Murli du jour du samedi 4 décembre 2021

04-12-2021 praatahmurli om shanti "baapdaada"' madhuban

“meethe bachche - deh-abhimaan tumhein bahut duhkhi karta hai isliye dehi-abhimaani bano, dehi-abhimaani banne se hi paapon ka bojha khatma hoga''

prashn:- satayug mein saahookaari ka pad kis aadhaar par praapta hota hai?

uttar:- saahookaar bante hain gyaan ki dhaarna ke aadhaar par। jo jitna gyaan dhan dhaaran karte hain aur daan karte hain utna woh saahookaar pad paayenge, ever wealthy banenge। padhaai padhni aur padhaani hai। baaki vishwa mahaaraajan banne ke liye bahut royal service karni hai। sab khaamiyaan nikaal deni hai। poora dehi-abhimaani banna hai। bade dhairya aur gambheerta se baap ko yaad karna hai।

geet:- dheeraj dhar manuva…

om shanti। yeh kisne kaha? baap ne kaha bachchon ko, dheeraj dharo। saari duniya ko nahin kaha। bhal bachche to sabhi hain parantu sab baithe to nahin hain। bachche hi jaante hain barobar yeh duhkhadhaam badli ho raha hai। sukhdhaam ke liye ham padh rahe hain va shreemat par chal rahe hain। bachchon ko dheeraj bhi dete hain। vaastav mein saari duniya ko gupta dheeraz mil raha hai। tum samajhte ho ham sammukh sunte hain। sab to sunte nahin। woh behad ka baap hai, behad ka duhkh harta sukh karta hai। duhkh harkar sukh ka raasta bataata hai। tumko jab sukh hoga to duhkh ka naam nahin ho sakta। sukh ki duniya ko satayug, duhkh ki duniya ko kaliyug kaha jaata hai। yeh bhi bachche hi jaante hain। satayug mein sampoorn sukh hai, so bhi 16 kala sampoorn। jaise chandrama bhi 16 kala sampoorn hota hai phir kala kam hote-hote amaavas par kitni chhoti kinaari rah jaati hai। praayah andhiyaara ho jaata hai। 16 kala sampoorn, to sampoorn sukh bhi hoga। kaliyug mein hai 16 kala apoorna to phir duhkh bhi hota hai। is saari duniya ko maaya roopi grahan lag jaata hai isliye ab baap kehte hain tumhaare mein jo deh-abhimaan hai, pahle-pahle unko chhodo। yeh deh-abhimaan tumko bahut duhkh deta hai। aatma-abhimaani raho to baap ko bhi yaad kar sakenge। deh-abhimaan mein rahne se baap ko yaad nahin kar sakte। yeh aadhaakalpa ka deh-abhimaan hai। is antim janma mein dehi-abhimaani banne se ek to paapon ka bojha khatma hoga aur phir 16 kala sampoorn satopradhaan banenge। bahut deh-abhimaan ki baat ko bhi samajhte nahin hain। manushya ko duhkhi karta hi hai deh-abhimaan। peechhe hain aur vikaar। dehi-abhimaani banne se yeh sab vikaar chhootte jaayenge। nahin to chhootna mushkil hai। deh-abhimaan ki practice pakki ho gai hai to apne ko dehi-abhimaani (aatma) samajhte hi nahin। ismen sab vikaar daan dena pade। pahle-pahle deh-abhimaan ko chhodna hai। kaam, krodh aadi sab peechhe aate hain। tumhaara baap woh hai। deh-abhimaan ke kaaran laukik baap ko hi baap samajhte aaye hain। ab mukhya baat hai ki ham paavan kaise banen। patit duniya mein hain hi sab patit; paavan koi ho nahin sakte। ek baap hi sabko paavan banaakar khushi-khushi se vaapis le jaate hain।

