Murli du jour du mardi 7 décembre 2021

07-12-2021 praatahmurli om shanti "baapdaada"' madhuban

“meethe bachche - dilvaala baap aaya hai tum bachchon ki dil lene, isliye saaph dil bano''

prashn:- satayugi pad ka madaar mukhya kis baat par hai?

uttar:- pavitrata par। mukhya hai hi pavitrata। centre par jo aate hain unko samjhaana hai, agar pavitra nahin banenge to knowledge buddhi mein thahar nahin sakti। yog seekhte-seekhte agar patit ban gaye to sab kuchh mitti mein mil jaayega। agar koi pavitra nahin rah sakte to bhale class mein na aayen, parvaah nahin karni hai। jo jitna padhenge, pavitra banenge utna dhanvaan banenge।

geet:- aakhir woh din aaya aaj…

om shanti। roohaani bachche jaante hain ki abhi woh din phir aaya hai। kaun sa? yeh to sirf tum bachche hi jaante ho ki bhaarat mein phir se svarga ke aadi sanaatan devi-devta dharma ki sthaapna ho rahi hai arthaat lakshmi-naaraayan ka raajya sthaapan ho raha hai। to bachchon ko kitni khushi honi chaahiye। jis patit-paavan baap ko ham pukaarte hain woh aaya hua hai। vahi liberator, guide hai athva duhkh harta sukh karta hai। ek baar liberate kiya phir phanse kaise! yeh kisko bhi pata nahin। aise pattharbuddhi manushyon ko samjhaane mein kitni mehnat lagti hai। duty bhi dekho kaisi rakhi hai? moot paleeti kapdon ko aakar saaph karo। aatma aur shareer donon pavitra to devtaaon ke hi hain। raavanraajya mein shareer to kiska pavitra ho na saken। shareer to patit hai hi। in sab baaton ko koi jaante hi nahin। karke aatma kuchh pavitra hai to prabhaav nikalta hai parantu phir bhi patit to banna hi hai na। behad ka baap patit-paavan aakar kehte hain yeh 5 vikaar shaitaan hain, inko chhodo। agar meri nahin maanenge to tumko dharmaraaj tang karenge। tum almighty authority ka kehna nahin maante ho to dharmaraaj bahut kadi saza denge। baap aaya hai paavan banaane। tum jaante ho ham hi paavan devi-devta the, ab ham patit bane hain। to ab phat se woh chhod dena chaahiye। deh-abhimaan bhi shaitaan ki mat hai, woh bhi chhodna pade। pahle number ka jo vikaar hai, woh bhi chhodna pade। woh din bhi aayega jo baap ke saath is sabha mein koi patit baith nahin sakta, kisko bhi allow nahin karenge। moot paleeti ko nikaalo baahar। indra sabha mein aane nahin denge। phir bhal koi kitna bhi karodapti ho va kya ho, sabha mein aa na saken। baahar mein bhal unko samjhaaya jaata hai। parantu baap ki sabha mein allow nahin kiya jaata hai। abhi allow kiya jaata hai - bheeti ke liye। phir nahin। abhi bhi baba sunte hain koi patit aakar baithe hain to baba ko achha nahin lagta hai। aise bahut hain jo chhipkar aakar baithte hain। aise-aise ko bahut saja khaani padegi। mandiron, tikaanon mein snaan karke jaate hain। bigar snaan koi jaate nahin honge। woh hai sthool snaan। yeh hai gyaan snaan। isse bhi shuddh hona pade। koi maansaahaari bhi aa nahin sakte। jab samay aayega to baba strikta ho jaayega। duniya mein dekho bhakti ka kitna jor hai। jo adhik shaastra padhte hain woh shaastri ka lakab lete hain। tum ab sanskrit aadi seekhkar kya karenge? ab baap to kehte hain ki sab kuchh bhool jaao। sirf ek baap ko yaad karo to tum pavitra ban vishnupuri ke maalik ban jaayenge। jab is baat ko achhi reeti samajh jaayenge to yeh shaastra aadi sab bhool jaayenge। yeh jo padhaai padhkar barrister aadi bante hain, un sabse oonch padhaai yeh hai, jo paramatma knowledgeful aakar padhaate hain। unko kehte bhi hain patit-paavan aao। parantu yeh nahin jaante ki ham patit hain। baba to yeh samjhaate rehte hain - satayug ko kehte hain raamraajya, kaliyug ko kehte hain raavan raajya। is samay sab patit hain, paavan devi devtaayen to mandiron mein pooje jaate hain aur unke aage patit jaakar maatha tekte hain। isse siddha hua ki woh pavitrata mein sabse oonche hain। sannyaasiyon se bhi oonche hain। sannyaasiyon ka mandir thode hi banta hai। ab jab tamopradhaan bhakti mein chale gaye hain tab phir unka chitra rakhte hain। usko kaha jaata hai tamopradhaan bhakti। manushyon ki pooja, 5 tatvon ki pooja। jab satopradhaan bhakti thi to ek ki pooja hoti thi। usko kaha jaata hai avyabhichaari bhakti। devtaaon ko bhi aisa usne hi banaaya hai। to pooja bhi honi chaahiye ek ki। parantu yeh bhi drama bana hua hai। satopradhaan sato rajo tamo mein aana hi hai। yahaan bhi aise hai। koi satopradhaan ban jaate hain, koi sato, koi rajo, koi tamo।

