Murli du jour du lundi 14 décembre 2020

14-12-2020 praatahmurli om shanti "baapdaada"' madhuban

“meethe bachche - tumhaare duhkh ke din ab poore hue, tum ab aisi duniya mein ja rahe ho jahaan koi bhi apraapta vastu nahin''

prashn:- kin do shabdon ka raaz tumhaari buddhi mein hone kaaran puraani duniya se behad ka vairaagya rehta hai?

uttar:- utarti kala aur chadhti kala ka raaz tumhaari buddhi mein hai। tum jaante ho aadhaakalpa ham utarte aaye, abhi hai chadhne ka samay। baap aaye hain nar se naaraayan banaane ki satya knowledge dene। hamaare liye ab kaliyug poora hua, nai duniya mein jaana hai isliye isse behad ka vairaagya hai।

geet:- dheeraj dhar manuva…

om shanti। meethe-meethe roohaani bachchon ne geet suna। roohaani baap baith samjhaate hain - yeh ek hi purushottam sangamayug hai jabki kalpa-kalpa baap aakar roohaani bachchon ko padhaate hain। raajayog sikhlaate hain। baap roohaani bachchon ko kehte hain manuva arthaat aatma, he aatma dheeraj dharo। aatmaon se baat karte hain। is shareer ka maalik aatma hai। aatma kehti hai - main avinaashi aatma hoon, yeh mera shareer vinaashi hai। roohaani baap kehte hain - main ek hi baar kalpa ke sangam par aakar tum bachchon ko dheeraj deta hoon ki ab sukh ke din aate hain। abhi tum duhkhadhaam raurav narka mein ho। sirf tum nahin ho parantu saari duniya raurav narka mein hai, tum jo mere bachche bane ho, raurav narka se nikalkar svarga mein chal rahe ho। satayug, treta, dvaapar paas ho gaya। kaliyug bhi tumhaare liye paas ho gaya। tumhaare liye yeh purushottam sangamayug hai jabki tum tamopradhaan se satopradhaan bante ho। aatma jab satopradhaan ban jaayegi to phir yeh shareer bhi chhodegi। satopradhaan aatma ko satayug mein naya shareer chaahiye। vahaan sab kuchh naya hota hai। baap kehte hain bachche ab duhkhadhaam se sukhdhaam mein chalna hai, uske liye purushaartha karna hai। sukhdhaam mein in lakshmi-naaraayan ki raajaai thi। tum purushaartha kar rahe ho nar se naaraayan banne ka। yeh satya nar se naaraayan banne ki knowledge hai। bhakti maarga mein har poornamaasi par katha sunte aaye ho, parantu woh hai hi bhakti maarga। use satya maarga nahin kahenge, gyaan maarga hai satya maarga। tum seedhi utarte-utarte jhooth khanda mein aate ho। abhi tum jaante ho satya baap se ham yeh knowledge paakar 21 janma devi-devta banenge। ham the, phir seedhi utarte aaye। utarti kala aur chadhti kala ka raaz tumhaari buddhi mein hai। pukaarte bhi hain he baba aakar hamko paavan banaao। ek baap hi paavan banaane vaala hai। baap kehte hain - bachche, tum satayug mein vishwa ke maalik the। bahut dhanvaan, bahut sukhi the। abhi baaki thoda samay hai। puraani duniya ka vinaash saamne khada hai। nai duniya mein ek raajya, ek bhaasha thi। usko kaha jaata hai advait raajya। abhi kitna dvait hai, anek bhaashaayen hain। jaise manushyon ka jhaad badhta jaata hai, bhaashaaon ka bhi jhaad vriddhi ko paata jaata hai। phir hogi ek bhaasha। gaayan hai na world ki history-geography repeat। manushyon ki buddhi mein nahin baithta। baap hi duhkh ki puraani duniya ko badal sukh ki nai duniya sthaapan karte hain। likha hua hai prajaapita brahma dvaara Deityism ki sthaapna। yeh hai raajayog ki padhaai। yeh gyaan jo geeta mein likha hua hai, baap ne jo sammukh sunaaya woh phir manushyon ne bhakti maarga ke liye baith likha hai, jisse tum utarte aaye ho। abhi bhagwan tumko padhaate hain oopar chadhne ke liye। bhakti ko kaha hi jaata hai utarti kala ka maarga। gyaan hai chadhti kala ka maarga। yeh samjhaane mein tum daro mat। bhal aise bhi hain jo in baaton ko na samajhne kaaran virodh karenge, shaastravaad karenge। parantu tumko koi se shaastravaad nahin karna hai। bolo shaastra, ved, upnishad va ganga snaan karna, teertha aadi karna yeh sab bhakti kaanda hai। bhaarat mein raavan bhi hai barobar, jiski effigy jalaate hain। vaise to dushmanon ki effigy jalaate hain, alpakaal ke liye। yeh is ek raavan ki hi effigy har varsha jalaate aate hain। baap kehte hain tum golden aged buddhi se iron aged buddhi ho gaye ho। tum kitne sukhi the। baap aate hi hain sukhdhaam ki sthaapna karne। phir baad mein jab bhakti maarga shuru hota hai to duhkhi bante hain। phir sukhdaata ko yaad karte hain, woh bhi naam maatra kyonki unko jaante nahin। geeta mein naam badal diya hai। pahle-pahle tum yeh samjhaao ki oonch te oonch bhagwan ek hai, yaad bhi unko karna chaahiye। ek ko yaad karna usko hi avyabhichaari yaad, avyabhichaari gyaan kaha jaata hai। tum abhi brahman bane ho to bhakti nahin karte ho। tumko gyaan hai। baap padhaate hain jisse ham yeh devta bante hain। daiveegun bhi dhaaran karne hain isliye baba kehte hain apna chart rakho to maaloom padega hamaare mein koi aasuri gun to nahin hain। deh-abhimaan hai pahla avgun phir dushman hai kaam। kaam par jeet paane se hi tum jagatjeet banenge। tumhaara uddeshya hi yeh hai, in lakshmi-naaraayan ke raajya mein koi anek dharma the nahin। satayug mein devtaaon ka hi raajya hota hai। manushya hote hain kaliyug mein। hain bhal woh bhi manushya, parantu daiveegunon vaale। is samay sab manushya hain aasuri gunon vaale। satayug mein kaam mahaashatru hota nahin। baap kehte hain is kaam mahaashatru par jeet paane se tum jagatjeet banenge। vahaan raavan hota nahin। yeh bhi manushya samajh nahin sakte। golden ej se utarte-utarte tamopradhaan buddhi bane hain। ab phir satopradhaan banna hai। uske liye ek hi davaai milti hai - baap kehte hain apne ko aatma samajh baap ko yaad karo to janma-janmaantar ke paap bhasma ho jaayenge। tum baithe ho paapon ko bhasma karne to phir aage paap nahin karna chaahiye। nahin to woh sau guna ban jaayega। vikaar mein gaye to sau guna danda pad jaayega, phir woh mushkil chadh sakte hain। pahla number dushman hai yeh kaam। 5 manzil se girenge to hadgud ekdam toot jaayengi। shaayad mar bhi jaayen। oopar se girne se ekdam chaknaachoor ho jaate hain। baap se pratigya tod kaala munh kiya to goya aasuri duniya mein chala gaya। yahaan se mar gaya। unko brahman bhi nahin, shoodra kaha jaayega।

