Murli du jour du jeudi 24 février 2022

24-02-2022 praatahmurli om shanti "baapdaada"' madhuban

“meethe bachche - padhaai mein gaphlat mat karo, avinaashi gyaan ratnon se apni jholi bharte raho, vinaashi dhan ke peechhe is kamaai ko chhodna nahin''

prashn:- jo bachche baap ke samaan merciful hain, unki nishaaniyaan kya hongi?

uttar:- unhein gyaan ka nasha chadha hua hoga, ve gyaan ratnon ko svayan mein dhaaran kar doosron ko gyaan ka injection lagaate rahenge, sabko aasuri mat se chhudaate rahenge। 2- jo baba sunaate hain, use note karenge aur savere-savere uth us par gaur karenge, vichaar saagar manthan kar sada harshit rahenge।

geet:- hamaare teertha nyaare hain…

om shanti। shiv ki jayanti kab hoti hai va parampita paramatma shiv kab avatrit hote hain, yeh bhaaratvaasi nahin jaante। tum bachche bhi nambarvaar purooshaartha anusaar jaante ho ki shiv kab avtaar lete hain! gaate hain raatri ko avtaar liya। parantu kaun si raatri? kya yeh jo common raat din hote hain, woh raatri ya aur koi raatri hai? isko bhaaratvaasi nahin jaante। shiv ke badle unhonne phir krishna ka janma raatri 12 baje ka rakh diya hai। shiv ko maante hain parantu woh kab janma lete hain, yeh jaante nahin। shiv ke avatran ka din sabke liye sabse bade te bada din hai kyonki woh sarva ke sadgati daata hain। jab sabke oopar bheed padti hai (duhkh hota hai) tab chillaate hain - O patit-paavan aao। O god father raham karo। pope bhi kehte hain he god father in manushyon ke oopar raham karo। yeh ek do ko maarne ke liye taiyaar ho gaye hain। koi ki sunte bhi nahin hain। unhon ko eeshvar mat de। koi ghar mein bigadte hain to kehte hain eeshvar inko achhi mat do kyonki aasuri mat par chal rahe hain। ab bhagwan hai kaun, yeh bhi nahin jaante। kah dete bhagwan niraakaar hai, sarvavyaapi hai। phir to koi baat nahin thaharti। tum bachche jaante ho baba kaise saadhaaran brahma ke tan mein avtaar lete hain। brahma kahaan paida hua, yeh bhaaratvaasi nahin jaante। daada ka chitra dekh moonjhate hain। samajhte hain brahma ne vishnu ki naabhi se janma liya hai। ab naabhi se janma to kiska ho nahin sakta, vishnu kahaan ka rahne vaala hai, kiski biography ko jaante hi nahin। kya brahma dvaara vishnu ne sab vedon ka saar sunaaya? brahma ko haath mein ved de diye hain। yeh bhi nahin ho sakta। baap samjhaate hain ek to bachchon ko dehi-abhimaani hokar yahaan baithna hai। ham aatma parampita paramatma se in kaanon dvaara sun rahe hain। parantu bachche ghadi-ghadi bhool jaate hain। ham aatmaon ke saath parampita paramatma vaartaalaap kar rahe hain। jo sabka sadgati daata, gyaan ka saagar hai vo baith bachchon ko padhaate hain। yeh sivaae tumhaare kiski buddhi mein baithta nahin hai, isliye itna regard nahin rakhte hain। agar nishchay hai ki bhagwan padhaate hain to yeh padhaai ek second bhi nahin chhod sakte। yeh padhaai aadha pauna ghanta chalti hai। baap kehte hain sirf mujhe yaad karo। yeh ek baat kabhi nahin bhoolo। baaki to hai vistaar। baba samjhaate hain yeh jo ved shaastra padhna, daan punya karna... yeh jo bhi karte aaye ho, yeh bhi drama bana hua hai। aadha samay gyaan aur aadha samay bhakti। brahma ka din, brahma ki raat। yeh common din-raat to jaanvar bhi jaante hain। parantu yeh brahma ka din raat to bade-bade vidvaan bhi nahin jaante।

