Murli du jour du samedi 13 novembre 2021

13-11-2021 praatahmurli om shanti "baapdaada"' madhuban

“meethe bachche - main tum bachchon ke liye hatheli par bahishta laaya hoon, tum mujhe yaad karo to svarga ki baadshaahi mil jaayegi''

prashn:- behad ki khushi kin bachchon ko nirantar rah sakti hai?

uttar:- jinhonne behad ka sannyaas kiya hai aur sang tod ek sang joda hai, vahi nirantar khushi mein rah sakte hain। 2- jo follow father karte hain, jinhen service ka shauk hai unki khushi kabhi gaayab ho nahin sakti।

geet:- chhod bhi de aakaash sinhaasan…

om shanti। meethe-meethe roohaani bachchon ne geet suna। yeh kisne kaha? baap ne bachchon ko kaha ki geet suna? jab ati duhkh hota hai tab bulaate hain। bachche jaante hain ki baap hi sukhdhaam va paavan duniya rachte hain athva bhagwan bhagavti ka raajya sthaapan karte hain। bhagwan aur bhagavti jaise svarga ke maalik thahre। tum dekhte ho lakshmi-naaraayan kitne dhanvaan the, kitni badi raajdhaani thi। unki raajdhaani mein kabhi koi upadrav hota nahin। baap bachchon ko varsa hi aisa dete hain to kitni khushi mein rehna chaahiye। parantu nambarvaar purushaartha anusaar to hain hi। koi-koi to poora gyaan na uthaane ke kaaran na vahaan ki khushi mein rehte hain aur na yahaan ki khushi mein rehte hain। unko kehte hain donon jahaan se gaye kyonki baap se varsa lete-lete gir padte hain। duniya mein yeh kisko maaloom nahin ki bhagwan aakar svarga sthaapan kar rahe hain kyonki woh aate hi hain gupta roop mein। kehte hain zaroor bhagwan is samay hona chaahiye kyonki sab ghor andhiyaare mein hain। raat ko 12 bajte hain to unko ghor andhiyaara kaha jaata hai। raat mein ghor andhiyaara, din mein ghor prakaash hota hai। bachche jaante hain ab bhakti maarga ki raat poori hoti hai, jismen duhkh hi duhkh hai। manushya samajhte hain bhakti ke baad bhagwan milta hai। tum jaante ho - baap hi aakar ham sabki sadgati karte hain। tum bachchon mein bhi nambarvaar to zaroor hain। koi ka to khushi ka paara chadha hua rehta hai। mehnat bhi khushi se karte hain। service ka shauk rehta hai ki koi ko jaakar samjhaayen, isliye baba pradarshani, mele ka bhi prabandha rachte rehte hain ki auron ko samjhaane se khushi ka paara chadh jaaye। yahaan jiske paas dhan hai, woh samajhte hain ham svarga mein baithe hain। unhon ke liye gyaan uthaana mushkil hai isliye gaaya hua hai koton mein koi hi itna samajhdaar ban baap ke varse ke adhikaari bante hain। follow father gaaya hua hai। to baap ki shreemat par chalna pade। jo achhi tarah se shreemat par chalte hain unko follow father karna chaahiye। jaise yeh (brahma) bachcha achhi tarah chal raha hai। laukik bachche raay par nahin chale to kaha tum apni raah le lo। raavan ki mat par chalne vaale aur raam ki mat par chalne vaale ikattha nahin rah sakte।

tum bachche samajhte ho ki bhaarat mein hi aadi sanaatan devi-devta dharma tha। woh 84 janma le patit bane hain, tab pukaarte hain he patit-paavan aao। abhi tum bachche samajhte ho ki baaki thode roz hain। daivi raajdhaani sthaapan karne mein time to lagta hai। yeh hai gupta। ismen ladaai ki baat nahin। aise nahin chadhaai karke raajya lete hain। nahin, yeh to baap aakar raajaaon ka raaja banaate hain। jis baap ko yaad karte duhkh-harta sukh-karta aao। sannyaasi guru thode hi duhkh-harta ho sakte hain? unhon ka sannyaas hai had ka। tumhaara hai behad ka। ismen behad ki khushi rehti hai। in lakshmi-naaraayan bhagavti-bhagwan ko bhi behad ki khushi hai na। patit manushyon ko to jo aata so bolte hain। tum to ek-ek akshar arth sahit bolte ho। nai duniya mein hai hi ek dharma। unki koi se bhi bhent nahin ki jaati hai। puraani duniya mein bhent ki jaati hai। nai duniya mein yeh pata nahin rehta ki puraani duniya mein kya hoga। vahaan sab kuchh bhool jaata hai। yahaan tumko sab kuchh batlaaya jaata hai ki nai duniya kab sthaapan hogi! puraani duniya kab vinaash hogi! tumko sab knowledge hai। ab tumko baap mila hai svarga ki sthaapna karne vaala। to unse achhi tarah se varsa lena chaahiye। varsa milna bhi unhon ko hai jinhonne kalpa pahle achhi tarah purushaartha kiya tha। unmein bhi nambarvaar hain। yeh hai kaanton ki duniya। pahle number ka kaanta to sabmen hai hi। puraani duniya chhi-chhi, nai duniya achhi hoti hai। svarga kisko kaha jaata hai, yeh bhi kisko pata nahin hai। aise hi kah dete hain ki phalaana svargavaasi hua। svarga hai kahaan jo svargavaasi hua।

