatma parampita paramatma se yog lagaane se hi paaras banti hai। yaad karte-karte iron ej se golden ej mein chali jaayegi। patit-paavan ek ko hi kaha jaata hai। aage chal tumhaara aavaaz niklega। yeh to sab dharmon ke liye hai। tum kehte bhi ho baap kehte hain ki patit-paavan main hi hoon। mujhe yaad karo to tum paavan ban jaayenge। baaki sab hisaab-kitaab chuktu kar jaayenge। kahaan bhi moonjhate ho to poochh sakte ho। satayug mein hote hi thode hain। abhi to anek dharma hain। zaroor hisaab kitaab chuktu kar phir aise banenge, jaise the। detail mein kyon jaayen। jaante hain har ek apna-apna part aakar bajaayenge। abhi sabko vaapis jaana hai kyonki yeh sab satayug mein the hi nahin। baap aate hi hain ek dharma ki sthaapna, anek dharmon ka vinaash karne। ab nai duniya ki sthaapna ho rahi hai। phir satayug zaroor aayega, chakra zaroor phirega। tu mach khyaalaat mein na jaae, mool baat ham satopradhaan banenge to oonch pad paayenge। kumaariyon ko to ismen lag jaana hai, kumaari ki kamaai maa-baap nahin khaate hain। parantu aajkal bhookhe ho gaye hain to kumaariyon ko bhi kamaana padta hai। tum samajhte ho ab pavitra ban pavitra duniya ka maalik banna hai। ham raajayogi hain, baap se varsa zaroor lena hai।

abhi tum paandav sena ke bane ho। apni service karte hue bhi yeh khyaal rakhna hai, ham jaakar sabko raasta bataayen। jitna karenge, utna oonch pad paayenge। baba se poochh sakte hain - is haalat mein mar jaayen to hamko kya pad milega? baba jhat bata denge। service nahin karte ho isliye saadhaaran ghar mein jaakar janma lenge phir aakar gyaan leven so to mushkil hai kyonki chhota bachcha itna gyaan to utha nahin sakta। samjho baaki 2-3 varsha rehte hain to kya padh sakenge? baba bata denge tum koi kshatriy kul mein jaakar janma lenge। pichhaadi mein karke double taaj milega। svarga ka full sukh pa nahin sakenge। jo full service karenge, padhenge vahi full sukh paayenge। nambarvaar purooshaartha anusaar। yahi phurna rakhna hai - abhi nahin banenge to kalpa-kalpa nahin banenge। har ek apne ko jaan sakte hain, ham kitne marks se paas honge। sab jaan jaate hain phir kaha jaata hai bhaavi। andar mein duhkh hoga na। baithe-baithe hamko kya ho gaya! baithe-baithe manushya mar bhi jaate hain isliye baap kehte hain susti mat karo। purooshaartha kar patit se paavan bante raho, raasta bataate raho। koi bhi mitra-sambandhi aadi hain, un par taras padna chaahiye। dekhte hain yeh vikaar bigar, gand khaane bigar rah nahin sakte hain, phir bhi samjhaate rehna chaahiye। nahin maante to samjho hamaare kul ka nahin hai। koshish kar piyarghar, sasurghar ka kalyaan karna hai। aisi bhi chalan na ho jo kahen yeh to hamse baat bhi nahin karte, mukh mod diya hai। nahin, sabse jodna hai। ham unka bhi kalyaan karen। bahut merciful banna hai। ham sukh taraph jaate hain to auron ko bhi raasta bataayen। andhon ki laathi tum ho na। gaate hain andhon ki laathi tu। aankhe to sabko hain phir bhi bulaate hain kyonki gyaan ka teesra netra nahin hai। shanti-sukh ka raasta bataane vaala ek hi baap hai। yeh tum bachchon ki buddhi mein abhi hai। aage thode hi samajhte the। bhakti maarga mein kitne mantra japte hain। raam-raam kah machhli ko khilaate, cheetiyon ko khilaate। ab gyaan maarga mein to kuchh bhi karne ki darkaar nahin hai। pakshi to dher ke dher mar jaate hain। ek hi toofaan lagta hai, kitne mar jaate hain। natural calamities to ab bahut jor se aayegi। yeh rehearsal hoti rahegi। yeh sab vinaash to hona hi hai। andar mein aata hai ab ham svarga mein jaayenge। vahaan apne first class mahal banaayenge। jaise kalpa pahle banaaye hain। banaayenge phir bhi vahi jo kalpa pahle banaaya hoga। us samay woh buddhi aa jaayegi। uska khyaal ab kyon karen, isse to baap ki yaad mein rahen। yaad ki yaatra ko nahin bhoolo। mahal to banenge hi kalpa pahle misal। parantu abhi yaad ki yaatra mein tod nibhaana hai aur bahut khushi mein rehna hai ki hamko baap, teacher, satguru mila hai। is khushi mein to romaanch khade ho jaane chaahiye। tum jaante ho ham aaye hi hain amarpuri ka maalik banne। yeh khushi sthaai rahni chaahiye। yahaan rahegi tab phir 21 janma woh sthaai ho jaayegi। bahuton ko yaad karaate rahenge to apni bhi yaad badhegi। phir aadat pad jaayegi। jaante hain is apvitra duniya ko aag lagni hai। tum brahman hi ho jinko yeh khyaal hai - itni saari duniya khatma ho jaayegi। satayug mein yeh kuchh bhi maaloom nahin padega। abhi ant hai, tum yaad ke liye purooshaartha kar rahe ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) patit se paavan banne ke purooshaartha mein susti nahin karni hai। koi bhi mitra sambandhi aadi hain un par taras rakh samjhaana hai, chhod nahin dena hai।

2) aisi chalan nahin rakhni hai jo koi kahe ki inhonne to munh mod liya hai। merciful ban sabka kalyaan karna hai aur sab khyaalaat chhod ek baap ki yaad mein rehna hai।

vardaan:- samaane ki shakti dvaara wrong ko bhi right banaane vaale vishwa parivartak bhav

doosre ki galti ko dekhkar svayan galti nahin karo। agar koi galti karta hai to ham right mein rahen, uske sang ke prabhaav mein na aayen, jo prabhaav mein aa jaate hain woh albele ho jaate hain। har ek sirf yeh jimmevaari utha lo ki main right ke maarga par hi rahoonga, agar doosra wrong karta hai to us samay samaane ki shakti use karo। kisi ki galti ko note karne ke bajaae usko sahayog ka note do arthaat sahayog se bharpoor kar do to vishwa parivartan ka kaarya sahaj hi ho jaayega।

slogan:- nirantar yogi banna hai to had ke main aur merepan ko behad mein parivartan karo।