Murli du jour du dimanche 14 novembre 2021

14-11-21 praatahmurli om shanti ''avyakt-baapdaada'' revise 23-11-89 madhuban

vardaata ko raazi karne ki sahaj vidhi

aaj vardaata baap apne vardaani bachchon ko dekh harshit ho rahe hain। vardaata ke bachche vardaani sab bachche hain lekin nambarvaar hain। vardaata sabhi bachchon ko vardaanon ki jholi bharkarke dete hain phir number kyon? vardaata dene mein nambarvaar nahin dete hain kyonki vardaata ke paas akhut vardaan hain jo jitna lene chaahe khula bhandaar hai। aise khule bhandaar se kai bachche sarva vardaanon se sampanna bante hain aur koi bachche yatha-shakti tatha sampanna bante hain। sabse jyaada jholi bharkar dene mein bholaanaath ‘vardaata' roop hi hai। pahle bhi sunaaya hai - daata, bhaagya vidhaata aur vardaata। teenon mein se vardaata roop se bhole bhagwan kaha jaata hai kyonki vardaata bahut jaldi raazi ho jaate hain। sirf raazi karne ki vidhi jaan jaate ho to siddhi arthaat vardaanon ki jholi se sampanna rehna bahut sahaj hai। sabse sahaj vidhi vardaata ko raazi karne ki jaante ho? unko sabse priy kaun lagta hai? unko ‘ek' shabd sabse priy lagta, jo bachche ekavrata aadi se ab tak hain vahi vardaata ko ati priy hain।

ekavrata arthaat sirf pativrata nahin, sarva sambandh se ekavrata। sankalp mein bhi, svapna mein bhi dooja-vrata na ho। ek-vrata arthaat sada vritti mein ek ho। doosra - sada mera to ek doosra na koi - yeh pakka vrat liya hua ho। kai bachche ekavrata banne mein badi chaturaai karte hain। kaun si chaturaai? baap ko hi meethi baaten sunaate ki baap, shikshak, satguru ka mukhya sambandh to aapke saath hai lekin saakaar shareerdhaari hone ke kaaran, saakaari duniya mein chalne ke kaaran koi saakaari sakha va sakhi sahayog ke liye, seva ke liye, raay-salaah ke liye saakaar mein zaroor chaahiye kyonki baap to niraakaar aur aakaar hai isliye seva saathi hai। aur to kuchh nahin hai kyonki niraakaari, aakaari milan manaane ke liye svayan ko bhi aakaari, niraakaari sthiti mein sthit hona padta hai। woh kabhi-kabhi mushkil lagta hai isliye samay ke liye saakaar saathi chaahiye। jab dimaag mein bahut baaten bhar jaayengi to kya karenge? sunne vaala to chaahiye na! ekavrata aatma ke paas aisi bojh ki baaten ikatthi nahin hoti jo sunaani pade। ek taraph baap ko bahut khush karte ho - bas, aap hi sadaiv mere saath rehte ho, sada baap mere saath hai, saathi hai phir us samay kahaan chala jaata hai? baap chala jaata ya aap kinaare ho jaate ho? har samay saath hai va 6-8 ghanta saath hai। vaayda kya hai? saath hain, saath rahenge, saath chalenge, yeh vaayda pakka hai na? brahma baap se to itna vaayda hai ki saare chakra mein saath part bajaayenge! jab aisa vaayda hai, phir bhi saakaar mein koi vishesh saathi chaahiye?

baapdaada ke paas sabki janmapatri rehti hai। baap ke aage to kahenge aap hi saathi ho। jab paristhiti aati hai phir baap ko hi samjhaane lagte ki yeh to hoga hi, itna to chaahiye hi… isko ekavrata kahenge? saathi hain to sab saathi hain, koi vishesh nahin। isko kehte hain ekavrata। to vardaata ko aise bachche ati priy hain। aise bachchon ki har samay ki sarva jimmevaariyaan vardaata baap svayan apne oopar uthaate hain। aisi vardaani aatmaayen har samay, har paristhiti mein vardaanon ke praapti sampanna sthiti anubhav karti hain aur sada sahaj paar karti hain aur paas with honour banti hain। jab vardaata sarva jimmevaariyaan uthaane ke liye ever ready hain phir apne oopar jimmevaari ka bojh kyon uthaate ho? apni jimmevaari samajhte ho tab paristhiti mein paas with honour nahin bante lekin dhakke se paas hote ho। kisi ke saath ka dhakka chaahiye। agar battery full charge nahin hoti to kaar ko dhakke se chalaate hain na। to dhakka akela to nahin denge, saath chaahiye isliye vardaani nambarvaar ban jaate hain। to vardaata ko ek shabd pyaara hai - ‘ekavrata'। ek bal ek bharosa। ek ka bharosa dooje ka bal - aisa nahin kaha jaata। ek bal ek bharosa hi gaaya hua hai। saath-saath ekmat, na manmat na parmat, ekras - na aur koi vyakti, na vaibhav ka ras। aise hi ekta, ekaanta-priy। to ek shabd hi priy hua na। aise aur bhi nikaalna।

