Murli du jour du dimanche 10 janvier 2021

10-01-21 praatahmurli om shanti ''avyakt-baapdaada'' revise 09-10-87 madhuban

alaukik raajya darbaar ka samaachaar

aaj baapdaada apne sva-raajya adhikaari bachchon ki raajya darbaar dekh rahe hain। yeh sangamayug ki niraali, shreshtha shaan vaali alaukik darbaar saare kalpa mein nyaari aur ati pyaari hai। is raajya-sabha ki roohaani raunak, roohaani kamal-aasan, roohaani taaj aur tilak, chehre ki chamak, sthiti ke shreshtha smriti ke vaayumandal mein alaukik khushbu ati ramneek, ati aakarshit karne vaali hai। aisi sabha ko dekh baapdaada har ek raajya-adhikaari aatma ko dekh harshit ho rahe hain। kitni badi darbaar hai! har ek brahman bachcha svaraajya-adhikaari hai। to kitne brahman bachche hain! sabhi braahmanon ki darbaar ikatthi karo to kitni badi raajya-darbaar ho jaayegi! itni badi raajya darbaar kisi bhi yug mein nahin hoti। yahi sangamayug ki visheshta hai jo oonche te oonche baap ke sarva bachche svaraajya-adhikaari bante hain। vaise laukik parivaar mein har ek baap bachchon ko kehte hain ki yeh mera bachcha ‘raaja' beta hai va ichchha rakhte hain ki mera har ek bachcha ‘raaja' bane। lekin sabhi bachche raaja ban hi nahin sakte। yeh kahaavat parmaatma baap ki kaapi ki hai। is samay baap-daada ke sab bachche raajayogi arthaat sva ke raaje nambarvaar zaroor hain lekin hain sabhi raajayogi, praja yogi koi nahin hai। to baapdaada behad ki raajyasbha dekh rahe the। sabhi apne ko svaraajya adhikaari samajhte ho na? naye-naye aaye hue bachche raajya-adhikaari ho va abhi banna hai? naye-naye hain to milna-julna seekh rahe hain। avyakt baap ki avyakti baaten samajhne ki bhi aadat padti jaayegi। phir bhi is bhaagya ko abhi se bhi samay par jyaada samjhenge ki ham sabhi aatmaayen kitni bhaagyavaan hain!

to baapdaada suna rahe the - alaukik raajya darbaar ka samaachaar। sabhi bachchon ke vishesh taaj aur chehre ki chamak ke oopar na chaahte bhi attention ja raha tha। taaj brahman jeevan ki visheshta - ‘pavitrata' ka hi soochak hai। chehre ki chamak roohaani sthiti mein sthit rahne ki roohaaniyat ki chamak hai। saadhaaran reeti se bhi kisi bhi vyakti ko dekhenge to sabse pahle drishti chehre taraph hi jaayegi। yeh chehra hi vritti aur sthiti ka darpan hai। to baapdaada dekh rahe the - chamak to sabhi mein thi lekin ek the sada roohaaniyat ki sthiti mein sthit rahne vaale, svatah aur sahaj sthiti vaale aur doosre the sada roohaani sthiti ke abhyaas dvaara sthit rahne vaale। ek the sahaj sthiti vaale, doosre the prayatna kar sthit rahne vaale arthaat ek the sahaj yogi, doosre the purooshaartha se yogi। donon ki chamak mein antar raha। unki natural beauty thi aur doosron ki purooshaartha dvaara beauty thi। jaise aajkal bhi make up kar beautiful bante hain na। natural (svaabhaavik) beauty ki chamak sada ekras rehti hai aur doosri beauty kabhi bahut achhi aur kabhi percentage mein rehti hai; ek jaisi, ekras nahin rehti। to sada sahaj yogi, svatah yogi sthiti number one svaraajya-adhikaari banaati hai। jab sabhi bachchon ka vaayda hai - brahman jeevan arthaat ek baap hi sansaar hai va ek baap doosra na koi; jab sansaar hi baap hai, doosra koi hai hi nahin to svatah aur sahaj yogi sthiti sada rahegi na, va mehnat karni padegi? agar doosra koi hai to mehnat karni padti hai - yahaan buddhi na jaae, vahaan jaae। lekin ek baap hi sab kuchh hai - phir buddhi kahaan jaayegi? jab ja hi nahin sakti to abhyaas kya karenge? abhyaas mein bhi antar hota hai। ek hai svatah abhyaas, hai hi hai aur doosra hota hai mehnat vaala abhyaas। to svaraajya-adhikaari bachchon ka sahaj abhyaasi banna - yahi nishaani hai sahaj yogi, svatah yogi ki। unhon ke chehre ki chamak alaukik hoti hai jo chehra dekhte hi anya aatmaayen anubhav karti ki yeh shreshtha praapti swaroop sahajyogi hain। jaise sthool dhan va sthool pad ke praapti ki chamak chehre se maaloom hoti hai ki yeh saahookaar kul ka va oonch pad adhikaari hai, aise yeh shreshtha praapti, shreshtha raajya adhikaar arthaat shreshtha pad ki praapti ka nasha va chamak chehre se dikhaai deti hai। door se hi anubhav karte ki inhonne kuchh paaya hai। praapti swaroop aatmaayen hain। aise hi sabhi raajya adhikaari bachchon ke chamakte hue chehre dikhaai den। mehnat ke chinha nahin dikhaai den, praapti ke chinha dikhaai den। abhi bhi dekho, koi-koi bachchon ke chehre ko dekh yahi kehte hain - inhonne kuchh paaya hai aur koi-koi bachchon ke chehre ko dekh yeh bhi kehte ki oonchi manzil hai lekin tyaag bhi bahut ooncha kiya hai। tyaag dikhaai deta hai, bhaagya nahin dikhaai dega chehre se। ya yeh kahenge ki mehnat bahut achhi kar rahe hain।

