Murli du jour du lundi 8 novembre 2021

08-11-2021 praatahmurli om shanti "baapdaada"' madhuban

“meethe bachche - shivbaaba ka bankar koi bhi bhool nahin karna, bhool karne se baap ka naam badnaam kar denge''

prashn:- sabse badi pravritti kiski hai aur kaise?

uttar:- shivbaaba ki sabse badi pravritti hai। bhakti mein sab tvamev maataashcha pita kahkar pukaarte hain to pravritti vaala hua na। parantu jab tak woh saakaar mein na aaye tab tak unki koi pravritti nahin kyonki oopar mein to aatmaayen baap ke saath niraakaari roop mein rehti hain। jab saakaar mein aakar inmen pravesh karte hain to sabse badi pravritti hai।

om shanti। bhaarat khaas aur duniya aam yeh nahin jaante ki behad ka baap nivritti vaala hai ya pravritti vaala? jab baap aate hain, to bachche-bachche kah bulaate hain kyonki unko pukaara bhi jaata hai - tvamev maataashcha pita tvamev… to grihasthi ban jaate। vahaan to sab jaante hain - shiv niraakaar hai। bhal shiv ka aakaar hai parantu baal bachche to nahin hain। agar hain bhi to sab aatmaayen bachche hain। sab ek jaise bachche hain, isliye samajhte hain sab paramatma hain। aatma bhi bindi roop hai, paramatma ka bhi bindi roop hai। grihasthi log hi gaate hain tvamev maataashcha pita.. sannyaasi nivritti maarga vaale kah dete paramatma brahm hai। woh tvamev maataashcha pita nahin kahenge। unka maarga alag hai। yeh bhi bhool se lakshmi-naaraayan ke aage jaakar mahima gaate hain - tvamev maataashcha pita.. ya kahenge achtam keshvam.. bhakti maarga mein stutiyaan to athaah gaate hain। vaastav mein paramatma baap hai, unse varsa kaise aur kya milna hai। tum bachche jaante ho - woh baap bhi hai, daada bhi hai, badi maa bhi hai, prajaapita bhi hai। is dvaara kehte hain bachche, main tumhaara baap bhi hoon phir mujhe bhi pravritti maarga mein aana padta hai। yeh meri yugal bhi hai, bachcha bhi hai। jab ismen pravesh karta hoon tab pravritti vaala ban jaata hoon। mujhe hi supreme baap, supreme teacher, supreme guru bhi kehte hain। guru guide karte hain mukti ke liye। woh to hai sab jhooth। yeh hai satya। angreji mein paramatma ko truth kehte hain। to truth kya aakar satya bataate hain, yeh kisko pata nahin। ham tumko bhi pata nahin tha। to jaise nai baat ho gai na। woh gyaan ka saagar, sachkhanda sthaapan karne vaala hai। zaroor kabhi sach bataake gaya hai tab hi to gaayan hai। sachkhanda ko heaven kehte hain। vahaan deity sovereignty dikhaate hain। abhi hai puraani duniya, phir nai duniya hone vaali hai। puraani duniya ko aag lagni hai। sthaapna ke samay vinaash bhi gaaya jaata hai। karan-karaavanhaar paramatma gaaya hua hai। brahma dvaara sthaapna karte hain। kaise karaate hain? woh to khud hi aakar bataayenge। manushya kuchh bhi nahin jaante। kehte hain paramatma karan-karaavanhaar hai। aur phir drama ka bhi pata pad gaya। kaliyug ant, satayug aadi.... is sangam ko hi oonch maanna chaahiye। kaliyug ke baad aata hai satayug। phir neeche utarna hota hai। svarga, narka gaaya hua hai। manushya marte hain to kehte hain svargavaasi hua। zaroor koi samay svargavaasi hue hain। yeh khaas bhaaratvaasi hi kehte hain kyonki jaante hain bhaarat sabse praacheen hai। to zaroor yahi heaven hoga। baaten kitni sahaj hain parantu draamaanusaar samajhte nahin hain tab to baap aate hain samjhaane। pukaarte bhi hain baba aao। aapmen jo knowledge hai woh aakar humein do। patiton ko paavan banaane aao। phir kehte hain hamaara duhkh harkar sukh do, parantu yeh pata nahin ki kya knowledge denge! kya sukh denge! ab tum bachche jaante ho woh baap hai to zaroor baap se rachna hui hogi। father maana rachta। bachche ne father kaha to creation thahre। creation bhi zaroor kahaan se paida hui hogi। phir bachchon ko property bhi di hogi। yeh to common baat hai, isliye hi mujhko tvamev maataashcha pita kehte hain। to baba bada grihasthi hua na। bulaate bhi hain he maat pita aao, aakar paavan banaao। ab father to hai parantu mother bigar rachna kaise ho sakti hai। yeh phir yahaan rachna baba kaise rachte hain। yeh hai bilkul nai baat। yahaan bhi bahuton ki buddhi mein thaharta nahin hai aur sab jagah sirf paramatma ko father kah bulaate hain। yahaan donon hain mother father, to pravritti maarga hua na। vahaan sirf father kahne se unhon ko mukti ka varsa milta hai। woh aate bhi peechhe hain। yeh to sab jaante hain Christian dharma ke aage bauddhi dharma tha, unke aage islaami dharma tha। is seedhi mein aur dharma to hain nahin isliye gole ke baaju mein rakhna chaahiye। yeh hai paathshaala। ab paathshaala mein sirf ek kitaab thode hi hoga। paathshaala mein to maps bhi chaahiye। woh jismaani vidya to kaam mein nahin aayegi। maps se manushya jhat samajh jaayenge। yeh tumhaare mukhya maps hain। kitna vistaar se samjhaaya jaata hai phir bhi pattharbuddhi samajhte nahin। baba ne samjhaaya hai - pradarshani mein trimoorti par hi pahle samjhaana hai। yeh tumhaara baba hai, woh daada hai। gyaan kaise deve? varsa kaise deve? bhaaratvaasiyon