satayug mein first class saphaai rehti hai। vahaan shareer ka to koi moolya rehta nahin। bijli par rakha aur khalaas। aise nahin haddiyaan koi nadi aadi mein daalenge। aise bhi nahin shareer ko kahaan uthaakar le jaayenge। yeh takleeph ki baat hoti nahin। bijli mein daala, khalaas। yahaan shareer ke pichhaadi kitna manushya rote hain। yaad karte hain। brahman khilaate hain। vahaan yeh koi bhi baat nahin hogi। buddhi se kaam lena hota hai। vahaan kya-kya hoga। svarga to phir kya! yeh hai hi narka, jhooth khanda। tab gaaya hua hai jhoothi kaaya, jhoothi maaya... government kehti hai gau kos banda karo। unhon ko likhna chaahiye - pahla yeh kos hai bada bhaari। ek do par kaam kataari chalaana, yeh kos banda karo। yeh kaam mahaashatru hai। aadi madhya ant duhkh dete hain, us par jeet pahno। tum pavitra bano to pavitra duniya ke maalik banenge। vahaan devtaaon ka new blood hai। woh kehte hain - bachchon ka new blood hai। parantu yahaan naya blood kahaan se aaya! yahaan puraana blood hai। satayug mein jab naya shareer milega tab naya blood bhi hoga। yeh shareer bhi puraana to blood bhi puraana। ab inko chhodna hai aur paavan banna hai। so to baap ke sivaae koi bana na sake। sabka dharma alag-alag hai। aur har ek ko apne dharma ka shaastra padhna hai। sanskrit mein mukhya hai geeta। baba kehte hain main sanskrit thode hi sikhaata hoon। jo bhaasha yeh brahma jaanta hai, main usmein hi samjhaaoonga। main agar sanskrit mein sunaaoon to yeh bachche kaise samjhen। yeh koi devtaaon ki bhaasha nahin hai। kabhi-kabhi bachchiyaan aakar vahaan ki bhaasha batlaati hain। yeh bhaashaayen seekhne se shareer nirvaah arth koi laakh, koi karod kamaate hain। yahaan tum kitni kamaai kar rahe ho। tum jaante ho satayug mein ham mahaaraaja mahaaraani banenge। jitna jaasti padhenge utna jaasti dhanvaan banenge। gareeb aur saahookaar mein farka to rehta hai na। saara madaar hai pavitrata par। centre par jo aate hain unko samjhaana hai agar pavitra nahin banenge to knowledge buddhi mein thahregi nahin। 5-7 roz aakar phir patit bane to knowledge khatma। yog seekhte-seekhte agar patit bane to sab kuchh mitti mein mil jaayega। agar koi pavitra nahin ban sakta hai to bhale na aao। parvaah thode hi rakhni chaahiye। janma-janmaantar ke paapon ka bojha sir par hai। so bigar yaad ke kaise utrega! gaaya bhi hua hai - second mein jeevan mukti। jo baap kahe so karna hai। saari duniya bulaati to hai he patit-paavan aao, ham patit hain parantu paavan koi bante hi nahin hain। to vaapis bhi koi ja nahin sakte। ve log brahm ko paramatma samajh yaad karte hain। yeh gyaan hi kisko nahin to paramatma kya hai? brahm koi paramatma nahin hai। na brahm mein koi leen ho sakta hai। phir bhi punarjanma mein to sabko aana hi hai kyonki aatma avinaashi hai। woh samajhte hain buddha vaapis chala gaya। parantu usne jo sthaapna ki to zaroor paalna bhi karenge। nahin to paalna tab kaun karenge। woh vaapis kaise ja sakte hain। tum aise thode hi kehte ho ki ham mukti mein jaakar baith jaayen। tum jaante ho ham apna dharma sthaapan kar rahe hain phir paalna bhi karenge। woh paavan dharma tha, ab patit ban pade hain। aayenge bhi vahi jo is dharma ke honge। yeh kalam lag raha hai। sabse meethe te meetha jhaad hai yeh devi-devta dharma ka। iski sthaapna ka kaarya ho raha hai। shaastra aadi jo bhi banaaye hain, sab hain bhakti maarga ke liye। ek baba ka hi gaayan hai jo aakar manushya se devta banaate hain। to aise banaane vaale baap ko kitna achhi reeti yaad karna chaahiye। yeh bhi jaante hain drama anusaar bhakti maarga ko bhi chalna hi hai। vaastav mein sarva ka sadgati-daata ek hai, to pooja bhi ek ki karni chaahiye। devi-devta jo satopradhaan the woh 84 janma bhogkar tamopradhaan bane hain। ab phir satopradhaan banna hai। so sivaae baba ki yaad ke ban na saken। na kisi mein banaane ki taakat hai sivaae baap ke। yaad bhi ek ko hi karna hai। yeh hai avyabhichaari yaad। anekon ko yaad karna - yeh hai vyabhichaareepna। sabki aatma jaanti hai ki shiv hamaara baba hai isliye sab taraph jahaan bhi dekho shiv ko poojte hain। devi-devtaaon ke aage bhi shiv ko rakha hai। vaastav mein devtaayen to pooja karte nahin hain। gaayan bhi hai - duhkh mein simran sab karen, sukh mein kare na koi। phir devtaayen pooja kaise karenge! woh hai wrong। jhoothi mahima thode hi dikhaani chaahiye। shivbaaba ko jaante hi kahaan hain jo yaad karen। to woh chitra utha dena chaahiye। baaki pooja karne vaale single taaj vaale dikhaane chaahiye। saadhu-santa kisko bhi light ka taaj nahin hai isliye braahmanon ko bhi light ka taaj nahin dikha sakte hain। jinka gyaan taraph poora dhyaan hoga woh correction bhi karte rahenge। abhul to koi bana nahin hai। bhoolen hoti hi rehti hain। trimoorti ka chitra kitna achha hai। yeh baap yeh daada। baba kehte hain - tum mujhe yaad karo to yeh ban jaayenge। dehi-abhimaani banna hai। aatma kehti hai mera sivaae ek baap ke aur kisi mein mamatva nahin hai। ham yahaan rehte bhi shantidham aur sukhdhaam ko yaad karte hain। abhi duhkhadhaam ko chhodna hai। parantu jab tak hamaara naya ghar taiyaar ho jaae tab tak puraane ghar mein rehna hai। naye ghar mein jaane laayak banna hai। aatma pavitra ban jaayegi to phir ghar chali jaayegi। kitna sahaj hai। mool baat hai hi yeh samajhne ki ki paramatma kaun hai aur yeh daada kaun hai? baap in dvaara varsa dete hain। baba kehte hain bachche manamnaabhav। mujhe yaad karo to tum paavan devta ban jaayenge satayug mein। baaki sab us samay muktidhaam mein rehte hain। sabhi aatmaon ko shantidham mein le jaane vaala baap hi hai। hai kitna sahaj। bachchon ko bahut khushi honi chaahiye। dil badi saaph honi chaahiye। kaha jaata - dil saaph to muraad hosil। dil aatma mein hai। sachcha dilvar aatmaon ka baap hai। dil lene vaala dilvaala baap ko kaha jaata hai। woh aate hi hain sabki dil lene ke liye। sabhi ki sangam par aakar dil lete hain। aatmaon ki dil lene vaala paramatma। manushyon ki dil lene vaale manushya। raavan raajya mein sab ek do ki dil ko kharaab karne vaale hain।

