Murli du jour du jeudi 13 janvier 2022

13-01-2022 praatahmurli om shanti "baapdaada"' madhuban

“meethe bachche - tumhein is kaanton ke jangal ko daivi phoolon ka bageecha banaana hai, nai duniya ka nirmaan karna hai''

prashn:- tum bachche baap ke saath kaun si seva karte ho jo koi bhi nahin karta?

uttar:- saare vishwa mein sooryavanshi, chandravanshi raajdhaani ki sthaapna karne ki seva tum bachche hi baap ke saath-saath karte ho jo koi bhi nahin kar sakta। tum abhi nai duniya ka foundation laga rahe ho to zaroor is puraani duniya ka vinaash hoga। daivi phoolon ka bageecha banaana, kaanton ke jangal ko khatma karna - yeh baap ka hi kaam hai।

geet:- om namo shivaae…

om shanti। jab koi saadhu santa ya vidvaan log bhaashan karte hain to pahle koi na koi ko namaste karte hain। koi shivaae namah kehte, koi krishna namah kehte, koi ganesh namah bhi kehte hain। parantu namaste to oonche te oonche ek baap ko hi karna chaahiye। bachche jaante hain oonche te ooncha ek bhagwan hai, uska naam shiv hai। gaate bhi hain shivaae namah। shiv ko hamesha baba kehte hain। shivbaaba pahle-pahle rachna rachte hain। rachayita ek hai, rachna bhi vaastav mein ek hai। rachta baap ko aur rachna duniya ko kaha jaata hai। baap jo duniya create karte hain so zaroor nai hi create karenge। parantu baap zaroor puraani duniya mein hi aayenge, isliye baap ko patit-paavan kaha jaata hai। saari duniya ke manushya maatra usmein bhi khaas bhaaratvaasi baap ko yaad karte hain ki patit-paavan aao। jab sab duhkhi aur patit ho jaate hain tab hi baap ko pukaarte hain। parantu duhkhi kab hue aur yaad kab se karte hain, yeh nahin jaante।