baap kitna sahaj samjhaate hain। pahle to yeh nasha rehna chaahiye। agar samjho krishna bhagvaanuvaach bhi ho, woh bhi to zaroor padha karke aapasmaan banaayenge na। parantu krishna to bhagwan ho na sake। woh to punarjanma mein aate hain। baap kehte hain main hi punarjanma rahit hoon। raadhe-krishna, lakshmi-naaraayan athva vishnu ek hi baat hai। vishnu ke do roop lakshmi-naaraayan aur lakshmi-naaraayan ka hi bachpan hai raadhe-krishna। brahma ka bhi raaz samjhaaya hai - brahma-sarasvati so lakshmi-naaraayan। ab transfer hote hain। pichhaadi ka naam inka brahma rakha hai। baaki yeh brahma to dekho ekdam iron ej mein khada hai। yahi phir tapasya kar krishna va shri naaraayan bante hain। vishnu kahne se usmein donon aa jaate hain। brahma ki beti sarasvati। yeh baaten koi samajh na saken। 4 bhuja brahma ko bhi dete hain kyonki pravritti maarga hai na। nivritti maarga vaale yeh gyaan de nahin sakte। bahuton ko baahar se phansa kar le aate hain ki chalo ham praacheen raajayog sikhlaayen। ab sannyaasi raajayog sikhla na saken। ab eeshvar aaye hain, tum ab unke bachche eeshvareey sampradaay bane ho। eeshvar aaye hain tumko padhaane। tumko raajayog sikhla rahe hain। woh to hai niraakaar। brahma dvaara tumko apna banaaya hai। baba-baba tum unko kehte ho, brahma to beech mein interpreter hai। bhaagyashaali rath hai। is dvaara baba tumko padhaate hain। tum bhi patit se paavan bante ho। baap padhaate hain - manushya se devta banaane। abhi to raavan raajya, aasuri sampradaay hai na। abhi tum eeshvareey sampradaay bane ho phir daivi sampradaay banenge। abhi tum purushottam sangamayug par ho, paavan ban rahe ho। sannyaasi log to gharbaar chhod jaate hain। yahaan baap to kehte hain - bhal stri-purush ghar mein ikatthe raho, aise mat samjho stri naagin hai isliye ham alag ho jaayen to chhoot jaayenge। tumko bhaagna nahin hai। woh had ka sannyaas hai jo bhaagte hain, tum yahaan baithe ho parantu tumko is vikaari duniya se vairaagya hai। yeh sab baaten tumhein achhi reeti dhaaran karni hai, note karna hai aur parhej bhi rakhni hai। daiveegun dhaaran karne hain। shreekrishna ke gun gaaye jaate hain na। yeh tumhaari em object hai। baap nahin bante, tumko banaate hain। phir aadhaakalpa ke baad tum neeche utarte, tamopradhaan bante ho। main nahin banta hoon, yeh bante hain। 84 janma bhi isne liye hain। inko bhi abhi satopradhaan banna hai, yeh purushaarthi hai। nai duniya ko satopradhaan kahenge। har ek cheez pahle satopradhaan phir sato-rajo-tamo mein aati hai। chhote bachche ko bhi mahaatma kaha jaata hai kyonki unmein vikaar hote nahin, isliye unko phool kaha jaata hai। sannyaasiyon se chhote bachchon ko uttam kahenge kyonki sannyaasi to phir bhi life paas kar aate hain na। 5 vikaaron ka anubhav hai। bachchon ko to pata nahin rehta isliye bachchon ko dekh khushi hoti hai, chaitanya phool hain। apna to hai hi pravritti maarga।