baap itna bhola hai jo ek mein hi raazi ho jaata hai। aise bholaanaath vardaata ko raazi karna kya mushkil lagta hai? sirf ek ka paath pakka karo। 5-7 mein jaane ki jaroorat nahin hai। vardaata ko raazi karne vaale amritvele se raat tak har dincharya ke karma mein vardaanon se hi palte hain, chalte hain aur udte hain। aise vardaani aatmaon ko kabhi koi mushkil chaahe man se, chaahe sambandh-samparka se anubhav nahin hogi। har sankalp mein, har second, har karma mein, har kadam mein vardaata aur vardaan sada sameep, sammukh saakaar roop mein anubhav hoga। woh aise anubhav karega jaise saakaar mein baat kar rahe hain। unko mehnat anubhav nahin hogi। aisi vardaani aatma ko yeh vishesh vardaan praapta hota hai jo woh niraakaar, aakaar ko jaise saakaar anubhav kar sakte hain! aise vardaaniyon ke aage hajoor sada haajir hai, suna? vardaata ko raazi karne ki vidhi aur siddhi - second mein kar sakte ho? sirf ek mein do nahin milaana, bas। phir sunaayenge ek ke paath ka vistaar।

baapdaada ke paas sabhi bachchon ke charitra bhi hain to chaturaai bhi hai। result to saari baapdaada ke paas hai na। chaturaai ki baaten bhi bahut ikatthi hain। nai-nai baaten sunaate hain। sunte rehte hain। sirf baapdaada naam nahin lete hain isliye samajhte hain baap ko maaloom nahin padta। phir bhi chance dete rehte hain। baap samajhte hain bachche real samajh se bhole hain। to aise bhole nahin bano। achha।

videsh ka bhi chakra lagaakar bachche pahunch gaye hain (jaanki daadi, da.nirmala aur jagdeesh bhaai videsh ka chakra lagaakar aaye hain)

achhi result hai aur sada hi seva ki saphalta mein vriddhi honi hi hai। yu.N. ka bhi vishesh seva ke kaarya mein sambandh hai। naam unhon ka, kaam to aapka ho hi raha hai। aatmaon ko sahaj sandesh pahunch jaae - yeh kaam aapka ho raha hai। to vahaan ka bhi programme achha hua। Russia bhi raha hua tha, unko bhi aana hi tha। baapdaada ne to pahle hi saphalta ka yaadapyaar de diya tha। bhaarat ke ambassador bankar gaye to bhaarat ka naam baala hua na! chakravarti ban chakra lagaane mein maja aata hai na! kitni duaayen jama karke aaye! nirmal aashram (da.nirmala) bhi chakra hi lagaati rehti hai। vaise to sab seva mein lage hue hain lekin samay ke pramaan vishesh seva hoti to vishesh seva ki mubaarak dete hain। seva ke bina to rah nahin sakte ho। london, America, aphreeka aur Australia - aap logon ne yeh 4 zone banaaye hain na। paanchava hai bhaarat। bhaarat vaalon ko pahle chance mila hai milne ka। jo karke aaye aur jo aage karenge - sab achha hai aur sada hi achha rahega। chaaron hi zone ke sabhi double videshi bachchon ko aaj vishesh yaadapyaar de rahe hain। Russia bhi eshiya mein aa jaata hai। seva ka respond achha mil raha hai। himmat bhi achhi hai to madad bhi mil rahi hai aur milti rahegi। bhaarat mein bhi abhi vishaal programme karne ka plan bana rahe hain। ek ek ko visheshta aur seva ki lagan mein magan rahne ki mubaarak aur yaadapyaar। achha।

