Murli du jour du mardi 6 juillet 2021

06-07-2021 praatahmurli om shanti "baapdaada"' madhuban

“meethe bachche - is mahaabhaarat ladaai mein puraana jhaad samaapta hona hai isliye ladaai ke pahle baap se poora-poora varsa le lo''

prashn:- baba ko maataaon ka sangathan chaahiye lekin us sangathan ki visheshta kya ho?

uttar:- aisa sangathan ho jo dehi-abhimaani rahne ka poora-poora purushaartha kare। jinhen pakka nasha ho ki humein paavan ban paavan duniya banaani hai। patit nahin banna hai। nashtomoha group ho tab koi kamaal karke dikhaaye। kisi mein bhi rag nahin honi chaahiye। moh ki rag bahut nuksaan kar deti hai।

om shanti। meethe-meethe bachche yeh jaante hain ki meetha baba hamko svargavaasi banaane yahaan aaye hain। yeh bachchon ki buddhi mein hai। har ek ko yeh samjhaana hai ki ham aatma is yaad ki yaatra se pavitra banti hain। kitna sahaj upaay hai, sirf baap ko yaad karna hai। bachche jaante hain ki baap ek second mein mukti-jeevanmukti ka varsa dete hain। ab sab jeevanbandha mein hain, raavanraajya ke bandhan mein hain। yeh baat baap jaante aur bachche jaante aur na jaane koi। tum bachchon ko nishchay hai ki behad ke baap ko ham yaad karte hain to andar mein bahut khushi honi chaahiye, aatma ko। jis baap ko aadhaakalpa yaad kiya karte the - woh baap mila। duhkh mein baap ko simran karte rehte hain। tum bhi simran karte the, abhi tum duhkhi hokar simran nahin karte ho। jisko saari duniya simran karti hai - woh baap aaya hai, yeh tum jaante ho। baba ne baar-baar samjhaaya hai - yahaan jab tum baithte ho to aisa samjho ki ham aatma hain। baba paramdham se aaya hua hai। kalpa-kalpa apne vaayde anusaar aata hai। baba ki yeh pratigya hai ki tum jab pukaarenge aur aadhaakalpa jab poora hota hai to mujhe aana padta hai। kaliyug ke baad satayug hona hai to mujhe aana padta hai। yeh sirf tum bachchon ko maaloom hai ki yeh sangamayug hai, baba aaya hua hai। tum bachche bhi service karte ho, din-pratidin parichay dete jaate ho, baap ki pahchaan sabko milti jaati hai। yahaan baithe ho, jaante ho behad ka baba shivbaaba hamko phir se behad ka varsa dene aaye hain। tum baba-baba kehte ho na। ham shivbaaba ke paas aaye hain। shivbaaba bhi kehte hain ki main saadhaaran tan mein aaya hoon, kalpa pahle muaaphik। yeh bhoolna nahin chaahiye। maaya aise baba ki yaad bhula deti hai, jisse patit se paavan banna hota hai। tum jaante ho ki sarva ka sadgati daata ek hi satguru hai। sikkha log bhi gaate hain sat shri akaal, patit-paavan ko hi satguru kaha jaata hai। pukaarte bhi hain ki he patit-paavan। aatma pukaarti hai। abhi tum jaante ho ham yahaan aaye hain sammukh baap se milne। bade-bade aadmi ek do ke paas milne jaate hain, unhon ki kitni mahima hoti hai। dhoomdhaam se aajiyaan ke liye to baindabaaje aadi bajaate hain khushi ke। yeh gupta vesh mein kaun aaya hua hai, yeh tum hi jaante ho। unko kaha jaata hai - doordesh ka rahne vaala musaaphir।

