Murli du jour du jeudi 4 novembre 2021

04-11-2021 praatahmurli om shanti "baapdaada"' madhuban

“meethe bachche - sangadosh bahut nuksaan karta, isliye sangadosh se apni bahut-bahut sambhaal karte raho, yeh bahut kharaab hai''

prashn:- teen prakaar ka bachpan kaun sa hai? kis bachpan ko kabhi bhi nahin bhoolna?

uttar:- ek bachpan - laukik maa baap ke paas janmate hi mila। doosra bachpan - guru ke shishya banne par hua aur teesra bachpan laukik maa baap ko chhod alaukik maa baap ke bane। alaukik bachpan arthaat eeshvar ki god ke bachche। eeshvar ke bachche bane arthaat marjeeva ban gaye। is alaukik bachpan ko kabhi bhi bhoolna nahin। agar bhool gaye to bahut rona padega। rona arthaat maaya ki chot khaana।

geet:- bachpan ke din bhula na dena…

om shanti। meethe-meethe roohaani bachchon ne geet ka arth samjha। bachpan 3 prakaar ka hai। ek laukik bachpan, doosra hai nivritti maarga ka, woh bhi gharbaar chhod jeete ji markar guru ke athva sannyaasiyon ke bante hain। woh unka baap nahin hai। woh guru ke bante hain, unke saath rehte hain। woh bhi jeete ji markar jaae guru ke bante hain, jangal mein chale jaate hain। teesra hai - tumhaara yeh wonderful marjeeva janma। ek maat-pita ko chhod doosre maat-pita ke bante ho। yeh hai roohaani maat-pita। tumhaara yeh marjeeva janma hai। eeshvareey god mein roohaani janma। tumhaare se ab roohaani baap baat kar rahe hain। woh sab hain jismaani baap। yeh hai roohaani baap isliye gaate hain baap ka bankar, marjeeva bankar phir yeh bhool na jaana। shivbaaba hai oonche te ooncha bhagwan। jab koi geeta aadi par debate karte hain to pahle-pahle yeh baat poochhni hai to oonche te ooncha bhagwan kaun hai? brahma devta namah, vishnu devta namah kehte hain phir kehte hain shiv parmaatmaae namah... woh sabhi dharma vaalon ka baap hai। pahle-pahle yeh baat samjhaani hai - woh oonche te ooncha baap ek hai। brahma, vishnu ko koi god father nahin kahenge। pahle yeh pakka karaao ki god father ek hai, woh niraakaar hai, jisko creator bhi kehte hain। patit-paavan bhi kehte hain। baap se to zaroor varsa milega। yeh khyaal karo, behad ke baap se varsa kisko mila। baap hai nai duniya ka rachne vaala। unka naam hai shiv। shiv paramatma namah kehte hain, unki jayanti bhi manaate hain। vahi patit-paavan, rachayita, knowledgeful hai phir sarvavyaapi ki baat ud jaati hai। unki mahima hai kartavya par। past mein jo kartavya karke jaate hain, unki mahima gaai jaati hai। oonche te ooncha hai baap। unko liberator bhi kehte hain, merciful, duhkh harta sukh karta bhi kehte hain, guide bhi kehte hain। koi naye sthaan par jaate hain to guide ko saath le jaate hain। vilaayat se aate hain to unko guide yahaan ka dete hain। sab kuchh dikhlaane ke liye। teertha yaatra par le jaane vaale pande hote hain। ab baap ko guide kehte hain to zaroor guide kiya hoga। sarvavyaapi kahne se saari baat khatma ho jaati hai। pahle-pahle samjhaao ki sabka baap ek hai। sarvashaastramai shiromni hai geeta, woh hai bhagwan ki gaai hui। unko siddha kar liya to unke baal bachche sab jhoothe siddha ho jaayenge। pahle-pahle sachchi geeta ka saar sunaana chaahiye। shiv bhagvaanuvaach। ab shivbaaba ke charitra kya honge? woh to sirf kehte hain, main is shareer ka aadhaar le tumko patit se paavan banaane ka raasta bataata hoon। bachchon ko raajayog sikhlaane aata hoon, ismen charitra kya karenge। yeh to bujurga hai। sirf aakar bachchon ko padhaate hain। patit ko paavan banaane raajayog sikhlaate hain। tum satayug mein jaakar raajya karenge। tumko