baapdaada yahi dekhne chaahte hain ki har ek bachche ke chehre se sahajyogi ki chamak dikhaai de, shreshtha praapti ke nashe ki chamak dikhaai de kyonki praaptiyon ke bhandaar baap ke bachche ho। sangamayug ki praaptiyon ke vardaani samay ke adhikaari ho। nirantar yog kaise lagaaven va nirantar anubhav kar bhandaar ki anubhooti kaise karen - ab tak bhi isi mehnat mein hi samay nahin ganvaao lekin praaptisvaroop ke bhaagya ko sahaj anubhav karo। samaapti ka samay sameep aa raha hai। ab tak kisi na kisi baat ki mehnat mein lage rahenge to praapti ka samay to samaapta ho jaayega। phir praaptisvaroop ka anubhav kab karenge? sangamayug ko, brahman aatmaon ko vardaan hai “sarva praapti bhav''। ‘sada purooshaarthi bhav' ka vardaan nahin hai, ‘praapti bhav' ka vardaan hai। ‘praapti bhav' ki vardaani aatma kabhi bhi albelepan mein aa nahin sakti isliye unko mehnat nahin karni padti। to samjha, kya banna hai?

raajyasbha mein raajya adhikaari banne ki visheshta kya hai, yeh spashta hua na? raajya adhikaari ho na, va abhi soch rahe ho ki hain va nahin hain? jab vidhaata ke bachche, vardaata ke bachche ban gaye; raaja arthaat vidhaata, dene vaala। apraapti kuchh nahin to lenge kya? to samjha, naye-naye bachchon ko is anubhav mein rehna hai। yuddha mein hi samay nahin ganvaana hai। agar yuddha mein hi samay ganvaaya to ant mati bhi yuddha mein rahenge। phir kya banna padega? chandravansh mein jaayenge va sooryavanshi mein? yuddha vaala to chandravansh mein jaayega। chal rahe hain, kar rahe hain, ho hi jaayenge, pahunch jaayenge - abhi tak aisa lakshya nahin rakho। ab nahin to kab nahin। banna hai to ab, paana hai to ab - aise umang-utsaah vaale hi samay par apni sampoorn manzil ko pa sakenge। treta mein raam seeta banne ke liye to koi bhi taiyaar nahin hai। jab satayug sooryavansh mein aana hai, to sooryavansh arthaat sada master vidhaata aur vardaata, lene ki ichchha vaala nahin। madad mil jaae, yeh ho jaae to bahut achha, purooshaartha mein achha number le lenge - nahin। madad mil rahi hai, sab ho raha hai - isko kehte hain svaraajya adhikaari bachche। aage badhna hai ya peechhe aaye hai to peechhe hi rehna hai? aage jaane ka sahaj raasta hai - sahajyogi, svatahyogi bano। bahut sahaj hai। jab hai hi ek baap, doosra koi nahin to jaayenge kahaan? praapti hi praapti hai phir mehnat kyon lagegi? to praapti ke samay ka laabh uthaao। sarva praapti swaroop bano। samjha? baapdaada to yahi chaahte hain ki ek-ek bachcha - chaahe last aane vaala, chaahe sthaapna ke aadi mein aane vaala, har ek bachcha number one bane। raaja banna, na ki praja। achha।

