Murli du jour du mardi 9 novembre 2021

09-11-2021 praatahmurli om shanti "baapdaada"' madhuban

“meethe bachche - sweet father aur sweet raajdhaani ko yaad karo to bahut-bahut sweet ban jaayenge''

prashn:- tum bachche kaun sa purushaartha kar manushya se devta bante ho?

uttar:- tum abhi gyaan maanasrovar mein dubki maar gyaan pari bante ho, gyaan snaan se tumhaari seerat badalti jaati hai। jo bhi avgun hain, nikalte jaate hain। baap aur vishnupuri ko yaad kar tum paavan devta ban jaate ho। devtaaon mein pavitrata ki hi aakarshan hai। isi kaaran manushya devtaaon ke mandiron mein door-door se kheenchakar jaate hain।

geet:- hamaare teertha nyaare hain…

om shanti। meethe-meethe roohaani bachchon ne yeh geet suna। bachche hi lucky sitaare gaaye jaate hain। gyaan soorya, gyaan chandrama, gyaan lucky sitaare। woh soorya chandrama to maandave ko roshni karte hain, isliye tumhaari mahima gaai hui hai। tum ho gyaan sitaare, unko gyaan sitaare nahin kaha jaata। gyaan soorya naam sunkar samajhte hain ki shaayad woh soorya gyaan swaroop hai kyonki samajhte hain patthar-bhittar mein bhagwan hai to soorya ko bahut maante hain। apne ko sooryavanshi kahlaate hain। soorya ki pooja karte hain, jhanda bhi soorya ka hai। tumhaara hai trimoorti ka jhanda। kitna wonderful hai। ismen likha hua bhi hai satya mev jayte। sachmuch vishwa par vijay to vahi praapta karaate hain। tum ho shiv shakti paandav sena। unhonne naam rakh diya hai - trimoorti maarga, trimoorti house। inka arth bhi baap samjhaate hain ki in trimoorti se main kya kartavya karaata hoon। brahma dvaara sthaapna....। unhonne trimoorti se shiv ko nikaal chitra khandit kar diya hai। ab tum jaante ho is trimoorti ke chitra mein kitna raaz hai। satya shivbaaba brahma dvaara raajaai dete hain। ham bachche shivbaaba dvaara kalpa pahle misal phir se pavitrata, sukh-shanti aur sampatti ka raajya le rahe hain। padhaai hamesha brahmacharya mein hi padhi jaati hai। abhi to koi-koi shaadi ke baad bhi course utha lete hain kyonki aamadni jaasti ho jaati hai। yahaan tumhaari aamadni anginat hai। bachche jaante hain ki shivbaaba hamko vishwa ka maalik banaane aaya hai। shreemat shreshtha gaai hui hai। baba ka bachcha bana to zaroor baap ki mat par chalega। bhaai-bhaai ki mat par nahin। woh to anek janma chale, unse kuchh phaayda nahin hua। ab baba ki mat par chalna hai। saadhu-santa aadi sab bhaai-bhaai hain। ab baap aaya hai oonchi mat dene। nature-cure ki bhi bahut davaaiyaan karte hain। woh hain sab alpakaal ke liye। yeh hai 21 janmon ke liye nature-cure। woh kahenge thande paani mein snaan karo। yeh karo, khaan-paan ki parhej karo। yahaan woh khaan-paan ki baat nahin। yahaan to sweet father bachchon ko kehte hain ab mujhe yaad karo to tum bahut sweet ban jaayenge। devtaayen sweet hain na, unmein kitni aakarshan rehti hai। aage shiv ke mandir bhi oonchi-oonchi pahaadiyon par bante the। manushya paidal kar deedaar karne jaate the kyonki purity kheenchati thi। devtaayen jab pavitra the to vishwa par raajya karte the। ab unke chitron ke aage jaakar vandana naman karte hain। ab us sweet father ko yaad to sab karte hain। unko aana bhi yahaan hi hai। zaroor unse vaikuntha ke sukh ghanere milte hain tab to unko yaad karte hain। jab raavan raajya ka ant hoga tab to baap aakar svarga ki raajaai denge। baba aate bhi bhaarat mein hain। shiv jayanti bhi bhaarat mein manaate hain parantu unse kya milta hai, kisko pata nahin। baap kehte hain main aaya hoon tum bachchon ko sweet banaane। tum kitne chhi-chhi ban gaye the। baba knowledgeful hai, ab tumko sab knowledge mil rahi hai। beej ko hi saari knowledge hogi na। woh hai beej, sat hai, chaitanya hai aur phir gyaan ka saagar hai, satya bolte hain। woh bhi aatma hai, parantu param hai। param aatma maana paramatma। woh sadaiv paramdham mein rehte hain, oonche te ooncha hai। bahut kehte hain naam-roop se nyaara hai। parantu naam-roop se nyaari koi bhi vastu hoti nahin hai। unka naam shiv hai। sabhi unki pooja karte hain, woh niraakaar hai। ab aaya hua hai। aage ham deh-abhimaani the। ab baap kehte hain bachche, aatma-abhimaani bhav। geeta mein bhi hai manmanaabhav। sirf usmein shiv ke badle krishna ka naam daalne se khandan ho gai hai। phir bhi kitaab padhne se thode hi raajaai milegi। raajaai hoti hai satayug mein। zaroor baap sangam par aayega। abhi drama anusaar bhakti poori hoti hai। bhakti ke baad hai gyaan। yeh hai puraani duniya, satayug hai nai duniya। satayug mein sooryavanshi raajya karte the। yeh hai raajayog। nar se naaraayan, naari se lakshmi banne ka। satayug mein inhon ka raajya tha। ab kaliyug mein dekho kya hai! ab tum satayug mein jaane ke liye phir padh rahe ho। bhakti maarga ke jo bhi itne ved-shaastra aadi hain unko chhodna padta hai। gyaan mil gaya phir bhakti ki darkaar nahin। gyaan se ham vishwa ke maalik bante hain।

