Murli du jour du dimanche 27 décembre 2020

27-12-20 praatahmurli om shanti ''avyakt-baapdaada'' revise 31-12-86 madhuban

past, present aur future ko shreshtha banaane ki vidhi

aaj great-great grand father aur god-father apne ati meethe, ati pyaare bachchon ko dil se duaaon ki greetings de rahe hain। baapdaada jaante hain ki ek-ek sikeeldha bachcha kitna shreshtha, mahaan aatma hain! har bachche ki mahaanta-pavitrata baap ke paas nambarvaar pahunchti rehti hai। aaj ke din sabhi vishesh naya varsha manaane ke umang-utsaah se aaye hue hain। duniya ke log manaane ke liye bujhe hue deep va mombattiyaan jagaate hain। woh jagaakar manaate hain aur baap-daada jage hue anginat deepkon se naya varsha mana rahe hain। bujhe hue ko jagaate nahin aur jagaakar phir bujhaate nahin। aisa laakhon ki andaaj mein jage hue roohaani jyoti ke sangathan ka varsha manaana - yeh sivaae baap aur aapke koi mana nahin sakta। kitna sundar jagamgaate deepkon ke roohaani sangathan ka drishya hai! sabki roohaani jyoti ektik, ekras chamak rahi hai। sabke man mein ‘ek baba' - yahi lagan roohaani deepak ko jagamga rahi hai। ek sansaar hai, ek sankalp hai, ekras sthiti hai - yahi manaana hai, yahi bankar banaana hai। is samay vidaai aur badhaai donon ka sangam hai। puraane ki vidaai hai aur naye ko badhaai hai। is sangam samay par sabhi pahunch gaye hain isliye, puraane sankalp aur sanskaar ke vidaai ki bhi mubaarak hai aur naye umang-utsaah se udne ki bhi mubaarak hai।

jo present hai, woh kuchh samay ke baad past ho jaayega। jo varsha chal raha hai, woh 12.00 baje ke baad past ho jaaega। is samay ko present kahenge aur kal ko future (bhavishya) kehte hain। past, present aur future - in teenon ka hi khel chalta rehta hai। in teenon shabdon ko is naye varsha mein nai vidhi se prayog karna। kaise? past ko sada paas with honour hokar ke paas karna। “past is past'' to hona hi hai lekin kaise paas karna hai? kehte ho na - samay paas ho gaya, yeh drishya paas ho gaya। lekin paas with honour ban paas kiya? beeti ko beeti kiya lekin beeti ko aisi shreshtha vidhi se beeti kiya jo beeti ko smriti mein laate ‘vaah! vaah!' ke bol dil se niklen? beeti ko aise beeti kiya jo anya aapki beeti hui stori se paath padhen? aapki beeti yaadgaar-swaroop ban jaaye, keertan arthaat keerti gaate rahen। jaise bhakti-maarga mein aapke hi karma ka keertan gaate rehte hain। aapke karma ke keertan se anek aatmaon ka ab bhi shareer nirvaah ho raha hai। is naye varsha mein har past sankalp va samay ko aisi vidhi se paas karna। samjha, kya karna hai?

ab aao present (vartamaan), present ko aise practical mein laao jo har present ghadi va sankalp se aap vishesh aatmaon dvaara koi na koi present (saugaat) praapta ho। sabse jyaada khushi kis samay hoti hai? jab kisse present (saugaat) milti hai। kaisa bhi ashaanta ho, duhkhi ho ya pareshaan ho lekin jab koi pyaar se present deta hai to us ghadi khushi ki lahar aa jaati hai। dikhaave ki present nahin, dil se। sabhi present (saugaat) ko sada sneh ki soochak maante hain। present di hui cheez mein value ‘sneh' ki hoti hai, ‘cheez' ki nahin। to present dene ki vidhi se vriddhi ko paate rehna। samjha? sahaj hai ya mushkil hai? bhandaare bharpoor hain na ya present dete-dete bhandaara kam ho jaayega? stock jama hai na? sirf ek second ke sneh ki drishti, sneh ka sahayog, sneh ki bhaavna, meethe bol, dil ke shreshtha sankalp ka saath - yahi prejentsa bahut hain। aajkal chaahe aapas mein brahman aatmaayen hain, chaahe aapki bhakta aatmaayen hain, chaahe aapke sambandh-samparka vaali aatmaayen hain, chaahe pareshaan aatmaayen hain-sabhi ko in prejentsa ki aavashyakta hai, doosri present ki nahin। iska stock to hai na? to har present ghadi ko daata ban present ko past mein badalna, to sarva prakaar ki aatmaayen dil se aapka keertan gaati rahengi। achha।