mahaaraashtra aur madhya pradesh ka group aaya hai। dekho, maha shabd kitna achha hai। mahaaraashtra sthaan bhi maha shabd ka hai aur banna bhi mahaan hai। mahaan to ban gaye na kyonki baap ke bane maana mahaan bane। mahaan aatmaayen ho। brahman arthaat mahaan। har karma mahaan, har bol mahaan, har sankalp mahaan hai। alaukik ho gaye na। to mahaaraashtra vaale sada hi smriti swaroop bano ki mahaan hain। brahman arthaat mahaan choti hain na।

madhya pradesh - sada ‘madhyaaji bhav' ke nashe mein rahne vaale। ‘manmanaabhav' ke saath ‘madhyaaji bhav' ka bhi vardaan hai। to apna svarga ka swaroop-isko kehte hain ‘madhyaaji bhav' to apne shreshtha praapti ke nashe mein rahne vaale arthaat ‘madhyaaji bhav' ke mantra ke swaroop mein sthit rahne vaale। woh bhi mahaan ho gaye। ‘madhyaaji bhav' hain to ‘manmanaabhav' bhi zaroor honge। to madhya pradesh arthaat mahaamantra ka swaroop banne vaale। to donon hi apni-apni visheshta se mahaan hain। samjha, kaun ho?

jab se pahla paath shuru kiya, woh bhi yahi kiya ki main kaun? baap bhi vahi baat yaad dilaate hain। isi par manan karna। shabd ek hi hai ki ‘main kaun' lekin iske uttar kitne hain? list nikaalna - ‘main kaun?' achha।

chaaron or ke sarva praaptisvaroop, shreshtha aatmaon ko, sarva alaukik raajya sabha adhikaari mahaan aatmaon ko, sada roohaaniyat ki chamak dhaaran karne vaali vishesh aatmaon ko, sada svatah yogi, sahajyogi, oonche te oonchi aatmaon ko oonche te oonche baapdaada ka sneh sampanna yaadapyaar sveekaar ho।

avyakt baapdaada se double videshi bhaai-bahnon ki mulaakaat:-

double videshi arthaat sada apne sva-swaroop, svadesh, svaraajya ki smriti mein rahne vaale। double videshiyon ko vishesh kaun-si seva karni hai? abhi silence ki shakti ka anubhav vishesh roop se aatmaon ko karaana। yeh bhi vishesh seva hai। jaise science ki power naameegraami hai na। bachche-bachche ko maaloom hai ki science kya hai। aise silence power, science se bhi oonchi hai। woh din bhi aana hai। silence ke power ki pratyakshata arthaat baap ki pratyakshata। jaise science pratyaksha proof dikha rahi hai - vaise silence power ka practical proof hai - aap sabka jeevan। jab itne sab practical proof dikhaai denge, to na chaahte hue sabhi ki nazar mein sahaj aa jaayenge। jaise yeh (pichhle varsha) pees ka kaarya kiya na, isko stage par practical mein dikhaaya। aise hi chalte-phirte pees ke model dikhaai den to science vaalon ki bhi nazar silence vaalon ke oopar avashya jaayegi। samjha? science ki invention videsh mein jyaada hoti hain। to silence ki power ka aavaaj bhi vahaan se sahaj phailega। seva ka lakshya to hai hi, sabhi ko umang-utsaah bhi hai। seva ke bina rah nahin sakte। jaise bhojan ke bina rah nahin sakte, aise seva ke bina bhi rah nahin sakte isliye baapdaada khush hai। achha!

