Murli du jour du vendredi 14 janvier 2022

14-01-2022 praatahmurli om shanti "baapdaada"' madhuban

“meethe bachche - yeh tan raavan ki property hai, ise raavan ko dekar ashareeri ban ghar jaana hai isliye isse mamatva nikaal do''

prashn:- saare srishti ko shanti aur sukh ka daan dene ki vidhi kya hai?

uttar:- savere-savere uth ashareeri hokar baap ki yaad mein baithna, yeh hai vishwa ko shanti ka daan dene ki vidhi aur svadarshan chakra phiraana - yeh hai sukh ka daan dene ki vidhi। gyaan aur yog se hi tum ever healthy, wealthy ban jaate ho। srishti nai ho jaati hai।

geet:- mujhe apni sharan mein le lo raam …

om shanti। yeh bhagat, bhakti maarga mein geet gaate hain ki he raam apni sharan mein le lo। angreji mein kehte hain ki asylum mein le lo। hindi akshar sharnaagti hai। bhagat gaate hain kyonki raavan raajya hai। raavan ko jalaate bhi hain isse bhi siddha hai raavan raajya hai। iska bhi arth koi samajhte nahin। raavan ka vinaash karne ke liye dashahra karte hain। yeh bhi ek nishaani hai। abhi yeh sangam hai to is samay hi raam ki sharan mein gaye honge aur raavan ka vinaash kiya hoga। past mein jo jo hokar jaate hain unka hi naatak banaate hain। tum bachche jaante ho ham abhi raavan ki jel se nikal raam ki asylum mein aaye hain। raamraajya mein raavan raajya nahin ho sakta aur raavan raajya mein raam ka raajya nahin ho sakta hai। gaaya bhi jaata hai - aadhaakalpa raamraajya, aadhaakalpa raavan raajya। raamraajya satayug aur treta ko kahenge। sangamayug par jinhonne raam ki sharan li hai vahi raamraajya mein gaye honge। tum jaante ho ham abhi raam ki sharan mein hain। yeh saari duniya ek taapu hai, chaaron taraph paani hai। beech mein hai taapu। bade-bade taapu mein phir chhote-chhote taapu bhi hain। ab tum bachchon ki buddhi mein hai to raavanraajya saari duniya par hai। kab se shuru hota hai? samjhaaya jaata hai aadha-aadha hai। raamraajya mein sukh, brahma ka din, raavan raajya mein duhkh arthaat brahma ki raat। aadhaakalpa sojhra to aadhaakalpa andhiyaara। satayug treta mein bhakti ka naam nishaan bhi nahin। phir aadhaakalpa bhakti maarga chalta hai dvaapar aur kaliyug mein। bhakti do prakaar ki hai। dvaapar mein pahle-pahle avyabhichaari bhakti hoti hai। kaliyug mein vyabhichaari bhakti ban jaati hai। abhi to dekho kachchha-machchha aadi sabki bhakti karte hain। manushyon ki buddhi ko satopradhaan, sato, rajo, tamo hona hi hai। in stages se paas hona hai।