tum bachchon ko grihastha vyavhaar mein rehte, dhandha aadi karte padhna bhi zaroor hai, ismen gaphlat nahin karni chaahiye। baba jaante hain phalaane-phalaane gaphlat karte hain। regular padhte nahin hain to naapaas ho jaayenge va kam pad paayenge kyonki vinaashi dhan ke lobhi hain। avinaashi gyaan ratnon ka kadar nahin hai। yeh to tum bachche hi jaante ho। saath mein yeh avinaashi ratna hi chalenge। jinhonne bahut paise ikatthe kiye hain unhon ke pichhaadi government padi hui hai। jaise manushya ka maut aata hai to peele ho jaate hain। vaise government ke officers lene ke liye aate hain to peele ho jaate hain। dekho, duniya ki haalat kya hai, ham samjhaate hain bachche samay bahut thoda hai। is mrityulok ko narka kaha jaata hai। kehte bhi hain - ham patit hain phir bhi apni mat par chalte rehte hain। conference karte hain ki shanti kaise ho? dharma vaale aapas mein na lade। ek Christian dharma vaale hi apne dharma vaalon se lad rahe hain। ab unhon ko manushya kaise shant kar sakte hain। bilkul hi nidhanke hain। rishi muni bhi kehte the ham rachayita aur rachna ke aadi madhya ant ko nahin jaante। baap kehte hain tum apne dhani ko nahin jaante ho। maalik ko maante ho to jaanna chaahiye na। bhagwan, eeshvar, god yeh sab bhinna-bhinna naam rakhte hain। vaastav mein hai to father na। hamaara rachayita hai ham unke bachche thahre। baap-maa aur bachche। ham to jaise eeshvareey family thahre। maat-pita se to zaroor varsa milna chaahiye। ham parampita paramatma ki family hain। baap ko sarvavyaapi kah den to family ho na sake। maalik rachta ki ham family hain। aaj se 5 hajaar varsha pahle bhi baap ne barobar varsa diya tha। na sirf hamko parantu sabko dete hain। hamko jeevanmukti ka dete hain, baaki sabko mukti ka dete hain। kitna sahaj hai। yeh bhi khushi ka paara chadhna chaahiye। parantu aho mam maaya, yahaan se baahar jaate hain to maaya bhula deti hai। baap ko hi bhool jaate hain। abhi tum baap ke bane ho, tum hi jaante ho shivbaaba ne bhi brahma dvaara hamko adopt kiya hai। aise nahin ki brahma vishnu ki naabhi se nikla। yeh chitra rakhna chaahiye।। (gaandhi ki naabhi se nehru) parantu vishnu ki naabhi se itna bada brahma kaise niklega। phir brahma baith knowledge sunaate hain-vedon ki, so bhi kahaan? kya sookshm vatan mein? kuchh bhi buddhi mein nahin baithta। jinko baap se varsa lena hai woh to yeh sab baaten samajhte hain, baaki sab kah dete hain kalpana hai। ab bachche to maante hain barobar baba satya sunaate hain aur tum braahmanon ko phir jaakar sabko sachchi geeta sunaani hai। sab ek jaisa nahin samjha