varsa milta hai, baaki sab aatmaayen muktidhaam, niraakaari duniya mein hongi। yeh bilkul sahaj baat hai। bhaarat mein devi-devtaaon ka raajya tha। ek hi dharma tha। abhi kaliyug mein kitne dher manushya hain, vahaan bahut thode hote hain। parampita paramatma ek dharma ki sthaapna, anek dharmon ka vinaash karaane aate hain। baaki sab shantidham mein chale jaayenge। vahaan apvitra aatma koi rah nahin sakti। unka naam hi hai patit-paavan, sarva ka sadgati daata। yeh hai puraani duniya, iron ej। satayug ko kaha jaata hai golden ej। jo devtaaon ke pujaari hain, woh sahaj sab kuchh samajh jaayenge। jo poojya hain vahi pujaari bante hain। to pahle baba ka parichay dena hai, ham unke bachche hain, yeh bhoolo nahin। bhoolenge to rona padega। kuchh-kuchh maaya ki chot lag jaayegi। dehi-abhimaani banna hai। ham aatmaon ko vaapis baap ke paas jaana hai। itne dher manushya marenge phir kaun kiske liye royega? bhaarat mein sabse jaasti rote hain। pahle 12 maas ya husain, ya husain... karte hain। chhaati peette rehte hain। yeh hai mrityulok ki rasam-rivaaj, tumko ab saari amarlok ki rasam-rivaaj sikhla rahe hain। tumko ab saari puraani duniya se vairaagya hai। baap kehte hain - maamekam yaad karo। yeh sab khatma ho jaane vaale hain। ab ham ja rahe hain vaapis, naatak poora hota hai। naatak mein sabhi actors hain phir moh kismen rakhenge। samajhte hain inko jaakar doosra part bajaana hai। rone ki kya darkaar hai। har ek ka part noondha hua hai। jaise baap gyaan ka saagar, aanand ka saagar, pyaar ka saagar hai to baap ko follow kar aisa banna hai। saagar se nadiyaan nikalti hain। sab nambarvaar hain। koi achhi varsha karte hain, khoob aap samaan banaate hain। andhon ki laathi bante hain। baap ko to bahut madadgaar chaahiye। baap kehte hain - tum andhon ki laathi bano। sabko raasta bataao। sirf ek braahmani ko thode hi andhon ki laathi banna hai। tum sabko banna hai। tumko gyaan ka teesra netra mila hai, isko kaha jaata hai teesra netra milne ki katha। divya netra hai aatma ke liye। manushya to kuchh bhi samajhte nahin। bilkul tuchchha buddhi ho gaye hain। bhaaratvaasi yeh nahin jaante ki hamaara dharma kisne sthaapan kiya। baap ka janma bhi yahaan hi hota hai। shiv jayanti bhi manaate hain। phir sarvavyaapi kaise ho sakta। baap aur rachna ko duniya mein koi nahin jaante। rishi muni sab neti-neti karte gaye। ek hi badi bhool ki hai jo paramatma ko sarvavyaapi kah diya hai। tum siddha kar bataao ki woh sarva ka baap hai, patit-paavan, liberator hai। puraani duniya se nai duniya mein le jaate hain। vahaan duhkh ki baat nahin hoti। shaastron mein to kya-kya likh diya hai। lakshmi-naaraayan ke liye bhi kehte hain - kya vahaan unko vikaar bina bachcha paida hoga? are kaha hi jaata hai sarvagun sampanna, 16 kala sampoorn, sampoorn nirvikaari, viceless world। inko kaha jaata hai vicious world, phir kaise kehte ho vahaan bhi vikaar hoga। pahle-pahle jab tak baap ko nahin jaana hai to kuchh samajh na saken। sarvavyaapi ki bahut bhaari bhool hai। us bhool se niklen tab jab baap ko jaanen। nishchay karen ki baba ham aapke phir se bane hain, aapse raajya-bhaagya lene ke liye। shaastron mein to kya-kya likh diya hai। lakshmi-naaraayan ko dikhaate hain satayug mein aur bachpan ke raadhe-krishna ko phir dvaapar mein le gaye hain। ab krishna to tha svarga ka prince। phir krishna ke janma by janma features to badalte jaate hain। ek jaise features to kabhi ho na saken। aise thode hi krishna phir unheen features se dvaapar mein aa sakta hai, impossible hai।