tum jaante ho svarga bhi is bhaarat mein tha। narka bhi bhaarat mein hai। to yeh akshar vo log pakadkar kah dete hain svarga narka yahaan hi hai। jinko bahut dhan hai woh svarga mein hain। parantu aise nahin hai। bhaarat naya tha to satayug tha, jisko svarga kaha jaata hai। abhi patit duniya narka hai। duniya to ek hi hai। nai duniya mein lakshmi-naaraayan ka raajya tha। puraani duniya mein raavan ka raajya hai। bhagvaanuvaach, main tumko 84 janmon ka raaz bataata hoon। is raajayog se tumko raajaaon ka raaja svarga ka maalik banaata hoon। to narka ka zaroor vinaash hona hi chaahiye। shaastron mein krishna ka naam daal ladaai aadi dikha di hai। paandavon ki koi sena to hai nahin। aajkal kanyaaon, maataaon ki paltan banaae unhon ko bandook aadi chalaana sikhaate hain। yahaan tumhaare haath mein bandook aadi kuchh nahin hai। unko kya maaloom to shiv shakti sena kaun hai? shivbaaba to kabhi hinsa kara nahin sakte। ladaai ki koi baat hi nahin। tum jaante ho ki shivbaaba ki roohaani sena hai। shivbaaba hamko double ahinsak banaate hain। unko kaha jaata hai 100 percent non-violence। yahaan hai 100 percent violence (hinsa)। ek hi bombs se kitnon ka vinaash kar dete hain। behad ke non-violence aur violence mein kitna farka hai। tum abhi is samay behad ki silence mein ho। us taraph jitna ladaai ki taiyaariyaan hoti jaati hain, utna aavaaj badhta jaata hai। kitna hangaama hota hai vinaash mein। sthaapna mein to kitni silence mein baithe ho। hinsa ki koi baat hi nahin। tumhaari ab practical life hai। baap se yog bal dvaara varsa pa rahe ho। baap alpha ko yaad karne se svarga ki baadshaahi milti hai, kitna sahaj hai। baap kitna most beloved hai। kitna door-desh se aate hain। jaise vilaayat se kiska baap aata hai to bachche bahut khush hote hain। baba hamaare liye vilaayat se achhi-achhi saugaat laayenge। yeh behad ka baap to ek hi baar aata hai। kaun si saugaat le aate hain? kehte hain main tumhaare liye hatheli par bahishta le aaya hoon। jaise kehte hain hanumaan sanjeevni booti ka pahaad le aaya। ab pahaad to koi utha nahin sakta hai। vaise hi baap kehte hain main hatheli par bahishta le aaya hoon। ab bahishta koi hatheli par thode hi uthta hai। yeh to samajh ki baat hai। bachche to jaante hain baba hamaare liye number one saugaat laaye hain। baap kehte hain - main aaya hoon tumko paavan duniya ka maalik banaane to paavan banna pade। yeh raajayog hai na। bhaarat ka praacheen raajayog geeta ke bhagwan ne hi sikhlaaya tha aur raajaai di thi। ab phir se raajayog sikhla rahe hain। tum kehte ho ki ham svarga ki sthaapna karne vaale baap ke bachche hain, baap nai duniya sthaapan karte hain to zaroor kisi ko to baadshaahi mili hogi na। aise bhi nahin sirf svarga mein rahne vaalon ko hi baap ne diya hoga। aur sabko bhi to baap dete hain na। baaki sabko drama anusaar mukti ka part mila hua hai। sab mukta ho jaate hain। ek hi baap sarva ka sadgati daata hai, doosra na koi। tumhaare paas pradarshani mein jo naameegraami aate hain, jo maante hain ki barobar geeta ka bhagwan shreekrishna nahin hai, shiv hai, to unse likhva lena hai। bade aadmiyon ki hi baat ko sunenge। gareeb ki to koi sunte nahin isliye pradarshani mein koshish kar yeh likhva lo geeta ka bhagwan ek hi hai। woh sabka baap hai। aaj se 5 hajaar varsha pahle bhaarat svarga tha, lakshmi-naaraayan ka raajya tha। abhi to saare vishwa par raavan ka raajya hai, yahi sabka dushman hai, jisko varsha-varsha jalaate hain। phir bhi marta nahin hai। abhi bhaarat ka bada dushman yeh raavan hai, yeh baat sirf tum jaante ho। ab raam parampita paramatma raavan par jeet pahnaate hain। kehte hain mujhe yaad karo to tumhaare paap naash honge, tum laayak ban jaayenge to phir nai duniya chaahiye। zaroor puraani duniya ka vinaash bhi hua tha, so hoga। mahaabhaarat ladaai lagi hi tab hai jab raavan raajya vinaash ho raamraajya sthaapan hota hai। raavan raajya mein hi haahaakaar shuru hota hai। haahaakaar ke baad jayjaykaar hoti hai, duniya badalti hai। jaise puraana ghar tod naya banaaya jaata hai phir toda jaata hai, yeh bhi sthaapna ho rahi hai। bombs aadi banaate hi rehte hain। taiyaariyaan ho rahi hain। abhi dashahra aaya to raavan ki effigy bhi nikaali। tumhaari hai behad ki baat। tumhaari buddhi mein aata hai yeh kya karte hain। tum jab samjhaayenge tab samjhenge ham yeh kya karte hain। hansi bhi aayegi। kisko bhi samjha sakte ho - itna bada raavan to hota hi nahin। ab baap kehte hain tum raamraajya lo। 5 vikaaron ka daan do grahan chhoot jaae। baap aakar samjhaate hain yeh 5 vikaaron ka grahan saari duniya par laga hua hai। bilkul hi kaale ho jaate hain। tum bachchon ko to athaah khushi honi chaahiye। baaki thode roz hain।