sakte। woh nambarvaar raajdhaani ban rahi hai। sab ek jaisa padh na saken। dhaarna kar phir us par vichaar saagar manthan karna hai। suna, note kiya phir baith khyaal karna chaahiye। aaj baba ne kya sunaaya। savere uthkar gaur karna chaahiye। tumko sab par taras padna chaahiye। baba ka pharmaan hai apni rachna stri, bachchon ko bhi samjhaao। purush rachna rachte hain apne sukh ke liye। yeh behad ka baap khud sukh nahin bhogte। kehte hain bachchon ke liye saari mehnat karta hoon। to jab dhaarna ho tab nasha chadhe phir kisko injection laga saken। baba misal merciful banna hai। aasuri mat se sabko chhudaana hai। kitni bhaari dushmani hai raam aur raavan ki। yeh hai raavanraajya, woh hai raam raajya। manushya to kuchh nahin jaante ki paavan kaun banaate, patit kaun banaate। baap kitna achhi reeti samjhaate hain। samjhaane ke liye hi yeh chitra banaaye hain। world ki history-geography baap hi samjhaate hain। in chitron mein bahut achha likha hua hai। ab tum bachche jaante ho niraakaar god father saare world ki religio political history-geography baith sunaate hain। sunte bahut hain, parantu samajhte kuchh bhi nahin hain। vaastav mein yeh chitra andhon ke aage aaina hain। jhaad aur drama woh to bahut clear hai। yeh baap ne samjhaakar banvaaye hain। is samay sab agyaan neend mein soye hue hain। tum bachche roohaani yaatra par le jaate ho। roohaani raahi banaane ke liye kitna gyaan dena pade। buddhi svachchha chaahiye। is puraani duniya se ekdam upraam। yeh bhi wonder hai, jahaan apna jad yaadgaar hai, vahaan hi aakar baithe hain। woh jad hai, yeh chaitanya hai। bada gupta raaz hai। jaise ham gupta vaise mandir yaadgaar bhi gupta। mandir banaane vaale kuchh nahin jaante। baap tumhein sab baaten samjhaate hain। pradarshani mein akshar bahut achhe hone chaahiye। tumhein samjhaana bhi bahut achhi reeti chaahiye। aadmi-aadmi ko pahchaanna bhi chaahiye। bade-bade aadmi aate hain, koi achhi reeti samajhte hain, koi to kah dete hain achha lagta hai parantu phursat kahaan। koi kehte hain kal se aakar samjhenge। baba kah dete hain tum kabhi nahin aayenge। bada mushkil hai। tum jaante ho ham devta ban rahe hain, ham apni raajdhaani sthaapan kar rahe hain। ham raajya karenge। parantu yeh dil darpan mein dekhna chaahiye। ham raaja raani banenge ya daas daasi va praja। madhuban mein aakar aisa nasha chadhaakar jaao jo phir sadaiv kaayam rahe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya se upraam rehna hai। svachchha buddhi ban gyaan dhaaran karke phir doosron ko dhaaran karaana hai। vichaar saagar manthan karna hai।