ab tum bachchon ko to yog ka chintan laga hua hai। jeete ji marna hai। deh-abhimaan todna maana marna। ham aatma baba ko yaad kar patit se paavan ban jaayen। yeh paavan banne ki yukti baba ne hi samjhaai thi। ab phir se samjha rahe hain। kalpa-kalpa phir bhi samjhaayenge। duniya bhar mein aur koi bhi samjha nahin sakte। mool baat hai shiv ko yaad karne ki। so bhi jab yahaan aakar bi.ke. dvaara sunen kyonki daade ka varsa milna hai। to baap zaroor chaahiye jis dvaara milen। direction to zaroor lene hain saakaar dvaara। bahut bachche hain jo samajhte hain ham shivbaaba se yog lagaayen, brahma ko chhod den। parantu shivbaaba se sunenge kaise? kehte hain hamaara brahma baba ke saath koi connection nahin hai। achha tum apne ko aatma samjho shivbaaba ko yaad karo। ghar jaakar baitho। parantu yeh jo knowledge milti hai srishti chakra ki, woh kaise sunenge। yeh samajhne bina sirf yaad kaise kar sakenge। gyaan to in dvaara hi lena padega na। phir kabhi bhi gyaan to mil nahin sakta। roz nai-nai baaten baap dvaara hi milti hain। bina brahma aur brahmaakumaariyon ke kaise samajh sakenge। yeh sab seekhna pade। baap kehte hain jo ghar baithkar purushaartha kare karmaateet avastha ko paane ka, to ho sakta hai mukti mein jaaye। jeevan-mukti mein ja na saken। gyaan dhan dhaaran kar aur daan karenge to dhanvaan banenge। nahin to ever wealthy kaise banenge। murli ka bhi aadhaar zaroor lena pade। padhaai to padhni hai na। aise bahut aayenge sirf lakshya lekar jaayenge mukti mein। tum sab manushya maatra ko samjhaate ho ki tum sirf baap ko yaad karo to satopradhaan pavitra ban jaayenge। phir jab gyaan dhan len tab satayug mein saahookaar banen। nahin to mukti mein jaakar phir bhakti maarga ke samay aakar bhakti karenge। kiska kalyaan kar nahin sakenge kyonki manushya ko devta banne ke liye gyaan zaroor chaahiye। gyaan sunkar phir sunaana bhi hai। pradarshani mein dekho kitna maatha maarte hain। phir bhi kiski buddhi mein baithta nahin hai। aatma kitni chhoti bindi hai। har aatma ko apna-apna part mila hua hai। yeh tum abhi jaan gaye ho। sab manushya maatra paartadhaari hain। yeh bana banaaya khel hai। puraani duniya ka vinaash bhi hona hai। gaaya hua hai raam gayo raavan gayo ... koi bhi jaayega parantu bachchon ko duhkh nahin ho sakta। tum jaante ho yeh bana banaaya drama hai, sabka vinaash to hona hi hai। king queen, saadhu santa sab marenge phir kaun baith unki mitti uthaayenge। yeh to kiska naam baala karne ke liye karte hain, ismen koi phaayda nahin rakha hai। na koi unki aatma ko sukh milta hai। manushya to bhakti maarga mein jo kuchh karte hain, sab besamjhi se। abhi tumko baap kitna sensible banaate hain। ghadi-ghadi in chitron ko aakar dekhna chaahiye। to hamko baba padhaakar kya bana rahe hain, parantu kiski takdeer mein nahin hai to amal nahin karte। baba bahut kuchh samjhaate hain, jis par amal karna chaahiye। baap ka bachcha bankar service nahin kar sakte। baap to hai hi kalyaankaari। kai bachche to bahuton ka aur hi akalyaan karte rehte hain। jinki kuchh bhaavna bhi hoti - yahaan ke liye, unki bhaavna bhi uda dete hain। aise-aise vikarma bhi karte hain। bhooton ki praveshta hoti hai na isliye gaayan bhi hai satguru ke nindak thaur na paayen। ismen baapdaada donon aa jaate hain। niraakaar ko to koi kuchh kar na sake। unko kya kahenge! yeh to bhakti maarga mein kah dete the bhagwan hi duhkh dete hain... so bhi agyaan ke kaaran aise samajhte the। ab to bachche jaante hain agyaan vash kitna baap ka tiraskaar karte hain। aisa koi nahin jo tamopradhaan ko satopradhaan banaaye aur hi ulti mat dete hain ki paramatma sarvavyaapi hai। manushya kitna moonjh jaate hain। tab kehte brahma ke tan mein paramatma kaise aa sakta hai। phir kiske tan mein aaye? krishna ke tan mein aaye? to phir brahmaakumaar kumaariyaan kaise banen? woh to phir daivi kumaar, kumaariyaan ban jaayenge। brahman to zaroor brahmaakumaar aur kumaariyaan honge। braahmanon ke bina to baba kuchh kar na sake isliye inka chitra to zaroor dena pade। yeh brahma bhi brahman hai। prajaapita brahma to chaahiye bhaarat mein। din-pratidin brahma ka saakshaatkaar ghar baithe bahuton ko hota rehta hai। vriddhi hoti jaayegi। jinka part hoga to phir bahut bhaagenge। bahut log samajhte hain bhagwan koi roop mein hoga zaroor। saakshaatkaar bhi parampita paramatma ke sivaae koi kara nahin sakta। shiv-baba brahma dvaara hi sthaapna karte hain। gyaan dete hain aur brahman dharma bhi rachte hain। braahmanon ka dharma zaroor chaahiye। woh hai oonche te oonch। prajaapita brahma to bahut ooncha hai na। unko kahenge next god। sookshm vatan mein doosra koi to hai nahin। brahma dvaara sthaapna hogi, bas। brahma phir devta ban jaate। 