future kya karenge? sabhi aap logon se poochhte hain na ki aakhir bhi future kya hai? future ko apne features se pratyaksha karo। aapke features future ko prakat karen। future kya hoga, future ke nain kya honge, future ki muskaan kya hogi, future ke sambandh kya honge, future ki jeevan kya hogi - aapke features in sab baaton ka saakshaatkaar karaayen। drishti future ki srishti ko spashta kare। ‘kya hoga' - yeh question samaapta ho ‘aisa hoga', ismen badal jaaye। ‘kaisa' badal ‘aisa' ho jaaye। future hai hi devta। devtaapan ke sanskaar arthaat daataapan ke sanskaar, devtaapan ke sanskaar arthaat taaj, takhtadhaari banne ke sanskaar। jo bhi dekhe, unko aapka taaj aur takhta anubhav ho। kaunsa taaj? sada light (halka) rahne ka light (prakaash) ka taaj। aur sada aapke karma se, bol se roohaani nasha aur nishchintapan ke chinha anubhav hon। takhtadhaari ki nishaani hai hi ‘nishchinta' aur ‘nasha'। nishchit vijayi ka nasha aur nishchinta sthiti - yeh hai baap ke diltakhtansheen aatma ki nishaani। jo bhi aaye, woh yeh takhtansheen aur taajdhaari sthiti ka anubhav kare - yeh hai future ko features dvaara pratyaksha karna। aisa naya varsha manaana arthaat bankar banaana। samjha, naye varsha mein kya karna hai? teen shabdon se master trimoorti, master trikaaldarshi aur trilokeenaath ban jaana। sab yahi sochte hain ki ab kya karna hai? har kadam se - chaahe yaad se, chaahe seva ke har kadam se in teenon hi vidhi se siddhi praapta karte rehna।

naye varsha ka umang-utsaah to bahut hai na। double videshiyon ko double umang hai na। new year manaane mein kitne saadhan apnaayenge? ve log saadhan bhi vinaashi apnaate aur manoranjan bhi alpakaal ka karte। abhi-abhi jalaayenge, abhi-abhi bujhaayenge। lekin baapdaada avinaashi vidhi se avinaashi siddhi praapta karne vaale bachchon se mana rahe hain। aap log bhi kya karenge? cake kaatenge, mombatti jalaayenge, geet gaayenge, taali bajaayenge। yeh bhi khoob karo, bhale karo। lekin baapdaada sada avinaashi bachchon ko avinaashi mubaarak dete hain aur avinaashi banaane ki vidhi bataate hain। saakaar duniya mein saakaari suhej manaate dekh baapdaada bhi khush hote hain kyonki aisa sundar parivaar jo poora hi parivaar taajdhaari, takhtadhaari hai aur itni laakhon ki sankhya mein ek parivaar hai, aisa parivaar saare kalpa mein ek hi baar milta hai isliye khoob naacho, gaao, mithaai khaao। baap to bachchon ko dekh karke, bhaasna lekar ke hi khush hote hain। sabhi ke man ke geet kaunse bajte hain? khushi ke geet baj rahe hain। sada ‘vaah! vaah!' ke geet gaao। vaah baba! vaah takdeer! vaah meetha parivaar! vaah shreshtha sangam ka suhaavna samay! har karma ‘vaah-vaah!' hai। ‘vaah! vaah! ke geet gaate raho। baapdaada aaj muskara rahe the - kai bachche ‘vaah! ke geet ke bajaay aur bhi geet ga lete hain। woh bhi do shabd ka geet hai, woh jaante ho? is varsha woh do shabdon ka geet nahin gaana। woh do shabd hain - ‘why' aur ‘aai' (kyon aur main) bahut karke baapdaada jab bachchon ki T.vi. dekhte hain to bachche ‘vaah-vaah!' ke bajaaye ‘why-why' bahut karte hain। to ‘why' ke bajaay ‘vaah-vaah! kehna aur ‘aai' ke bajaaye ‘baba-baba' kehna। samjha?