tum bachchon ko kalpa pahle bhi is trimoorti ke chitra par samjhaaya hai tab to abhi bhi nikla hai na। to zaroor samjhaana padega। abhi kitne chitra nikle hain samjhaane ke liye। seedhi kitni achhi hai। phir bhi samajhte nahin। are bhaaratvaasi tumne hi 84 janma liye hain। yeh abhi antim janma hai। ham to shubh bolte hain। tum aise kyon kehte ho ki hamne 84 janma nahin liye hain। to tum svarga mein aayenge nahin। phir bhi narka mein aayenge। svarga mein aane chaahte hi nahin hain। bhaarat hi svarga banna hai। yeh to hisaab hai samajhne ka। mahaarthi achhi tarah samjha sakte hain। service karne ka hullaas rakhna chaahiye। ham jaakar kisko daan den। dhan hoga hi nahin to daan dene ka khyaal bhi nahin aayega। pahle poochhna chaahiye ki kya aash rakhkar aaye ho? darshan ki yahaan baat nahin। behad baap se behad ka sukh lena hai। do baap hain na। behad ke baap ko sab yaad karte hain। behad ke baap se behad ka varsa kaise milta hai so aakar samjho। yeh bhi samajhne vaale hi samjhenge। raajaai lene vaala hoga to phat samajh jaayega। yeh to baap kehte hain ghar baithe, kaam kaaj karte sirf baba ko yaad karo to yaad karne se hi paap mit jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi ek do ki dil kharaab nahin karni hai। service karne ka hullaas rakhna hai। gyaan dhan hai to daan zaroor karna hai।

2) naye ghar mein chalne ke liye svayan ko laayak banaana hai। aatma ko yaad ke bal se paavan banaana hai।

vardaan:- sva-sthiti dvaara sarva paristhitiyon ko paar karne vaale niraakaari, alankaari bhav

jo alankaari hain ve kabhi deh-ahankaari nahin ban sakte। niraakaari aur alankaari rehna - yahi hai manmanaabhav, madhyaajeebhav। jab aisi sva-sthiti mein sada sthit rehte to sarva paristhitiyon ko sahaj hi paar kar lete, isse anek puraane svabhaav samaapta ho jaate hain। sva mein aatma ka bhaav dekhne se bhaav-svabhaav ki baaten samaapta ho jaati hain aur saamna karne ki sarva shaktiyaan svayan mein aa jaati hain।

slogan:- sankalp ka ek kadam aapka to sahayog ke hazaar kadam baap ke।