baap baith samjhaate hain - aage bhi samjhaaya tha ki he bachche tum apne duhkh-sukh ke janmon ko nahin jaante ho। main jo gyaan ka saagar, knowledgeful hoon woh baith tumko samjhaata hoon। shivbaaba kehte hain main manushya srishti ka beejroop bhi hoon, mujhe patit-paavan bhi kehte hain to zaroor patit duniya bhi hai, paavan duniya bhi hai। paavan duniya ko heaven athva garden kaha jaata hai phir jab duniya patit hoti hai to kaanto ka jangal kaha jaata hai। beshumaar manushya ho jaate hain। maaya ka raajya shuru ho jaata hai। kisko bhi samjhaana hai ki aaj se 5 hajaar varsha pahle bhaarat garden aaph god tha। manushya bahut sukhi the। nai duniya mein sirf bhaarat hi tha। koi bhi khanda ka naam nishaan bhi nahin tha। naye bhaarat mein phir nai dehli bhi thi, jisko paristaan bhi kaha jaata tha। bhaarat heere jaisa tha, usko hi sukhdhaam bhi kehte the। ab to bhaarat puraana hai, unko hi duhkhadhaam kehte hain। ab baba samjhaate hain aajkal dehli mein vishwa nav nirmaan pradarshani kar rahe hain, manushyon ko samjhaane ke liye ki yeh vishwa naya kaise hota hai। chitra saamne rakhkar aur koi samjha na sake, na koi aisi vishwa nav nirmaan pradarshani khol sake। yeh pahla baar hi hai jo brahmaakumaar kumaariyaan baith samjhaate hain। bhaarat naya tha tab hi sukhi the। lakshmi-naaraayan raajya karte the। vishnupuri nai duniya thi। nai duniya ka nirmaan yaani foundation lagaana - yeh parampita paramatma ka hi kaam hai। bhaaratvaasi jo khud hi apne ko patit bhrashtaachaari kehte hain ve naye vishwa ka nirmaan kar na saken। tum jaante ho - vo log kya-kya foundation lagaate hain। baap kehte hain main svarga nai duniya ka foundation lagaata hoon। puraani duniya ka vinaash hona hai। yeh hai kaanto ki duniya। manushya jaise kaante hain। ek do ko duhkh dete rehte hain। bhaarat garden aaph allaah tha। god ne sthaapan kiya tha। shivaae namah bhi kehte hain। shivbaaba ne kaise sthaapan kiya? barobar brahma dvaara garden aaph allaah va daivi phoolon ka bageecha sthaapan kar rahe hain। kaanto ke jangal ko badal daivi svaraajya sthaapan karenge। bachchon ko nimantran dete hain। yahaan bhi bachchon ne nimantran diya ki baba aakar dekho ki ham chitron par kaise samjhaate hain ki nai duniya ki sthaapna aur puraani duniya ka vinaash kaise ho raha hai। aap aakar dekho aur shreemat do। bula rahe hain। ab in chitron par kisko samjhaana to bahut sahaj hai। oopar mein parampita paramatma ka chitra hai। shivaae namah sabse oonch hai। woh phir nai duniya rachte hain। naye bhaarat mein in devi-devta, lakshmi-naaraayan ka hi raajya tha। to oonche te ooncha parampita paramatma, woh phir se sooryavanshi, chandravanshi raajdhaani ki sthaapna karte hain - brahma aur brahmaakumaar kumaariyon dvaara, woh satayug aadi mein the to sthaapna zaroor kaliyug ant mein hi ki hogi। so ab phir sangamayug par kar rahe hain। vaastav mein sabhi aatmaayen shiv ki santaan hain aur prajaapita brahma ke bhi bachche hain। har ek aatma mein part saara noondha hua hai। pahle paartadhaari yeh hain - jisko poore 84 janma lene hain। punarjanma lene ka rasam to shuru se chalta aaya hai। satopradhaan phir sato rajo tamo bane hain। satopradhaan jab the to sooryavanshi lakshmi-naaraayan ka raajya tha, 16 kala sampoorn the। phir 14 kala bane। in do yugon ko garden oph flower kaha jaata hai। woh tha sukhdhaam। yeh chitron par samjhaana bada sahaj hai। oopar mein shivbaaba, jis dvaara vishwa nav-nirmaan ho raha hai। brahma, vishnu, shankar... unko rachne vaala yeh shivbaaba hai। yeh bachchon ko samjhaana hai ki nai duniya ki sthaapna aur puraani duniya ka vinaash hota hai। ab itne sab dharma hain - sirf ek devi-devta dharma nahin hai। woh praayah lop hai। jo devi-devta dharma vaale the woh apne ko hindu kahla rahe hain kyonki satayug mein sab paavan the, ab sab patit hain। baba ka naam hi hai patit-paavan। ab patit banaane vaala kaun hai? yeh baap hi samjhaate hain। bachche phir aur bhaai bahnon ko samjhaate hain। patit banaane vaala hai raavan, jisko varsha-varsha jalaate hain, raavan ka koi roop nahin hai। woh hai gupta। 5 vikaar stri ke, 5 vikaar puroosh ke। bhaarat ka bade te bada dushman hai hi raavan, jisne bhaarat ko kaudi misal banaaya hai। ab is raavan par jeet pahno meri mat dvaara। is samay sab patit ban gaye hain। is kaaran parampita paramatma ki hi shreemat chaahiye। shreemat hai bhagwan ki। bhagvaanuvaach, he bachchon athva aatmaayen, tum saara samay deh-abhimaani rahe ho। ab dehi-abhimaani bano। tum aatma amar ho। tum hi shareer chhodti aur leti ho। baap kehte hain - he brahma tum apne ko nahin jaante ho। tumhaare liye hi gaate hain - aadhaakalpa brahma ka din, aadhaakalpa brahma ki raat। tum bachche in baaton ko samjhe hue ho tab to pradarshani kholi hai। ab in chitron dvaara samjhaao। ab yeh brahma aur brahmaakumaar kumaariyaan parampita paramatma dvaara apna varsa le rahe hain। gaaya jaata hai gyaan soorya pragta, agyaan andher vinaash... us soorya ki baat nahin। main gyaan soorya is samay gyaan varsha kar raha hoon, jisse tum patit se paavan ban rahe ho। barsaat ka paani koi ko paavan nahin banaayega। mujhe patit-paavan kehte hain - mere paas hi knowledge hai ki patit se paavan aur phir paavan se patit kaise bante hain। paavan nai duniya aur patit puraani duniya ko kaha jaata hai। patit banaata hai raavan। raavan ko shaitaan aur raam ko bhagwan kaha jaata hai। woh raam, seeta vaala nahin।