abhi tum bachchon ko is puraani duniya se nai duniya mein jaana hai। amarlok mein chalne ke liye tum sab purushaartha karte ho, mrityulok se transfer hote ho। devta banna hai to uske liye ab mehnat karni pade, prajaapita brahma ke bachche bhaai-behen ho jaate hain। bhaai-behen to the na। prajaapita brahma ki aulaad aapas mein kya thahre? prajaapita brahma gaaya jaata hai। jab tak prajaapita ka bachcha na banen, srishti ki rachna kaise ho? prajaapita brahma ke hain sab roohaani bachche। woh brahman hote hain jismaani yaatra vaale। tum ho roohaani yaatra vaale। woh patit, tum paavan। woh koi prajaapita ki santaan nahin hain, yeh tum samajhte ho। bhaai-behen jab samjhen tak vikaar mein na jaayen। baap bhi kehte hain khabardaar rehna, hamaara bachcha bankar koi criminal kaam nahin karna, nahin to pattharbuddhi ban jaayenge। indra sabha ki kahaani bhi hai। shoodra ko le aai to indra sabha mein unki badbu aane lagi। to bola patit ko yahaan kyon laaya hai। phir unko shraap de diya। vaastav mein is sabha mein bhi koi patit aa nahin sakte। bhal baap ko maaloom pade va na pade, yeh to apna hi nuksaan karte hain, aur hi sauguna danda pad jaata hai। patit ko allow nahin hai। unhon ke liye vijiting room theek hai। jab paavan banne ki guarantee kare, daiveegun dhaaran kare tab allow ho। daiveegun dhaaran karne mein time lagta hai। paavan banne ki ek hi pratigya hai।

yeh bhi samjhaaya hai, devtaaon ki aur paramatma ki mahima alag-alag hai। patit-paavan, liberator, guide baap hi hai। sab duhkhon se liberate kar apne shantidham mein le jaate hain। shantidham, sukhdhaam aur duhkhadhaam yeh bhi chakra hai। abhi duhkhadhaam ko bhool jaana hai। shantidham se sukhdhaam mein vo aayenge jo nambarvaar paas honge, vahi aate rahenge। yeh chakra phirta rehta hai। dher ki dher aatmaayen hain, sabka part nambarvaar hai। jaayenge bhi nambarvaar। unko kaha jaata hai shivbaaba ka sijra athva roodra maala। nambarvaar jaate hain phir nambarvaar aate hain। doosre dharma vaalon ka bhi aisa hota hai। bachchon ko roz samjhaaya jaata hai, school mein roz nahin padhenge, murli nahin sunenge to phir absent ho jaayenge। padhaai ki lift to zaroor chaahiye। godly university mein absent thode hi honi chaahiye। padhaai kitni oonch hai, jisse tum sukhdhaam ke maalik bante ho। vahaan to anaaj sab free rehta hai, paisa nahin lagta। abhi to kitna manhaga hai। 100 varsha mein kitna mahanga ho gaya hai। vahaan koi apraapta vastu nahin hoti jiske liye mushkilaat aaye। woh hai hi sukhdhaam। tum abhi vahaan ke liye taiyaari kar rahe ho। tum beggar tu prince bante ho। saahookaar log apne ko beggar nahin samajhte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se jo sampoorn paavan banne ki pratigya ki hai, ise todna nahin hai। bahut-bahut parhej rakhni hai। apna chart dekhna hai - hamaare mein koi avgun to nahin hai?

2) godly university mein kabhi bhi absent nahin hona hai। sukhdhaam ka maalik banne ki oonchi padhaai ek din bhi miss nahin karni hai। murli roz zaroor sunni hai।

vardaan:- mansa-vaacha aur karmana ki pavitrata mein sampoorn marks lene vaale number one aagyaakaari bhav

mansa pavitrata arthaat sankalp mein bhi apvitrata ke sanskaar emerge na hon। sada aatmik swaroop arthaat bhaai-bhaai ki shreshtha smriti rahe। vaacha mein sada satyata aur madhurta ho, karmana mein sada namrata, santushtata aur harshitmukhta ho। isi aadhaar par number milte hain aur aise sampoorn pavitra aagyaakaari bachchon ka baap bhi gungaan karte hain। vahi apne har karma se baap ke kartavya ko siddha karne vaale sameep ratna hain।

slogan:- sambandh-samparka aur sthiti mein light bano, dincharya mein nahin।