baap samjhaate hain tumne abhi raam athva shivbaaba ki god li hai। eeshvar ko baba kehte hain। jab woh father hai phir father ko sarvavyaapi kehna - yeh kahaan suna? kahenge phalaane shaastra mein vyaas bhagwan ne likha hai। baap samjhaate hain sarvavyaapi ke gyaan se tumko kuchh bhi phaayda nahin hua hai। sadgati dene vaala zaroor koi chaahiye। woh zaroor doosra hoga। sadgati dete hi hain god father। yeh tumhaara eeshvareey janma hai। tum abhi sangam par ho। yeh sangam ka time din mein va raat mein nahin gina jaata hai। yeh chhota sa sangam hai jabki duniya badalni hai। iron ej se badal golden ej hoti hai। raavan raajya se badal raam raajya hota hai, jis raamraajya ke liye tum purooshaartha kar rahe ho। to aise-aise geet bhi kaam aate hain। yeh hua jaise shlok, inka arth kiya jaata hai। raam ki sharan mein jaane se phir tum sukh arthaat raamraajya mein aayenge। ek kahaani bhi hai tum pahle sukh chaahte ho ya duhkh? bola sukh kyonki sukh mein phir yamdoot lene nahin aayenge। parantu arth nahin samajhte। baap baith achhi reeti samjhaate hain। tumhaari buddhi mein hai hamaara devi-devta kul bahut ooncha tha। pahle brahman kul hota hai phir devta bante hain, phir kshatriy, vaishya, shoodra bante hain। tum jaante ho hamne hi in varnon se paas kiya hai। abhi aakar brahman bane hain। yeh viraat roop bilkul hi theek hai। varna siddha ho jaate hain। 84 janma ek hi satayug mein nahin liye ja sakte। yeh varna phirte rehte hain। drama ka chakra poora hua goya 84 janma poore hue। chakra to lagaana hi hai isliye dikhaaya jaata hai - daivi varna mein itna samay, kshatriy mein itna samay। aage yeh pata thode hi tha। kabhi shaastron mein bhi nahin suna tha ki aise varnon mein aana hai। tum jaante ho 84 janma kaun lete hain। aatma aur paramatma alag rahe bahukaal... yeh baat siddha kar bataani hai। pahle-pahle devi-devta hi bhaarat mein the। bhaarat golden ej tha। us samay aur koi dharma nahin tha phir chakra ko phirna hi hai। manushya ko punarjanma lena hi hai। chakra par samjhaana bada sahaj hai। baba direction dete hain, pradarshani mein aise-aise samjhaana। is samay jabki hamko nai duniya mein jaana hai to baap kehte hain yeh puraani duniya hai। is puraani duniya, puraane shareer ke jo bhi sambandhi aadi hain, unka buddhi se tyaag karo। buddhi se naye ghar ka aahvaan kiya jaata hai। yeh hai behad ka sannyaas। deh sahit jo bhi puraani duniya ke sambandh aadi hain, un sabko bhoolna hai। baap kehte hain apne ko dehi samjho। tum asul mein muktidhaam ke rahne vaale ho। sabhi dharma vaalon ko baap kehte hain ab vaapis chalna hai। mukti ko to sab yaad karte hain na। abhi chalo apne ghar। jahaan se tum nange (ashareeri) aaye the ab phir ashareeri hokar hi jaana hai। shareer ko to le nahin ja sakenge। aaye ashareeri ho to jaana bhi ashareeri hai। sirf kab aana, kab jaana hai, yeh chakra samajhna hai। barobar satayug mein pahle-pahle devi-devta dharma ke hi aate hain phir nambarvaar aate jaate hain। jab mool vatan se sab aa jaate hain to phir vaapis jaana shuru hota hai। vahaan to aatma hi jaayegi, yeh tan to raavan ki property hai to yeh raavan ko hi dekar jaana hai। yeh sab kuchh yahaan hi vinaash hota hai। tum ashareeri hokar chalo। baap kehte hain main lene aaya hoon। baba kitna sahaj kar samjhaate hain, phir dhaarna bhi honi chaahiye। phir jaakar auron ko samjhaana chaahiye। tum guarantee karte ho - baba ham sunkar phir sunaayenge। jinko yeh practice hogi woh suna sakenge। tum jaante ho hamko is duniya ko pavitra banaana hai। yog mein rahkar shanti aur sukh ka daan dena hai isliye baba kehte hain raatri ko uthkar yog mein baitho to srishti ko daan do। savere-savere ashareeri hokar baithte ho to tum bhaarat ko, balki saari srishti ko yog se shanti ka daan dete ho। aur phir chakra ka gyaan simran karne se tum sukh ka daan dete ho। sukh hota hai dhan se। to savere uthkar yaad mein baitho। baba bas ab aapke paas aaye ki aaye। ab hamaare 84 janma poore hue hain। to savere uthkar baap ko yaad kar, shanti aur sukh ka daan dena pade। yog aur gyaan se health aur wealth milegi। jab ham ever healthy hote hain to srishti hi nai hoti hai। satayug treta mein healthy-wealthy hain। kaliyug mein unhealthy-anveldi hain। ab ham healthy aur wealthy bante hain। phir aadhaakalpa hamaara hi raajya chalta hai। buddhi mein jab yeh gyaan ho tab khushi rah sake। bhal yeh bhi likh do ki 2500 varsha ke liye ever healthy, wealthy banna ho to aao is eeshvareey nature cure centre mein। parantu yeh likhenge bhi woh jismen gyaan hoga। aise thode hi centre ham kholte hain, service aap aakar karo। jo kholte hain unko khud service karni chaahiye। jhagda saara pavitrata par hi chalta hai। vish na milne se atyaachaar hote hain। ab hai sangam। to buddhi mein sukhdhaam aur shantidham ko hi yaad karna chaahiye। duhkhadhaam hai tab to sukhdhaam ko yaad karte hain। tab hi gaate hain duhkh mein simran sab karen... yeh patit duniya hai। law kehta hai kaliyug ke ant mein sabko patit hona hi hai। jab tak sangam aaye aur raamraajya ki sthaapna ho jaae phir raav-naraajya ka vinaash ho। ab vinaash ki taiyaari ho rahi hai। raavan raajya khalaas hona hi hai। baaki yeh gudiyon ka khel karte hain। kitne gudde-gudiyaan banaate hain isliye inko andhashraddha kaha jaata hai। jitne bhaarat mein chitra bante hain, utne aur kahaan nahin bante hain। bhaarat mein dher chitra hain। gaaya bhi jaata hai brahma ka din, brahma ki raat। din ko phir lamba kyon kar diya hai। yeh bhi samajhne ki baat hai। pahle avyabhichaari bhakti phir vyabhichaari। pahle 16 kala phir 14, ant mein kuchh to kala rah jaati hai parantu is samay no kala। is samay hai tamopradhaan duniya। tamo kaliyug se shuru hota hai phir ant mein kahenge tamopradhaan। ab duniya jadajdeebhoot ho gai hai। puraani cheez ko aapehi aag lag jaati hai। jaise but ka jangal hota hai to unko aapehi aag lag jaati hai, inko bhi aag lagni hai। thoda bhi kuchh aapas mein hua to aag sulag jaayegi। ghar mein koi chhoti baat par jhagda ho jaata hai, aapas mein dosta hote, thodi si baat par aisi dushmani ho jaati jo ek do ka gala kaatne bhi lag padte hain। krodh bhi kam nahin hai। ek do ko maarne ke liye dekho kitni taiyaari kar rahe hain। yeh hai drama। Christian log hain donon bade, aapas mein mil jaaen to sab kuchh kar sakte hain। pope bhi Christian ka head hai, unka maan bahut rakhte hain। parantu maante unki bhi nahin hai। yahaan bhi jo bachche baap ki maante nahin to woh vinaashi pad paate hain। shreemat par chalna chaahiye। shreemat bhagvat geeta hai na aur koi shaastra mein shreemat hai nahin। shri maana shreshtha te shreshtha, jo kab punarjanma mein nahin aate। manushya to punarjanma mein aate hain। vidvaanon ne to janma-maran se rahit ki gaai hui geeta mein poore 84 janma lene vaale ka naam daal diya hai। vaastav mein parampita paramatma hi gyaan ka saagar, pavitrata ka saagar, patit-paavan gaaya hua hai। vahi vardaan dete hain bachchon ko। unke badle krishna ka naam daal diya hai। pahle-pahle shiv jayanti phir hoti hai krishna jayanti। shivbaaba aate hain nai duniya sthaapan karne, to pahle baap ka janma phir bachche ka janma। baap ke janma se hi krishna bachcha nikla। woh bhi ek to nahin hoga। daivi sampradaay kaha jaata hai na। to kitna bhool kar di hai। koi ek bhi is baat ko samajh jaaye to unke sab jigyaasu toot pade। sabka munh peela ho jaae। kitni badi bhool hai tab hi baap ko aana padta hai। kisko samjhaani dene mein bhi time chaahiye। pahle to yeh nishchay karaao ki parampita paramatma se aapka kya sambandh hai? tab samjhen bhagwan baap hai। bhagwan ko bhagwan ke pad par to rakho। sab ek jaise kaise honge। kehte hain sab bhagwan ki leela hai। ek roop chhod doosra lete hain। lekin paramatma koi punarjanma thode hi lete hain। yeh baapdaada donon hi combined hain aur bachchon ko samjha rahe hain। baapdaada ka bhi arth kiski buddhi mein nahin hai। tvamev maataashcha pita... kehte hain। O god father bhi kehte hain to zaroor mother chaahiye। parantu kiski buddhi mein nahin aata hai।