tum bachchon ko yeh sthaapna aur vinaash ka raaz bhi samjhaana hai। iske liye yeh vishwa nav nirmaan pradarshani hai। koi bhi shaastra mein yeh nahin hai ki parampita paramatma brahma dvaara sukhdhaam ki sthaapna karte hain। raavan phir duhkhadhaam banaate hain। baap aakar sukhdhaam banaate hain। aadhaakalpa sukh, aadhaakalpa duhkh। satayug treta din, dvaapar kaliyug raat। raat mein thokren khaate hain। bhagwan ko dhoondhane ke liye dhakka khaate hain। yeh bhi drama mein noondh hai। aadhaakalpa gyaan, aadhaakalpa bhakti। gyaan ka saagar athva gyaan soorya parampita paramatma ko hi kaha jaata hai। bhaarat mein hi shiv jayanti manaate hain। isse siddha hai ki bhaarat hi shiv ki janmabhoomi hai। mujhe aana bhi patit duniya mein pade, tab to aakar patiton ko paavan banaaoon। jo poojya-lakshmi naaraayan the, vahi pujaari bane hain। aapehi poojya, aapehi pujaari। vahi lakshmi-naaraayan ki aatma jinko 84 janma bhogne hain to bhinna-naam roop mein bhogne hain। to yeh brahma jo sthaapna karte hain, vahi phir paalna karte hain। abhi woh aatma patit bani hai to phir unke hi shareer mein aakar unka naam brahma rakhta hoon। pahle-pahle to yeh baat samjhaani hai ki parampita paramatma se tumhaara kya sambandh hai? zaroor kahenge baap hai। woh to sab aatmaon ka baap hua। shivbaaba ke tum sab bachche ho। is samay bhagat ho, bhagwan ko sab yaad karte hain। bhagat kehte hain he bhagwan hamko bhakti ka phal do, ham duhkhi hain, jeevanmukti do। saadhu log bhi saadhna karte hain ki humein mukti-jeevanmukti do। is samay sab pukaarte hain ki aakar patiton ko paavan banaao। baba direction dete hain ki aise-aise samjhaao। ham aatma shantidham mein rahne vaali hain। ab ek shareer chhod doosra le part zaroor bajaana hai। varnon se bhi paas hona hota hai। yeh drama avinaashi bana hua hai। chakra phirta hi rehta hai, isko bhi jaanna chaahiye ki kaise phirta hai। patit-paavan ek, rachta ek, duniya bhi ek। poochhte hain paavan se patit kaise banen? raavan ki aasuri mat par chalne se 5 vikaar aa jaate hain। 5 vikaaron ko hi raavan mat kaha jaata hai, isliye raavan ko jalaate hain। parantu raavan jalta hi nahin। ab baap kehte hain bachche tumko is raavan par jeet paani hai, jo jeetenge vahi raamraajya ke maalik banenge। yeh hai antim janma arthaat srishti ka ant hai। srishti ka aadi bhi baap karte hain। ant ka vinaash bhi baap karte hain। baap kehte hain main nai duniya ka foundation bhi lagaata hoon aur puraani duniya ka vinaash bhi karaata hoon। gaaya hua hai - brahma dvaara sthaapna, ab brahma akela to nahin hoga। brahmaakumaar aur kumaariyon dvaara bhaarat ko garden aaph daivi flower banaata hoon। yeh to hai kaanton ka jangal। inko ab aag lagni hai। tum ab jaage ho, manushya to soye hue hain। yahaan to duhkh ashaanti hai। bachchon ko hamesha apne shantidham, sweet home ko yaad karna hai। to sweet baadshaahi varse mein milegi। is raavan raajya ko bhoolte jaao। bhaarat jo paristaan tha so ab kabristaan bana hai phir paristaan banega। yeh chakra hai। vishwa nai taiyaar ho jaayegi to puraani ko zaroor aag lagegi। ab tumko nai duniya ke liye taiyaar hona hai। phir vahaan chalkar heere javaahron ke mahal banaayenge। ab to jhopdiyaan hain। kalpa-kalpa patit duniya so paavan banti hai। paavan so patit banti hai। patit dheere-dheere bante hain। makaan naya jaldi banta hai, puraana hone mein time lagta hai। gyaan se tum naye vishwa ke maalik ban jaayenge। ab tum 16 kala bante ho phir 14 kala phir dheere-dheere kala kamti hoti jaati hai। ab kaliyug mein hai no kala। bhaarat paavan tha, ab patit bana hai। yeh khel bhaarat par hi hai। raavan se haare haar... ab tum shreemat par jeet paate ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par bhaarat ko paavan banaane ki seva karni hai। raavan ki mat ko chhod ek baap ki shreemat par chalna hai।

2) is duhkhadhaam ko bhool apne sweet hom, shantidham ko yaad karna hai। svayan ko nai duniya mein chalne ke liye taiyaar karna hai।

vardaan:- apne shreshtha karma roopi darpan dvaara brahma baap ke karma dikhlaane vaale baap samaan bhav

ek-ek brahman aatma, shreshtha aatma har karma mein brahma baap ke karma ka darpan ho। brahma baap ke karma aapke karma ke darpan mein dikhaai den। jo bachche itna attention rakhkar har karma karte hain unka bolna, chalna, uthna, baithna sab brahma baap ke samaan hoga। har karma vardaan yogya hoga, mukh se sadaiv vardaan nikalte rahenge। phir saadhaaran karma mein bhi visheshta dikhaai degi। to yeh certificate lo tab kahenge baap samaan।

slogan:- avyakt sthiti ka anubhav karne ke liye baahyamukhta ko chhod antarmukhi ekaantavaasi bano।

lavleen sthiti ka anubhav karo

baap ka bachchon se itna pyaar hai jo sada kehte bachche jo ho, jaise ho - mere ho। aise aap bhi sada pyaar mein lavleen raho, dil se kaho baba jo ho woh sab aap hi ho। kabhi asatya ke raajya ke prabhaav mein nahin aao, apne satya swaroop mein sthit raho।