tum abhi creator, director, mukhya actors drama ke aadi madhya ant ko jaante ho, aur koi nahin jaante। tumhaari ab svachchha buddhi bani hai। tum baap ke bane ho to zaroor svarga mein bhej denge। knowledge is source oph income kaha jaata hai। yeh hai roohaani knowledge, jo baap hi dete hain। manushya, manushya ko de nahin sakte। duniya mein sab manushya, manushyon ko knowledge dete hain। tumko to baap supreme soul aakar gyaan dete hain। baaki sab hain bhakti maarga ki danta katha sunaane vaale। satya naaraayan ki katha, raamaayan ki katha....jo past ho gaya hai woh kuchh na kuchh banaate rehte hain। yeh to hai padhaai। padhaai mein history-geography sunaai jaati hai। yeh hai world ki history-geography, hyuz। tum samjhaate ho baba ne 5 hajaar varsha pahle bhi kaha tha woh geeta padhne vaale thode hi kuchh samajhte hain। yaadav, kaurav, paandav kisko kaha jaata hai - tum practical mein dekhte ho। yooropvaasi yaadvon ne moosal nikaale, vinaash hua। vinaash ke baad kya hua, woh kuchh nahin dikhaate hain। woh samajhte hain pralay ho gai। woh kehte hain tum shaastron ko maante ho? bolo haan, ham shaastron ko jaante hain, maante hain - yeh sab bhakti maarga ke hain। gyaan to ek baap hi sunaate hain, jo gyaan ka saagar hai। ab bhakti khatma ho gyaan jindaabaad ho raha hai। puraani duniya ka vinaash saamne khada hai, nothing new। hamaari preet hai baap se। ham aur sang tod ek sang jodte hain। baap kehte hain - apne ko aatma samajh mere saath yog lagaao - isko hi bhaarat ka praacheen yog kaha jaata hai, jo baap hi sikhlaate hain। krishna ki aatma bhi is samay antim janma mein hai, inko kehte hain tum apne janmon ko nahin jaante ho। yeh tumhaara bahut janmon ke ant ka janma hai, isliye mainne ismen pravesh kiya hai। main ismen baithkar tum bachchon ko brahma mukh vanshaavli banaae raajya-bhaagya deta hoon। baap ke sivaae aur koi bata na sake। yeh to baap khud is mukh dvaara suna rahe hain। yeh baba bhi pahle kuchh nahin jaante the, tum bhi kuchh nahin jaante the। bhaaratvaasiyon ko hi samjhaana pade। 84 janmon ka chakra kaise phirta hai, yeh vahi ladaai khadi hai, jisse svarga ke get khule the। jabki baap ne aakar raajayog sikhlaae manushyon ko devta banaaya tha। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo achhi reeti shreemat par chalte hain, unhein follow karna hai। behad ki khushi mein rahne ke liye aap samaan banaane ki seva karni hai।

2) preet buddhi ban aur sang tod ek baap se jodna hai। double ahinsak ban silence mein baith apni raajaai sthaapan karni hai।

vardaan:- marjeeve janma ki smriti dvaara karmabandhan ko sambandh mein parivartan karne vaale paropkaari bhav

laukik karmabandhan ka sambandh ab marjeeve janma ke kaaran shreemat ke aadhaar par seva ke sambandh ka aadhaar hai। karmabandhan nahin seva ka sambandh hai। seva ke sambandh mein variety prakaar ki aatmaon ka gyaan dhaaran kar chalenge to bandhan mein tang nahin honge। lekin ati paap aatma, apkaari aatma se bhi naphrat va ghrina ke bajaae, merciful ban taras ki bhaavna rakhte hue, seva ka sambandh samajhkar seva karenge to naameegraami vishwa kalyaani va paropkaari gaaye jaayenge।

slogan:- samay va paristhiti pramaan vairaagya aaya to yeh bhi alpakaal ka vairaagya hai, sadaakaal ke vairaagi bano।