party se avyakt baapdaada ki mulaakaat

svadarshan chakradhaari shreshtha aatmaayen ban gaye, aise anubhav karte ho? sva ka darshan ho gaya na? apne aapko jaanna arthaat sva ka darshan hona aur chakra ka gyaan jaanna arthaat svadarshan chakradhaari banna। jab svadarshan chakradhaari bante hain to aur sab chakra samaapta ho jaate hain। dehbhaan ka chakra, sambandh ka chakra, samasyaaon ka chakra - maaya ke kitne chakra hain! lekin svadarshan chakradhaari banne se yeh sab chakra samaapta ho jaate hain, sab chakron se nikal jaate hain। nahin to jaal mein phans jaate hain। to pahle phanse hue the, ab nikal gaye। 63 janma to anek chakron mein phansate rahe aur is samay in chakron se nikal aaye, to phir phansana nahin hai। anubhav karke dekh liya na? anek chakron mein phansane se sab kuchh ganva diya aur svadarshan chakradhaari banne se baap mila to sab kuchh mila। to sada svadarshan chakradhaari ban, maayaajeet ban aage badhte chalo, isse sada halke rahenge, kisi bhi prakaar ka bojh anubhav nahin hoga। bojh hi neeche le aata hai aur halka hone se oonche udte rahenge। to udne vaale ho na? kamzor to nahin? agar ek bhi pankh kamzor hoga to neeche le aayega, udne nahin dega isliye, donon hi pankh majboot hon to svatah udte rahenge। svadarshan chakradhaari banna arthaat udti kala mein jaana। achha।

raajayogi, shreshtha yogi aatmaaye ho na? saadhaaran jeevan se sahajyogi, raajayogi ban gaye। aisi shreshtha yogi aatmaayen sada hi ateendriy sukh ke jhoole mein jhoolti hain। hathayogi yog dvaara shareer ko ooncha uthaate hain aur udne ka abhyaas karte hain। vaastav mein aap raajayogi oonchi sthiti ka anubhav karte ho। isko hi kaapi karke vo shareer ko ooncha uthaate hain। lekin aap kahaan bhi rehte oonchi sthiti mein rehte ho, isliye kehte hain - yogi ooncha rehte hain। to man ki sthiti ka sthaan ooncha hai kyonki double light ban gaye ho। vaise bhi pharishton ke liye kaha jaata ki pharishton ke paanv dharti par nahin hote। pharishta arthaat jiska buddhi roopi paanv dharti par na ho, dehbhaan mein na ho। dehbhaan se sada oonche - aise pharishte arthaat raajayogi ban gaye। abhi is puraani duniya se koi lagaav nahin। seva karna alag cheej hai lekin lagaav na ho। yogi banna arthaat baap aur main, teesra na koi। to sada isi smriti mein raho ki ham raajayogi, sada pharishta hain। is smriti se sada aage badhte rahenge। raajayogi sada behad ke maalik hain, had ke maalik nahin। had se nikal gaye। behad ka adhikaar mil gaya - isi khushi mein raho। jaise behad ka baap hai, vaise behad ki khushi mein raho, nashe mein raho। achha।

vidaai ke samay

sabhi amritvele ke vardaani bachchon ko vardaata baap ki sunahri yaadapyaar sveekaar ho। saath-saath sunahri duniya banaane ki seva ke sada plan manan karne vaale aur sada seva mein dil va jaan, sik va prem se, tan-man-dhan se sahayogi aatmaayen, sabhi ko baapdaada good morning, diamond morning kar rahe hain aur sada diamond ban is diamond yug ki visheshta ko vardaan aur varse mein lekar svayan bhi sunahri sthiti mein sthit rahenge aur auron ko bhi aise hi anubhav karaate rahenge। to chaaron or ke double hero bachchon ko diamond morning। achha।

vardaan:- merciful ki bhaavna dvaara apkaari par bhi upkaar karne vaale shubhchintak bhav

kaisi bhi koi aatma, chaahe satoguni, chaahe tamoguni samparka mein aaye lekin sabhi ke prati shubhchintak arthaat apkaari par bhi upkaar karne vaale। kabhi kisi aatma ke prati ghrina drishti na ho kyonki jaante ho yeh agyaan ke vasheebhoot hai, besmajh hai। unke oopar raham va sneh aaye, ghrina nahin। shubhchintak aatma aisa nahin sochegi ki isne aisa kyon kiya lekin is aatma ka kalyaan kaise ho - yahi hai shubhchintak stage।

slogan:- tapasya ke bal se asambhav ko sambhav kar saphalta moorta bano।