sarva bachchon ko sada sahaj chalne ki siddhi ko praapta karne ki sahaj yukti jo sunaai, isi vidhi ko sada prayog mein laane vaale prayogi aur sahajyogi, sada vardaata ke vardaanon se sampanna vardaani bachchon ko, sada ek ka paath har kadam mein saakaar swaroop mein laane vaale, sada niraakaar aakaar baap ko saath ki anubhooti se sada saakaar swaroop mein haajir anubhav karne vaale, aise sada vardaani bachchon ko baapdaada ka daata, bhaagya vidhaata aur vardaata ka yaadapyaar aur namaste।

daadi jaanki se:- jitna sabhi ko baap ka pyaar baantate hain utna hi aur pyaar ka bhandaar badhta jaata hai। jaise har samay pyaar ki barsaat ho rahi hai - aise hi anubhav hota hai na! ek kadam mein pyaar do aur baar-baar pyaar lo। sabko pyaar hi chaahiye। gyaan to sun liya hai na! to ek aise bachche hain jinko pyaar chaahiye aur doosre hain jinko shakti chaahiye। to kya seva ki? yahi seva ki na - kisko pyaar diya baap dvaara aur kisko shakti baap se dilaai। gyaan ke raazon ko to jaan gaye hain। abhi chaahiye unhon mein umang-utsaah sada bana rahe, woh neeche oopar hota hai। phir bhi baapdaada double videshi bachchon ko aaphreen (shaabaas) dete hain - bhinna dharma mein chale to gaye na! bhinna desh, bhinna rasma-phir bhi chal rahe hain aur kai to vaaris bhi nikle hain। achha!

mahaaraashtra - poona group :- sabhi mahaan aatmaayen ban gaye na! pahle sirf apne ko mahaaraashtra nivaasi kahlaate the, abhi svayan mahaan ban gaye। baap ne aakar har ek bachche ko mahaan bana diya। vishwa mein aapse mahaan aur koi hai? sabse neeche bhaaratvaasi gire aur usmein bhi jo 84janma lene vaali brahman aatmaayen hain, woh neeche giri। to jitna neeche gire utna abhi ooncha uth gaye isliye kehte hain brahman arthaat oonchi choti। jo oonchaai ka sthaan hota hai usko choti kaha jaata hai। pahaadon ki oonchaai ko bhi choti kehte hain to yeh khushi hai ki kya se kya ban gaye। paandavon ko jyaada khushi hai ya shaktiyon ko? (shaktiyon ko) kyonki shaktiyon ko bahut neeche gira diya tha। dvaapar se lekar purush tan ne hi koi na koi pad praapta kiya। dharma mein bhi abhi-abhi females bhi mahaamandaleshvariyaan bani hain। nahin to mahaamandaleshvar hi gaaye jaate the। jab se baap ne maataaon ko aage kiya hai tab se unhonne bhi 2-4 mandaleshvariyaan rakh di hain। nahin to dharma ke kaarya mein maataaon ko kabhi bhi aasan nahin dete the। iseelie maataaon ko jyaada khushi hai aur paandavon ka bhi gaayan hai। paandavon ne jeet praapta kar li। naam paandavon ka aata hai lekin poojan jyaada shaktiyon ka hota hai। pahle gurooon ka kar chuke hain, abhi shaktiyon ka karte hain। jaagran ganesh va hanoomaan ka nahin karte, shaktiyon ka karte hain kyonki shaktiyaan abhi khud jag gai hain। to shaktiyaan apne shakti roop mein rehti hain na! ya kabhi-kabhi kamjor ban jaati hain! maataaon ko deh ke sambandh ka moh kamjor karta hai। thoda-thoda baal bachchon mein, potre-dhotron mein moh hota hai। aur paandavon ko kaun si baat kamjor karti hain? paandavon mein ahankaar ke kaaran krodh jaldi aata hai। lekin ab to jeet ho gai na! ab to shant swaroop paandav ho gaye aur maataayen nirmohi ho gai। duniya kahe ki maataaon mein moh hota hai aur aap challenge karo ki ham maataayen nirmohi hain। aise hi paandav bhi shant swaroop, koi bhi aaye to yeh kamaal ke geet gaaye ki yeh sab itne shant swaroop ban gaye hain jo krodh ka ansh maatra bhi dikhaai nahin deta। nain-chain tak bhi nahin aave। kai aise kehte hain - krodh to nahin hai, thoda josh aata hai। to woh kya hua! woh bhi krodh ka hi ansh hua na। to paandav vijayi hain arthaat bilkul sankalp mein bhi shant, bol aur karma mein bhi shant swaroop। maataayen saare vishwa ke aage apna nirmohi roop dikhaao। log to samajhte hain yeh asambhav hai aur aap kehte ho-sambhav bhi hai aur bahut sahaj bhi hai। lakshya rakho to lakshan zaroor aayenge। jaisi smriti vaisi sthiti ho jaayegi। dharni mein maat-pita ke pyaar ka paani pada hua hai, isliye phal sahaj nikal raha hai। achha hai। baapdaada seva aur sva-unnati donon ko dekhkarke khush hote hain sirf seva ko dekh karke nahin। jitni seva mein vriddhi utni svaunnati mein bhi - donon saath-saath hon। koi ichchha nahin, jabaaapehi sab milta hai to ichchha kya rakhen! bina kahe bina maange itna mil gaya hai jo maangane ki ichchha ki aavashyakta nahin। to aise santushta ho na! yahi title apna smriti mein rakhna ki santushta hain aur sarva ko santushta kar praapti swaroop banaane vaale hain। to santushta rehna aur santushta karna - yeh hai vishesh vardaan। asantushtata ka naam nishaan nahin। achha।