bachchon ko samjhaaya to sharan kab li jaati hai? jab raavan raajya khatma hota hai tab raam aate hain। raam ki sharan lene se hi sadgati milti hai। kehte hain raamraajya ho। unko sooryavanshi raajya ka pata hi nahin। kehte hain raamraajya nai duniya naya bhaarat ho, so to ab ban raha hai। banna hai zaroor। drama ko chalna hai zaroor। yeh padhaai hai manushya se devta banne ki। manushya kisko devta bana na saken। baba aakar manushya ko devta banaate hain kyoki baba hi svarga ki sthaapna karte hain। braahmanon ki maala nahin gaai jaati hai। vaijayanti maala vishnu ki hai। yeh hai eeshvareey gharaana, jo ab naya shuru hota hai। aage tha raavan ka aasuri gharaana। raavan ko asur kaha jaata hai। yeh kans jaraasandhi naam abhi siddha hote hain। janma-janmaantar tumko saakaar se varsa milta hai। satayug mein bhi saakaar se milta hai। sirf is samay tumko niraakaar baap se varsa milta hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh sahit puraani duniya ke sambandhi aadi sab bhool svayan ko dehi samajhna hai। buddhi se naye ghar ka aahvaan karna hai।

2) savere-savere uth saari duniya ko shanti aur sukh ka daan dena hai।

vardaan:- aakaari aur niraakaari sthiti ke abhyaas dvaara halchal mein bhi achal rahne vaale baap samaan bhav

jaise saakaar mein rehna natural ho gaya hai, aise hi main aakaari pharishta hoon aur niraakaari shreshtha aatma hoon - yeh donon smritiyaan natural ho kyonki shiv baap hai niraakaari aur brahma baap hai aakaari। agar donon se pyaar hai to samaan bano। saakaar mein rehte abhyaas karo - abhi-abhi aakaari aur abhi-abhi niraakaari। to yeh abhyaas hi halchal mein achal bana dega।

slogan:- divya gunon ki praapti hona hi sabse shreshtha prabhu prasaad hai।

lavleen sthiti ka anubhav karo

jo pyaara hota hai, use yaad kiya nahin jaata, uski yaad svatah aati hai। sirf pyaar dil ka ho, sachcha aur nihsvaartha ho। jab kehte ho mera baba, pyaara baba - to pyaare ko kabhi bhool nahin sakte। aur nihsvaartha pyaar sivaae baap ke kisi aatma se mil nahin sakta isliye kabhi matlab se yaad nahin karo, nihsvaartha pyaar mein lavleen raho।