tum jaante ho ham asul mein vahaan ke (mool vatan ke) rahvaasi hain, woh hamaara sweet silence hom hai, jiske liye bhakti karte hain। kehte hain hamko shanti chaahiye। aatma ko organs mile hain part bajaane ke liye, phir shanti mein kaise rahenge। shanti ke liye hi hathayog seekhte hain, guphaaon mein jaate hain। ek maas koi gupha mein baitha to kya unke liye woh shantidham hai। tum jaante ho ab ham shantidham mein jaakar phir sukhdhaam mein aayenge, part bajaane। vo log kehte hain jo sukhi hain unke liye svarga hai, jo duhkhi hain unke liye narka hai। tum jaante ho svarga nai duniya aur narka puraani duniya ko kaha jaata hai। bhagvaanuvaach, yeh bhakti, yagya-tap, daan-punya aadi karna - yeh sab hai bhakti maarga, inmen koi saar nahin। satayug treta ko brahma ka din kaha jaata hai। brahma ka din so tum braahmanon ka din, phir tumhaari raat shuru hoti hai। tum pahle-pahle satayug mein jaate ho phir tum hi chakra mein aate ho। brahman, devta, kshatriy, vaishya, shoodra tum hi bante ho। tum kehte ho shiv bhagvaanuvaach aur woh kehte hain krishna bhagvaanuvaach। pharka lamba hai। woh poore 84 janma lete hain। unke saath saari sooryavanshi sampradaay punarjanma lete-lete ab phir ant mein raajya bhaagya le rahe hain। tum bachche jo samajhte ho, unko hi maza aata hai। naye ko maza nahin aayega। tum kiski ninda nahin karte ho, baap tumhein kitna sahaj samjhaate hain। yahaan tum baba ke sang baithe ho to achha samajhte ho। baahar jaane se sang mein pata nahin kya haal hoga। sangadosh bahut kharaab hai। svarga mein aisi baaten hoti nahin। unka naam hi hai svarga, baikuntha, sukhdhaam। shaastron mein to likh diya hai ki vahaan bhi asur the। ab tumko maaloom pada hai ki ham vishwa ke maalik the, vahaan jameen aasmaan koi mein bhi partition nahin rehta। abhi to kitne partition hain। apni-apni haden daalte rehte hain। duniya mein kitne jhagde hote hain। to jab koi bhi aaye to pahle-pahle unko samjhaao ki baap kaun hai, bhagwan kisko kaha jaata hai? brahma, vishnu, shankar hain devtaayen। bhagwan ek hota hai, 10 nahin hote। krishna bhagwan ho na sake। bhagwan kaise hinsa sikhlaayenge। bhagvaanuvaach - kaam mahaashatru hai, un par jeet paane ke liye pratigya karo। raakhi baandho। yeh abhi ki baat hai। jo kuchh past ho gaya hai woh phir bhakti maarga mein hoga। deepmaala par mahaalakshmi ki pooja karte hain। yeh thode hi kisko pata hai ki lakshmi-naaraayan donon hi ikatthe hain। lakshmi ko dhan kahaan se milega? kamaai karne vaala to purush hota hai na। naam lakshmi ka gaaya hua hai। pahle lakshmi peechhe naaraayan। woh phir mahaalakshmi ko alag samajh lete hain। unko 4 bhuja dikhaate hain। do stri ki, do purush ki। parantu woh in baaton ko jaante nahin hain। tum ab detail mein jaante ho।