baba aaya hai - bhakti ka phal dene। gyaan suna rahe hain। ab hamko patit se paavan bhi zaroor banna hi hai kyonki patit to vaapis ja nahin sakte। muktidhaam mein bhi sab paavan aatmaayen rehti hain। sukhdhaam mein bhi sab pavitra rehti hain। abhi kaliyug mein sab patit hain। ab unko paavan kaun banaayega? patit-paavan hai ek baap। ab baap kehte hain main inke bahut janmon ke ant ke janma mein aata hoon। sabse jaasti number one bhagat yeh daada tha। phir brahma kaho ya lakshmi-naaraayan ki aatma kaho। yeh badi goodh baat hai samajhne ki। vishnu ki naabhi se brahma aur brahma ki naabhi se vishnu nikla...... vishnu 84 janmon ke baad brahma bante hain। yeh baaten koi shaastron mein nahin hain। baap bhi geeta paathi tha। jab gyaan aaya, dekha baba to vishwa ki baadshaahi dete hain। vishnu ka bhi saakshaatkaar hua phir phat se geeta aadi chhoot gai। baba ki praveshta thi na। phir kabhi haath bhi nahin lagaaya। ek baap ko hi yaad karne laga। yeh kehte hain main bhi us baap se sunne laga। shivbaaba kehte hain - ham jab bachchon ko sunaate the to yeh bhi sunte the। inke tan mein main pravesh kar aaya hoon, isliye inka naam rakha hai arjun। shaastron mein ghode ka rath dikhaate hain। kitna farka hai। ghode gaadi mein ek ko baith gyaan diya kya? abhi tum samajhte ho yeh kaise ho sakta hai। tum practical dekh rahe ho - baba kaise padhaate hain। kitne centres hain। to padhaane ke liye zaroor paathshaala chaahiye, na ki yuddha ka maidaan। baba raajayog sikhaata hai। satayug mein koi shaastra hota nahin। mainne ab gyaan sunaaya bas, satayug mein darkaar hi nahin। puraani duniya ka jo kuchh hai yeh sab khaak mein mil jaayega। yeh raajasva ashvamedh yagya hai। ashva is rath ko kaha jaata hai, inko bhi svaaha karna hai। aatma baap ki bani phir yeh puraana shareer bhi khatma ho jaayega। krishnapuri mein yeh chhi-chhi shareer thode hi le jaayenge। aatma amar hai। holi mein dikhaate hain - koki jal jaati hai, dhaaga nahin jalta hai। baba phir behad ki baat samjhaate hain - ab tak jo suna hai woh bhool jaao। ab bhaarat jhooth khanda ban gaya hai, kal sachkhantha tha। sachkhanda baap ne banaaya phir raavan ne jhooth khanda banaaya। yeh raavan sabka puraana dushman hai। bas koi ne jo bola us par chal padte hain। jaise delvaada mandir mein aadi dev ka naam mahaaveer rakh diya hai। mahaaveer hanoomaan ko kaha jaata hai। ab kahaan woh, kahaan yeh। is mandir mein hoobhu tumhaara yaadgaar hai। oopar svarga, neeche tapasya। aadinaath ki moorti golden banaai hai। kehte hain na - bhaarat sone ki chidiya thi। bhaarat jitna sona aur koi jagah nahin। sone ke mahal bane the। chhaton mein deevaaron mein heere javaahar lage hue the। mandiron mein kitne heere-javaahar the jo phir loot gaye। masjidon mein jaakar lagaaye। to us samay kya value hogi। akeechaar dhan tha tab to lootkar le gaye। yeh sab jaante hain ki praacheen bhaarat bahut saahookaar tha। ab kitna gareeb ban gaya hai। gareeb par taras padta hai। raavan ne kitna insolvent banaaya hai। baap phir solvent banaate hain। yeh behad ka naatak hai, iske aadi-madhya-ant ko koi bhi nahin jaante। baap knowledgeful hai। aise nahin ki sabke andar ko baith dekhta hoon। yeh sab drama mein noondh hai। paap jo karte hain unki saza to milti hi hai। mere ko to kehte hi hain knowledgeful, patit-paavan। pukaarte hain he baba aao, aakar hamko knowledge do। paavan banaao। to main yeh kaarya aakar karta hoon। baaki shaastron ki jo baaten hain, woh baap kehte hain bhool jaao aur jo main sunaata hoon woh suno। ab baap dvaara raajayog seekh rahe ho। phir sooryavanshi banenge। phir chandravanshi, vaishyavanshi, shoodravanshi banenge। yeh gyaan tumhaari buddhi mein hai। satayug mein sab bhool jaayega। vahaan baap ko koi yaad nahin karte hain। varsa mil gaya phir yaad kislie karenge। kitna achhi reeti samjhaaya jaata hai। yeh baaten koi shaastron mein nahin hain। vrikshapti hai hi baap। woh kehte hain mujhe yaad karo। creator ek hota hai ki patthar-thikkar bhi creator honge?