tum jaante ho ham aatmaayen paramdham ki rahne vaali hain। yahaan musaaphir ban aaye hain part bajaane। ek-ek akshar jo baap samjhaate hain, duniya mein koi nahin jaante। tum baap se sun rahe ho। woh achhi reeti dhaaran karna chaahiye। baap samjhaate hain tum sab musaaphir ho, is karmakshetra mein। ham shantidham ke rahne vaale hain phir yahaan talkie world mein aate hain। ham shantidham ke musaaphir hain, 84 janmon ka part yahaan bajaate hain। aakhir yeh ant ka samay hai। to baap aaye hue hain - puraani srishti ko naya banaane। yeh bhi tum jaante ho। chitra bhi clear hai, shivbaaba brahma dvaara nai duniya ki sthaapna karte hain। aise to nahin krishna dvaara, vishnu dvaara sthaapna karte hain। baap aate hi hain brahma dvaara svarga rachne। baap aaye hain saadhaaran tan mein। yeh hai hi patit duniya, ek bhi paavan nahin। jabki pahle number vaale lakshmi-naaraayan bhi patit bante hain। jo paavan the vahi patit bane hain, saari dynasty sahit। tum jaante ho ham jo deity dharma vaale the woh ab shoodra dharma vaale ban gaye hain। bhal America aadi mein bade-bade saahookaar rehte hain। parantu satayug ke saamne America kuchh bhi nahin। yeh sab pichhaadi mein bane hain। yeh alpakaal ka bhabhka hai। vinaash to hona hi hai। tum bachchon ko bada achha nasha rehna chaahiye। baap jo hamko svarga ka maalik banaate hain, unko ham bachche yaad na karen, kitna wonder hai। maaya yaad karne nahin deti। tum bachche abhi aise kehte ho - baba maaya hamko yaad karne nahin deti hai। are baba, jo tumko 21 janmon ke liye svarga ka maalik banaate hain, unko tum yaad nahin kar sakte ho? praja bhi to svarga ka maalik banti hai na। sab sukhi rehte hain। abhi to sab duhkhi hain। prime minister, president aadi ko to raat din chinta lagi rehti hai। ladaai aadi mein kitne marte rehte hain। tum jaante ho mahaabhaarat ladaai bhi mashhoor hai, parantu usmein kya hua tha, yeh kiski buddhi mein nahin hai। tumko baap ne buddhi mein bithaaya hai। mahaabhaarat ki ladaai mein sab mar gaye! kitni badi manushya srishti hai। aatmaon ka bhi jhaad hai। jhaad pahle naya hota hai to bahut chhota hota hai phir vriddhi ko paata jaata hai। tum jaante ho pahle jab deity dharma tha to kitna chhota jhaad tha। aadi sanaatan devta dharma tha। ab kitne variety dharma hain। is mahaabhaarat ladaai dvaara in sabka vinaash hona hai। parantu yeh gyaan koi mein hai nahin। bhal kahenge yeh vahi ladaai hai parantu isse kya hone ka hai, yeh pata nahin। tum abhi roshni mein ho। jaante ho vinaash hona hai isliye mahaabhaarat ladaai ke pahle apna varsa to le leven। baat to badi sahaj hai। pavitra bano aur baap ko yaad karo। bahut bachchiyon ke oopar atyaachaar hote hain। tum maataaon ka sangathan hona chaahiye ek do ko bachaane ke liye। parantu dehi-abhimaani zaroor banna pade। hamko paavan to zaroor banna hai -yeh pakka nasha chaahiye। aise nashe mein rahne vaale hi samjha sakenge। humein baap ko yaad karna hai, pavitra banna hai। ham svadarshan chakradhaari hain - yeh nasha to rehna chaahiye। ham rachayita baap aur rachna ke chakra ko jaante hain। abhi hamko baap se nai duniya satayug ka varsa lena hai। ham 84 janma kaise lete hain, yeh samjhaate raho। baap kehte hain mujhe yaad karo to tumhaare paap nashta ho jaayenge। paavan to zaroor banna hai। paavan arthaat pavitra। kaam mahaashatru hai। hamne 84 janma ka chakra poora kiya, ab baap se varsa lena hai। baap kehte hain mujhe yaad karo to tumhaare vikarma vinaash honge। yahaan to aate hi ho refresh hone। mujh baap ko yaad karo - 21 janmon ka varsa lena hai। koi mein bhi moh ki rag nahin rahni chaahiye। nashtomoha banna hai। is shareer mein bhi moh na rahe। yeh to puraani chamdi hai। parantu iski sambhaal rakhni hoti hai, jo padhaai padh saken। takleeph hoti hai to chatti lagaani padti hai। tum jaante ho yeh puraana sada hua shareer hai। inko kuchh na kuchh hota rehta hai। duhkh aatma ko hota hai। jaante ho ab to yeh shareer chhodna hai। yogbal se inko thamaana hai। baap ko yaad karte rehna hai। apne ko aatma samajhkar baap ko yaad karna hai, bas। aur koi laukik sambandh bhi yaad nahin aane chaahiye। main deh nahin aatma hoon। baap kehte hain main tum aatmaon ko varsa dene aaya hoon। aatma pavitra hogi tab phir shareer bhi achha milega।

tum jaante ho abhi hamaari aatma paavan banni hai। ham paavan the to in lakshmi-naaraayan jaise the। in lakshmi-naaraayan ne 84 janma liye hain। saari sooryavanshi dynasty ne 84 janma liye hain। chandravanshi ke liye 84 janma nahin kahenge। haan jo sooryavanshi mein pahle-pahle daas daasi bante honge woh phir treta mein kuchh martaba paate hain, unke 84 janma kahenge। raaja raani, praja jo bhi daas daasiyaan aadi sooryavanshi mein aate hain vahi 84 janma lete hain। aise-aise apne se baaten karni hai। ham 84 janma kaise lete hain। vichaar saagar manthan karna chaahiye। jitna ho sake baap ko aur varse ko yaad karte raho। chalte phirte samjho ki ham baba ke bachche hain। koi bhi mile to unko baba ka parichay dena hai। in chitron mein saari knowledge hai। sab bataana hai। baba aaya hua hai brahma tan mein। ham sab brahmaakumaar kumaariyaan hain na। ham bi.ke. ko svarga ka maalik banaane baba aaya hua hai। sab aatmaon ka baap ek hai। ham brahmaakumaar kumaariyaan hain। apne-apne card bhi dikha sakte ho। kahaan office aadi mein bhi card do, parantu samajh nahin sakenge ki bi.ke. kaun hain! anek prakaar ke vighna aate hain। government ko bhi samjhaaya jaata hai - hamaari yeh family hai। daada aur baba hai। daada dvaara ham varsa le rahe hain। yeh yaad rakhne se khushi rahni chaahiye, milkiyat to daade ki hai। pautron ko hak hai, poora hissa baantakar lete hain।