gujraat group :- brahman jeevan mein last janma hone ke kaaran shareer se chaahe kitne bhi kamjor hain ya beemaar hain, chal sakte hain va nahin bhi chal sakte hain lekin man ki udaan ke liye pankh de diye hain, shareer se chal nahin sakte lekin man se ud to sakte hain na! kyonki baapdaada jaante hain ki 63 janma bhatakte-bhatakte kamjor ho gaye। shareer tamoguni ho gaye hain। to kamjor ho gaye, beemaar ho gaye। lekin man sabka durushta hai। shareer mein tandurushta nahin bhi lekin man mein to beemaar koi nahin hai na। man sabka pankhon se udne vaala hai। powerful man ki nishaani - second mein jahaan chaahen vahaan pahunch jaayen। aise powerful ho ya kabhi kamjor ho jaate ho। man ko jab udna aa gaya, practice ho gai to second mein jahaan chaahe vahaan pahunch sakta hai। abhi-abhi saakaar vatan mein, abhi-abhi paramdham mein ek second ki raphtaar hai। to aisi tej raphtaar hai? sada apne bhaagya ke geet gaate udte raho। sadaiv amritvele apne bhaagya ki koi-na-koi baat smriti mein rakho, anek prakaar ke bhaagya mile hain, anek prakaar ki praaptiyaan hui hain, kabhi kisi praapti ko saamne rakho, kabhi kisi praapti ko rakho to bahut ramneek purushaartha rahega। kabhi purushaartha mein apne ko bor nahin samjhenge, naveenta anubhav karenge। nahin to kai bachche kehte hain। bas, aatma hoon, shivbaaba ka bachcha hoon, yeh to sadaiv kehte hi rehte hain। lekin mujh aatma ko baap ne kya-kya bhaagya diya hai, kya-kya title diye hain, kya-kya khajaana diya hai, aise bhinna-bhinna smritiyaan rakho। list nikaalo, smritiyon ki kitni badi list hai! kabhi khajaanon ki smritiyaan rakho, kabhi shaktiyon ki smritiyaan rakho, kabhi gunon ki rakho, kabhi gyaan ki rakho, kabhi title ki rakho। variety mein sadaiv manoranjan ho jaata hai। kabhi bhi manoranjan ka programme hoga to variety dance hogi, variety khaana hoga, variety logon se milna hoga। tab to manoranjan hota hai na! to yeh bhi sada manoranjan mein rahne ke liye variety prakaar ki baaten socho। achha!

vardaan:- catching power dvaara apne asli sanskaaron ko catch kar unka swaroop banne vaale shaktishaali bhav

purushaartha ka mukhya aadhaar catching power hai। jaise saainsadaan bahut pahle ke sound ko catch karte hain aise aap silence ki shakti se apne aadi daivi sanskaar catch karo, iske liye sadaiv yahi smriti rahe ki main yahi tha aur phir ban raha hoon। jitna un sanskaaron ko catch karenge utna uska swaroop banenge। 5 hajaar varsha ki baat itni spashta anubhav mein aaye jaise kal ki baat hai। apni smriti ko itna shreshtha aur spashta banaao tab shaktishaali banenge।

slogan:- brahman jeevan ka shvaans khushi hai, shareer bhal chala jaae lekin khushi na jaae।