baap kehte hain ki raavan ne tumhaari buddhi kitni kharaab kar di hai। bade-bade vidvaanon ko ahankaar kitna hai। baap ko jaante hi nahin। na rachna ke aadi-madhya-ant ko jaante hain। baap kehte hain - mainne tumko raajaai de di। tumne sab dhan-daulat khatma kar diya, ab bheekh maang rahe ho, isliye aasuri sampradaay kaha gaya hai। devtaaon ki kitni mahima gaai hai। phir kehte ham nirgun haare mein koi gun naahi। ab tum bachchon ko gun dhaaran karne hain, avgunon ko nikaal do। raavan ne tumko bandar misal bana diya hai। ab baap tumko devta banaate hain। jismen 5 vikaar hain unko bandar kaha jaata hai। (naarad ka misaal) abhi tumhaari seerat badalti jaati hai phir ham devta ban jaayenge। is gyaan sarovar mein dubki maar ham gyaan pari ban jaate hain। unhonne phir paani ko maan-sarovar samajh liya hai। yeh hai gyaan snaan ki baat। yeh to bachche jaante hain, baba hoobhu 5 hajaar varsha pahle misal hamko samjha rahe hain, ismen koi sanshay pad nahin sakta। patit-paavan baap ko aur vishnupuri ko yaad karo to tum paavan ban jaayenge। manushya mukti ke liye kitna maatha maarte hain parantu ghar ka kisko bhi pata nahin hai। koi samajhte hain aatma leen ho jaayegi। koi samajhte hain aatma doosra shareer leti nahin। anek mat hain, baap ko koi jaanta hi nahin। saari duniya samajhti hai krishna bhagvaanuvaach। yahaan baap kehte hain shiv bhagvaanuvaach। kitna raat-din ka farka hai। naam hi ekdam badal diya hai। achha।

meethe-meethe bachchon, baapdaada donon kehte hain। donon ke bachche hain na। yeh bhi student, tum bhi student। yeh bhi padh rahe hain। jo bhaarat ko paavan banaane ki service mein hain, vahi bachche thahre। jo paavan nahin bante unko dekhte bhi baba nahin dekhte। samajhte hain sajaayen khaakar phir aakar baborchi banenge। jo paavan bante hain, woh vishwa ke maalik banenge। achha -

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sweet banne ke liye sweet baap ko bade pyaar se yaad karna hai। sachche baap se sachcha rehna hai। ek baap ki shreshtha mat par chalna hai।

2) purushaartha kar sampoorn banna hai। bhaarat ko paavan banaane ki service karni hai। kisi bhi baat mein sanshay nahin uthaana hai।

vardaan:- har baat mein saar ko grahan kar all-round banne vaale saral purooshaarthi bhav

jo bhi baat dekhte ho, sunte ho, uske saar ko samajh lo aur jo bol bolo, jo karma karo usmein saar bhara hua ho to purooshaartha saral ho jaayega। aisa saral purooshaarthi sab baaton mein all-round hota hai। usmein koi bhi kami dikhaai nahin deti। koi bhi baat mein himmat kam nahin hoti, mukh se aise bol nahin nikalte ki ham yeh nahin kar sakte। aise saral purooshaarthi svayan bhi saralchit rehte hain aur doosron ko saralchit bana dete hain।

slogan:- saadhan use karte unke prabhaav se nyaare aur baap ke pyaare bano।