84 janmon ke baad phir brahma ban jaate hain। brahma sarasvati so phir lakshmi-naaraayan bante hain। gyaan-gyaaneshvari phir raaj-raajeshvari banti hai। brahma so vishnu, vishnu so brahma kaise banen - yeh badi first class point hai, is par achhi tarah samjha sakte ho। yeh gyaan ek baap dvaara milta hai। pradarshani mein achhi tarah samjhaao ki tum brahma par moonjhate kyon ho। itne sab brahman braahmaniyaan hain - pahle jab koi brahman banen tab hi vishnupuri ke maalik devta banen। brahma ka din, brahma ki raat mashhoor hai na। abhi hai raat। aise-aise chitron ke saamne baith practice karo। jisko service karni hai unko service ke sivaae koi vichaar nahin aayega। service par ekdam bhaagte rahenge। buddhi mein gyaan tapakta ho, achhi reeti jholi bhari hui ho tab to uchhal aayegi। service par ekdam bhaagte rahenge। gyaan ho aur samjha na sake - yeh to ho hi nahin sakta। tab gyaan kislie lete hain? lena hai to daan karna hai। daan nahin karte, aap samaan nahin bana sakte to brahman hi kya thahra! third grade। first grade braahmanon ka dhandha hi yeh hai। baba roz bachchon ko samjhaate hain। service aur disservice yeh bachchon se hi hota hai। agar service nahin kar sakte to zaroor disservice karte honge। achhe-achhe bachche kahaan bhi jaayenge to zaroor service hi karenge। jab gyaan complete ho jaayega to koi ananya bachchon se bhool nahin hogi tab hi maala ke daane banenge। mukhya hain 8 daanen। imtahaan bhi bada bhaari hai na। bade imtahaan mein hamesha thode paas hote hain kyonki government ko phir naukri deni padti hai। baba ko bhi vishwa ka maalik banaana pade, isliye thode hi paas hote hain। praja to laakhon ho jaati hai isliye baba poochhte hain mahaaraaja banenge ya praja mein saahookaar banenge? ya gareeb banenge? bolo kya banenge? mahaaraajaaon ke paas daas-daasiyaan to bahut hoti hain, jo phir dahej mein bhi dete hain। purushaartha kar achha pad paana chaahiye। aisa hoshiyaar banna chaahiye jo sab koi bulaaven। aksar karke kaiyon ko bulaate hain। yeh to jaante ho na। baaki jinmen lakshan nahin unko to kabhi koi bulaate hi nahin hain। parantu khud thode hi jaante hain ki ham third class hain। koi to serviceable hain, jahaan tahaan service par bhaagte hain। naukri ka bhi khyaal nahin kar service par bhaagte hain। koi to naukri nahin hote bhi service nahin karte, shauk nahin। takdeer mein nahin hai ya grahchaari hai। service to bahut hai। mehnat bhi lagti hai। thak bhi jaate hain। samjhaate-samjhaate gale bhi ghut jaate hain। aise to third class vaalon ka bhi gala ghut jaata hai। iska matlab yeh nahin ki unhonne bahut achhi service ki। baba jaante hain - achhi royal service karne vaale kaun hain। parantu kaiyon mein khaamiyaan bhi rehti hain। naam-roop mein phansate rehte hain। phir shiksha dekar sudhaara jaata hai। naam-roop mein kabhi nahin phansana chaahiye। dehi-abhimaani banna hai। aatma chhoti bindi hai। baap bhi bindi hai। apne ko chhoti bindi samajh aur baba ko yaad karna bahut mehnat hai। mote hisaab mein to kah dete - shivbaaba ham aapko bahut yaad karte hain। parantu accurate buddhi mein yaad rahni chaahiye। bada dhairya va gambheerta se yaad karna hota hai। is reeti koi mushkil yaad karte hain। ismen bahut mehnat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni jholi gyaan ratnon se bharpoor kar daan karna hai। isi dhandhe mein busy rah first class brahman banna hai।

2) kalyaankaari baap ke bachche hain isliye sabka kalyaan karna hai। kisi ki bhaavna ko todna, ulti mat dena, yeh akalyaan ka kartavya kabhi nahin karna hai।

vardaan:- aatmik unnati ke saadhan dvaara sarva paristhitiyon par vijay praapta karne vaale akaal-moorta bhav

jaise shareer nirvaah ke liye anek saadhan apnaate ho aise aatmik unnati ke bhi saadhan apnaao, iske liye sada akaalmoorta sthiti mein sthit hone ka abhyaas karo। jo svayan ko akaalmoorta (aatma) samajhkar chalte hain woh akaale mrityu se, akaal se, sarva samasyaaon se bach jaate hain। maansik chintaayen, maansik paristhitiyon ko hataane ke liye sirf apne puraane shareer ke bhaan ko mitaate jaao।

slogan:- koi bhi baat jo baar-baar feel karta hai woh final mein fail ho jaata hai।