ko hi varsa milna hai। parampita paramatma brahman, devta, kshatriy 3 dharma ki sthaapna karte hain। brahma dvaara brahman hi rachte hain, yeh hai yagya, isko kaha jaata hai roodra gyaan yagya। aur bhakti maarga ke jo yagya hain - woh deri se shuru hote hain kyonki pahle-pahle hoti hai shiv ki pooja phir devtaaon ki pooja। us samay koi yagya nahin hota। baad mein yeh yagya karna shuru karte hain। pahle devtaaon ki pooja karte hain, phool chadhaate hain। ab tum pooja laayak nahin ho। log shiv ke oopar jaakar ak-dhatoora kyon chadhaate hain? baap samjhaate hain - tum sab kaante the। unse phir koi sada gulaab, koi gulaab, koi motiya bante hain। koi phir ak ke phool bhi ban padte hain। poora nahin padhte to ak ban jaate hain। koi kaam ke nahin rehte। shivbaaba par sab kaante chadhte hain, phir unhon ko phool banaate hain parantu phoolon ki bhi variety ban jaati hai। bageeche mein variety phool hote hain na। tumhaare mein bhi nambarvaar hain। koi takhtansheen banenge, koi kya banenge - yeh sab baaten baap hi samjhaate hain aur koi samjha na sake। bhakti maarga kitna lamba chauda hai। parantu usmein gyaan jara bhi nahin। satayug mein devi-devta the। kaliyug mein ek bhi devta nahin। to zaroor paramatma ne manushyon ko devta banaaya hoga। to baap aakar aisa karma sikhlaate hain jo manushya seekhkar, daiveegun dhaaran kar devi-devta ban gaye। aur dharma vaale kya sikhlaayenge? kyonki unhon ko to oopar se unke pichhaadi mein aana hai। to woh sirf pavitrata ka gyaan dete hain। Christ jab aata hai to Christian to koi hai nahi। oopar se unke pichhaadi aate hain। baba ne samjhaaya hai mukhya dharma hain 4, jo dharma sthaapan karte hain, unka jo shaastra hai, unko kaha jaata hai dharma shaastra। to mukhya hain 4 dharma। baaki sab hain chhote-chhote dharma jo vriddhi ko paate rahenge। islaami dharma ka shaastra apna, bauddhiyon ka apna। to dharma shaastra sirf yahi thahre। brahman dharma to abhi ka hai। vo log gaate hain brahman devta namah... to un braahmanon ko samjhaana hai ki paramatma jab brahma dvaara aakar brahma mukh vanshaavli rachte hain, vahi sachche brahman hain। tum to prajaapita brahma ki aulaad ho hi nahin। tum sirf apne ko brahman kahlaate ho, parantu arth nahin jaante। brahma bhojan jab khaate hain to sanskrit mein shlok padh brahma bhojan ki mahima gaate hain। mahima saari phaaltu karte hain। unse poochhna chaahiye ki tum brahman kaise thahre? pahle to brahma chaahiye - jis dvaara paramatma srishti rache। to sachche brahman ho tum। braahmanon ko to choti dikhaate hain na। viraat roop mein phir brahman dikhaate nahin। to brahman aaye kahaan se। tum apne ko brahman kahlaate ho to paramatma jab aakar brahma dvaara nai rachna rache tab brahman ho, phir brahman hi devta bante hain। brahman hote hi hain sangam par। kaliyug mein sab shoodra hain। braahmanon ki bahut mahima karte hain। yeh sab baaten baba samjhaate hain। alpha be, baaki hai detail। bhakti ka bhi samjhaana pade। baba kah dete tum koi bhagat ho, baaki baba kab gussa aadi nahin karte hain। baap samjhaani to dega na kyonki bachche agar bhool karte hain to naam badnaam kiska hoga? shivbaaba ka isliye baba bachchon ke kalyaan arth shiksha dete hain। samjho inse koi bhool ho jaati hai to bhi usko sudhaarne ke liye drama mein noondh hai। usse bhi phaayda niklega kyonki yeh bada bachcha hai na। saara madaar is par hai, inse koi nuksaan nahin hoga। yeh kehte hain aise karo to kar dena chaahiye। to nuksaan se bhi phaayda nikal aayega। nuksaan ki koi baat nahin। har baat mein kalyaan hi kalyaan hai। akalyaan bhi drama mein tha। bhoolen to sabse hoti rahengi। parantu ant mein kalyaan to koi bhi haalat mein hona hai kyonki baap hai kalyaankaari। sabka kalyaan karna hai। sabko sadgati de dete hain। ab sabki kayaamat ka samay hai। paapon ka bojha sabke sir par hai to sabka hisaab-kitaab chuktu hoga। sajaayen milne mein deri nahin lagti hai। second mein jeevanmukti milti hai to kya second mein paapon ki saza nahin bhog sakte hain! jaise kaashi kalvat mein hota hai। shareer chhoot jaata hai। parantu aise nahin shivbaaba se jaakar mile। nahin, sirf pichhla paapon ka hisaab chuktu ho phir nayesir shuru ho jaata hai। beech se koi vaapis ja nahin sakta। bhal gyaan second ka hai parantu padhaai to padhni hai। roz shivbaaba ki aatma jo gyaan ka saagar hai, vahi aakar padhaate hain। krishna to dehdhaari hai। punarjanma mein aate hain। baba to ajanma hai, jinko padhna nahin hai woh to zaroor vighna daalenge। yagya mein vighna to padenge। ablaaon par atyaachaar honge। woh sab kuchh ho raha hai kalpa pahle muaaphik। asur kaise hangaama karte hain, chitra phaadte hain, koi samay aag lagaane mein bhi deri nahin karenge। ham kya karenge। andar mein samajhte bhaavi, baahar mein pulis aadi ko report karni padegi। andar mein jaante hain kalpa pahle jo hua tha so hoga, ismen duhkh ki koi baat nahin। nuksaan hua, dhobi ke ghar se gai chhu। phir doosra ban jaayega।