2) baap samaan merciful ban sabko aasuri mat se chhudaana hai।

vardaan:- parivartan shakti dvaara beeti ko bindi lagaane vaale nirmal aur nirmaan bhav

parivartan shakti dvaara pahle apne swaroop ka parivartan karo, main shareer nahin, aatma hoon। phir svabhaav ka parivartan karo, puraana svabhaav hi purooshaarthi jeevan mein dhokha deta hai, to puraane svabhaav arthaat nature ka parivartan karo। phir hai sankalpon ka parivartan। vyartha sankalpon ko samartha mein parivartan kar do। is prakaar parivartan shakti dvaara har beeti ko bindi laga do to nirmal aur nirmaan svatah ban jaayenge।

slogan:- mastak par smriti ka tilak sada chamakta rahe - yahi sachche suhaag ki nishaani hai।

(daadiyon ki puraani diary se kuchh chune hue anmol ratna)

manushya ki value shuddh buddhi aur ashuddha buddhi par hoti hai, jaise sarvottam devi devta gharaane ki buddhi sarvottam valuable hai। aise madhyam gharaane ki madhyam value hai। isi hi prakaar se kanishta gharaane ke buddhi ki value bhi kanishta hi hai। yeh teen sampradaay hain। in teenon ka madaar saara buddhi par hai। pahle sarvottam buddhi vaale brahman devi devtaaon ne sampoorn gyaan se sarvottam kamaai kar world sovereignty ki ki (chaabi) athva vaikuntha ki baadshaahi praapta ki hai, aadhaakalpa prakriti unki daasi hui hai, isliye practical mein sukh bhogte hain aur aadhaakalpa unhon ki moortiyaan mandiron mein pooji jaati haindya to saara madaar is buddhi par hai isliye bahut teekhi buddhi chaahiye। pita eeshvar ke mahaavaakya hai ki tej raphtaar se buddhiyog lagaane vaala saakshaat mera swaroop hai।

baba apne daivi bachchon ko wonderful saugaat dahej mein dete hain। abhi tumhein kaunsi saugaat milti hai? kya avinaashi gyaan dhan ki? understood hai, parantu uske baad kya milta hai? saara shrringaar hua wonderful vaikuntha, aisi wonderful saugaat tumhein dahej mein milti hai kyonki is pita ka apne bachchon par ati prem hai। woh kehte hain vahaan to harek ko apna-apna maa baap jo hoga vo dega, parantu main to apne bachchon ko abhi hi de doon na। samajhta hai ki mere bachchon ko sabkuchh mile to unki dil kaise poori ho। to is form (swaroop) mein sabhi ko vaikuntha saugaat de deta hoon। aise nahin jo gyaani tu aatma sarvottma hai unko deta hoon, sarvottam ka to vahaan bhi connection rehta hai, parantu madhyam sarvottam donon ko hi milta hai kyonki is samay daivi bachcha hone kaaran ek samaan ati prem rehta hai। jis kaaran aisa vaikuntha saugaat mein de deta hoon, jismen janma-janmaantar sabhi bachche sukh bhogte hain। us royal gharaane ki mahima aur poojan hai, yeh gharaana royal hai to unki A one mahima hai। dekho, lord krishna ki kitni dhoomdhaam se mahima karte hain। european bhi kehte hain lord krishna। krishna ke pujaari phir shreekrishna ka naam lekar kehte hain ham krishna pujaari hain। pooja karne vaale pujaari ko brahman ka title dete hain, jisse prakriti unhon ki bhi daasi ho jaati hai। lekin practical mein unhon ki life braahmanon ki hai nahin, sirf apne par yeh title rakhvaaya hai। apna naamaachaar kiya hai। satayug ke samay jo bhi lodge (kaayde) hain, woh sab yahaan se hi shuru hote hain। un kaaydon ki sthaapna pahle yahaan hoti hai, jo law yahaan merge roop mein rehta hai, vahaan emerge ho practical swaroop leta hai। jo yahaan se gyaan uthaaya jaata hai vo ant mate so gati ho jaayegi। yahaan ki jo mat hai, unse vahaan practical kadam uthaaya jaata hai। soch kiya jaata hai na! kehte hain soch samajhkar kadam uthaao। kadam pahle nahin uthaaya jaata, yahaan pahle socha jaata hai phir vahaan kadam uthaaya jaata hai। yahaan soch emerge hai to kadam merge hai। vahaan kadam emerge hai to soch merge hai। agar manushya ki buddhi saalim hai to sabkuchh hai, buddhi bahut vishaal chaahiye। is divine father ka itna gaayan kyon hua hai? kyonki vishaal buddhi vaale hain। buddhi se hi manushya raaja aur buddhi se hi rank banta hai। buddhi sabhi karmendriyon mein shiromni gaai jaati hai। vishaal buddhi vaali divine aatma ka mastak chamakta hai kyonki buddhi mein saara gyaan bhara hai, vo phir jab anya ko apni buddhi roopi tijori se gyaan ke ratna nikaal deta hai to unki chamak dikhaai deti hai। jiske liye divine father ki mahima nikalti hai parantu nambarvaar। unhon mein bhi shiromni divine father prajaapita brahma ki mahima gaai hui hai। om shanti।