to geet suna - bachpan ke din bhula na dena। aatma kehti hai - baba hamko ab smriti aai hai। savere-savere uthkar baap se baaten karni chaahiye। amritvele baap ko yaad karna achha hai na। shaam ke time ekaanta mein jaakar baitho। bhal aapas mein stri-purush ikatthe ho to bhi yeh baaten karte raho। shivbaaba brahma ke tan se kya kehte hain। ham jab poojya bante hain to baba ko yaad nahin karte the। jab pujaari bante hain to baap ko yaad karte hain। aisi-aisi baaten karni chaahiye, jo koi sune to wonder khaaye। aadhaakalpa ham kaam chita par baith jalkar bhasma ho gaye the, kabradaakhil ho gaye the। ab hamko gyaan chita par baithna hai, svarga mein jaana hai। yeh puraani duniya hai। bhaaratvaasi samajhte hain yeh svarga hai। are svarga to satayug mein hota hai। svarga mein devi-devtaaon ka raajya tha। yahaan to maaya ka pomp hai। ab baba kehte hain sangadosh mein aakar kahaan mar nahin jaana। nahin to bahut pachhtaayenge। imtahaan ki result jab nikalti hai to sabko maaloom pad jaata hai। aage bachchiyaan dhyaan mein jaakar sab kuchh sunaati thi ki yeh raani banengi, yeh daasi। phir baba ne banda karaaya। pichhaadi mein sab kuchh maaloom pad jaayega ki hamne baap ki kitni service ki! kitnon ko aap samaan banaaya! woh sab yaad aayega, saakshaatkaar hoga, bina saakshaatkaar ke dharmaraaj bhi saja de na sake। bachchon ko baar-baar samjhaaya hai maamekam yaad karo। baap aakar meethe-meethe jhaad ka sapling lagaate hain। vo government jhaadon ka sapling lagaati hai। utsav manaate hain। yahaan nai duniya ka sapling lag raha hai। to aise baap ko bhoolo mat। baap ki service mein lag jaao, nahin to ant mein bahut pachhtaana padega। abhi varsa nahin liya to kalpa-kalpaantar ka hisaab ho jaayega, isliye purushaartha full karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baap gyaan ka, aanand ka, pyaar ka saagar hai aise baap samaan banna hai aur aap samaan banaane ki seva karni hai। sabko gyaan ka teesra netra dena hai।

2) aisa koi bhi sang nahin karna hai jo pachhtaana pade। sangadosh bahut kharaab hai isliye apni sambhaal karni hai। baap se varsa lene ka poora purushaartha karna hai।

vardaan:- divya gunon ke aahvaan dvaara avgunon ko samaapta karne vaale divyagundhaari bhav

jaise deepaavli par shreelakshmi ka aahvaan karte hain, aise aap bachche svayan mein divyagunon ka aahvaan karo to avgun aahuti roop mein khatma hote jaayenge। phir naye sanskaaron roopi naye vastra dhaaran karenge। ab puraane vastron se jara bhi preet na ho। jo bhi kamjoriyaan, kamiyaan, nirbalta, komalta rahi hui hai - vo sab puraane khaate aaj se sadaakaal ke liye samaapta karo tab divyagundhaari banenge aur bhavishya mein taajposhi hogi। usi ka hi yaadgaar yeh deepaavli hai।

slogan:- saral yaad ke liye saralta ka gun dhaaran karo, sanskaaron ko saral banaao।