baba ne kah diya hai - jahaan pradarshani aadi karte ho to 8 din ke liye insurance kara do। koi achha aadmi hoga to charge bhi nahin lega। na insurance kiya to bhi kya hoga। phir naye achhe chitra ban jaayenge। kadam-kadam mein padam hain। tumhaara kadam-kadam, second-second bahut valuable hai। tum padmapti bante ho, 21 janmon ke liye baba se varsa lete ho to kitna achhi reeti samjhaana chaahiye। vahaan svarga mein tumhaare paas anginat dhan hoga। ginti ki baat nahin। to kitna baba tumko dhanvaan sukhi banaate hain। income kitni badi hai। praja bhi kitni saahookaar banti hai। yeh hai source oph income 21 janma ke liye। yeh hai manushya se devta banne ki paathshaala। padhaata kaun hai? baap। phir aisi padhaai mein gaphlat nahin karni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada smriti rahe ki is kalyaankaari yug mein har baat mein kalyaan hai, hamaara akalyaan ho nahin sakta। har baat mein kalyaan samajh sada nishchint rehna hai।

2) sada gulaab banne ke liye padhaai par poora-poora dhyaan dena hai। padhaai mein gaphlat nahin karni hai। ak ka phool nahin banna hai।

vardaan:- sabko regard dete hue apna record theek rakhne vaale sarva ke snehi bhav

jitna jo sabhi ko regard deta hai utna hi apne record ko theek rakh sakta hai। doosron ka regard rakhna apna record banaana hai। jaise yagya ke madadgaar banna hi madad lena hai, vaise regard dena hi regard lena hai। ek baar dena aur anek baar lene ke hakdaar ban jaana। vaise kehte hain chhoton ko pyaar aur badon ko regard do lekin jo sabhi ko bada samajhkar regard dete hain woh sabke snehi ban jaate hain। iske liye har baat mein “pahle aap'' ka paath pakka karo।

slogan:- baapdaada ki mili hui shikshaayen samay par yaad aana hi teevra purushaartha hai।