jo bhi ho, jaise bhi ho phir bhi baapdaada ke pyaare ho, tab to sabhi pyaar se milne ke liye bhaagte ho। amritvele sabhi bachche sada yahi geet gaate hain - ‘pyaara baba, meetha baba' aur baapdaada return mein sada ‘pyaare bachche, pyaare bachche' ka geet gaate hain। achha। vaise to is varsha nyaare aur pyaare ka paath hai, phir bhi bachchon ke sneh ka aahvaan baap ko bhi nyaari duniya se pyaari duniya mein le aata hai। aakaari vidhi mein yeh sab dekhne ki aavashyakta nahin hai। aakaari milan ki vidhi mein ek hi samay par anek behad bachchon ko behad milan ki anubhooti karaate hain। saakaari vidhi mein phir bhi had mein aana padta। bachchon ko chaahiye bhi kya - murli aur drishti। murli mein bhi milna hi to hai। chaahe alag mein bolen, chaahe saath mein bolen, bolenge to vahi baat। jo sangathan mein bolte hain vahi alag mein bolenge। phir bhi dekho pahla chance double vidshiyon ko mila hai। bhaarat ke bachche 18 ta. (18 January) ka intajaar kar rahe hain aur aap log pahla chance le rahe ho। achha। 35-36 deshon ke aaye huye hain। yeh bhi 36 prakaar ka bhog ho gaya। 36 ka gaayan hai na। 36 variety ho gai hai।

baapdaada sabhi bachchon ka seva ki umang-utsaah ko dekh khush hote hain। jo sabhi ne tan, man, dhan samay-sneh aur himmat se seva mein lagaaya, uski baapdaada padamguna badhaai de rahe hain। chaahe is samay sammukh hain, chaahe aakaar roop mein sammukh hain lekin baapdaada sabhi bachchon ko seva mein lagna se magna rahne ki mubaarak de rahe hain। sahayogi bane, sahayogi banaaya। to sahayogi banne ki bhi aur sahayogi banaane ki bhi double mubaarak। kai bachchon ke seva ke umang-utsaah ke samaachaar aur saath-saath naye varsha ke umang-utsaah ke card ki maala baapdaada ke gale mein piro gai। jinhonne bhi card bheje hain, baapdaada card ke return mein regard aur lav donon dete hain। samaachaar sun-sun harshit hote hain। chaahe gupta roop mein seva ki, chaahe pratyaksha roop mein ki lekin baap ko pratyaksha karne ki seva mein sada saphalta hi hai। sneh se seva ki result - sahayogi aatmaayen banna aur baap ke kaarya mein sameep aana - yahi saphalta ki nishaani hai। sahayogi aaj sahayogi hain, kal yogi bhi ban jaayenge। to sahayogi banaane ki vishesh seva jo sabhi ne chaaron or ki, uske liye baapdaada ‘avinaashi saphalta swaroop bhav' ka vardaan de rahe hain। achha।

jab aapki praja, sahayogi, sambandhi vriddhi ko praapta honge to vriddhi ke pramaan vidhi ko bhi badalna to padta hai na। khush hote ho na, bhale badhen। achha।

sarva sada snehi, sada sahayogi ban sahayogi banaane vaale, sada badhaai praapta karne vaale, sada har second, har sankalp ko shreshtha se shreshtha, gaayan-yogya banaane vaale, sada daata ban sarva ko sneh aur sahayog dene vaale - aise shreshtha, mahaan bhaagyavaan aatmaon ko baapdaada ka yaadapyaar aur sangam ki good night aur good morning।