tum bhi jaante ho - shivbaaba se brahma dvaara ham varsa lete hain। yeh yaad rakhna chaahiye। padhna hai aur phir padhaana hai। yeh baap ka farja hai, bachchon ki paalna karna। jab tak kumaar-kumaari baalig na banen, baap ko unki sambhaal karni hai। bachchon ka kaam hai padhna। padhte hain apne pairon par khada hone ke liye। tum jaante ho - baba hamko padha rahe hain 21 janma ke liye। phir ham apne pairon par khade rahenge। jitna padhenge utna oonch pad paayenge। tum khud kehte ho ham yahaan aate hain shri lakshmi va shri naaraayan banne। yeh satya naaraayan ki katha hai na। koi ko pata nahin hai ki yeh lakshmi-naaraayan 84 janma kaise lete hain। raadhe ke bhagat honge to kahenge raadhe haaziraahzoor hai। jidhar dekho raadhe hi raadhe hai, krishna hi krishna hai, shiv hi shiv hai। yeh gud-guddhaani kar di hai। eeshvar, raadhe, krishna sab sarvavyaapi hain। yeh sab eeshvar ke roop hain। bhagwan ne yeh roop dhaaran kiye hain। jidhar dekho udhar tu hi tu hai… bilkul hi besmajh ban pade hain। yeh hai vikaari patit duniya। satayug hai nirvikaari paavan duniya। viceless world ka arth hi hai svarga। kehte hain vahaan bachche to hain na। woh kaise paida honge। bas, savaal hi yeh poochhenge। kahenge bachche nahin paida honge to srishti kaise badhegi! har saal aadamshumaari ka hisaab nikaalte hain ki kitne jaasti manushya hue। yeh nahin bataate ki itne mare। to bachchon ko pahle to apna kalyaan karna hai। main aatma hoon - pahle to yeh nishchay karo। baba ko yaad karna hai। antakaal jo naaraayan simre... ab naaraayan simre yeh akshar jhoothe likhe hain। antakaal jo shivbaaba simre... usi chinta mein jo mare so svarga ka naaraayan banen। antakaal naaraayan kyon kehte hain? samajhte hain krishna ne gyaan diya tha to bhala krishna ko simre na। krishna ko yaad karte hain। naaraayan ka kisko pata nahin hai। krishna ki jayanti manaate hain, bhala raadhe ki jayanti kahaan? krishna ka janma manaate hain, naaraayan ka kahaan hai? world ke king queen lakshmi-naaraayan ka kisko pata hi nahin। prajaapita brahma ke mukh vanshaavli honge na! kahaan gaye! kehte hain brahman devi-devta namah। brahma ke mukh vanshaavli the na। bachche samajhte hain brahma dvaara shivbaaba brahman dharma sthaapan karte hain। brahman dharma brahma ne nahin racha parantu shivbaaba ne racha hai। yeh to abhi brahma bana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraane shareer mein rehte padhaai padhkar 21 janmon ke liye kamaai karni hai isliye iski sambhaal karni hai। baaki ismen rag nahin rakhni hai।

2) aisa abhyaas karna hai jo antakaal mein ek shivbaaba hi yaad rahe। doosre kisi bhi chintan mein nahin jaana hai। apna kalyaan karna hai।

vardaan:- saakaar roop mein baapdaada ko sammukh anubhav karne vaale combined roopdhaari bhav

jaise shivshakti combined hai, aise paandavapti aur paandav combined hain। jo aise combined roop mein rehte hain unke aage baapdaada saakaar mein sarva sambandhon se saamne hote hain। abhi dinapratidin aur bhi anubhav karenge ki jaise baapdaada saamne aaye, haath pakda, buddhi se nahin aankhon se dekhenge, anubhav hoga। lekin sirf ek baap doosra na koi, yeh paath pakka ho phir to jaise parchhaai ghoomti hai aise baapdaada aankhon se hat nahin sakte, sada sammukh ki anubhooti hogi।

slogan:- maayaajeet, prakritijeet banne vaali shreshtha aatma hi svakalyaani va vishwa kalyaani hai।