videsh seva par upasthit teachers prati - avyakt mahaavaakya

nimitta sevaadhaari bachchon ko baapdaada sada ‘samaan bhav' ke vardaan se aage badhaate rehte hain। baapdaada sabhi paandav chaahe shaktiyaan, jo bhi seva ke liye nimitta hain, un sabko vishesh padmaapdam bhaagayvaan shreshtha aatmaayen samajhte hain। seva ka pratyaksha phal khushi aur shakti, yeh vishesh anubhav to karte hi hain। abhi jitna svayan shaktishaali light house, might house ban seva karenge utna jaldi chaaron or pratyakshata ka jhanda lahraayenge। har ek nimitta sevaadhaari ko vishesh seva ki saphalta ke liye do baaten dhyaan rakhni hain - ek baat sada sanskaaron ko milaane ki unity ka, har sthaan se yeh visheshta dikhaai de। doosra sada har nimitta sevaadhaariyon ko pahle svayan ko yeh do certificate dene hain। ek ‘ekta' doosra ‘santushtata'। sanskaar bhinna-bhinna hote hi hain aur honge bhi lekin sanskaaron ko takraana ya kinaara karke svayan ko safe rakhna - yeh apne oopar hai। kuchh bhi ho jaata hai to agar koi ka sanskaar aisa hai to doosra taali nahin bajaave। chaahe woh badalte hain ya nahin badalte hain, lekin aap to badal sakte ho na! agar harek apne ko change kare, samaane ki shakti dhaaran kare to doosre ka sanskaar bhi avashya sheetal ho jaayega। to sada ek do mein sneh ki bhaavna se, shreshthata ki bhaavna se samparka mein aao, kyonki nimitta sevaadhaari - baap ke soorat ka darpan hain। to jo aapki practical jeevan hai vahi baap ke soorat ka darpan ho jaata hai isliye sada aise jeevan roopi darpan ho - jismen baap jo hai jaisa hai vaisa dikhaai de। baaki mehnat bahut achhi karte ho, himmat bhi achhi hai। seva ki vriddhi umang bhi bahut achha hai isliye vistaar ko praapta kar rahe ho। seva to achhi hai, abhi sirf baap ko pratyaksha karne ke liye pratyaksha jeevan ka pramaan sada dikhaao। jo sabhi ek hi aavaaj se bolen ki yeh gyaan ki dhaarnaaon mein to ek hain lekin sanskaar milaane mein bhi number one hain। aise bhi nahin ki india ki teacher alag hain, foreign ki teacher alag hain। sabhi ek hain। yeh to sirf seva ke nimitta bane hue hain, sthaapna mein sahayogi bane hain aur abhi bhi sahayog de rahe hain, isliye svatah hi sabmen vishesh part bajaana padta hai। vaise baapdaada va nimitta aatmaon ke paas videshi va deshi mein koi antar nahin hai। jahaan jiski seva ki visheshta hai, phir chaahe koi bhi ho, vahaan uski visheshta se laabh lena hota hai। baaki ek do ko regard dena yeh brahman kul ki maryaada hai, sneh lena aur regard dena। visheshta ko mahatva diya jaata hai na ki vyakti ko। achha।

vardaan:- har second aur sankalp ko amoolya reeti se vyateet karne vaale amoolya ratna bhav

sangamayug ke ek second ki bhi bahut badi value hai। jaise ek ka laakh guna banta hai vaise yadi ek second bhi vyartha jaata hai to laakh guna vyartha jaata hai - isliye itna attention rakho to albelaapan samaapta ho jaayega। abhi to koi hisaab lene vaala nahin hai lekin thode samay ke baad pashchaataap hoga kyonki is samay ki bahut value hai। jo apne har second, har sankalp ko amoolya reeti se vyateet karte hain vahi amoolya ratna bante hain।

slogan:- jo sada yogayukta hain vo sahayog ka anubhav karte vijayi ban jaate hain।